ARYNews.tv | Urdu – Har Lamha Bakhabar

Tag: ایشیا کپ

  • ایشیا کپ کی میزبانی کا فیصلہ، چیئرمین پی سی بی کو اختیار مل گیا

    ایشیا کپ کی میزبانی کا فیصلہ، چیئرمین پی سی بی کو اختیار مل گیا

    اسلام آباد: پاکستان کرکٹ بورڈ کے بورڈ آف گورنرز نے ایشیا کپ کی میزبانی کے فیصلے کا اختیار چیئرمین پی سی بی کو دے دیا۔

    تفصیلات کے مطابق پاکستان کرکٹ بورڈ کے بورڈ آف گورنرز کا 57واں اجلاس اسلام آباد میں منعقد ہوا جس میں پی سی بی کی فنانشل اسٹیٹمنٹ برائے19-2018 کی منظوری دی گئ۔

    اجلاس میں ایشیا کپ کی میزبانی سے متعلق حتمی فیصلے کا اختیار چیئرمین پی سی بی کو دے دیا گیا، احسان مانی جلد ایک تجویز ایشین کرکٹ کونسل کے اجلاس میں پیش کریں گے۔

    یہ بھی پڑھیں: بھارتی کرکٹ بورڈ نے ایشیا کپ پاکستان میں کھیلنے سے انکار کردیا

    اجلاس میں غیر ملکی لیگز کیلئے نئی این او سی پالیسی کی منظوری بھی دی گئی، نئی پالیسی کے تحت سینٹرل کنٹریکٹ والے کھلاڑی 3 غیر ملکی لیگز کے این او سی کیلئے رابطہ کر سکتے ہیں۔

    این او سی جاری کرتے وقت کھلاڑی کا ورک لوڈ اور فٹنس کو پیش نظر رکھا جائےگا جب کہ کھلاڑی کی این او سی کی درخواست کی حتمی منظوری بھی چیف ایگزیکٹو آفیسر دیں گے۔

  • بھارت کو پاکستانی سرزمین پر خیرمقدم کرنے کیلیے تیار ہیں، شاہد آفریدی

    بھارت کو پاکستانی سرزمین پر خیرمقدم کرنے کیلیے تیار ہیں، شاہد آفریدی

    کراچی: پاکستان کے سابق اسٹار آل راؤنڈر شاہد خان آفریدی نے کہا ہے کہ پاکستان اپنی سرزمین پر ایشیا کپ کے لیے بھارت کو خوش آمدید کہنے کے لیے تیار ہے۔

    اے آر وائی نیوز سے خصوصی گفتگو کرتے ہوئے سابق کپتان شاہد آفریدی نے کہا کہ اگر بھارت ایشیا کپ کھیلنے کے لیے پاکستان آتا ہے تو ہم ان کا استقبال کریں گے، بھارتی ٹیم کو خوش آمدید کہیں گے۔

    شاہد آفریدی نے کہا کہ ہم نے ہمشیہ بھارت کا خیرمقدم کیا ہےاور ہم اب بھی بھارتی ٹیم کو پاکستانی سرزمین پر ایشیا کپ کھیلنے کے لیے خوش آمدید کہنے کے لیے تیار ہیں۔

    ان کا کہنا تھا کہ کھیل ہی دونوں ممالک کے درمیان خلیج کو مٹانے کے لیے پل کا کردار ادا کر سکتا ہے، پاک بھارت دوریاں مٹانے کے لیے کرکٹ ہی دونوں ممالک کو جوڑنے کا واحد ذریعہ بن سکتا ہے۔

    واضح رہے بھارتی کرکٹ بورڈ نے دو ٹوک انکار کرتے ہوئے کہا تھا کہ اگر ایشیا کپ پاکستان میں ہوا تو بھارتی ٹیم اس کا حصہ نہیں بنے گی تاہم بعدازاں ایک نیوز ایجنسی سے بات کرتے ہوئے بی سی سی آئی کے اعلیٰ افسر کا کہنا تھا کہ اگر ایشیا کپ نیوٹرل مقام پر ہوا تو بھارتی ٹیم شرکت کر سکتی ہے۔

