Tag: ایشیا کپ

آئندہ ماہ شیڈول ایشیا کے شوپیس ایونٹ کےلیے افغانستان کرکٹ بورڈ نے اسکواڈ کا اعلان کر دیا، راشد خان قیادت کے فرائض انجام دیں گے۔

افغانستان کرکٹ بورڈ نے جاری اعلامیے میں بتایا کہ ایشیا کپ کےلیے ٹیم کی قیادت راشد خان کریں گے، ساتھ ہی اسکواڈ میں رحمان اللّٰہ گرباز، ابراہیم زادران، درویش رسولی، صدیق اللّٰہ اتل، عظمت اللّٰہ عمرزئی بھی ایشیا کپ اسکواڈ کےلیے افغان ٹیم کا حصہ ہیں۔

اس کے علاوہ کریم جنت، محمد نبی، گلبدین نائب، شرف الدین اشرف، محمد اسحاق، مجیب الرحمٰن اور اے ایم غضنفر ، نور احمد، فرید احمد ملک، نوین الحق اور فضل حق فاروقی بھی اسکواڈ میں شامل ہیں۔

9 ستمبر سے شروع ہونے والے ایونٹ میں افغانستان کی ٹیم گروپ بی میں شامل ہے، جہاں اس کا کے ساتھ بنگلادیش، سری لنکا اور ہانگ کانگ کو رکھا گیا ہے۔

خیال رہے کہ افغانستان کرکٹ بورڈ (اے سی بی) نے اتوار کو بنگلا دیش کے خلاف تین ون ڈے اور تین میچوں کی ٹی ٹوئنٹی سیریز کے شیڈول کا بھی اعلان کیا ہے۔

افغانستان کی میزبانی میں ہونے والی سیریز دو اکتوبر سے متحدہ عرب امارات (یو اے ای) میں کھیلی جائے گی جس کے بعد تین اور پانچ اکتوبر کو اگلے میچ کھیلے جائیں گے، اس کے بعد ون ڈے سیریز 8، 11 اور 14 اکتوبر کو ہوگی۔

(21 اگست 2025): پاکستان کے سابق کپتان اور بڑے بڑے بلے بازوں کو پریشان کرنے والے وسیم اکرم نے ایشیا کپ میں پاک بھارت ٹاکرے پر دبنگ بیان دیا ہے۔

اے آر وائی نیوز کے مطابق ایشیا کپ آئندہ ماہ یو اے ای میں کھیلا جائے گا۔ بھارت اس میگا ایونٹ کا میزبان ہے لیکن پاکستان سے چیمپئنز ٹرافی کے موقع پر ہونے والے معاہدے کے تحت ٹورنامنٹ نیوٹرل وینیو (یو اے ای) میں کھیلا جائے گا۔

بھارتی کرکٹ ٹیم کو حکومت کی جانب سے پاکستان کے خلاف میچ کھیلنے کے لیے گرین سگنل مل گیا ہے۔ تاہم ہندوستان میں موجود انتہا پسندوں اور متعصب کرکٹرز کی جانب سے میچ کا بائیکاٹ کرنے اور نہ کھیلنے پر زور دیا جا رہا ہے، جس کے باعث کرکٹ شائقین اس حوالے سے تذبذب کا شکار ہیں۔

اسی حوالے سے پاکستان کے سابق کپتان وسیم اکرم کا موقف سامنے آیا ہے، جس میں انہوں نے کہا ہے کہ ایشیا کپ میں پاک بھارت میچ ہو یا نہیں، لیکن کرکٹ نہیں رکنی چاہیے۔

وسیم اکرم کا کہنا تھا کہ بھارت سے میچ ہونے یا نہ ہونے سے پاکستانیوں کو کوئی مسئلہ نہیں۔ ہم مطمئن ہیں لیکن ردعمل بھارت کی جانب سے آ رہا ہے۔

ایشیا کپ میں بھارت پاکستان سے کھیلے گا یا نہیں؟

لیجنڈری پیسر نے کہا کہ میری تو خواہش نے روایتی حریفوں کے درمیان ایک بار پھر ٹیسٹ کرکٹ شروع ہو۔

https://urdu.arynews.tv/former-indian-captain-against-pak-vs-india-match-in-asia-cup/

نئی دہلی: ٹیسٹ کپتان شبمن گل کو ایشیا کپ اسکواڈ میں شامل کرنے یا نہ کرنے کا فیصلہ بھارتی بورڈ کےلیے بڑا درد سر بن گیا ہے۔

بھارت کی سلیکشن کمیٹی منگل کو یو اے ای میں اگلے ماہ شیڈول ایشیا کپ کے لیے 15 رکنی اسکواڈ کا انتخاب کرے گی، تاہم بھارتی سلیکشن کمیٹی ٹی ٹوئنٹی اسکواڈ میں شبمن گل کو شامل کرے یا نہ کرے یہ ان کےلیے بڑا چیلنج ہوگا ہوگا کیوں کہ بھارتی بیٹر ان دنوں بہترین فارم میں ہیں۔

