ARYNews.tv | Urdu – Har Lamha Bakhabar

Tag: ایشیا کپ 2025

  • ایشیا کپ 2025 کی ٹکٹس سے متعلق اہم اعلان

    ایشیا کپ 2025 کی ٹکٹس سے متعلق اہم اعلان

    دبئی(29 اگست 2025): ایمریٹس کرکٹ بورڈ نے ایشیا کپ 2025 کے ٹکٹ کی دستیابی سے متعلق اہم اپ ڈیٹ سامنے آگئی ہے۔

    ایمریٹس کرکٹ بورڈ نے اپنی ویب سائٹ پر اعلان کیا ہے کہ ایشیا کپ 2025 کے میچز کے ٹکٹس آج 29 اگست کو یو اے ای کی مقامی وقت کے مطابق شام 5 بجے سے دستیاب ہوں گے، ٹکٹس کی قیمت ابوظہبی کے میچوں کے لیے 40 درہم اور دبئی کے میچوں کے لیے 50 درہم رکھی گئی ہے۔

    پاکستان اور بھارت میچ کی ٹکٹ سمیت سات میچوں کے ٹکٹ کا ایک پیکج بنایا گیا ہے، اس پیکج کی قیمت 1,400 درہم سے شروع ہوگی، اس کے علاوہ شائقین باقی میچوں کے لیے الگ ٹکٹس بھی خرید سکتے ہیں۔

    ایمریٹس بورڈ کے مطابق ٹکٹس پلاٹینم لسٹ ویب سائٹ پر دستیاب ہوں گے، اس کے علاوہ کچھ دنوں میں دبئی انٹرنیشنل اسٹیڈیم اور ابوظہبی کے زید کرکٹ اسٹیڈیم کے ٹکٹ دفاتر پر بھی ٹکٹس دستیاب ہوں گے جس کی تفصیلات جلد جاری کی جائے گی۔

    خیال رہے کہ مینز ایشیا کپ 9 ستمبر سے 28 ستمبر تک متحدہ عرب امارات میں شیڈول ہے، پاکستان اور بھارت کے درمیان شیڈول ایونٹ کا ہائی وولٹیج مقابلہ 14 ستمبر کو دبئی کرکٹ اسٹیڈیم میں کھیلا جائے گا۔

    ایشیائی ٹورنامنٹ کے 19 میچز میں سے 12 کی میزبانی دبئی کرکٹ اسٹیڈیم کرےگا جب کہ 7 میچز ابو ظبی کے میدان میں کھیلے جائیں گے، سپر فور مرحلہ اور 28 ستمبر کو فائنل مقابلہ بھی دبئی کرکٹ اسٹیڈیم میں کھیلا جائے گا۔

    پاکستان کرکٹ ٹیم کے تینوں میچز دبئی اسٹیڈیم میں ہوں گے، قومی ٹیم 12 ستمبر کو پہلے میچ میں عمان کا سامنا کرے گی، شاہینوں کا دوسرا مقابلہ 14 ستمبر کو بھارت کے خلاف ہوگا، تیسرے میچ میں گرین شرٹس 17 ستمبر کو یو اے ای کیخلاف میدان میں اُتریں گے۔

  • ایشیا کپ 2025 کے تمام میچز بالکل مفت دیکھیں اسٹیؔڈیم میں! مگر کیسے؟

    ایشیا کپ 2025 کے تمام میچز بالکل مفت دیکھیں اسٹیؔڈیم میں! مگر کیسے؟

    (28 اگست 2025) ایشیا کپ 2025 کا شدت سے انتظار کرنے والے شائقین کے لیے خوشخبری ہے کہ وہ اسٹیڈیم میں تمام میچز بالکل مفت دیکھ سکیں گے۔

    بھارت کی میزبانی میں کھیلے جانے والے ہاکی ایشیا کپ 2025 کا کل (جمعہ 29 اگست) سے آغاز ہو رہا ہے۔ اس ٹورنامنٹ کے آغاز سے قبل شائقین ہاکی کو خوشخبری دی گئی ہے کہ وہ ٹورنامنٹ کے تمام میچز اسٹیڈیم میں آ کر مفت دیکھ سکتے ہیں۔

