Tag: ایشین گیمز

دنیا کا مقبول کھیلوں میں سے ایک کرکٹ کی اولمپکس کے بعد ایشین گیمز میں بھی دوبارہ واپسی ہو گئی ہے آئندہ برس میدان سجے گا۔

کرکٹ کا شمار دنیا کے مقبول ترین کھیلوں میں کیا جاتا ہے اور کروڑوں کی تعداد میں اس کے مداح دنیا بھر میں موجود ہیں۔

کرکٹ کو حال ہی میں لاس اینجلس اولمپکس 2028 میں شامل کیا گیا ہے جس کے بعد اب اس کھیل کی ایشین اولمپک میں بھی واپسی ہو گئی ہے ور آئندہ برس 2026 میں ہونے والے ایشیائی کھیلوں میں کرکٹ کو بھی شامل کر لیا گیا ہے۔

غیر ملکی میڈیا کے مطابق ایشین اولمپک کونسل (اے او سی) اور انٹرنیشنل کرکٹ کونسل (آئی سی سی) کے درمیان طویل مذاکرات کے بعد کرکٹ کو ایشین گیمز میں باضابطہ طور پر شامل کیا گیا ہے۔

اگلے برس 20 ویں ایشین گیمز 19 ستمبر سے 4 اکتوبر تک جاپان کے شہر ناگویا میں منعقد ہوں گے جس میں مینز اور ویمنز کرکٹ ٹیمیں بھی حصہ لیں گی۔

ایشین گیمز میں کرکٹ کی ٹاپ ٹیموں جن میں روایتی حریف پاکستان اور بھارت کے ساتھ بنگلہ دیش اور سری لنکا کی شرکت متوقع ہے۔

ایشین گیمز میں کرکٹ کی چار سال بعد واپسی ہو رہی ہے۔ اس سے قبل ایشین گیمز میں کرکٹ سال 2010، 2014 اور 2022 میں کھیلی گئی تھی۔

واضح رہے کہ حال ہی میں انٹرنیشنل اولمپکس کمیٹی (او آئی سی) نے 128 سال بعد کرکٹ کو باقاعدہ طور پر اولمپکس میں شامل کرنے کا فیصلہ کیا ہے۔

لاس اینجلس اولمپکس 2028 میں کرکٹ ٹی20 فارمیٹ میں کھیلی جائے گی، جس میں مینز اور ویمنز کے ایونٹس میں 6، 6 ٹیمیں ہوں گی۔ اولمپکس میں آئی سی سی رینکنگ میں ٹاپ کی 6 ٹیمیں کوالیفائی کریں گی۔

https://urdu.arynews.tv/los-angeles-olympics-2028-cricket-matches-venues-announced/

چین کے ہانگزو میں بھارتی خواتین کی کبڈی ٹیم نے سنسنی خیز فائنل میں چائنیز تائپے کو 26-25 سے شکست دے کر طلائی تمغہ جیت لیا۔

اسی کے ساتھ بھارت  نے ایشین گیمز میں 100 تمغہ جیتنے کا ہندسہ عبور کر لیا، بھارت اب تک 25 طلائی، 35 سلور اور 41 گولڈ کے تمغے جیتے ہیں۔

ایشین گیمز 2023 کا آج 14واں اور آخری دن ہے اور بھارت نے تمغوں کی سنچری مکمل کر لی ہے، تیر اندازی میں ادیتی گوپی چند نے خواتین کے کمپاؤنڈ مقابلے میں کانسی کا تمغہ جیتا، جب کہ جیوتی سریکھا نے سونے کا تمغہ جیتا۔

اس کے بعد مینز کے کمپاؤنڈ ایونٹ کے فائنل میں اوجس اور ابھیشیک نے بالترتیب طلائی اور چاندی کا تمغہ جیتا۔

ایشین گیمز کرکٹ: بارش کے باعث بھارتی ٹیم فاتح قرار

بھارت نے خواتین کی کبڈی میں چائنیز تائپے کو شکست دے کر طلائی تمغہ جیتا، اس کے ساتھ ہی بھارت نے ایشیائی کھیلوں میں 100 تمغے مکمل کر لیے ہیں۔

دریں اثنا بھارت نے مینز کرکٹ کے کرکٹ فائنل میں رینک کی وجہ سے گولڈ میڈل اپنے نام کرلیا۔

خیال رہے کہ بھارت نے ایشین گیمز میں 72 سالوں میں پہلی بار 100 تمغوں کا ہندسہ عبور کر کے تاریخ رقم کی ہے۔

اس سے پہلے ایشیائی کھیلوں میں بھارت کی بہترین کارکردگی 2018 کے جکارتہ گیمز میں رہی تھی جب اس نے 20 طلائی اور مجموعی طور پر 70 تمغے حاصل کیے تھے۔

ایشین گیمز میں جیولن تھرو کے مقابلے میں نیرج چوپڑا نے گولڈ میڈل جیت لیا، ان کے ساتھی کھلاڑی کشور کمار جینا نے سلور میڈل پر قبضہ جمایا۔