ٹیسٹ کپتان جنھوں نے حال ہی میں انگلینڈ میں بہترین پرفارمنس دکھائی ہے وہ اس ٹیم میں فٹ تو نہیں بیٹھتے جو 9 سے 28 ستمبر تک ایشیا کپ کا شوپیس ایونٹ کھیلے گی تاہم ان کی شمولیت خارج از امکان نہیں۔

اجیت اگرکر اور ان کے ساتھی سلیکٹرز کےلیے ٹیم کو منتخب کرنا ایک "خوفناک” معمہ ہے کیوں کہ ہندوستانی کرکٹ میں اس وقت ٹی ٹوئنٹی کا کافی ٹیلنٹ موجود ہے

بھارت میں اس وقت کم از کم 30 کھلاڑی ایسے ہیں جو ایک سلاٹ کے لیے تین سے چار آپشنز کے ساتھ قومی اسکواڈ میں آنے کے لیے تیار ہیں۔

سب سے اوپر تین پوزیشنوں کے لیے چھ کرکٹرز دستیاب ہیں، جن مین ابھیشیک شرما، سنجو سیمسن اور تلک ورما نے پچھلے سیزن میں کافی غیرمعمولی پرفارمنس دکھائی ہے۔

ان تینوں کے علاوہ شبمن گل، یشسوی جیسوال اور سائی سدھرسن جیسے اوپننگ بیٹرز بھی ٹی ٹوئنٹی اسکواڈ میں جگہ بنانے کی دوڑ میں شامل ہیں۔

بولنگ میں کلدیپ یادیو، ورون چکرورتی اور روی بشنوئی ایک ہی جگہ کے لیے دستیاب ہونگے اور ان میں سے سب سے زیادہ یوزویندر چاہل کو طویل عرصے سے نظر انداز کیا گیا ہے۔

بھارتی ٹیم مینجمنٹ کے ایک اہم رکن کا خیال ہے کہ یہ ناانصافی ہو گی جو کرکٹر پچھلے سیزن کے دوران پلیئنگ الیون میں ریگولر رہا ہو اسے کسی بڑے برانڈ نام یا اسٹار کو جگہ دینے کےلیے محروم رکھا جائے۔

https://urdu.arynews.tv/shubman-gill-considering-making-captain-india-t20-team/

کراچی: پاکستان کرکٹ ٹیم کے سابق وکٹ کیپر بیٹر کامران اکمل نے کہا ہے کہ ایشیا کپ کے لیے سینئر پلیئرز کو رکھنا چاہیے تھا۔

تفصیلات کے مطابق سابق قومی کرکٹر کامران اکمل کا ایشیا کپ اسکواڈ کی سلیکشن کے حوالے سے اظہار خیال کرتے ہوئے کہنا تھا کہ بابر اور رضوان کو ٹیم میں جگہ دینی چاہیے تھی، ٹرائی سیریز کیلئے یہ ٹیم درست تھی، ایشیا کپ کے لیے ٹیم سوچ سمجھ کر بنانی چاہیے تھی۔

نئے پلیئرز کے بےخوف کرکٹ کھیلنے پر کامران اکمل خوشی سے نہال

کامران اکمل نے کہا کہ بھارت کیخلاف میچ کو مدنظر رکھتے ہوئے ٹیم بنانا ضروری ہے، ٹیم کی حالیہ پرفارمنس کو پیش نظر رکھنا چاہیے۔

انھوں نے کہا کہ سسٹم خراب ہوگیا ہے، میرٹ پر عمل نہیں کیا گیا 8 سال سے بلنڈر مار رہے تھے یہاں بھی مارا گیا۔

سابق کرکٹر نے کہا کہ گزشتہ کئی سالوں سے پسند نہ پسند پر ٹیم سلیکٹ کی جا رہی ہے، نان کرکٹرز جب بورڈ میں آئیں گے تو ایسا ہی ہوگا۔

https://urdu.arynews.tv/videos-shahid-afridis-selfie-with-an-indian-fan-kamran-akmal-gifted-him-gloves/

کراچی (17 اگست 2025): پاکستان کرکٹ ٹیم کے سابق کپتان سرفراز احمد اور عبدالرزاق نے ایشیا کے لیے اعلان کردہ قومی اسکواڈ پر ردعمل کا اظہار کیا ہے۔

اے آر وائی نیوز کے مطابق رواں ماہ اگست اور اگلے ماہ ستمبر میں متحدہ عرب امارات میں کھیلی جانے والے ٹرائی نیشن سیریز اور ایشیا کپ کے لیے پی سی بی نے قومی اسکواڈ کا اعلان کر دیا ہے۔ اسکواڈ میں تجربہ کار بیٹر اور سابق  کپتان بابر اعظم اور ون ڈے ٹیم کے موجودہ کپتان محمد رضوان کو نظر انداز کیا گیا ہے۔

بابر اعظم کو ایشیا کپ کے اسکواڈ میں جگہ نہ دینے پر کرکٹ کے مختلف حلقے اپنی اپنی رائے کا اظہار کر رہے ہیں۔

