کراچی : ایف آئی اے اینٹی کرپشن سرکل کراچی کے عملے نے صدر میں ایک گودام پر چھاپہ مار کر کروڑوں مالیت کی کرنسی اور دیگر قیمتی سامان برآمد کرلیا۔
اے آر وائی نیوز کے نمائندے کی رپورٹ کے مطابق ایف آئی اے اینٹی کرپشن سرکل کراچی نے صدر میں گودام پر کامیاب چھاپہ مار کارروائی کی ہے۔
اس حوالے سے ترجمان ایف آئی اے کا کہنا ہے کہ چھاپے کے دوران امپورٹڈ الیکٹرونک گیجٹس آن لائن سیل میں ملوث تین ملزمان کو گرفتار کرلیا گیا۔
View this post on Instagram
گرفتار ملزمان سے کروڑوں روپے مالیت کی نان کسٹم پیڈ واچ، ائیربڈز، ہیڈ فونز اور چارجرز برآمد ہوئے ہیں۔
اس کے علاوہ حوالہ ہنڈی کیلئے استعمال کی جانے والی تین کروڑ روپے مالیت کی پاکستانی کرنسی بھی برآمد کرلی گئی ہے۔
ترجمان ایف آئی اے کے مطابق مذکورہ ملزمان دوران تفتیش مشکوک ادائیگیوں کے حوالے سے حکام کو مطمئن نہیں کرسکے۔
گرفتار ملزمان میں محمد عثمان، محمد آصف، عبدل اور سید عمران شامل ہیں، جن سے مزید تفتیش کا سلسلہ جاری ہے۔
مزید پڑھیں : 7 ہزار سے زائد پری ایکٹیویٹڈ بین الاقوامی سمیں برآمد
اس سے قبل گزشتہ ہفتے اسلام آباد میں پاکستان ٹیلی کمیونیکیشن اتھارٹی ( پی ٹی اے) اور ایف آئی اے نے مشترکہ کارروائیوں میں 7 ہزار سے زائد پری ایکٹیویٹڈ بین الاقوامی سمیں برآمد کرکے متعدد افراد کو گرفتار کیا تھا۔
پی ٹی اے اور ایف آئی اے کی ٹیموں نے ملتان، لاہور، فیصل آباد، گوجرانوالہ، راولپنڈی اور کراچی میں کامیاب چھاپے مارے۔ کاروائیوں کے دوران ہزاروں کی تعداد میں غیر قانونی اور پری ایکٹیویٹڈ بین الاقوامی سمیں ضبط کرلیں گئیں۔
