کراچی انٹرنیشل ایئرپورٹ پر ایف آئی اے امیگریشن کے سربراہ کو ایک بار پھر سے تبدیل کردیا گیا ہے، نوٹیفکیشن جاری کردیا گیا۔
پولیس سروس کے افسر اظہر جاوید کو ڈپٹی ڈائریکٹر امیگریشن کراچی ایئرپورٹ مقرر کیا گیا ہے، ڈی جی ایف آئی اے کی جانب سے منظوری کے بعد نئے ڈپٹی ڈائریکٹر امیگریشن کی تعیناتی کے نوٹیفکیشن کا اجرا کردیا گیا ہے۔
اسی سال مئی کے مہینے میں طالبعلم کو جہاز سے آف لوڈ کرنے پر ایف آئی اے حکام پر سندھ ہائی کورٹ نے برہمی کا بھی اظہار کیا تھا اور ٹکٹ کے پیسے ادا کرنے کا حکم دیا تھا۔
ایف آئی اے امیگریشن کے سسٹم میں اچانک فنی خرابی، جناح ایئرپورٹ پر مسافر مشکل میں پڑ گئے
سندھ ہائیکورٹ میں امیگریشن حکام کی جانب سے طالبعلم کو جہاز سے آف لوڈ کرنے کے کیس کی سماعت ہوئی تھی، عدالتی حکم پر ڈائریکٹر ایف آئی اے امیگریشن اورایڈیشنل اٹارنی جنرل پاکستان پیش ہوئے تھے۔
ایف آئی اے امیگریشن نے بتایا تھا کہ درخواست گزار محمد فرقان کوغلطی کی وجہ سےآف لوڈ کیا گیا، جس پر عدالت کا کہنا تھا کہ کسی کو روکنا یہ کوئی عام غلطی نہیں ہے، ذمہ داروں کو خمیازہ بھگتنا پڑے گا۔
https://urdu.arynews.tv/alleged-torture-british-citizen-fia/