    خیال رہے کہ ایشیا کپ کی میزبانی پاکستان کو ملی ہے اور پی سی بی نے واضح کیا ہے کہ ایشیا کپ پاک سرزمین پر ہی ہوگا۔

  • ایشیا کپ انڈر19: پاکستان اوربھارت 7 ستمبر کو مدمقابل ہوں گے

    ایشیا کپ انڈر19: پاکستان اوربھارت 7 ستمبر کو مدمقابل ہوں گے

    لاہور: ایشیا کرکٹ کپ (اے سی سی)انڈر 19 کے شیڈول کا اعلان کر دیا گیا، پاکستان نے اس معرکے کے لیے اپنے حتمی اسکواڈ کا بھی اعلان کردیا ہے، فائنل14 ستمبر کو ہوگا۔

    تفصیلات کے مطابق اے سی سی انڈر 19 کپ کا انعقاد ملیشیا میں کیا جارہا ہے ، روایتی حریف پاکستان اور بھارت گروپ اے میں شامل ہیں جبکہ افغانستان اور کویت کی ٹیمین بھی گروپ اے کا حصہ ہوں گی۔گروپ بی میں سری لنکا، بنگلہ دیش، متحدہ عرب امارات (یو اے ای)اور نیپال شامل ہیں۔

    روایتی حریف پاکستان اور بھارت کے درمیان 7 ستمبر کو میچ کھیلا جائے گا جبکہ پاکستان اپنا پہلا میچ افغانستان کے خلاف 5 ستمبر کو کھیلے گا۔

    پاکستان اور کویت کی ٹیمیں 9 ستمبر کو آمنے سامنے ہوں گی۔ اے سی سی انڈر 19 کپ 5 سے 14 ستمبر تک سری لنکا میں شیڈول ہے اور ٹورنامنٹ کا فائنل 14 ستمبر کو کھیلا جائے گا۔

    اے سی سی انڈر 19 ایشیا کپ کی تیاریوں کے لیے تربیتی کیمپ 23 اگست سے حنیف محمد ہائی پرفارمنس سنٹر کراچی میں شروع ہوگا۔ایشیا کرکٹ کپ کے لئے پاکستان کی انڈر 19 کرکٹ ٹیم کے15رکنی سکواڈ کا اعلان بھی کردیا گیا ہے۔

    قومی انڈر 19 کرکٹ ٹیم کے 15 رکنی اسکواڈ میں روحیل نذیر ،حیدر علی ،عامر علی ،ابو ہریرہ ،عبدالواحد ،اختر شاہ ،فہد منیر ،محمد عامر ، محمد عباس آفریدی ،محمد باسط علی ،محمد حارث ،محمد عرفان خان ،محمد وسیم جونیئر ،نسیم شاہ اورقاسم اکرمشامل ہیں۔

    جہانزیب سلطان، سید رضا الحسن، صائم ایوب، شیراز خان اور زمان خان ریزرو کھلاڑیوں میں شامل ہیں۔اے سی سی انڈر 19 کپ 5 سے 14 ستمبر تک سری لنکا میں شیڈول ہے اور ٹورنامنٹ کا فائنل 14 ستمبر کو کھیلا جائے گا۔

  • پی ایس ایل 5 کے تمام میچز پاکستان میں ہوں گے، چیئرمین پی سی بی

    پی ایس ایل 5 کے تمام میچز پاکستان میں ہوں گے، چیئرمین پی سی بی

    لاہور: چیئرمین پی سی بی احسان مانی نے کہا ہے کہ پی ایس ایل کے تمام میچز پاکستان میں کھیلے جائیں گے، 4 وینیوز شارٹ لسٹ کرلیے ہیں۔

    تفصیلات کے مطابق چیئرمین پی سی بی احسان مانی نے میڈیا سے گفتگو کرتے ہوئے کہا کہ پاکستان سپر لیگ سیزن فائیو کے تمام میچز پاکستان میں ہوں گے، لاہور، کراچی، ملتان اور راولپنڈی شارٹ لسٹ ہیں۔