    بھارتی میڈیا کے مطابق یہ اعلان ہاکی انڈیا کے سیکریٹری جنرل بھولا ناتھ سنگھ نے گزشتہ روز کیا اور کہا کہ ہمیں امید ہے کہ شائقین بڑی تعداد میں اپنی ٹیموں کو سپورٹ کرنے آئیں گے۔ یہ فیصلہ بھارت کے ہر کونے میں ہاکی کلچر کے فروغ اور پورے ٹورنامنٹ کے دوران اسٹیڈیم میں پرجوش ماحول کو یقینی بنانے کے لیے کیا گیا ہے۔

    ہاکی انڈیا کے صدر دلیپ ٹرکی نے اس حوالے سے مزید کہا کہ ایشیا کپ کی میزبانی بھارتی ہاکی کے لیے تاریخی لمحہ ہے اور ہم چاہتے ہیں کہ اس تاریخی سفر میں مداح ہمسفر بنیں۔

    واضح رہے کہ ہاکی ایشیا کپ 2025 کا انعقاد 29 اگست سے 7 ستمبر تک بہار کے نئے تعمیر شدہ راجگیر ہاکی اسٹیڈیم میں کھیلا جائے گا۔

    ہاکی ایشیا کپ 2025 میں میزبان بھارت کو جاپان، چین اور قازقستان کے ساتھ گروپ اے میں رکھا گیا ہے۔ ٹورنامنٹ کا افتتاحی میچ کل میزبان بھارت اور چین کے درمیان ہوگا۔

    مفت ٹکٹ کیسے حاصل کریں:

    ہاکی ایشیا کپ 2025 کے میچوں کے مفت ٹکٹ حاصل کرنے کے لیے، شائقین کو www.ticketgenie.in یا ہاکی انڈیا ایپ پر جا کر مفت ٹکٹوں کے لیے رجسٹر کرنا ہوگا۔ اس عمل کے مکمل ہونے پر، انہیں ورچوئل ٹکٹ مل جائے گا۔ اس پورے عمل کو بہت آسان بنایا گیا ہے۔

    https://urdu.arynews.tv/phf-on-pakistan-hockey-team-played-or-not-asia-cup-in-india/

  • ایشیا کپ 2025، پاکستان اور بھارت میں سے کون فیورٹ؟ وسیم اکرم نے بتادیا

    ایشیا کپ 2025، پاکستان اور بھارت میں سے کون فیورٹ؟ وسیم اکرم نے بتادیا

    لاہور: پاکستانی کرکٹ ٹیم کے سابق فاسٹ بولر اور سابق کپتان وسیم اکرم نے کہا ہے کہ ایشیا کپ 2025 میں روایتی حریفوں کے درمیان دبئی میں خاصی گرما گرمی ہوسکتی ہے، کھلاڑی اور تماشائی نظم و ضبط کا مظاہرہ کریں اور اور حد پار کرنے سے گریز کریں۔

    عالمی شہرت یافتہ سابق فاسٹ بولر وسیم اکرم نے خبردار کیا ہے کہ دبئی میں ایشیا کپ 2025 کے دوران فضا خاصی گرم ہوسکتی ہے تاہم انہوں نے زور دیا کہ نہ کھلاڑی اور نہ ہی شائقین حد سے تجاوز کریں۔

    سابق آل راؤنڈر نے کہا کہ دنیا بھر کے کروڑوں لوگ بھارت اور پاکستان کے درمیان ہونے والے میچ سے لطف اندوز ہوتے ہیں، یہ مقابلے ہمیشہ دلچسپ ہوتے ہیں مگر ضروری ہے کہ کھلاڑی اور تماشائی نظم و ضبط قائم رکھیں اور حد پار نہ کریں۔

