Tag: ایشز ٹیسٹ

برمنگھم: ایشزسیریز کے پہلے ٹیسٹ میچ میں آسٹریلیا نے انگلینڈ کو 251 رنز سے شکست دے دی، اسٹیو اسمتھ کو شاندار کارکردگی پر میچ کا بہترین کھلاڑی قرار دیا گیا۔

تفصیلات کے ایشز سیریز کے پہلے ٹیسٹ میچ کے آخری روز انگلینڈ کی ٹیم 398 رنز ہدف کے تعاقب میں 146 رنز پر ڈھیر ہوگئی، نیتھن لائن نے چھ کھلاڑیوں کو پویلین روانہ کیا۔

آسٹریلوی بلے باز اسٹیو اسمتھ نے ٹیم کی جیت میں اہم کردار ادا کیا، اسمتھ نے دونوں اننگز میں بالترتیب 144 اور 142 رنز کی شاندار اننگز کھیلی۔

میچ کے آخری روز انگلینڈ نے اپنی دوسری اننگز کا آغاز کیا تو پہلی اننگز میں سنچری اسکور کرنے والے برنس 11 رنز بنا کر پویلین لوٹ گئے، جیسن رائے 28 رنز بنا کر نیتھن لائن کا شکار بنے۔

جو روٹ کو نیتھن لائن نے 28 رنز پر بین کرافٹ کے ہاتھوں کیچ آؤٹ کرایا، جو ڈینلی 11 رنز بنا کر آؤٹ ہوئے، جوز بٹلر ایک رن بنا کر پیٹ کمنز کی گیند پر بولڈ ہوئے۔

Australia win!

A superb performance with bat and ball, especially in the second innings, sees them take a 1-0 lead in the 2019 men's Ashes.#Ashes pic.twitter.com/1W5ACF0ktJ

— ICC (@ICC) August 5, 2019

بین اسٹوکس اور جونی بریسٹو 6، 6 رنز بنا کر پویلین لوٹ گئے، معین علی 4 رنز بنا کر آؤٹ ہوئے، کرس ووکس 37 رنز بنا کر نمایاں رہے۔

آسٹریلیا نے نیتھن لائن نے چھ کھلاڑیوں کو پویلین کی راہ دکھائی، فاسٹ بولر پیٹ کمنز نے 4 وکٹیں حاصل کیں۔

واضح رہے کہ آسٹریلوی ٹیم پہلی اننگز میں 284 رنز بنا کر آؤٹ ہوئی تھی جبکہ دوسری اننگز 487 رنز 7 وکٹوں کے نقصان پر ڈیکلیئر کردی تھی۔

انگلش ٹیم پہلی اننگز میں لیڈ لینے کے باوجود شکست سے دوچار ہوئی، انگلینڈ نے پہلی اننگز میں 374 رنز بنائے اور دوسری اننگز میں 146 رنز پر ڈھیر ہوگئی۔

برمنگھم: انگلش کرکٹ ٹیم کے فاسٹ بولر جمی اینڈرسن نے ساتھی کھلاڑیوں سے معافی مانگ لی۔

تفصیلات کے مطابق برمنگھم میں کھیلے جانے والے ایشز ٹیسٹ میچ کے پہلے روز انگلینڈ کے فاسٹ بولر جمی اینڈرسن نے اہم وقت پر فیلڈ چھوڑ کر چلے جانے پر ساتھی بولرز سے معافی مانگ لی۔

جمی اینڈریسن ایشز ٹیسٹ کے پہلے روز صرف چار اوورز کرواسکے تھے جس کے بعد انہیں پنڈلی میں درد کی وجہ سے باہر جانا پڑا تھا۔

اینڈرسن کے باہر جانے کے بعد کرس ووکس اور اسٹورٹ براڈ نے بولنگ کرائی تھی، ٹیم میں ایک فاسٹ بولر کم ہوگیا تاہم انگلش بولرز براڈ اور کرس ووکس نے شاندار بولنگ کرتے ہوئے بالتریتب پانچ اور تین وکٹیں حاصل کی تھیں۔

یہ پڑھیں: ایشز ٹیسٹ، آسٹریلیا کی لڑکھڑاتی بیٹنگ لائن کو اسمتھ کا سہارا، 284 پر آل آؤٹ

