Tag: ایشوریا

ممبئی: ایشوریا رائے اور ابھیشیک بچن نے تقریب میں ایک ساتھ شریک ہوکر علیحدگی کی افواہوں کی تردید کر دی۔

پچھلے کچھ دنوں سے بچن خاندان میں مسائل کی خبریں گردش کر رہی ہیں تاہم ایشوریا رائے یا ابھیشیک بچن کی جانب سے کوئی ردعمل نہیں دیا گیا، یہاں تک کہ امتیابھ بچن اور جایا بچن بھی خاموش نظر آئے۔

گزشتہ روز بھارتی میڈیا نے دعویٰ کیا تھا کہ ایشوریا رائے بچن ہاؤس چھوڑ کر چلی گئیں ہیں انہوں نے علیحدہ گھر میں رہائش اختیار کرلیا ہے۔

 

View this post on Instagram

 

A post shared by Manav Manglani (@manav.manglani)

جس کے بعد بالی وڈ کی اداکارہ ایشوریا رائے اور اداکار ابھیشیک بچن امبانی اسکول کی تقریب میں ایک ساتھ شریک ہوئے، جس کی ویڈیو سوشل میڈیا پر وائرل ہوگئی۔

ایشوریا رائے نے بچن ہاؤس چھوڑ دیا، بھارتی میڈیا

تقریب میں اداکارہ سیاہ اور سنہری کے رنگ کے لباس میں جبکہ اُن کے شوہر نیوی بلیو شرٹ اور میچنگ پینٹ میں دکھائی دیے۔

اسکول کی سالانہ تقریب میں ایشوریا رائے بچن اپنی والدہ کے ہمراہ کار میں آئیں جبکہ ابھیشک بچن اپنے والد اور بھانجے اگستیا نندا کے ساتھ پہنچے۔

ویڈیو میں دیکھا جاسکتا ہے کہ ایشوریا رائے بچن نے اپنی کار سے نکلتے ہی مسکراتے ہوئے ہاتھ کا اشارہ کیا اور پھر انتظار کیا تاکہ ابھیشک، اگستیا اور امیتابھ بچن کے ساتھ تقریب میں شامل ہوں۔

کیا ایشوریا رائے اور ابھیشیک بچن میں روزانہ لڑائی ہوتی ہے؟

ابھیشک اور ایشوریا ایک دوسرے کا ہاتھ پکڑے اسکول میں داخل ہوئے، اس موقع پر جوڑے نے گفتگو بھی کی، ایشوریا نے  چلتے ہوئے امیتابھ بچن سے بات چیت کی اور جیسے ہی اگستیا اُن کے قریب آئے تو اُسے پیار سے اپنے ساتھ کھڑا کیا۔

ابھیشک بچن اور ایشوریا رائے نے 20 اپریل 2007ء کو شادی کی تھی، ان کی بیٹی 16 نومبر 2011 کو پیدا ہوئی۔

بالی وڈ میں آج کے سپر اسٹار شاہد کپور نے 2003 میں ریلیز ہونے والی فلم عشق وشق سے فلموں میں ڈیبیو کیا لیکن کیا آپ جانتے ہیں اس سے پہلے شاہد مختلف فلموں میں بیک گراؤنڈ ڈانسر کے طور پر نظر آئے تھے؟

ان ہی میں سے ایک ایشوریہ رائے کی ہٹ فلم ’ تال ‘ تھی جو 1999 میں ریلیز ہوئی تھی، اس فلم کے گانے ‘کہیں آگ لگے لگ جائے’ میں شاہد کپور نے ایشوریا کے ہمراہ بیک گراؤنڈ ڈانس کیا تھا۔

اس سے قبل شاہد کپور 1997 کی بلاک بسٹر میوزیکل فلم ‘دل تو پاگل ہے’ میں بھی بطور بیک گراؤنڈ ڈانسر کام کرچکے ہیں۔