    وسیم اکرم کا کہنا تھا کہ دونوں ملکوں کے عوام اپنے اپنے وطن سے محبت کرتے ہیں لیکن حب الوطنی کا مطلب یہ نہیں کہ کھیل کو کھیل کے دائرے سے باہر لے جایا جائے، اگر بھارتی عوام اپنی ٹیم کی حمایت کرتے ہیں تو پاکستانی شائقین بھی ایسا ہی کریں گے، یہ بالآخر کھیل ہے اس سے زیادہ کچھ نہیں ہے۔

    پاکستانی سابق سپر اسٹار فاسٹ بولر کی جانب سے 14 ستمبر کو دبئی میں شیڈول روایتی حریفوں کے مقابلے میں بھارت کو پاکستان کے مقابلے میں فیورٹ قرار دیا۔

    اُنہوں نے کہا کہ پاکستان گزشتہ برسوں میں بھارت کے خلاف مستقل کامیابیاں حاصل نہیں کرسکا تاہم ٹی ٹوئنٹی فارمیٹ میں گرین شرٹس کے پاس مواقع رہے ہیں، پاکستان نے 2021 کے ورلڈ کپ اور 2022 کے ایشیا کپ میں بھارت کو ہرایا تھا۔

    کپتانوں کی تبدیلی، پی سی بی کا اہم بیان سامنے آگیا

    سابق کپتان کا مزید کہنا تھا کہ بھارت کی حالیہ عرصے کے دوران پرفارمنس بہترین رہی ہے اور فیورٹ کے طور پر میدان میں اترے گا، لیکن اصل فیصلہ اس دن ہوگا کہ کون سی ٹیم دباؤ کا بہتر طریقے سے سامنا کرنے میں کامیاب ہوتی ہے۔

  • ایشیا کپ میں پاک بھارت میچ پر سنیل گواسکر کا بڑا بیان سامنے آگیا

    ایشیا کپ میں پاک بھارت میچ پر سنیل گواسکر کا بڑا بیان سامنے آگیا

    نئی دہلی(20 اگست 2025): بھارت کرکٹ ٹیم کے سابق کپتان سنیل گواسکر نے ایشیا کپ میں پاکستان کیخلاف کھیلنے کو بھارتی کھلاڑیوں کی مجبوری قرار دے دیا۔

    بھارت کے سابق کھلاڑی سنیل گواسکر نے ایشا کپ 2025 میں پاک بھارت ٹاکرے سے متعلق گفتگو کی ہے، انہوں نے بھارتی کرکٹرز کے حق میں بولا ہے کہ بھارتی کھلاڑیوں کے پاکستان کے خلاف میچ کھیلنے پر تنقید نہیں ہونی چاہیے کیوں کہ کھیلنا یا نہ کھیلنا اس میں کھلاڑیوں کا کوئی عمل دخل نہیں ہوتا۔

    سابق بھارتی کھلاڑی کا کھلاڑی کا کام بھارتی کرکٹ بورڈ اور حکومت کے احکامات پر عمل کرنا ہوتا ہے، اگر حکومت نے فیصلہ کہ کھیلنا ہے تو  اس پر کھلاڑیوں کو تنقید کا نشانہ کیوں بنایا جا رہا ہے۔

    سنیل گواسکر کا کہنا ہے کہ کھلاڑی بی سی سی آئی کے کنٹریکٹ میں ہیں اور وہ حکومت سے ہدایات لیتے ہیں، اس معاملے میں کھلاڑی لاچار ہیں اور وہ صرف ایشیا کپ کھیلنے کے لیے منتخب ہوئے ہیں، اگر حکومت انہیں کہتی ہے کہ کھیلو تو وہ کھیلیں گے اور اگر حکومت انہیں منع کرتی ہے تو وہ نہیں کھیلیں گے۔

    https://urdu.arynews.tv/asia-cup-2025-indian-squad-announced/

    واضح رہے کہ بھارتی کرکٹ بورڈ نے ایشیا کپ 2025 کے لیے اسکواڈ کا اعلان کردیا ہے، بھارتی اسکواڈٖ میں سوریا کمار یادیو، شبمن گل، ابھیشیک شرما، تلک ورما، ہاردک پانڈیا، شیوم دوبے، اکسر پٹیل، وکٹ کیپر بیٹر جیتیش شرما، جسپریت بمراہ، ارشدیپ سنگھ، ورون چکرورتی، کلدیپ یادیو، وکٹ کیپر بیٹر سنجو سیمسن، ہرشیت سنگھ رانا اور رنکو سنگھ شامل ہیں۔

