Tag: ایف آئی اے

اسلام آباد : چیئرمین پی ٹی آئی عمران خان نے ممنوعہ فنڈنگ کیس میں شامل تفتیش ہونے کیلئے ایف آئی اے کو خط بھیج دیا۔

تفصیلات کے مطابق بینکنگ کورٹ میں زیرسماعت مقدمے میں ایف آئی اے کی تحقیقات جاری ہے۔

تحقیقات میں معاونت کیلئےعمران خان نے ایف آئی اے کو خط بھجوادیا ہے ، ایف آئی اےکےتحقیقاتی افسرکومراسلہ عمران خان کے وکلا نے بھجوایا۔

عمران خان نے خط میں تحریری بیان بھی ایف آئی اے کو ارسال کر دیا ہے۔

خط میں کہا گیا ہے کہ عمران خان کوغلط طریقےسےمقدمےمیں شامل کیاگیا، عمران خان ایف آئی اےکی تحقیقات میں معاونت کیلئےتیارہیں۔

خط میں کہنا تھا کہ عمران خان پربلا تحقیق ممنوعہ فنڈنگ کے الزام پرمبنی مقدمہ درج کیاگیا، عمران خان حقیقی آزادی مارچ کےدوران قاتلانہ حملےکانشانہ بنے، عمران خان کی طبی رپورٹس کومختلف عدالتوں میں پیش کیا جا چکا ہے۔

وکلا کی جانب سے کہا گیا کہ تمام عدالتوں نےعمران خان کوذاتی حاضری سےاستثنیٰ دیا، عمران خان پہلے بھی تحقیقات کاحصہ بننےکیلئےخودکورضاکارانہ پیش کرچکےہیں اور ویڈیولنک یاسوالنامےکےذریعےتحقیقات کاحصہ بننےکی پیشکش کرچکےہیں۔

خط کے متن میں کہا ہے کہ بدقسمتی سےایف آئی اےتحقیقات مکمل کرنےسےگریزاں دکھائی دےرہی ہے، لگتا ہے ایف آئی اےموجودہ حکومت کےدباؤمیں کام کررہی ہے، تحقیقات میں شامل کرنےکی صورت نہ بن پانےپرپھرمراسلہ بھیج رہےہیں۔

عمران خان کا کہنا تھا کہ آخری بار شامل تفتیش ہونے کی درخواست کر رہے ہیں، ایف آئی اے کو تین بار پہلے بھی شامل تفتیش ہونے کا لکھا، ویڈیو لنک پر دستیابی ظاہر کی، یہ بھی کہا ٹیم آکر تفتیش کر لے۔

خیال رہے کیس میں عمران خان سمیت دیگر 9 ملزمان نامزد ہیں ، سیف اللہ نیازی،عامر کیانی ،سردار اظہر اور سید یونس درخواست ضمانت واپس لے چکے ہیں۔

اسلام آباد : ایف آئی اے نے چیئرمین پی ٹی آئی عمران خان کے طبی معائنہ کیلئے بورڈ بنانے کیلئے درخواست دائر کردی۔

تفصیلات کے مطابق اسلام آباد ہائی کورٹ میں ایف آئی اے نے چیئرمین پی ٹی آئی عمران خان کے طبی معائنہ کیلئے پمز یا پولی کلینک کا بورڈ بنانے کیلئے درخواست دائر کردی۔

ایف آئی اے نے مؤقف اختیار کیا کہ عمران خان کی ضمانت میں توسیع کرنےکی درخواست بینکنگ کورٹ میں زیرالتواہے، عبوری ضمانت کےبعدعمران خان رعایت کاغلط فائدہ اٹھارہے ہیں،عدالت میں پیش نہیں ہورہے۔

درخواست میں کہا گیا کہ عمران خان ایف آئی اے کے ساتھ تفتیش کے حوالے سے تعاون نہیں کررہے،عمران خان کو آرتھوپیڈک کا مسئلہ ہے لیکن میڈیکل رپورٹ کینسراسپتال کی جمع کرا رہے۔

