ARYNews.tv | Urdu – Har Lamha Bakhabar

Tag: ایشا امبانی

  • میٹ گالا میں ایشا امبانی کے پھولوں سے بھرے منفرد لباس کے چرچے

    میٹ گالا میں ایشا امبانی کے پھولوں سے بھرے منفرد لباس کے چرچے

    میٹ گالا 2024 میں بھارتی بزنس ٹائیکون مکیش امبانی کی بیٹی ایشا امبانی کے پھولوں سے بھرے منفرد لباس نے سب کی توجہ حاصل کرلی۔

    دنیا کا سب سے بڑا اور مقبول فیشن ایونٹ میٹ گالا ایک بار پھر شروع ہونے جا رہا ہے، یہ فیشن ایونٹ اپنے عجیب و غریب فیشن ڈریسز کی وجہ سے دنیا بھر میں سرخیوں میں رہتا ہے، رواں سال میٹ گالا کا تھیم ’گارڈن آف ٹائم‘ رکھا گیا اور اس تھیم کو تمام فیشن ڈیزائنرز نے بخوبی سمجھتے ہوئے نت نئے شاہکار معروف شخصیات کو پہنائے۔

    اس تقریب میں اداکارہ پرینکا چوپڑا اور عالیہ بھٹ جیسی کئی بالی ووڈ اداکارہ اس میں اپنا کمال دکھا چکی ہیں تاہم اب ایشا امبانی نے میٹ گالا 2024 ریڈ کارپٹ پر بھارتی ڈیزائنر راہول مشرا کا تیار کردہ ساڑھی گاؤن پہنا پر سب کی توجہ حاصل کرلی ہے۔

    ایشا امبانی کی لونگ ٹیل گاؤن کو رنگ برنگے پھول، تتلیوں اور ڈرائیگن فلائیز سے سجے لباس میں دیکھا جاسکتا ہے، ایشا کے لباس کو راہول مشرا نے ڈیزائن کیا، ڈیزائنز نے میٹ گالا کے تھیم کو مدنظر رکھتے ہوئے ایک منفرد جوڑا تیار کیا ہے۔

    بھارتی میڈیا رپورٹس کے مطابق ایشا امبانی کے اس حسین ساڑھی گاؤن کی تیاری میں 10 ہزار گھنٹے لگے جس پر دلکش ایپلک ورک ایمبروائڈی کی گئی۔

    علاوہ ازیں اس جاذبِ نظر گاؤن پر فریشہ، زردوزی، نقشی اور دبکے کا کام بھی کیا گیا جبکہ اس گاؤن کے مختلف حصوں پر فرینچ نوٹس کا کام بھی ہے۔

    واضح رہے کہ میٹ گالا وہ تقریب ہے جس کا انتظار فیشن کے دلدادہ کو پورے سال بے صبری سے رہتا ہے کیونکہ اس میں معروف شخصیات نت نئے و منفرد ملبوسات زیب تن کر کے سب کی توجہ حاصل کرتے ہیں۔

  • ایشا امبانی کے سونے جواہرات سے مزین لباس کے چرچے

    ایشا امبانی کے سونے جواہرات سے مزین لباس کے چرچے

    سوشل میڈیا پلیٹ فارمز اور ویب سائٹس تاحال ایشیا کے امیر ترین شخصیت مکیش امبانی کے بیٹے آننت امبانی اور رادھیکا مرچنٹ کی شادی سے قبل منعقد کی گئی تقریبات کے سحر سے نہیں نکل پائی ہیں۔

    بھارتی بزنس ٹائیکون مکیش امبانی نے اپنے سب سے چھوٹے بیٹے آننت امبانی اور رادھیکا مرچنٹ کی شادی سے پہلے کی تقریبات پر 1200 کروڑ روپے سے زائد خرچ کیے ہیں جبکہ اس جوڑی کی شادی جولائی میں طے پائی ہے۔

    اس پری ویڈنگ تقریب میں جہاں دنیا بھر کے مہمان توجہ کا مرکز بنے رہے وہی ایشا امبانی کا میناکاری اور زردوزی کے کام والا حسین لہنگا چولی توجہ کا مرکز ریا۔