    ایشیا کپ 2025 میں پاکستان اور بھارت کے درمیان 14 ستمبر کو میچ شیڈول ہے اور اگر ان دونوں ٹیموں نے سپر فور مرحلے کے لیے کوالیفائی کرلیا تو دونوں کے درمیان ممکنہ ٹاکرا 21 ستمبر کو ہوگا۔

  • ایشیا کپ 2025، بھارتی اسکواڈ کا اعلان

    ایشیا کپ 2025، بھارتی اسکواڈ کا اعلان

    ایشیا کپ 2025 کے سلسلے میں بھارتی کرکٹ ٹیم کے 15 رکنی اسکواڈ کا اعلان کردیا گیا۔

    رپورٹس کے مطابق ایشیا کپ 2025 کے بھارتی اسکواڈ میں شبمن گل کی ٹی ٹوئنٹی ٹیم میں واپسی ہوئی ہے۔ انہیں اکشر پٹیل کی جگہ ٹیم کا نائب کپتان مقرر کیا گیا ہے۔ اس کے علاوہ یشسوی جیسوال اور شریاس ایئر اسکواڈ میں جگہ بنانے میں ناکام رہے۔

    بھارتی اسکواڈ میں سوریا کمار یادیو (کپتان)، شبمن گل (نائب کپتان)، ابھیشیک شرما، تلک ورما، ہاردک پانڈیا، شیوم دوبے، اکشر پٹیل، جیتیش شرما، جسپریت بمراہ، ارشدیپ سنگھ، ورون چکرورتی، کلدیپ یادیو، سنجوسامسن، ہرشیت رانا، رنکو سنگھ شامل ہیں۔

    دوسری جانب بھارت کے سابق کرکٹر کیدار جادھو نے دعویٰ کیا ہے کہ ایشیا کپ میں پاکستان اور بھارت کا میچ نہیں ہوگا۔

    سابق بھارتی کرکٹر کیدار جادھو نے کہا کہ بھارت کے پاس پاکستان سمیت کسی بھی ٹیم کو شکست دینے کی صلاحیت موجود ہے لیکن مجھے یقین ہے کہ میچ نہیں ہونا چاہیے اور میں اعتماد کے ساتھ کہتا ہوں کہ بھارت نہیں کھیلے گا۔

    پی سی بی کا سینٹرل کنٹریکٹ کا اعلان: بڑے نام بی کیٹیگری میں شامل

    انہوں نے کہا کہ میرے خیال میں بھارتی ٹیم کو پاکستان سے نہیں کھیلنا چاہیے، بھارتی ٹیم جہاں بھی کھیلے گی وہ ہمیشہ جیتے گی۔

    واضح رہے کہ کیدار جادھو کا تبصرہ ایسے وقت میں سامنے آیا ہے جب سابق اسپنر ہربھجن سنگھ نے بھی ٹورنامنٹ میں بھارت کے پاکستان سے کھیلنے کے بائیکاٹ کا کہا ہے۔

  • ایشیا کپ 2025: ہربھجن سنگھ نے زہر اگلنا شروع کردیا

    ایشیا کپ 2025: ہربھجن سنگھ نے زہر اگلنا شروع کردیا

    بھارت کے سابق اسپنر ہربھجن سنگھ کی ہمیشہ سے یہی کوشش رہی ہے کہ پاکستان کے خلاف زہر آلود بیانات دے کر لوگوں کی توجہ حاصل کی جاسکے۔

    ماضی میں ہربھجن سنگھ کی شعیب اختر، شاہد آفریدی، ثقلین مشتاق اور محمد یوسف جیسے کئی سابق پاکستانی کھلاڑیوں سے دوستیاں رہی ہیں مگر اس کے باوجود وہ پاکستان کے خلاف زہر اگلنے سے باز نہیں آتے۔