    [bs-quote quote=”بھارت پہل کرے گا تو اس سے سیریز کھیلیں گے” style=”style-8″ align=”left” author_name=”احسان مانی” author_job=”چیئرمین پی سی بی”][/bs-quote]

    انہوں نے کہا کہ رواں سیزن میں سری لنکا، بنگلہ دیش کی میزبانی کے لیے پرامید ہیں، کرکٹ آسٹریلیا اور ای سی بی کے سربراہان پاکستان آئیں گے، پرامید ہیں ایشیا کپ پاکستان میں ہی ہوگا۔

    احسان مانی نے کہا کہ ایشیا کپ بھارت کی طرح دبئی میں بھی کرانے کا آپشن موجود ہے، بھارت پہل کرے گا تو اس سے سیریز کھیلیں گے۔

    چیئرمین پی سی بی نے کہا کہ ڈومیسٹک کرکٹ اسٹرکچر کی سفارشات حکومت کو بھجوادی ہیں، سفارشات حکومت کی منظوری دیتے ہی فوری لاگو کی جائیں گی۔

    انہوں نے کہا کہ تمام اختیارات اپنے پاس رکھنے کے حق میں نہیں ہوں، 4 برسوں میں 210 ملازمین رکھے گئے جو حیران کن ہے، بورڈ کو پروفیشنل انداز میں چلانا چاہتا ہوں۔

    احسان مانی نے کہا کہ ایم ڈی وسیم خان پورے الاؤنسز سے دستبردار ہوئے ہیں، انگلینڈ دورے کے 6400 ڈالرز کی بجائے 1800 ڈالرز لیے، ورلڈ کپ کے بعد تین سال کی کارکردگی کا جائزہ لیں گے، تبدیلی برائے تبدیلی کے حق میں نہیں ہوں۔

  • ایشیا کپ آئندہ سال ستمبر میں پاکستان میں ہوگا، ایشین کرکٹ کونسل

    ایشیا کپ آئندہ سال ستمبر میں پاکستان میں ہوگا، ایشین کرکٹ کونسل

    لاہور: ایشیا کپ کی میزبانی پاکستان کو مل گئی، ایشیا کپ آئندہ سال ستمبر میں پاکستان میں کھیلا جائے گا۔

    تفصیلات کے مطابق ایشین کرکٹ کونسل کا سنگاپور میں اجلاس منعقد ہوا جس میں اعلان کیا گیا ہے کہ ستمبر 2020 میں کھیلا جانے والا ایشیا کپ پاکستان میں ہوگا۔

    ذرائع کے مطابق ایشیا کپ ٹی ٹوینٹی فارمیٹ پر ہوگا، پی سی بی آئی سی سی ورلڈ کپ کے بعد ایشیا کپ کی تیاریوں کا آغاز کرے گا۔

    اے سی سی اجلاس میں 2022 کی ایشین گیمز میں کرکٹ کی شمولیت کی منظوری دے دی گئی ہے، ایشین گیمز 2018 میں کرکٹ شامل نہیں تھی۔

    دوسری جانب اے سی سی اجلاس کی سائیڈ لائن پر پی سی بی اور سری لنکن کرکٹ حکام کی ملاقات ہوئی، سری لنکا کو پاکستان میں کھیلنے کی دعوت دی گئی ہے جس پر مثبت جواب کی امید ہے۔

    مزید پڑھیں: ایشیا کپ کی میزبانی پاکستان کو ملنے پر بھارت کا واویلا

    ترجمان پی سی بی کے مطابق سری لنکن کرکٹ ٹیم کو کراچی اور لاہور میں میچز کھیلنے کی پیش کش کی گئی ہے۔

    یاد رہے کہ بھارت نے گزشتہ سال پاکستان ٹیم کی وجہ سے ایشیا کپ کی میزبانی سے انکار کردیا تھا، بعدازاں مقابلوں کا انعقاد یو اے ای میں کیا گیا تھا۔

    اس کے بعد بی سی سی آئی حکام کا مطالبہ تھا کہ پاکستان میں ایشیا کپ 2020 کو کسی دوسرے وینیو پر منعقد کرائے۔

