Tag: ایف آئی اے اینٹی ہیومن ٹریفکنگ سرکل

کراچی : کینیڈا جانے کے خواہشمند پاکستانی ہوشیار ہوجائیں ، جعلی پاسپورٹ پر مسافروں کو بیرون ملک بھجوانے کے حوالے سے اہم پیشرفت سامنے آئی۔

تفصیلات کے مطابق جعلی کینیڈین پاسپورٹ پر مسافروں کو بیرون ملک بھجوانے کے معاملے پر پیشرفت سامنے آئی۔

ایف آئی اے اینٹی ہیومن ٹریفکنگ سرکل کراچی نے گلستان جوہرمیں کارروائی کرتے ہوئے جعلی سفری دستاویزات پر سفر کرنے والے مسافروں کے سہولت کار محمد رحیم زکی کو گرفتار کرلیا۔

ایف آئی ا ے نے بتایا کہ ملزم کو پہلے سے گرفتار امیگریشن اہلکار محمد عدنان کی نشاندہی پر گرفتار کیا گیا ، اس سے پہلے 2 مسافروں کو ایف آئی اے اہلکار سمیت گرفتار کیا گیا تھا۔

ترجمان کا کہنا تھا کہ ملزم جعلی دستاویزات پر مسافروں کی سہولت کاری میں ملوث پایا گیا، ملزم ایئر پورٹ پر گراؤنڈ سروس مہیا کرنے والی نجی کمپنی کا ملازم ہے۔

ایف آئی ا ے نے مزید کہا کہ ملزم نے ساتھی ملزم عدنان سے سہولت کاری کے عوض 1 لاکھ 75 ہزار وصول کیے۔

لاہور: ایف آئی اے اینٹی ہیومن ٹریفکنگ سرکل نے مزید 3 انسانی اسمگلرز کو گرفتار کرلیا، ملزمان شہریوں کوغیر قانونی طریقے سےیورپ بھجوانےمیں ملوث ہیں۔

تفصیلات کے مطابق ایف آئی اے اینٹی ہیومن ٹریفکنگ سرکل گجرات کا انسانی اسمگلروں کیخلاف کریک ڈاون جاری ہے، کارروائیوں میں مزید 3 انسانی اسمگلرز کو گرفتار کرلیا۔

ترجمان ایف آئی اے نے بتایا کہگرفتارملزمان میں ارشد اللہ، مبشر نذیر اور عمر حیات شامل ہیں ، ملزمان کو منڈی بہاؤالدین اور ملکوال سے گرفتار کیا گیا۔

ترجمان نے کہا کہ ملزمان شہریوں کوغیر قانونی طریقے سےیورپ بھجوانےمیں ملوث ہیں، ملزمان نےشہریوں کو یورپ بھجوانے کے لئے بھاری رقوم وصول کی۔

ایف آئی اے کا کہنا تھا کہ ملزمان شہریوں کوجال میں پھنسانےکیلئےسرحدپارکروانے کی ویڈیوزدکھاتےتھے اور ملزمان سے سرحدپار کرانے اور کشتی پر سوار متاثرین کے حوالے سے متعدد ویڈیوز برآمد بھی کی۔

ترجمان کے مطابق ملزمان ان ویڈیوز کو مختلف سوشل میڈیا اکاونٹس پر بھی اپلوڈ کرتے تھے، شہری ویڈیوز سےمتاثر ہو کر مذکورہ اسمگلروں سے رابطہ کرتے تھے، ملزمان کے خلاف متعدد مقدمات درج تھے، تفتیش کا آغاز کر دیا گیا ہے۔