    تاہم اب انہوں نے ایشیا کپ 2025 شروع ہونے سے قبل ہی ہرزہ سرائی شروع کردی سابق اسپنر نے پاکستان کے خلاف کھیلنے پر اپنے ہی بورڈ پر برد پڑے ہیں۔

    میڈیا رپورٹ کے مطابق بھارتی سابق اسپنر ہربھجن سنگھ نے ایشیا کپ 2025 میں پاکستان کے خلاف کھیلنے کے فیصلے پر بھارتی کرکٹ بورڈ (بی سی سی آئی) کو سخت تنقید کا نشانہ بنایا۔

    بھارتی میڈیا سے گفتگو کرتے ہوئے ہربھجن سنگھ نے کہا کہ پہلگام کا واقعہ اور پھر آپریشن سندور کے بعد ملک کے موجودہ جذبات کو دیکھتے ہوئے ایشیا کپ میں پاکستان کا بائیکاٹ کرنا چاہیے تھا اور ہمیں ہر سطح پر پاکستان کو بائیکاٹ کرنا چاہیے۔

    بھارتی میڈیا کے مطابق ہربھجن سنگھ نے کہا کہ بورڈ کو سمجھنا چاہیے کہ کیا ضروری ہے اور کیا نہیں مگر میرے لیے وہ فوجی زیادہ اہم ہیں  جو سرحد پر کھڑا ہے۔

    ہربھجن سنگھ نے مؤقف دیا کہ بھارتی فوجی  کبھی اپنی جان قربان کر دیتا ہے اور واپس نہیں آتا، ان کی قربانی ہمارے لیے بے مثال ہے۔ اس کے مقابلے میں ایک کرکٹ میچ نہ کھیلنا کوئی بڑی بات نہیں، یہ تو ایک معمولی سی بات ہے۔

    واضح رہے کہ ایشیا کپ کہ کے شیڈول کے اعلان سے قبل قیاس آرائیاں تھیں کہ بھارت ایشیا کپ سے دستبردار ہو جائے گا اور پاکستان کے خلاف میچز نہیں کھیلے گا، تاہم شیڈول جاری ہونے کے بعد یہ واضح ہو گیا کہ دونوں ٹیمیں ممکنہ طور پر تین مرتبہ آمنے سامنے آ سکتی ہیں۔

  • ایشیا کپ کے وینیوز کا اعلان، پاک بھارت ٹاکرا دبئی اسٹیڈیم میں ہوگا

    ایشیا کپ کے وینیوز کا اعلان، پاک بھارت ٹاکرا دبئی اسٹیڈیم میں ہوگا

    ایشین کرکٹ کونسل کے صدر محسن نقوی نے ایشیا کپ 2025 کے وینیوز کا اعلان کردیا۔

    ایشیا کپ 2025 میں روایتی حریف پاکستان اور بھارت کا میچ 14 ستمبر بروز اتوار کو دبئی کرکٹ اسٹیڈیم میں ہوگا۔

    ایشیا کپ کے میچز ابوظبی اور دبئی میں کھیلے جائیں گے، پاکستان کرکٹ ٹیم کے تینوں میچز دبئی میں شیڈول ہیں۔

    میگا ایونٹ کا فائنل بھی 28 ستمبر کو دبئی کرکٹ اسٹیڈیم میں کھیلا جائے گا۔

    ٹورنامنٹ کا افتتاحی میچ 9 ستمبر کو ابوظبی میں کھیلا جائے گا، پہلے میچ میں افغانستان اور ہانگ کانگ کی ٹیمیں ٹکرائیں گی۔

    پاکستان ٹیم اپنا پہلا میچ 12 ستمبر کو عمان سے کھیلے گی، پاکستان کا آخری گروپ میچ 17 ستمبر کو یو اے ای سے ہوگا۔