    ایشا امبانی کے اس حسین لباس پر مینا کاری کا کام بنا ہوا ہے اور یہ بھارت کے ڈیزائنر ابو جانی سندیپ کھوسلا کا شاہکار ہے، اس جوڑے کے حوالے سے خود ڈیزائنر نے بتایا کہ چولی پر جڑاؤ کے پیس ٹاکے گئے ہیں جو خود ایشا امبانی نے ہی مہیا کیے تھے جبکہ لہنگے پر بھی مینا کاری کا کام کیا گیا۔

    انہوں نے بتایا کہ چولی پر لگے ٹیسل بھی جڑاؤ سے ہی تیار کیے گئے اور جڑاؤ کے علاوہ چولی پر سونے اور زردوزی کا کام بھی کیا گیا۔

    واضح رہے کہ اننت امبانی اور رادھیکا مرچٹ کی ’پری ویڈنگ‘ تقریبات کا آغاز ہوچکا ہے، شادی کی پہلی تقریب ’ایورلینڈ میں ایک شام‘ کے عنوان سے رکھی گئی ہے۔

    اس تقریب میں معروف امریکی گلوکارہ ریحانا پرفارم کریں گی۔ ریحانا ٹیم کے ہمراہ دو روز قبل گجرات کے شہر جام نگر پہنچی تھیں جس کی ویڈیوز اور تصاویر سوشل میڈیا پر وائرل ہوگئی تھیں۔

  • اننت امبانی کی شادی میں ایشا کے ہیرے جڑے گاؤن کی دھوم!

    اننت امبانی کی شادی میں ایشا کے ہیرے جڑے گاؤن کی دھوم!

    بھارت کے معروف صنعتکار مکیش امبانی کے چھوٹے بیٹے اننت کی شادی کے ان دنوں کافی چرچے ہیں اور یہ شہ سرخیوں میں ہے۔

    ایشا امبانی نے اپنے بھائی اننت امبانی کی شادی سے پہلے کی شاندار تقریب میں ایک ہیروں سے مزیّن سیاہ رنگ کا گاؤن پہنا ہے جس کی دھوم مچی ہوئی ہے۔ یہ لباس دیکھنے میں نہ صرف بہت خوبصورت بلکہ کافی قیمتی بھی ہے۔

    انیتا شیروف جو کہ ایشا کی اسٹائلسٹ ہیں انھوں نے انسٹاگرام اکاؤنٹ پر اننت امبانی اور رادھیکا مرچنٹ کی شادی سے پہلے کی تقریب کی خوبصورت تصاویر شیئر کی ہیں۔

    ایشا امبانی کے ان تصاویر میں کافی سحر انگیز انداز اور دلکش نظر آرہی ہیں جبکہ ان کا سیاہ ہیروں سے بھرا لباس لوگوں کی توجہ کا مرکز بن گیا ہے۔

    وہ تصویروں میں اپنے دو پیارے بچوں، کرشنا اور آدیہ کے ساتھ پوز دیتے ہوئے نظر آ رہی ہیں جبکہ ان کے بچوں نے بھی سیاہ لباس پہنا ہوا ہے۔


    واضح رہے کہ اننت امبانی اور رادھیکا مرچٹ کی ’پری ویڈنگ‘ تقریبات کا آغاز ہوچکا ہے، شادی کی پہلی تقریب ’ایورلینڈ میں ایک شام‘ کے عنوان سے رکھی گئی ہے.

    اس تقریب میں معروف امریکی گلوکارہ ریحانا پرفارم کریں گی۔ ریحانا ٹیم کے ہمراہ دو روز قبل گجرات کے شہر جام نگر پہنچی تھیں جس کی ویڈیوز اور تصاویر سوشل میڈیا پر وائرل ہوگئی تھیں۔

    ہالی وڈ گلوکارہ کو شادی میں پرفارم کرنے کے لیے بھاری معاوضہ مل رہا ہے، ریحانا تقریباً 8 سے 9 ملین ڈالرز کا معاوضہ لے رہی ہیں جو کہ بھارتی 66 سے 74 کروڑ روپے بنتے ہیں۔