Tag: ایف آئی اے

اسلام آباد : :ایف آئی اے میں ناتجربہ کار افسران کواہم کیسز سوپنے کا انکشاف سامنے آیا ، موٹروے افسران بھی کئی کیسز کی تفتیش کر رہے ہیں۔

تفصیلات کے مطابق ایف آئی اے میں ناتجربہ کار افسران کو اہم کیسز سوپنے جانے کا انکشاف ہوا ، جس کے بعد تفتیش کا تجربہ نہ رکھنے والے افسران سے تمام کیسز واپس لینے کا فیصلہ کرلیا گیا۔

،زرائع ایف آئی اے نے بتایا کہ ڈی جی ایف آئی اے آفس کا ریجنل، زونل دفاتر کے نام ہنگامی مراسلہ جاری کردیا ہے۔

مراسلے میں کہا گیا ہے کہ موٹروے افسران بھی کئی کیسز کی تفتیش کر رہے ہیں، موٹروے پولیس کوئی تفتیشی ادارہ نہیں، موٹروے پولیس افسران کو تفتیش کا تجربہ نہیں ہے۔

مراسلےمیں تمام محکموں سے ڈیپوٹیشن پر آئے تمام افسران کی تفصیلات بھی مانگ لی گئیں اور کہا ہے کہ موٹروے پولیس افسران کو تفتیش کا تجربہ نہیں ہے، تفتیش متاثر ہوئی۔

لاہور : ایف آئی اے نے جہانگیر ترین اورعلی ترین کیخلاف مقدمہ خارج کرنے کا فیصلہ کرتے ہوئے 173 سی آرپی سی تیار کرلی۔

تفصیلات کے مطابق جہانگیرترین اورعلی ترین کیخلاف مقدمہ داخل دفتر کرنے کی رپورٹ تیار کرلی گئی۔

ایف آئی اے کی جانب سے 173 سی آرپی سی تیار کی گئی ہے ، جس میں کہا ہے کہ کمپنیوں سے تفتیش میں کوئی غیر قانونی ٹرانزیکشن سامنے نہیں آئی۔

ایف آئی اے کی رپورٹ میں اہم انکشافات کرتے ہوئے کہا گیا ہے کہ رقم کی ٹرانزیکشن جے ڈی ڈبلیو اورجے کےایف ایس ایل کے درمیان ہوئی ، ٹرانزیکش2013کی سالانہ ریٹرن میں بھی واضح ہے۔

ایف آئی اے کا کہنا تھا کہ جہانگیر ترین فیملی پر اوپن مارکیٹ سے ڈالر خریدنے کا الزام تھا، جہانگیر ترین فیملی کی جانب سے دستاویزات فراہم کی گئیں، اس میں اوپن مارکیٹ سے ڈالر بینک کے ذریعے قانونی طریقے سے لیے گئے۔

رپورٹ کے مطابق ڈالر خریدنے کا ریکارڈ بھی سالانہ ریٹرن میں موجود ہے، جہانگیر اورعلی ترین پر دھوکا دہی اور جعلسازی ثابت نہیں ہوتی، جہانگیر اور علی ترین کی کمپنی کے درمیان 2013 کی ٹرانزیکشن کا ریکارڈ ہے۔

ایف آئی اے نے کہا کہ ایس ای سی پی نے ٹرانزیکشن پر کوئی اعتراض نہیں لگایا اور نہ جہانگیراورعلی ترین کی کمپنیوں کیخلاف کوئی شکایت درج ہوئی، 173 کے تحت جہانگیر ترین سمیت 5افراد پر ایف آئی آرداخل دفتر کی جائے۔