Tag: ایشیائی ترقیاتی بینک

اسلام آباد : ایشیائی ترقیاتی بینک نے پاکستان کو قرضہ دینے کا اعلان کردیا، بورڈ 29 اکتوبر کو نئے قرض کی منظوری پر غور کرے گا۔

تفصیلات کے مطابق وفاقی وزیرِ خزانہ محمد اورنگزیب نے ایشیائی ترقیاتی بینک (اے ڈی بی) کے صدر، جناب ماساتسوگو اساکاوا سے ملاقات کی۔

وزیرِ خزانہ نے پاکستان کے ترقیاتی ایجنڈے کی حمایت میں اے ڈی بی کی شراکت کو سراہا اور اسلام آباد میں اے ڈی بی کے نئے دفتر کے آغاز کا خیرمقدم کیا۔

ایشیائی ترقیاتی بینک کے صدر نے 50 کروڑ ڈالر قرض کی فراہمی کا عندیہ دے دیا، رقم ماحولیاتی اور قدرتی آفات سے تحفظ کے پروگرام پر خرچ کی جائے گی

وزیر نے اے ڈی بی کے کنٹری پارٹنرشپ فریم ورک کی جلد تکمیل کی امید ظاہر کی اور کیپیٹل ایڈیکویسی فریم ورک کی کامیاب تکمیل کو سراہا۔

وزارت خزانہ نے بتایا کہ ایشیائی ترقیاتی بینک کا بورڈ 29 اکتوبر کو نئے قرض کی منظوری پر غور کرے گا۔

وزیر خزانہ نے پالیسی بیسڈ لون کی منظوری کے لیے اے ڈی بی کی حمایت پر شکریہ ادا کرتے ہوئے پاکستان کے ترقیاتی ایجنڈے کی حمایت میں اے ڈی بی کی شراکت کو سراہا۔

وزارت خزانہ نے بتایا کہ اگلے تین سال کے لئے پاکستان کو زائد سرچارجز سے چھوٹ دینے پر اے ڈی بی کی تعریف کی۔

ملاقات میں دونوں فریقین نے ملکی محصولات میں اضافے، علاقائی تعاون کی ضرورت پر اتفاق کیا۔

https://urdu.arynews.tv/dollar-currency-rate-pakistan-today/

اسلام آباد : ایشیائی ترقیاتی بینک نے اگلے تین سال میں پاکستان کو دو بلین ڈالر سالانہ امداد فراہم کرنے کا اعلان کردیا۔

تفصیلات کے مطابق صدرمملکت آصف زرداری سے ایشیائی ترقیاتی بینک کے صدر کی ملاقات ہوئی۔

صدر اے ڈی بی نے پاکستان کےمعاشی استحکام کےحالیہ اشاریوں کو سراہتے ہوئے کہا کہ اے ڈی بی اگلےتین سال میں پاکستان کو 2 بلین ڈالر سالانہ امداد فراہم کرے گا۔

صدر مملکت نے موسمیاتی تبدیلی سے نمٹنے کے لیے اےڈی بی سے تعاون بڑھانے پر زور دیتے ہوئے کہا موسمیاتی تبدیلی سے نمٹنے کےلیےپاکستان کی مالی ضروریات کافی زیادہ ہیں۔

صدر آصف زرداری نےپاکستان کو درپیش اقتصادی ،موسمیاتی چیلنج سےمتعلق آگاہ کرتے ہوئے کہا موسمیاتی تبدیلی،سیلاب نےمعیشت اور سڑکوں کےبنیادی ڈھانچےپراثرات مرتب کیے۔

صدرمملکت نے پاکستان کی سماجی واقتصادی ترقی کےلیے اے ڈی بی کےتعاون کو سراہا۔

اسلام آباد : ایشیائی ترقیاتی بینک نے پاکستان سے رئیل اسٹیٹ سیکٹر میں ریفامز اور چھوٹ ختم کرنے کا مطالبہ کردیا۔

تفصیلات کے مطابق ایشیائی ترقیاتی بینک نے رئیل اسٹیٹ سیکٹر میں ریفامز،چھوٹ ختم کرنےکامطالبہ کردیا اور کہا کہ اوپن پلاٹس پر 6 سال بعد ٹیکس استثنیٰ ختم اور پراپرٹی ڈویلپمنٹ پرٹیکس عائدہونا چاہیے۔

اے ڈی بی کا کہنا تھا کہ پراپرٹی ڈویلپمنٹ پرٹیکس استثنیٰ سےمینوفیکچرنگ،ایگری بزنسزمیں سرمایہ کم ہورہی ہے، مینوفیکچرنگ اور ایگری بزنسز میں سرمایہ کاری نہ ہونےسےگروتھ میں رکاوٹ ہے۔

بینک نے کہا کہ غیر منقولہ پراپرٹی کی فروخت،سرمایہ کاری پراسٹینڈرڈٹیکس عائدکیاجاناچاہیے ، پراپرٹی ڈویلپمنٹ پرٹیکس مراعات دے کر حکومت کومحصولات سے محروم رکھا گیا، ٹیکس استثنیٰ کےباعث ریئل اسٹیٹ سیکٹرمیں مقامی سرمایہ کاری ہوئی۔

پاکستان نیشنل اربن اسسمنٹ رپورٹ میں انرجی اورواٹرسپلائی ریفارمز کیلئے اقدامات کا مطالبہ کرتے ہوئے کہا گیا کہ واٹر سپلائی، ٹرانسپورٹ سسٹم اور بلڈنگ ڈیزائن میں توانائی کےبہتراستعمال کیلئےاقدامات ناگزیر ہے۔

اے ڈی بی نے زور دیا کہ پاکستان میں بڑھتی آبادی کےباعث متبادل توانائی ذرائع کوبھی وسعت دیناہوگی اور اربن ڈویلپمنٹ کیلئے سالڈ ویسٹ مینجمنٹ اورٹرانسپورٹ سسٹم میں اصلاحات لاناہوں گی۔

اسلام آباد : ایشیائی ترقیاتی بینک نے مہنگائی کے حوالے سے پیش گوئی کرتے ہوئے پاکستانی عوام کے لیے خطرے کی گھنٹی بجادی۔

تفصیلات کے مطابق ایشیائی ترقیاتی بینک نے ایشین ڈویلپمنٹ آؤٹ لک جاری کردی، جس میں پیش گوئی کی ہے کہ پاکستانی معیشت میں قرضوں کاحجم7 فیصد کم ہوسکتا ہے۔

رپورٹ میں کہا گیا کہ قرضوں کا حجم 77 فیصد سے کم ہوکر 70 فیصد تک ہوسکتا ہے، رواں مالی سال پاکستان کے 62 فیصد محصولات قرضوں کی ادائیگی پر خرچ ہوں گے۔

اے ڈی بی نے کہا کہ پاکستان میں مہنگائی کی شرح 38 فیصد سے کم ہوکر 11.8 فیصد تک پہنچی، مہنگائی کی شرح کم ہونے سے پالیسی ریٹ میں کمی ہوئی۔

رپورٹ میں پیش گوئی کی کہ رواں مالی سال پاکستان میں مہنگائی کی شرح زیادہ رہے گی۔

بینک نے مزید بتایا کہ گزشتہ مالی سال پاکستان کی شرح نمو 2.4فیصدرہی اور معاشی ترقی کی شرح میں زراعت نے اہم کردار ادا کیا۔