ایف آئی اے کا کہنا تھا کہ شوکت خانم اسپتال کی سربراہی عمران خان کرتے ہیں، میڈیکل رپورٹ کو معتبر تسلیم نہیں کرسکتے۔

درخواست میں استدعا کی گئی کہ عمران خان کا پمز یا پولی کلینک اسپتال سے طبی معائنہ کرانا چاہیے، پمز یا پولی کلینک میں کی گئی عمران خان کی طبی رپورٹس کو زیرغور لایاجاسکتاہے۔

ایف آئی اے نے یہ بھی استدعا کہ عمران خان کے طبی معائنے کے لیے میڈیکل بورڈ تشکیل دیا جائے اور عمران خان کی طبی رپورٹ عدالت میں پیش کرنے کا حکم دیاجائے۔

کراچی : ایف آئی اے امیگریشن نے جناح انٹرنیشنل ایئرپورٹ پر کارروائی جعلی ویزے پر اسپین جانے والے مسافر کو گرفتار کرلیا۔

تفصیلات کے مطابق ایف آئی اے امیگریشن نے جناح انٹرنیشنل ایئرپورٹ پر کارروائی کرتے ہوئے جعلی ویزے پر اسپین جانے والے مسافرکو گرفتار کرلیا ہے۔

ایف آئی اے حکام کے مطابق وحید احمد نامی مسافر پاکستانی پاسپورٹ پرایران سے کراچی پہنچاتھا، مسافر نے ویزے کےحصول کےلئے پانچ لاکھ روپےادا کئے تھے۔ ابتدائی تفتیش کے مطابق مسافرنے جعلی ویزہ ایرانی ایجنٹ سے حاصل کیا تھا۔

حکام نے مسافر کو مزید تفتیش کے لئے متعلقہ پولیس اسٹیشن منتقل کردیا گیا ہے جہاں اس سے تفتیش کا آغاز کردیا گیا ہے۔

یہ بھی پڑھیں: جناح انٹرنیشنل ایئرپورٹ سے جعلی ویزے پر جرمنی جانے والا مسافر گرفتار

واضح رہے کہ تین روز قبل ایف آئی اے امیگریشن نے کراچی ایئرپورٹ پر کارروائی کرتے ہوئے افغان مسافر کو آف لوڈ کر دیا تھا۔

ایف آئی اے حکام کے مطابق نور الحق نامی افغان مسافر پاکستانی پاسپورٹ پر سفر کر رہا تھا،مسافر سیر کے غرض سے فلائٹ نمبر پی کے دو سو تیرہ سے دبئ جا رہا تھا۔ گرفتار ملزم سے پاکستانی شہریت کے حوالے سے پوچھے گئے سوالات پر حکام کو مطمئن نہ کر سکا۔

ایف آئی اے کی جانب سے جہانگیر ترین اور علی ترین کو  بڑا ریلیف مل گیا، جہانگیرترین کے خلاف منی لانڈرنگ کا مقدمہ خارج کر دیا گیا۔

لاہور کے جوڈیشل مجسٹریٹ نے ایف آئی اے کی درخواست پر سماعت کی تفتیشی افسر نے عدالت میں رپورٹ پیش کی کہ انکوئری میں  منی لانڈرنگ  کا کوئی الزام ثابت نہیں ہوا تفتیش کے مطابق یہ انویسٹمنٹ کا کیس ہے جس کے لیے سول کورٹ کا فورم موجود ہے۔

رپورٹ میں  مزید کہا کہ تمام تر ٹرانزیکشن ایس ای سی پی کے قانون کے مطابق ہوئی ہیں۔

جہانگیر ترین اور علی ترین پر لگائےگئے الزمات  درست نہیں ملزمان نے تمام رقوم کی لین دین کے متعلق  دستاویزی ثبوت فراہم کیے گئے ہیں موجودہ کیس میں روپوں کو  ڈالرز میں تبدیل کرنے کی  ٹرانزیکشنز کے بھی کوئی شواہد نہیں ملے ۔

جہانگیر ترین پر دو ارب سے زیادہ کی منی لانڈرنگ کے الزامات میں مقدمہ درج کیا گیا تھا۔