Tag: ایشیا کپ

شدید بارشوں کے باعث ایشیا کپ کے کولمبو میں ہونے والے میچز کا وینیو تبدیل کرنے پرغور شروع کردیا گیا، انھیں دمبولا یا پالی کیلے منتقل کرنے کی اطلاعات سامنے آرہی ہیں۔

تفصیلات کے مطابق ایشیا کپ کا ایونٹ پاکستان اور سری لنکا میں کھیلا جارہا ہے مگر کینڈی میں ہونے والی بارش کے باعث پاکستان اور بھارت کا اہم میچ بے نتیجہ ختم ہوگیا تھا، اب بھارتی میڈیا نے اطلاع دی ہے کہ شدید بارشوں کے باعث کولمبو کا وینیو تبدیل کرنے پرغور کیا جارہا ہے۔

بھارتی میڈیا کا کہنا ہے کہ کولمبو میں شیڈول میچز دمبولا یا پالی کیلے منتقل کیے جا سکتے ہیں، ایشین کرکٹ کونسل نے ممبر بورڈز کا اہم اجلاس طلب کرلیا ہے۔

ایشین کرکٹ کونسل کی جانب سے آئندہ 24 سے 48 گھنٹے کے دوران وینیو کی تبدیلی کے حوالے سے اہم فیصلہ سامنے آنے کا امکان ہے۔

واضح رہے کہ بھارت نے پاکستان کو میچ جیتنے کے لیے 267 رنز کا ہدف دیا تھا لیکن بارش کے باعث دوسری اننگز میں کھیل شروع نہ ہوسکا جس کی وجہ سے میچ بے نتیجہ ختم کیا گیا۔

دونوں ٹیموں کو ایک، ایک پوائنٹ دیا گیا ہے جس کے بعد پاکستان نے سپر فور مرحلے کے لیے کوالیفائی کرلیا ہے۔

ایشیا کپ میں پاکستانی اوپنر امام الحق قومی کپتان بابر اعظم اور بھارتی بیٹر ویرات کوہلی سے زیادہ رنز بنا سکتے ہیں، پچھلی چھ اننگز میں وہ چار نصف سنچریاں اسکور کرکے اپنے عزائم کا اظہار کرچکے ہیں۔

امام کافی عرصے سے ون ڈے انٹرنیشنلز میں تسلسل کے ساتھ کارکردگی کا مظاہرہ کررہے ہیں، پاکستانی بیٹر کی موجودہ فارم برقرار رہی تو وہ ایشیا کپ 2023 میں سب سے زیادہ رنز بنانے والے بلے باز کا اعزاز بھی حاصل کر سکتے ہیں۔

پاکستان اور بھارت ایشیا کپ کے دو انتہائی مضبوط دعویدار ہیں کیوں کہ دنوں ٹیموں کے پاس ہی ایک سے بڑھ کر ایک کھلاڑی ہیں جو کسی بھی لمحے میچ کا پانسہ پلٹنے کی صلاحیت رکھتے ہیں، کرکٹ ماہرین کے مطابق اس بار ایشیا کپ میں سب سے زیادہ رنز بابراعظم یا ویرات کوہلی بنا سکتے ہیں، جس کی وجہ دنوں کھلاڑیوں کا تکنیکی طور پر اپنے ہم عصر بیٹرز سے بہتر ہونا ہے۔

تاہم کچھ حلقے یہ بھی سمجھتے ہیں کہ ان دونوں شاندار فارم کے حامل امام الحق ایشیا کپ میں سب کو حیران کرنے کے لیے تیار ہیں، حال ہی میں افغانستان کے خلاف ون ڈے سیریز کے تین میچز میں انھوں نے دو نصف سنچریوں سمیت مجموعی طور پر 165 رنز بنائے ہیں۔

پاکستانی اوپنر آخری چھ اننگز میں 339 رنز اسکور کرچکے ہیں جس میں انھوں نے چار نصف سنچریاں اسکور کی ہیں، دو مرتبہ وہ سنچری کے قریب بھی آئے تاہم نروس نائنٹیز کا شکار ہوئے۔

واضح رہے کہ پاکستانی اوپنر اب تک 62 ون ڈے انٹرنیشنلز میں 9 سنچری اور 18 نصف سنچری اسکور کرنے کے ساتھ 2884 رنز اسکور کرچکے ہیں اس وقت وہ آئی سی سی رینگنگ میں تیسرے نمبر پر موجود ہیں۔

