انچیون: بھارت نے ایشین گیمز کے فائنل میں سنسنی خیز مقابلے کے بعد پاکستان کو پنالٹی شوٹ آؤٹ پرشکست دے کرگولڈ میڈل جیت لیا جبکہ چاندی کا تمغہ پاکستان کے نام رہا۔
ایشین گیمز کے فائنل میں کروڑوں شائقین کی پاکستان ٹیم سےوابستہ امیدیں ٹوٹ گئیں، پاکستان نے فائنل کا آغاز توجارحانہ کیا لیکن وہ اختتام جیت پرنہ کرسکے، کھیل کے تیسرے منٹ میں رضوان سینئر نے گول کرکے ٹیم کو برتری دلائی۔
دوسرے کوارٹر میں بھارت نے فیلڈ گول کرکے میچ ایک ایک گول سے برابر کیا جو کہ کھیل کے اختتام تک برقرار رہا، میچ کو فیصلہ کن بنانے کے لئے پنالٹی شوٹ آؤٹ کا سہارا لیا گیا، بھارت کی پنالٹی کے جواب میں پاکستان کے حسیم خان نے پنالٹی ضائع کردی، جس کے بعد عمربھٹہ بھی گول اسکور نہ کرسکے اور بھارت نے پانچ میں سے چار کامیاب پنالٹیز لگاکرانیس سو اٹھانوے کے بعد گولڈ میڈل حاصل کرلیا، پاکستان نے چاندی کا تمغہ حاصل کیا، اس جیت کے ساتھ ہی بھارت نے دوہزار سالہ اولمپکس کے لئے بھی کوالیفائی کرلیا ہے۔