واضح رہے کہ گزشتہ روز آسٹریلوی ٹیم 158 رنز پر 8 وکٹیں گرنے کے باوجود اسٹیو اسمتھ کی شاندار 144 رنز کی اننگز کی بدولت 284 رنز بنا کر آؤٹ ہوئی تھی۔

اسٹیو اسمتھ کے ساتھ فاسٹ بولر پیٹر سڈل نے شاندار 44 رنز کی اننگز کھیلی تھی اور ٹیم کا اسکور 284 رنز بنانے میں اہم کردار ادا کیا تھا۔

ایشز ٹیسٹ کے دوسرے دن کا کھیل جاری ہے 32 اوورز میں انگلش ٹیم نے ایک وکٹ کے نقصان پر 80 رنز بنالیے ہیں، جیسن رائے 10 رنز بنا پر پیٹسن کا شکار بنے۔

انگلش ٹیم کو کینگروز کی برتری ختم کرنے کے لیے مزید 200 رنز درکار ہیں جبکہ اس کی 9 وکٹیں باقی ہیں۔

برمنگھم: آئی سی سی ٹیسٹ چیمپئن شپ کے پہلے میچ میں آسٹریلیا کی ٹیم اسمتھ کی شاندار سنچری کی بدولت 284 رنز پر آل آؤٹ ہوگئی، اسٹورٹ براڈ نے 5 کھلاڑیوں کو پویلین کی راہ دکھائی۔

تفصیلات کے مطابق آئی سی سی ٹیسٹ چیمپئن شپ اور ایشز ٹیسٹ کے پہلے میچ میں آسٹریلیا کی بیٹنگ لائن لڑکھڑا کر سنبھل گئی، اسٹیو اسمتھ نے شاندار 144 رنز کی اننگز کھیلی، اسٹورٹ براڈ نے 5 وکٹیں حاصل کیں، پہلے دن کھیل کے اختتام پر انگلینڈ نے بغیر کسی نقصان کے 10 رنز بنالیے ہیں۔

انگلینڈ کے اوپنرز آر برنس 4 اور جیسن رائے 6 رنز کے ساتھ کریز پر موجود ہیں، انگلینڈ کو آسٹریلیا کی برتری ختم کرنے کے لیے مزید 274 رنز درکار ہیں۔

قبل ازیں کینگروز نے ٹاس جیت کر پہلے بیٹنگ کرنے کا فیصلہ کیا تو ان کی ابتدائی 5 وکٹیں 105 رنز پر گر گئی، آسٹریلیا کے 6 بلے باز ڈبل فگر میں بھی داخل نہ ہوسکے۔

Stumps.

A day of twists and turns but at the close of play it is Australia who will be the happier of the sides, mainly down to Steve Smith!

England finish day one 10/0 in reply to Australia's 284.#Ashes pic.twitter.com/Qch0U9a4p2

— ICC (@ICC) August 1, 2019

ایک اینڈ سے وکٹیں گرنے کا سلسلہ جاری رہا لیکن دوسرے اینڈ پر اسٹیو اسمٹھ ڈٹ کر انگلش بولرز کا مقابلہ کرتے رہے انہوں نے 16 چوکوں اور 2 چھکوں کی مدد سے 144 رنز اسکور کیے۔

آسٹریلوی اوپنر بین کرافٹ اور ڈیوڈ وارنر بالترتیب 8 اور 2 رنز بنا کر اسٹورٹ براڈ کا نشانہ بنے، عثمان خواجہ 13 رنز بنا کر پویلین لوٹ گئے۔

ٹریوس ہیڈ 35 رنز بنا کر نمایاں رہے، میتھیو ویڈ ایک، ٹم پین 5 اور جیمز پیٹنسن بغیر کوئی رن بنائے پویلین لوٹ گئے، پیٹر سڈل نے اسٹیو اسمتھ کے ساتھ مل شاندار شراکت داری قائم کی، سڈل 44 رنز بنا کر معین علی کا شکار بنے۔

انگلش بولر اسٹورٹ براڈ نے پانچ وکٹیں حاصل کیں، کرس ووکس نے تین جبکہ بین اسٹوکس اور معین علی کے حصے میں ایک، ایک وکٹ آسکی۔