    Image

    Image

  • ایشیا کپ 2025 میں 6 کے بجائے 8 ٹیموں کی شرکت کا امکان

    ایشیا کپ 2025 میں 6 کے بجائے 8 ٹیموں کی شرکت کا امکان

    ڈھاکہ(24 جولائی 2025): ایشیا کپ کے انعقاد کے حوالے سے یہ خبر سامنے آئی ہے کہ ایشیا کپ 2025 میں 6 ٹیموں کے بجائے آٹھ ٹیموں کو شامل کیا جائے گا۔

    پاکستان کرکٹ بورڈ( پی سی بی) کے چیئرمین اور ایشیا کونسل کے صدر محسن نقوی کی زیر صدارت ایشین کرکٹ کونسل کا ڈھاکا میں اجلاس ہوا۔

    اس اجلاس میں بھارت نے آن لائن شرکت کی، ذرائع کاکہنا ہے اجلاس میں ایشیاکپ کے انعقاد کے حوالے سے فیصلہ ہونا تھا جو کہ بغیر کسی نتیجے کے ختم  ہوگیا۔

    تاہم ذرائع کا کہنا ہے کہ ایشیا کپ 2025 میں آٹھ ٹیموں کو شامل کرنےکا فیصلہ کیا گیا ہے، اراکین کی نئے شیڈول اور وینیوز پر بھی مشاورت ہوئی، میگا ایونٹ 8سے 28 ستمبر تک متحدہ عرب امارات میں ہوگا۔

    ذرائع کا کہنا ہے کہ میچز دبئی اور ابوظبی میں کھیلے جائینگے، پاکستان، بھارت، سری لنکا، افغانستان بنگلادیش کے علاوہ یو اےای، عمان، اور ہانگ کانگ کی ٹیمیں بھی شامل ہوں گی۔

    دوسری جانب اے سی سی کے صدر محسن نقوی کا کہنا ہے کہ ایشیا کپ سے متعلق جلد فیصلہ ہوگا، ہم نے اجلاس میں فیصلہ کیا ہے کرکٹ کیلئے کام کرنا ہے۔

    اے سی سی کے صدر نے مزید کہا کہ اجلاس میں تمام 25 ارکان نے شرکت کی سب کا شکریہ ادا کرتا ہوں، کھیل میں سیاست نہیں چاہتے، بڑے اچھے ماحول میں میٹنگ ہوئی ہے۔

  • ایشیا کپ پر چھائے غیریقینی کے بادل چھٹنے لگے، ممکنہ شیڈول سامنے آگیا

    ایشیا کپ پر چھائے غیریقینی کے بادل چھٹنے لگے، ممکنہ شیڈول سامنے آگیا

    ایشیا کپ2025 کے انعقاد پر چھائے غیریقینی کے بادل چھٹنے لگے، ٹی20 فارمیٹ میں کھیلے جانے والے ایونٹ کا ممکنہ شیڈول سامنے آگیا۔

    اس بار ایشیا کپ کا انعقاد چوں کہ ٹی ٹوئنٹی فارمیٹ کے تحت کھیلا جارہا ہے اس لیے شائقین کو اس کا بے صبری سے انتظار ہے، تاہم پاک بھارت کشیدگی کے سبب ایشیا کپ کپر غیریقینی کے بادل تھے لیکن اب ٹی20 ایشیا کپ2025 کا ممکنہ شیڈول سامنے آگیا ہے۔

    ذرائع نے بتایا کہ ایونٹ بھارت کی میزبانی میں 12 سے 28ستمبر تک منعقد ہوگا، ایشیا کپ2025 یو اے ای کے میدانوں میں منعقد ہوگا۔

    پاکستان اور بھارت سمیت 6ٹیمیں ایشا کپ میں حصہ لیں گی، پاکستان اور بھارت کے درمیان حالیہ جنگ اور جاری تناؤ کے سبب ایونٹ کے انعقاد پر سوالیہ نشان موجود ہے۔

    سنیل گواسکر نے بھی ایشیا کپ سے قبل زہر اُگلنا شروع کردیا

    پہلگام واقعے سے قبل چیمپئنز ٹرافی فائنل کے دوران بھی ایشیائی ملکوں کے حکام کے درمیان ایشیا کپ سے متعلق بات چیت ہوئی تھی۔