لاہور: سی سی پی او لاہور نے کہا ہے کہ ایشیا کپ کے لیے بہترین سیکیورٹی پلان تشکیل دیا ہے، واک تھرو گیٹس اور خاردار تاریں بھی لگائی جائیں گی۔

تصیلات کے مطابق سی سی پی او لاہور بلال صدیق نے ملکی سرزمین پر منعقد ہونے والے ایشیا کپ کی سیکیورٹی کے حوالے سے بریفنگ دیتے ہوئے واضح کیا ہے کہ ایونٹ کے لیے بہترین سیکیورٹی پلان تشکیل دیا گیا ہے۔

بلال صدیق نے بتایا کہ سیکیورٹی کے بھرپور اقدامات کرتے ہوئے بیرئیرز لگانے کے ساتھ ساتھ واک تھروگیٹس بھی نصب کیے جائیں گے۔

میٹل ڈیٹیکٹرز کے ذریعے شائقین کو گرائونڈ میں داخلے سے قبل چیک کیا جائے گا جب کہ اطراف میں خاردار تاریں بھی لگائی جائیں گی۔

واضح رہے کہ لاہورمیں ایشیا کپ کے3 میچز منعقد ہوں گے، ایشیا کپ ک افتتاحی میچ 30 اگست کو میزبان پاکستان اور نیپال کے درمیان شیڈول ہے۔

قومی مڈل آرڈر بیٹر سعود شکیل کو ایشیا کپ کے اسکواڈ میں شامل کرلیا گیا، طیب طاہرکی جگہ لیف ہینڈ بیٹر کی شمولیت عمل میں آئی ہے۔

اے آر وائی نیوز کے مطابق حالیہ دنوں میں عمدہ پرفارمنس دکھانے والے قومی کرکٹر سعود شکیل کو ایشیا کپ کے اسکواڈ میں کا حصہ بنا لیا گیا ہے، 17 رکنی اسکواڈ میں سعود کو طیب طاہر کی جگہ شامل کیا گیا ہے۔

پی سی بی ذرائع نے بتایا کہ طیب طاہر بطور ٹریولنگ ریزرو اسکواڈ کے ساتھ رہیں گے، قومی ٹیم افغانستان کے خلاف آخری میچ کھیل کر کل ملتان پہنچے گی۔

پاکستان کرکٹ بورڈ کے مطابق اسکواڈ ایک دن آرام کے بعد پیر کو دوبارہ اکٹھا ہوگا، قومی ٹیم منگل کو ملتان کرکٹ اسٹیڈیم میں پریکٹس کرےگی،

واضح رہے کہ ایشیا کپ کا افتتاحی میچ پاکستان اور نیپال کے شیڈول ہے جو کہ 30 ستمبر بدھ کو ملتان کرکٹ اسٹیم میں کھیلا جائے گا۔

نیپالی کرکٹ ٹیم اپنے اسٹار پلیئر سندیپ کے بغیر ایشیا کپ کھیلنے کے لیے پاکستان آئے گی، اسپنر کو ریپ چارجز کی وجہ سے نیپالین اسکواڈ سے باہر کیا گیا ہے۔

23 سالہ سندیپ لامیچانے پر الزام ہے کہ انھوں نے پچھلے سال اگست میں کھٹمنڈو کے ایک ہوٹل روم میں 17 سالہ لڑکی کو جنسی طور پر ہراساں کیا تھا، تاہم سندیپ شروع سے ہی ان الزامات کو جھوٹا قرارد دیتے رہے ہیں۔

کرکٹ ایسوسی ایشن آف نیپال کے منیجر پردیپ مجگئی یان نے میڈیا کو بتایا کہ قانونی کارروائی اور سندیپ کو درپیش کچھ صحت کے مسائل کی وجہ سے ٹیم ان کے بغیر پاکستان کے لیے روانہ ہوگی۔

منجیر کا کہنا تھا کہ نیپال کی ٹیم جو کہ ایشیا کپ میں شرکت کے لیے پاکستان آرہی ہے اس کے ہمراہ لیگ اسپنر تو موجود نہیں ہوں گے مگر امکان ہے کہ وہ ٹورنامنٹ کے دوران ٹیم کو جوائن کرلیں۔

واضح رہے کہ سندیپ کو ریپ کے الزامات کے سبب نیپال کی قومی ٹیم سے معطلی کا سامنا تھا جبکہ انھیں پچھلے سال اس سلسلے میں گرفتار بھی کیا گیا تھا۔