اسلام آباد : ایشیائی ترقیاتی بینک نے پاکستان کیلئے پندرہ کروڑ پچپن لاکھ ڈالر قرض کا اعلان کردیا، رقم سے خواتین کے لیے چھوٹے قرضوں کی تقسیم ممکن ہوگی۔
تفصیلات کے مطابق ایشیائی ترقیاتی بینک نے پاکستان کیلئے 15 کروڑ 55 لاکھ ڈالر قرض کی منظوری دے دی ، رقم پاکستان میں معاشی اصلاحات کے لیے خرچ ہوگی۔
ایشیائی ترقیاتی بینک کی جانب سے اعلامیے میں کہا گیا کہ پاکستان میں خواتین کے لیے چھوٹے قرضوں کی تقسیم ممکن ہوگی، رقم کا مقصد پاکستانی خواتین کو روزگار کے مواقع فراہم کرنا ہے۔
یاد رہے گذشتہ ہفتے ایشیائی ترقیاتی بینک نے پاکستان میں پائیدار ترقی کیلئے 65 کروڑ 90 لاکھ ڈالر منظور کئے تھے۔
اے ڈی بی کے ڈائریکٹر جنرل یوگینی زوکوف کا کہنا تھا کہ فنڈسے پاکستان کو دوہزار بائیس کے دوران مہنگائی اورسپر فلڈکےاثرات سے نکلنےمیں مددملےگی۔
اے ڈی بی کی جانب سے اعلامیے میں کہا گیا تھا کہ ایشیائی ترقیاتی بینک نے تین منصوبوں کی رواں ہفتے منظوری دی ہے، پینسٹھ کروڑ 90 لاکھ ڈالر میں سے 65 کروڑ 52 لاکھ ڈالر قرض ہے۔
