Tag: ایس پی انوسٹی گیشن

اسلام آباد: پاکستان تحریکِ انصاف نے پارٹی ڈسپلن کی خلاف ورزی پرگلزارخان، ناصرخان خٹک اور مصرت زیب کوشوکازنوٹسزجاری کردیئے ہیں۔

پاکستان تحریکِ انصاف نے تینوں ارکان کی قومی اسمبلی کی رکنیت معطل کرنے کیلئے اسپیکرقومی اسمبلی کو خط لکھ دیا ہے، خط کے مطابق چاراگست کو شاہ محمود قریشی کی صدارت میں ہونے والے اجلاس میں استعفی دینے کا فیصلہ کیا گیا تھا۔

تمام ارکان نے استعفی جمع کرائے لیکن ناصر خان خٹک نے استعفی جمع نہیں کرایا، پارٹی آئین کے تحت ان کی رکنیت معطل کر تے ہوئے شوکاز نوٹس جاری کردیا گیا۔ پاکستان تحریکِ انصاف کے مطابق خطوط کی کاپیاں چیف الیکشن کمشنرکوبھی ارسال کردی گئیں۔

کراچی: پاکستان تحریکِ انصاف کی صوبائی صدر اور معروف سماجی کارکن زہرہ شاہد کے قتل میں ملوث ایک ملزم کو گرفتارکرلیا گیا ہے۔

ایس پی انوسٹی گیشن فیض اللہ کوریجو کے مطابق گرفتارملزم نے دورانِ تفتیش زہرہ شاہد کے قتل کا اعتراف کیا،  ایس پی انوسٹی گیشن کا کہنا ہے کہ ملزم سے مزید تفتیش جاری ہے اورعدالت سے ریمانڈ ملنے کے بعدملزم سے مزیدتفتیش کی جائے گی۔

ایڈیشنل آئی جی کراچی غلام قادر تھیبو نے میڈیا کو بتایا کہ واقعہ ڈکیتی کا نہیں ٹارگٹ کلنگ کا تھا، پی ٹی آئی کی رہنما زہرہ شاہد عرف زہرہ آپا کوعام انتخابات دوہزارتیرہ سے قبل کراچی میں اُن کے گھر کے باہرٹارگٹ کلنگ کا نشانہ بنایا گیا تھا۔