    اس وقت بھی یہ اطلاعات سامنے آئی تھیں کہ رواں سال ستمبر میں شیڈول ایشیا کپ ایونٹ کا میزبان بھارت ہی رہےگا تاہم میچز کا انعقاد ممکنہ طور پر متحدہ عرب امارات کے میدانوں میں ہوگا۔

    بھارت نے ایونٹ کی ذمہ داری بورڈ کے نائب صدر راجیو شکلا کو سونپی ہے، ایشیا کپ رواں سال دفاعی چیمپئن بھارت میں شیڈول ہے اور آئندہ برس ٹی 20 ورلڈ کپ کو مدنظر رکھتے ہوئے یہ ایونٹ بھی ٹی 20 فارمیٹ میں کھیلا جانا ہے۔

    https://urdu.arynews.tv/preparing-for-the-asia-cup-and-the-t20-world-cup-aqib-javed/

  • سنیل گواسکر کے بیان پر باسط علی اور کامران اکمل کا شدید ردعمل

    سنیل گواسکر کے بیان پر باسط علی اور کامران اکمل کا شدید ردعمل

    کراچی : سابق کرکٹر اور تجزیہ نگار باسط علی اور کامران اکمل نے ایشیا کپ 2025 کے حوالے سے سنیل گواسکر کے بیان کو مایوس کن افسوسناک قرار دیا۔

    اے آر وائی نیوز کے پروگرام ہر لمحہ پر جوش میں اس موضوع پر بات کرتے ہوئے باسط علی نے کہا کہ میری نظر میں دو لیجنڈ کرکٹرز ہیں ایک جاوید میانداد اور دوسرے سنیل گواسکر۔

    کوئی اور شخص ایسا بیانب دیتا تو میں جواب نہیں دیتا لیکن مجھے ان کی زبان سے ایسے الفاظ سن کر بہت افسوس ہوا، انہوں نے کہا کہ ایشیا کپ میں پاکستان کی شمولیت کا فیصلہ اے سی سی کرے گی جس کے صدر محسن نقوی ہیں۔

    باسط علی کا کہنا تھا کہ یہ فیصلہ اے سی سی نے کرنا ہے بی سی سی آئی نے نہیں، اس کے علاوہ سنیل گواسکر یہ بھی کہا کہ پاکستان سے شاہد آفریدی بھی ایسے بیان دیتا ہے تو میں نے کہا کہ آپ کا موازنہ شاہد آفریدی سے تھوڑی کیا جاسکتا ہے۔

    اس موقع پر کامران اکمل نے کہا کہ سنیل گواسکر اتنے بڑے پلیئر ہیں، ان کی بات دنیا میں سنی بھی جاتی ہے لیکن اس طرح کا بیان ان کو نہیں دینا چاہیے یہ بات ان کے شایان شان نہیں۔

    کامران اکمل کا مزید کہنا تھا کہ بھارت کے سینئر کرکٹر کو ایسی بات کرنی چاہیے جس سے اختلافات دور ہوں نہ کہ اس میں مزید اضافہ ہوجائے۔

    مزید پڑھیں : سنیل گواسکر نے بھی ایشیا کپ سے قبل زہر اُگلنا شروع کردیا 

    یاد رہے کہ سابق بھارتی کپتان سنیل گواسکر نے پاکستان کیخلاف زہر اگلتے ہوئے اپنے ایک حالیہ انٹرویو میں کہا تھا کہ پہلگام واقعے کے بعد ایشیا کپ 2025 میں پاکستان کو کھیلتے ہوئے نہیں دیکھنا چاہتا، میں نہیں سمجھتا کہ پاکستان کو اس ایونٹ میں شامل کیا جائے گا۔

    سابق بھارتی کرکٹر کا کہنا تھا کہ میں نہیں جانتا کہ آگے کیا ہوگا مگر اس بات کا انحصار اگلے دو مہینوں پر ہے کہ دونوں ممالک کے درمیان کیا معاملات طے پاتے ہیں۔