جیولن تھرو میں بھارتی اسٹار ایتھلیٹ نیرج کی سب سے بہترین کوشش 88.88 میٹر رہی جب کہ کشور 87.54 میٹر کی تھرو پھینکنے میں کامیاب رہے۔ ایک مرحلے پر ان ہی کے ملک سے تعلق رکھنے والے کشور کمار، نیرج سے آگے نکل گئے لیکن پھر گولڈ میڈلسٹ نے اپنی پوزیشن مستحکم کرلی۔

جاپان کے ڈین راڈرک گینکی نے ایونٹ میں کانسی کا تمغہ حاصل کیا جب کہ پاکستان کے یاسر محمد چوتھے نمبر پر رہے۔ نیرج چوپڑا نے اس سیزن کا اپنا بہترین تھرو بھی پھینکا، جب کہ کشور کمار جینا کا یہ اب تک کا سب سے بہترین تھرو تھا۔

یہ پہلا موقع ہے جب بھارتی کھلاڑیوں نے جیولن تھرو ایونٹ میں اپنے ملک کے لیے گولڈ اور سلور دونوں تمغے حاصل کیے ہیں۔ خیال رہے کہ پاکستان کے معروف ایتھلیٹ ارشد ندیم ایونٹ سے دستبردار ہوگئے تھے۔

1951 سے مینز جیولن تھرو ایشیائی کھیلوں کا حصہ رہا ہے۔ 72 سالوں میں پہلی بار ایسا ہوا ہے جب اس مقابلے میں بھارت کے ہی دو ایتھلیٹ نے گولڈ اور سلور میڈل جیتنے میں کامیابی حاصل کی ہے۔

مجموع طور پر ایشین گیمز میں بھارت کے پاس جیولن تھرو مقابلے میں 5 میڈل ہو گئے ہیں۔اس سے قبل 1951 کے دہلی ایشین گیمز میں پرسا سنگھ نے سلور میڈل، 1982 کے دہلی ایشین گیمز میں گرتیج سنگھ نے برانز میڈل اور 2018 کے جکارتہ ایشین گیمز میں نیرج نے گولڈ میڈل جیتا تھا۔

ایشین گیمز میں پاکستان نے بالآخر بھارت کو شکست دے دی۔ اسکواش میں بھارتی حریف کے خلاف قومی پلیئر نے فتح کا جھنڈا گاڑا۔

تفصلات کے مطابق ایشین گیمز میں اسکواش کے ایونٹ میں پاکستان نے بھارت کوشکست دے دی۔ پاکستانی کھلاڑی زمان نور نے روایتی حریف کے خلاف شاندار کھیل کا مظاہرہ کیا اور 1-3 سے کامیابی حاصل کی۔

موجودہ ایشین گیمز میں کسی بھی کھیل میں یہ پاکستان کی بھارت کے خلاف پہلی فتح ہے۔ ایشین گیمز میں پاکستان 24 کے قریب مقابلوں میں حصہ لے رہا ہے، گزشتہ دنوں قومی ہاکی ٹیم نے ایونٹ میں مسلسل دوسری کامیابی حاصل کر لی۔

چینی کے شہر ہانگزو میں جاری ایونٹ میں پاکستان نے اپنے دوسرے میچ میں بنگلادیش کو دو کے مقابلے میں پانچ گول سے پچھاڑا تھا۔

واضح رہے کہ ایشین گیمز کے کرکٹ ایونٹ میں پاکستان ویمنز کرکٹ ٹیم کی کارکردگی انتہائی ناقص رہی اور تیسری پوزیشن کے میچ میں بھی اسے بنگلہ دیش سے شکست کا سامنا کرنا پڑا۔

بنگلہ دیشی ٹیم نے پاکستان کو 5 وکٹوں سے ہراتے ہوئے کانسی کا تمغہ حاصل کر لیا۔ ایشین گیمز میں دو بار کی گولڈ میڈلسٹ ٹیم کی رواں ایونٹ میں کارکردگی انتہائی مایوس کن رہی اور وہ کوئی بھی تمغہ حاصل نہ کر سکی۔

پاکستان کو ایشین گیمز کی تیاریوں میں دشواری کا سامنا ہے، حکومت نے پاکستان اسپورٹس بورڈ کے فنڈز تاحال جاری نہ کیے۔

تفصیلات کے مطابق آئندہ منعقد ہونے والے ایشین گیمز کے سلسلے میں پاکستان کو تیاریوں میں دشواری کا سامنا ہے، حکومت کی جانب سے اب تک پاکستان اسپورٹس بورڈ کو فنڈز جاری نہیں کیے گئے ہیں۔

پی ایس بی نے ایشین گیمزکی تیاریوں کے لیے 200 ملین روپے طلب کیے ہیں، ایشین گیمز 23 ستمبر سے 8 اکتوبر تک چین میں منعقد ہوں گے۔

پاکستان کا 222 رکنی دستہ ایشین گیمز کے 24 کھیلوں میں حصہ لے گا، ایشین گیمز میں شرکت کے لیے پاکستانی دستہ پہلے مرحلے میں 15 ستمبر کو روانہ ہوگا۔

جونیئر اسکواش ورلڈ چیمپئن حمزہ خان کے ایک کروڑ روپے بھی فنڈز نہ ملنے پر جاری نہیں ہو سکے ہیں، حمزہ کے ٹائٹل کی ورلڈ اسکواش سے تصدیق بھی انعامی رقم ملنےمیں تاخیر کا باعث بنی۔