    خیال رہے کہ ایشیا کپ کی میزبانی پاکستان کو دینے کا فیصلہ ایشین کرکٹ کونسل کے اجلاس میں ہوا تھا۔

  • انڈر 19 ایشیا کپ: مسلسل دوسری شکست کے بعد قومی ٹیم ایونٹ سے باہر

    انڈر 19 ایشیا کپ: مسلسل دوسری شکست کے بعد قومی ٹیم ایونٹ سے باہر

    چٹاگانگ: انڈر 19 ایشیا کپ میں قومی ٹیم کو مسلسل دوسری شکست ہوئی جس کے بعد پاکستانی ٹیم ایونٹ سے باہر ہوگئی۔

    تفصیلات کے مطابق بنگلہ دیش میں جاری انڈر 19 ایشیا کپ میں پاکستان کو اہم گروپ میچ میں سری لنکا نے 23 رنز سے ہرا دیا۔

    یہ گروپ میچز میں پاکستان کا مسلسل دوسرا میچ ہے جس میں ٹیم نے شکست کھائی ہے۔

    مسلسل دوسری ناکامی کے بعد قومی ٹیم ایونٹ سے باہر ہوگئی۔

    خیال رہے کہ انڈر 19 ایشیا کپ کے پہلے مرحلے میں پاکستانی ٹیم نے 3 میچز کھیلے جن میں سے ٹیم صرف ایک میں فتح یاب ہوئی۔ پاکستانی ٹیم کا مقابلہ بنگلہ دیش، سری لنکا اور ہانگ کانگ سے ہوا۔

    قومی کرکٹ ٹیم 15 رکنی دستے پر مشتمل تھی۔ انڈر 19 کرکٹ ٹیم کے کپتان روحیل نذیر تھے۔

    دیگر کھلاڑیوں میں محمد محسن، صائم ایوب، جہاں زیب سلطان، اویس ظفر، وقار احمد، سعد خان، محمد آصف، فرخ عباس، محمد بلال جاوید، جنید خان، موسی خان، نسیم شاہ، محمد حسنین اور ارشد اقبال شامل تھے۔

    28 ستمبر سے شروع ہونے والا انڈر 19 ایشیا کپ انڈر 7 اکتوبر تک کھیلا جائے گا۔

  • بھارت، بنگلہ دیش کو ہرا کر ساتویں‌ بار ایشیا کپ کا چیمپئن بن گیا

    بھارت، بنگلہ دیش کو ہرا کر ساتویں‌ بار ایشیا کپ کا چیمپئن بن گیا

    دبئی: بھارت نے بنگلہ دیش کو سنسنی خیز مقابلے کے بعد شکست دے کر ساتویں بار ایشیاء کپ کا ٹائٹل اپنے نام کرلیا۔

    تفصیلات کے مطابق بھارت نے بنگلہ دیش کو آخری بال پر شکست دے کر ساتویں بار ایشیا کپ کا ٹائٹل اپنے نام کرلیا، بنگلہ دیش کو مسلسل دوسری بار ایشیا کپ کے فائنل میں شکست ہوئی ہے۔ بھارت نے 223 رنز کا ہدف 7 وکٹ پر حاصل کیا۔

    بھارتی کپتان روہت شرما نے 47 رنز کی شاندار اننگز کھیلی، دنیش کارتھک 37، مہندر سنگھ دھونی 36 رنز کے ساتھ نمایاں رہے، آخری بال پر ایک رن درکار تھا محمود اللہ نے وائیڈ بال کردی۔

    بنگلہ دیش کی جانب سے مستفیض الرحمان اور روبیل حسین نے دو، دو کھلاڑیوں کو پویلین کی راہ دکھائی، کپتان مشرفی مرتضیٰ، نظم الاسلام اور محمود اللہ نے ایک، ایک وکٹ حاصل کی۔

    قبل ازیں ایشیا کپ کے فائنل میچ میں بنگلہ دیش نے بھارت کو جیت کے لیے 223 رنز کا ہدف دے دیا، بنگلہ دیشی ٹیم پورے اوورز کھیلے بغیر 222 رنز پر آل آؤٹ ہوگئی۔

