Tag: ایشیا کپ

بنگلہ دیش میں آئندہ ماہ ایشیا کپ اورمارچ میں ورلڈ ٹی ٹوئنٹی شیڈول ہے۔ لیکن وہاں کے خراب حالات اور پاکستان مخالف جذبات کو دیکھتے ہوئے قومی ٹیم کا بنگلہ دیش جانا کسی خطرے سے کم نہیں۔ بنگلہ دیش میں گزشتہ دنوں پاکستانی قونصل خانے کا گھیراؤ بھی کیا گیا۔

اب تک ہونے والے پرتشدد واقعات میں سینکڑوں افراد ہلاک ہوچکے ہیں۔ دہشت گر د واقعات اور بم دھماکوں کے سبب ویسٹ انڈیز پہلے ہی اپنی انڈر نائنٹین ٹیم بنگلہ دیش سے واپس بلاچکا ہے۔ اب تو بنگلہ دیش کے ڈومیسٹک ایونٹ بھی سیکیورٹی وجوہات کے سبب منسوخ ہوچکے ہیں۔

ایسی صورتحال میں پاکستان کا بنگلہ دیش جانا درست نہیں ہوگا۔ ایسے میں ایشین کرکٹ کونسل کا ایونٹ کو بنگلہ دیش سے منتقل نہ کرنا سمجھ سے بالاتر ہے۔ آئی سی سی کے سابق سربراہ احسان مانی نے پی سی بی کو ایشیا کپ سے دستبردار ہونے کا مشورہ دیا ہے۔

ان کا کہنا ہے کہ کھلاڑیوں کے زندگیوں کو خطرے میں ڈالنا مناسب نہیں ہوگا۔ دوسری جانب دفتر خارجہ کی ترجمان تسنیم اسلم نے کہا ہے کہ ایشیا کپ اور ورلڈ ٹی ٹوئنٹی میں پاکستان کرکٹ ٹیم کو بنگلہ دیش بھیجنے کے حوالے سے پی سی بی نے کوئی رابطہ نہیں کیا، بنگلہ دیش کے حوالے سے پی سی بی نے مشورہ کیا تو فیصلہ کریں گے۔

متحدہ عرب امارات میں جونیئر ایشیاء کپ کھیلنے والی پاکستان انڈر نائنٹین کرکٹ ٹیم وطن واپس پہنچ گئ۔ مینیجر علی ضیا کا کہنا تھا کہ روایتی حریف بھارت سےفائنل میچ میں شکست کے بعد خوبیوں اور خامیوں کا پتہ چل گیا ہے۔

لاہور ائیر پورٹ پر میڈیا سے گفتگو کرتے ہوئے پاکستان انڈر نائنٹین کرکٹ ٹیم کےکپتان سمیع اسلم کاکہناتھا کہ ورلڈ کپ کے لیے ٹیم کی کارکردگی بہتر بنانےکےلئےمحنت کرینگے۔

ان کا کہنا تھا کہ ایشیا کپ سے تمام کھلاڑیوں کے مورال اور حوصلے بلند ہوئے ہیں۔ فائنل میں ٹاس جیت کر بھارت کیخلاف پہلے بولنگ کرنے کا فیصلہ کنڈیشن کے حوالےسے ٹھیک تھا۔ فیلڈنگ میں غلطیاں ہوئیں جسے دور کرنے کی ضرورت ہے۔

اس موقع پر ٹیم مینیجر علی ضیا کا کہنا تھا کہ فائنل میں دونوں ٹیمیں مضبوط تھیں اور تمام کھلاڑیوں کی پرفارمنس بھی اچھی رہی۔ انہوں نے کہا کہ ہمارا اصل مقصد ورکڈ کپ میں جیت ہے ایشیاء کپ سے ٹیم کی تیاری ہوئی ہیں

ایشین کرکٹ کونسل نے ایشیا کپ کا انعقاد بنگلہ دیش میں ہی برقرار رکھنے کا گرین سگنل دے دیا۔ افغانستان کی ٹیم کو بھی ٹورنامنٹ میں شامل کرلیا گیا ہے, ایشیا کپ کا انعقاد ڈھاکہ میں ہی ہوگا، بنگلہ دیش میں جاری سیاسی کشیدگی کے باوجود ٹورنامنٹ کسی اور ملک منتقل نہیں کیا جارہا۔

ایشین کرکٹ کونسل کے اجلاس میں فیصلہ ہوگیا۔کولمبو میں اشرف الحق کی قیادت میں ایشین کرکٹ کونسل کا اجلاس ہوا جس میں ایشیا کپ کا انعقاد بنگلہ دیش میں کرانے پر اتفاق ہوا۔ ٹورنامنٹ پچیس فروری سے سات مارچ تک ڈھاکہ میں ہوگا۔

اے سی سی کے چیف ایگزیکٹو کا کہنا تھا کہ اجلاس میں کسی نے سیکورٹی خدشات ظاہر نہیں کئے۔ پاکستان، بھارت، سری لنکا اور بنگلہ دیش کے ساتھ افغانستان کو پانچویں ٹیم کے طور پر ٹورنامنٹ میں شامل کرلیا گیا ہے۔ سری لنکا نے بنگلہ دیش میں سیاسی کشیدگی کے باعث ایشیا کپ کی میزبانی کی پیشکش کی تھی۔

بنگلہ دیش میں پاکستان خلاف مظاہروں نے ایشیا کپ اور ورلڈ ٹی ٹوئنٹی میں قومی ٹیم کی شرکت پر شکوک وشبہات پیدا کردیئے ہیں۔

بنگلہ دیش میں حکومت مخالف گروپس کی جانب سے مظاہروں اور جلاؤ گھیراؤ کا سلسلہ جاری ہے۔ جس میں کئی ہلاکتیں بھی ہوچکی ہیں۔ ویسٹ انڈیز کی انڈر نائنٹین ٹیم کو بھی بنگلہ دیش سے دورہ ادھورہ چھوڑ کر وطن واپس بلالیا گیا ہے جبکہ دیگر ٹیموں کی جانب سے بھی بنگلہ دیش میں موجودہ حالات پر تحفظات کا اظہار کیا گیا ہے۔

عبدالقادر ملا کو پھانسی دینے کے بعد سے بنگلہ دیش میں حالات کشیدہ ہیں ایسے میں عبدالقادر ملا کی سزائے موت پر پاکستان کی مذمتی قراد داد سے بنگلہ دیش میں پاکستان خلاف مظاہرے بھی شروع ہوگئے ہیں۔

مظاہروں کے سبب فروری میں ایشیا کپ اور ورلڈ ٹی ٹوئنٹی میں پاکستان کی شرکت پر سوالیہ نشان لگ گیا ہے۔ بنگلہ دیش سے ایونٹ کی منتقلی اور ٹیموں کے تحفظات دور کرنے کے لئے اب آئی سی سی کو کوئی فیصلہ کرنا ہوگا۔