Tag: ایف آئی اے امیگریشن

کراچی : سندھ ہائی کورٹ نے طالبعلم کو جہاز سے آف لوڈ کرنے پر ایف آئی اے حکام پر برہمی کا اظہار کرتے ہوئے ٹکٹ کے پیسے ادا کرنے کا حکم دے دیا۔

تفصیلات کے مطابق سندھ ہائیکورٹ میں امیگریشن حکام کی جانب سے طالبعلم کو جہاز سے آف لوڈ کرنے کے کیس کی سماعت ہوئی۔

عدالتی حکم پر ڈائریکٹر ایف آئی اے امیگریشن اورایڈیشنل اٹارنی جنرل پاکستان پیش ہوئے۔

ایف آئی اے امیگریشن نے بتایا کہ درخواست گزار محمد فرقان کوغلطی کی وجہ سےآف لوڈ کیا گیا، جس پر عدالت کا کہنا تھا کہ کسی کو روکنا یہ کوئی عام غلطی نہیں ہے، ذمہ داروں کو خمیازہ بھگتنا پڑے گا۔

وکیل درخواست گزار نے کہا کہ طالبعلم محمد فرقان کراچی سے وزٹ پر جاپان جارہا تھا، ایف آئی اے امیگریشن حکام نے درخواست گزار کو آف لوڈ کرنے کی وجہ بھی نہیں بتائی۔

طالبعلم کو بیرون ملک سفر سے روکنے پر عدالت نے ایف آئی اے امیگریشن اور دیگر پر برہمی کا اظہار کرتے ہوئے کہا کہ غلطی کی ہے تو سزا بھگتنا ہوگی۔

عدالت نے ایف آئی اے حکام کو ٹکٹ کے پیسے ادا کرنے کا حکم دیتے ہوئے کہا کہ جو ٹکٹ ضائع ہوا اس کی رقم ایف آئی اے امیگریشن درخواست گزار کو سزا کے طور پر ادا کرے۔

کراچی : ایف آئی اے امیگریشن  نے سمندر کے راستے شہریوں کو یورپ بھجوانے والا منظم انسانی اسمگلر گینگ کو بے نقاب کرتے ہوئے 2 مسافروں کو حراست میں لے لیا۔

تفصیلات کے مطابق سمندر کے راستے شہریوں کو یورپ بھجوانے والا منظم انسانی اسمگلر گینگ بے نقاب ہوگیا۔

ایف آئی اے امیگریشن نے بیرون ملک سے آنیوالے 2 مسافروں کو حراست میں لے لیا ، کراچی ایئرپورٹ سےحراست میں لئے گئے مسافروں میں فیصل احسان اور نعیم احمد شامل ہیں۔

ایف آئی اے نے بتایا کہ ملزمان نے غیر قانونی طریقے سے لیبیا سے یورپ جانے کی کوشش کی اور ملزمان نے یورپ جانے کیلئےندیم اور عمیر نامی ایجنٹوں سے رابطہ کیا۔

ترجمان کا کہنا تھا کہ ملزم نے مجموعی طور پر 46 لاکھ روپے مذکورہ ایجنٹوں کو ادا کیے، ملزم کو لیبیا سے اٹلی کشتی پر بھجوانے کی کی کوشش کی گئی تاہم کشتی حادثہ کا شکار ہو گئی، جس کے بعد کشتی سوار افراد کو لیبیا کوسٹ گارڈ کے اہلکاروں نے ریسکیو اور جیل منتقل کیا۔

ترجمان ایف آئی اے کا کہنا تھا کہ منظم گینگ لیبیا میں شہریوں کو یرغمال بنانے میں ملوث ہے، گرفتار ملزم کے مطابق لیبیا میں متاثرین کو مختلف ٹارچر سیل میں بھی رکھا جاتا تھا، انسانی اسمگلرز رہائی کے لئے تاوان بھی وصول کرنے میں ملوث ہیں۔

فیصل آباد: بھیک مانگنے کی غرض سے سعودی عرب جانے والے پورے خاندان کو گرفتار کرلیا گیا، ملزمان ک ورواں ماہ لاہور ایئر پورٹ سے بھی آف لوڈ کیا گیا تھا۔

تفصیلات کے مطابق ایف آئی اے امیگریشن نے فیصل آباد ایئرپورٹ پر کارروائی کرتے ہوئے بھیک مانگنےکی غرض سے سعودی عرب جانے والے خاندان کو گرفتار کرلیا۔

ترجمان نے بتایا کہ گرفتار ملزمان میں منور حسین اور شافیہ بی بی شامل ہیں ، ملزمان اپنی بچی کے ہمراہ سعودی عرب جا رہے تھے۔

ترجمان کا کہنا تھا کہ ملزمان بھیک کی غرض سےعراق،ایران،سعودی عرب سفرکرتے رہے جبکہ ملزمان ک ورواں ماہ لاہور ایئر پورٹ سے بھی آف لوڈ کیا گیا تھا۔

ایف آئی اے کا کہنا ہے کہ ملزمان آمدن کے ٹھوس ذرائع بتانے میں ناکام رہے اور متعدد بیرون ملک سفر کے اخراجات کے حوالے سے تسلی بخش جواب نہ دے سکے۔

حکام نے بتایا کہ ملزمان کا ٹیکس ریٹرن کے حوالے سے بھی ایف بی آر میں کسی قسم کا ریکارڈ موجود نہیں تھا اور ملزمان کے پاس ریٹرن ٹکٹ اور ہوٹل کی بکنگ بھی موجود نہ تھی تاہ ملزمان کو مزید قانونی کاروائی کے لیے انسدادِ انسانی سمگلنگ سرکل فیصل آباد منتقل کر دیا گیا ہے مزید تفتیش جاری ہے ۔

یاد رہے گذشتہ ماہ ایف آئی اے امیگریشن نے کراچی ایئرپورٹ پر کارروائی کرتے ہوئے عمرے کی آڑ میں بھیک مانگنے کے غرض سے جانیوالے 11 مسافرون کو گرفتار کیا تھا۔

ایف آئی اے نے بتایا تھا کہ 8 خواتین سمیت 11 مسافروں کو آف لوڈ کر دیا گیا، ملزمان عمرے ویزے پر سعودی عرب جا رہے تھے، ملزمان کی جانب سے پیش کیے جانے والے ریٹرن ٹکٹ اور ہوٹل بکنگ بھی جعلی نکلے۔