    ایشیا کپ کے فائنل میچ میں بنگلہ دیش نے ٹاس جیت پہلے بیٹنگ کا فیصلہ کو جو درست ثابت ہوا دونوں اوپنرز نے ٹیم نے 121 رنز کا عمدہ آغاز فراہم کیا لیکن بعد میں آنے والے بلے باز خاطر خواہ کارکردگی نہ دکھاسکے اور پوری ٹیم 222 رنز پر ڈھیر ہوگئی، لتن داس نے 121 رنز کی شاندار اننگز کھیلی۔

    بنگلہ دیش کی جانب سے مہدی حسن نے 32 اور سومیا سرکار نے 33 رنز کی اننگز کھیلی، بنگال ٹائیگرز کے آٹھ کھلاڑی ڈبل فگر میں داخل نہ ہوسکے۔

    بھارت کی جانب سے اسپنر کلدیپ یادیو نے تین، کے دار جادھو نے دو کھلاڑیوں کی پویلین کی راہ دکھائی جبکہ بمرا کے حصے میں ایک وکٹ آئی۔

    یاد رہے کہ بھارت کی ٹیم 6 مرتبہ ایشیا کپ جیت چکی ہے، بنگلادیش دو مرتبہ فائنل میں پہنچی، البتہ فتح حاصل کرنے میں ناکام رہا.

    واضح رہے کہ یہ ٹورنامینٹ گرین شرٹس کے لیے ڈراؤنا خواب ثابت ہوا. پاکستان کو بنگلادیش اور بھارت کے خلاف شکستوں‌ کا سامنا کرنا پڑا اور وہ فائنل تک رسائی میں ناکام رہی.

  • لگتا ہے پاکستان ایشیا کپ جیتے گا، سرفراز ٹیم کو اچھا لے کر چل رہے تھے، شاہد آفریدی

    لگتا ہے پاکستان ایشیا کپ جیتے گا، سرفراز ٹیم کو اچھا لے کر چل رہے تھے، شاہد آفریدی

    لاہور: قومی ٹی ٹوینٹی کرکٹ ٹیم کے سابق کپتان شاہد خان آفریدی نے کہا ہے کہ مجھے لگتا ہے پاکستان ایشیا کپ جیت جائے گا، دباؤ کے باوجود سرفراز احمد ٹیم کو بہت اچھا لے کر چل رہے ہیں۔

    یہ بات انہوں نے لاہور میں میڈیا سے گفتگو کرتے ہوئے کہی، شاہد آفریدی نے کہا کہ ایشیا کپ سے پہلے پاکستان کی پرفارمنس بہت اچھی رہی، سرفراز احمد ٹیم کو بہت اچھا لے کر چل رہے تھے۔

    اچھی پرفارمنس کی وجہ سے پاکستان ٹیم پر دباؤ تھا، قوم کو پاکستان ٹیم سے توقعات بہت زیادہ تھیں، میں اس وقت بہت مثبت سوچ رہاہوں، اب پرفارمنس اچھی نہیں رہی تو ٹیم کو سپورٹ کرنا چاہیے۔

    شاہدآفریدی کا مزید کہنا تھا کہ مجھے لگتا ہے پاکستان ایشیا کپ جیت جائے گا، تنقید ہوتی رہی ہے اسے چیلنج کے طور پر لینا چاہئے، یہی ہمارے کھلاڑی ہیں اور یہی ہمارا مستقبل ہے، پاکستان کے یہی نوجوان کھلاڑی 2019ورلڈ کپ کے ہیں۔

  • ایشیا کپ : پی آئی اے اپنے مسافروں کو کرکٹ میچ کی اپ ڈیٹ فراہم کرے گی

    ایشیا کپ : پی آئی اے اپنے مسافروں کو کرکٹ میچ کی اپ ڈیٹ فراہم کرے گی

    کراچی : پی آئی اے اپنے مسافروں کو کرکٹ سے ہر لمحہ اپ ڈیٹ رکھے گی، لانگ روٹ پر جانے والی تمام پروازوں میں بوئنگ777 طیاروں کے کپتانوں کو ہدایت جاری کردی گئی۔