کراچی میں پاکستان کرکٹ ٹیم کے سابق کپتان سرفراز احمد نے میڈیا سے گفتگو کرتے ہوئے کہا کہ سہ فریقی سیریز اور ایشیا کپ کے لیے اچھی ٹیم کا اعلان ہوا ہے۔ یو اے ای کی پچز پر پاکستان کا ریکارڈ شاندار رہا ہے۔ ٹیم سیریز اور ٹورنامنٹ دونوں جیت سکتی ہے۔

سرفراز احمد کا کہنا تھا کہ گزشتہ تین چار سالوں میں نئی ٹیم ابھر کر سامنے آ رہی ہے۔ حسن نواز، حسین طلعت، صائم ایوب سمیت نوجوان کھلاڑیوں کو موقع دیا گیا ہے۔ فخر زمان میچ ونر اور گزشتہ کچھ عرصہ سے بہت اچھا پرفارم کر رہے ہیں۔

انہوں نے اولمپک میں کرکٹ کی شمولیت کو خوش آئند قرار دیتے ہوئے کہا کہ امید ہے کہ پاکستان کرکٹ ٹیم اولمپک میں بھی گولڈ میڈل جیت کر لائے گی۔

سابق قومی آل راؤنڈر عبدالرزاق نے کہا کہ میرٹ پر ٹیم بن رہی ہے اور امید ہے کہ اچھا پرفارم کرے گی۔ نیک تمنائیں ٹیم کے ساتھ ہیں۔

عبدالرزاق نے مزید کہا کہ ٹیم میں نوجوان کھلاڑیوں کو موقع دیا گیا ہے۔ اب قومی ٹیم جارحانہ انداز میں کھیل رہی ہے، جس کو دیکھ کر مسرت ہوتی ہے۔ پاکستان کو ان میں سے جلد پاور ہٹرز ملیں گے۔

https://urdu.arynews.tv/pcb-pakistan-squad-for-tri-series-asia-cup-2025-17-august-2025/

ایشیا کپ میں پاک بھارت ٹاکرے کی بھارتی حلقوں سے مخالفت سامنے آ رہی ہے سابق انڈین کپتان سارو گنگولی نے بھی اس پر لب کشائی کر دی۔

ایشیا کپ 2025 کے شیڈول کا اعلان ہونے کے بعد بھارت میں ہنگامہ مچا ہوا ہے اور کھیل کو تعصب کی عینک سے دیکھنے والے انتہا پسند پاک بھارت ٹاکرے کی مخالفت میں کھل کر سامنے آ گئے ہیں۔

ایسے میں سابق بھارتی کپتان سارو گنگولی کا اس بڑے مقابلے سے متعلق اہم بیان سامنے آیا ہے اور انہوں نے ایشیا کپ میں پاک بھارت ٹاکرے کی حمایت کر دی ہے۔

سارو گنگولی نے کہا کہ ہم دہشتگردی کے خلاف ہیں، لیکن کھیلوں کا سلسلہ نہیں رکنا چاہیے۔ کھیل کو جاری رہنا چاہیے۔

سابق بھارتی کپتان کا مزید کہنا تھا کہ پاکستان اور بھارت کا ایک ہی گروپ میں ہونا ٹھیک ہے اور مجھے انڈیا کے ایشیا کپ میں پاکستان سے کھیلنے پر کوئی مسئلہ نظر نہیں آتا۔

واضح رہے کہ بھارتی حکومت کی جانب سے ٹیم انڈیا کو پاکستان سے کھیلنے کی اجازت ملنے کے بعد گزشتپ روز ایشین کرکٹ کونسل کے صدر محسن نقوی نے ایشیا کپ 2025 کے شیڈول کا اعلان کیا تھا۔

ٹورنامنٹ کا میزبان میزبان بھارت ہے۔ تاہم پاک بھارت معاہدے کے تحت یہ ایونٹ ہائبرڈ ماڈل کے تحت یو اے ای میں 9 سے 28 ستمبر تک کھیلا جائے گا۔

ایشیا کپ میں پاکستان اور بھارت کو ایک ہی گروپ میں رکھا گیا ہے اور ٹورنامنٹ میں پہلی بار 8 ٹیمیں شرکت کر رہی ہیں اور راؤنڈ میچ کے بعد سپر فور مرحلے میں ہر ٹیم کو تین تین میچز کھیلنے کا موقع ملے گا۔ دو ٹاپ ٹیمیں 28 ستمبر کو فائنل میں ٹکرائیں گی۔

ایشیا کپ میں پاکستان اور بھارت کا میچ 14 ستمبر کو ہوگا، دونوں روایتی حریف ایک ہی گروپ میں شامل ہیں، دونوں کا سپر 4 میں بھی ایک دوسرے سے مقابلہ ہوگا اور اگر کوالیفائی کیا تو پھر پاکستان اور بھارت تیسری مرتبہ فائنل میں بھی ایک دوسرے کے مدمقابل آسکتے ہیں۔

https://urdu.arynews.tv/former-indian-captain-against-pak-vs-india-match-in-asia-cup/