Tag: ایس بی سی اے

کراچی : سندھ بلڈنگ کنٹرول اتھارٹی (ایس بی سی اے ) نے شہر میں غیر قانونی زیر تعمیر عمارتوں کو فوری گرانے کا فیصلہ کرلیا۔

تفصیلات کے مطابق کراچی کے علاقے لیاری میں عمارت گرنے کے معاملے پر افسران و اہلکاروں کی گرفتاریوں کے بعد سندھ بلڈنگ کنٹرول اتھارٹی (ایس بی سی اے ) نے بڑا فیصلہ کرلیا۔

ایس بی سی اے نے غیر قانونی عمارتوں کے خلاف بڑا ایکشن لینے کا فیصلہ کرتے ہوئے کہا شہر بھر میں غیر قانونی زیر تعمیر عمارتوں کو فوری گرانے کا فیصلہ کیا ہے۔

عمارتیں مالکان کے خرچے پر گرائی جائیں گی اور عدم ادائیگی پر ٹیکس کی مدمیں وصولی ہوگی۔

انہدامی کارروائی گنجان آباد علاقوں سے شروع ہوگی، جس میں ضلعی انتظامیہ سے معاونت لی جائے گی اور بلڈنگ گرانے کے دوران تمام حفاظتی اقدامات یقینی بنائیں جائیں گے۔

ایس بی سی اے روزانہ کی بنیاد پر حکومت کو اس حوالے سے رپورٹ جمع کروائے گی ، جس کے لئے تمام ایڈیشنل ڈائریکٹرز، ڈسٹرکٹ ، ریجنل اور ڈائریکٹر ڈیمولیشن کو ہدایات جاری کردی گئیں ہیں۔

مزید پڑھیں : ایس بی سی اے بلڈنگ پر پولیس کا چھاپہ، متعدد اعلیٰ افسران زیرِ حراست

گذشتہ روز سندھ بلڈنگ کنٹرول اتھارٹی (ایس بی سی اے) بلڈنگ پر پولیس نے چھاپہ مارا تھااور اس دوران متعدد اعلیٰ افسران حراست میں لیے گئے تھے۔

ذرائع ایس بی سی اے نے بتایا تھا کہ میٹنگ کے دوران ڈی جی ایس بی سی اےکی موجودگی میں افسران کو حراست میں لیا گیا۔

ایڈیشنل ڈی جی عرفان نقوی، ڈائریکٹراشفاق کھوکھو، ڈائریکٹراسٹرکچرفہیم مرتضیٰ ، ڈپٹی ڈائریکٹر عاصم خان، فہیم صدیقی، انسپکٹرذوالفقارشاہ ، ڈائریکٹر انڈسٹریز جلیس صدیقی، اسسٹنٹ ڈائریکٹر ظفر حراست میں لینے والوں میں شامل ہیں۔

کراچی : ایس بی سی اے ڈائریکٹر ایڈمنسٹریشن اینڈ فنانس نے غیرقانونی تعمیرات کو روکنے کے لئے ڈپٹی، اسسٹنٹ ڈائریکٹر، سینئر بلڈنگ انسپکٹر اور بلڈنگ انسپکٹر کو ہدایات جاری کردیں۔

تفصیلات کے مطابق ایس بی سی اے ڈائریکٹر ایڈمنسٹریشن اینڈ فنانس نے غیرقانونی تعمیرات کو روکنے کے لیئے روڈ میپ دے دیا، حکم نامے میں کہا گیا کہ ڈپٹی، اسسٹنٹ ڈائریکٹر، سینئر بلڈنگ انسپکٹر اور بلڈنگ انسپکٹر اپنے اپنے علاقوں کا ہنگامی دورہ کریں اور غیرقانونی تعمیرات کی نشاندہی کریں۔

حکم نامے میں کہنا تھا کہ جہاں غیرقانونی تعمیرات جاری ہوں، فوری رکوا کر کارروائی کی جائے، علاقےمیں غیرقانونی تعمیرات پر اس ایریا کے افسران کیخلاف کارروائی کی جائے گی۔

ایس بی سی اے ڈائریکٹر ایڈمنسٹریشن اینڈ فنانس نے کہا کہ ادارے میں اندرونی طور پر افسران کے تبادلے اور تقرری پر بھی پابندی عائد کر دی گئی ہے، کہیں تبادلہ یا تقرری لازمی ہوئی تو ڈی جی ایس بی سی اے سے اجازت لینا ہوگی۔

اس حوالے سے تمام ڈسٹرکٹ ڈائریکٹرز، سیکشن ڈائریکٹرز اور ریجنل ڈائریکٹرز کو ہدایت جاری کردی گئی ہیں۔