    تفصیلات کے مطابق کرکٹ کا جنون زمین سے آسمان تک جا پہنچا، اب فضاؤں میں بھی سفر کرنے والے مسافر کرکٹ سے ہر لمحہ اپ ڈیٹ رہیں گے۔

    اس حوالے سے قومی ایئرلائن ایشیاء کپ میں پاک بھارت سنسی خیز میچ میں مسافروں کو ہرلمحہ اپ ڈیٹ رکھے گی، پی آئی اے اندرون و بیرونی ملک جانیوالی پروازوں میں کرکٹ کے شائقین کو میچ کی صورتحال سے آگاہ رکھے گی۔

    لانگ روٹ پر جانے والی تمام پروازوں میں بوئنگ777طیاروں کے کپتانوں کو ہدایت جاری کردی گئی ہے، دوران پرواز کپتان اپنے مسافروں کو ہر پندرہ منٹ بعد سیٹلائٹ کمیونکیشن اور اے سی اے آر ایس سسٹم کے تحت کرکٹ کی اپ ڈیٹ دیتے رہیں گے۔

    کرکٹ کے شائقین مسافر کینیڈا، لندن، یورپ اور خلیجی ممالک جانے والی پروازوں میں مسافروں کو میچ سے متعلق اپ ڈیٹ کیا جائے گا، لانگ روٹ کے مسافر فضاوٴں میں بھی میچ سے لطف اندوز ہوتے رہیں گے، اس کے علاوہ ڈومیسٹک پروازوں میں ریڈیو فریکوئنسی کے ذریعے بھی میچ سے متعلق مسافر اپ ڈیٹ رہیں گے۔

  • ایشیا کپ: ضابطہ اخلاق کی خلاف ورزی پر پاکستانی اور افغانی کرکٹرز پر جرمانہ عائد

    ایشیا کپ: ضابطہ اخلاق کی خلاف ورزی پر پاکستانی اور افغانی کرکٹرز پر جرمانہ عائد

    دبئی: آئی سی سی نے ضابطہ اخلاق کی خلاف ورزی پر پاکستان اور افغانستان کے کرکٹرز پر جرمانہ عائد کردیا.

    تفصیلات کے مطابق ایشیا کپ کے دوسرے مرحلے میں پاکستان اور افغانستان کے درمیان ہونے والے سنسنی خیز میچ کے بعد تین کھلاڑیوں پر جرمانے عائد کیے گئے ہیں.

    پاکستانی فاسٹ بولر حسن علی، افغانستان کے کپتان اصغر افغان اور راشد خان آئی سی سی کے ایکشن کی زد میں آگئے، تینوں کھلاڑیوں پر پر میچ فیس کا پندرہ فیصد جرمانہ عائد کیا گیا۔

    یاد رہے کہ حسن علی نے بولنگ کرتے ہوئے افغانستان کے بلے باز حمشت اللہ کی جانب گیند تھرو کی تھی، جس کی وجہ سے میچ میں‌ بدمزگی پیدا ہوئی.

    اسی طرح بلے باز اصغر افغان نے حسن علی کو کندھا مارا تھا، جب کہ افغان لیگ اسپنر راشد خان نے آصف علی کو آؤٹ کرنے کے بعد پویلین جانے کا اشارہ کیا تھا۔

    مزید پڑھیں: پاکستان نےافغانستان کوسنسنی خیزمقابلے کے بعد شکست دیدی

    تناؤ بھرے میچ میں ہونے  والی بدمزگی کا آئی سی سی نے نوٹس لے لیا، اب تینوں کھلاڑیوں کو میچ فیس کا پندرہ فیصد بہ طور جرمانہ ادا کرنا ہوگا.

    واضح رہے کہ ایشیا کپ کے سپر فور مرحلے کے پہلے میچ میں افغانستان نے پاکستان کو جیت کے لیے 258 رنز کا ہدف دے دیا، جسے پاکستان نے سات وکٹوں کے نقصان پر آخری اوور میں پورا کیا.