دل تو پاگل ہے میں شاہ رخ خان، مادھوری ڈکشت، کرشمہ کپور اور اکشے کمار نے اہم کردار نبھائے تھے۔

تاہم اب ایک حالیہ انٹرویو میں شاہد کپور نے اس سلسلے کی شوٹنگ کے بارے میں بات کی اور کہا کہ ایشوریا کے ہمراہ بیک گراؤنڈ ڈانس کرنے والا وہ دن میری زندگی کا بدترین اور بہترین دن تھا۔

اداکار نے کہا ‘مجھے یاد ہے، جس دن اس گانے کی شوٹ تھی میرا ایکسیڈنٹ ہوگیا تھا، میں اس زمانے میں موٹر سائیکل چلاتا تھا، اس روز میری بائیک گرگئی، میں سیٹ پر کافی بری حالت میں پہنچا تھا۔

انہوں نے بتایا کہ پھر مجھے ایشوریا کے ساتھ اسی گانے میں ڈانس کا موقع ملا، میں اسے اس وقت اپنی زندگی کے بدترین اور بہترین دن کے طور پر ہمیشہ یاد رکھوں گا۔

ممبئی: بھارتی ہدایتکار کرن جوہر فلم ’کبھی خوشی کبھی غم‘ میں انجلی کے کردار کے لیے  اداکارہ کاجول کی جگہ  ایشوریہ رائے کو کاسٹ کرنا چاہتا تھا۔

کبھی خوشی کبھی غم میں امیتابھ بچن، جیا بچن، شاہ رخ خان، کاجول، ہریتھک روشن اور کرینہ کپور نے مرکزی کردار ادا کیے۔

 اس  فلم کی کہانی ایک بھارتی خاندان کے گرد گھومتی ہے جس میں بڑا بیٹا ( شاہ رخ خان) ایک معمولی سے گھر سے تعلق رکھنے والی لڑکی انجلی (کاجول) سے شادی کرلیتے ہیں جس کے بعد فیملی میں دراڑیں پڑ جاتی ہیں جبکہ چھوٹا بیٹا بڑے بھائی اور باپ کے درمیان ختم کرنے کی کوشش کرتا ہے۔

اس فلم کو شاہ رُخ خان اور کاجول کی آن اسکرین کیمسٹری کو بے حد پسند کیا گیا تھا تاہم ’کبھی خوشی کبھی غم‘ سے متعلق ہدایتکار کرن جوہر نے ایک انٹرویو میں انکشاف کیا تھا کہ وہ ’انجلی‘ کے کردار کے لیے ایشوریہ رائے کو کاسٹ کرنا چاہتے تھے۔

بھارتی صحافی کومل نہتا کو انٹرویو کے دوران کرن جوہر نے بتایا کہ جب میں اس فلم  کے لیے کاسٹ فائنل کر رہا تھا تو مجھے معلوم ہوا کہ کاجول اس فلم میں کام نہیں کر پائیں گی کیونکہ وہ شادی شدہ تھیں اور شاید وہ اُس وقت ماں بننے کی خواہشمند بھی تھیں، میں نے سوچا کہ میں ایشوریہ سے اس کردار کے لیے رابطہ کروں گا۔

انہوں نے کہا کہ میں یہ ساری باتیں سوچ کر کاجول سے ملنے ان کے اسٹوڈیو  پر گیا  میں نے سوچا وہ اس کاسٹ کے لیے نہ کہے گی ہم کچھ آنسو بہائیں گے اور میں چلا جاؤں گا لیکن ایسا نہیں ہوا، کاجول نے اپنا اداردہ بدل لیا۔

کرن جوہر نے کہا کہ کاجول نے مجھ سے کہا کہ میں نہیں جانتا تھا کہ کاجول یہ فلم کرنا چاہتی ہے اس لیے اس نے مجھے جب اس فلم کے لیے ہاں کہا تو میں پھر اس کاسٹ کے لیے ایشوریہ کے پاس نہیں گیا۔