Tag: ایف آئی اے

کراچی : ایف آئی اے نے سابق ایم ڈی پی آئی اے اعجاز ہارون کے خلاف انکوائری بند کردی اور ایف آئی اے کو اعجاز ہارون کے خلاف شواہد نہیں ملے۔

تفصیلات کے مطابق سندھ ہائی کورٹ میں سابق ایم ڈی پی آئی اے اعجاز ہارون کے خلاف منی لانڈرنگ اور ملک سے باہر اثاثوں کی تحقیقات سے متعلق درخواست پر سماعت ہوئی۔

درخواست کی سماعت جسٹس محمداقبال کلہوڑو کی سربراہی میں 2 رکنی بنچ نے کی، تفتیشی افسر نے سابق ایم ڈی پی آئی اے اعجاز ہارون کیخلاف انکوائری بند کرنے سے متعلق رپورٹ عدالت میں پیش کی۔

ڈپٹی اٹارنی جنرل عرفان میمن نے عدالت کو بتایا کہ ہیڈکوارٹر کی منظوری کے بعد اعجاز ہارون کے خلاف انکوائری بندکر دی گئی ہے، ایف آئی اے کو اعجاز ہارون کے خلاف شواہد نہیں ملے۔

عرفان میمن کا کہنا تھا کہ ایف آئی اے کو بیرون ملک جائیدادیں بنانے والوں کی تحقیقات کی ذمہ داری دی گئی تھی۔

درخواست گزار کے وکیل نے بتایا کہ اعجاز ہارون ایف آئی اے کو مکمل دستاویزات فراہم کرچکے ہیں، ان کی ملک سے باہر کوئی جائیداد نہیں ہے۔

ایف آئی اے کی رپورٹ پر عدالت نے درخواست نمٹا دی، ایف آئی اے سابق ایم ڈی پی آئی اے اعجاز ہارون کے خلاف منی لانڈرنگ اور ملک سے باہر جائیدادیں بنانے سے متعلق تحقیقات کررہا تھا۔

لاہور: وفاقی تحقیقاتی ادارے  نے اہم شخصیات اورحساس اداروں کیخلاف سوشل میڈیا ٹرینڈ چلانے والے 8 افراد کو گرفتار کرلیا۔

تفصیلات کے مطابق اہم شخصیات اورحساس اداروں کیخلاف سوشل میڈیا ٹرینڈ چلانے کے معاملے پر ایف آئی اے نے مختلف علاقوں میں چھاپے مارے۔ لاہور سے 2، گجرات اور فیصل آباد سے 8افراد کو گرفتار کرلیا۔

ذرائع کا کہنا ہے کہ چھاپوں کے دوران لاہور سے 2، گجرات اور فیصل آباد سے 8افراد کو گرفتار کرلیا، ایف آئی اے انسداد دہشت گردی اور سائبر کرائم ونگ نے چھاپے مارے۔

ذرائع ایف آئی اے نے بتایا کہ 50 افراد سینکڑوں جعلی اکاؤنٹس آپریٹ کر رہے ہیں، متعدد اکاؤنٹس بیرون ملک سے آپریٹ کئے جارہے ہیں۔

دوسری جانب عدلیہ،عسکری حکام کیخلاف مہم چلانے پر ایف آئی اے ہیڈکوارٹرز میں اجلاس ہوا ، جس میں ڈائریکٹر سائبرکرائم نے ڈی جی ایف آئی اے کو بریفنگ دیتے ہوئے کہا 2ملزمان گرفتارکرلئے۔

ڈائریکٹر سائبرکرائم کا کہنا تھا کہ ملزمان عدلیہ،عسکری حکام کیخلاف سوشل میڈیا پر مہم چلارہےتھے، ایک ملزم کولاہور دوسرے کو ملتان سے گرفتار کیا گیا، جن سے تفتیش جاری ہے۔

بریفنگ میں بتایا گیا کہ ابتک مہم میں شامل 50 ہزار پیجز شارٹ لسٹ کر لئے گئے ہیں، مزید گرفتاریوں کے لئے چھاپے مارے جا رہے ہیں ، تنازع مہم کے بیشتر پیجز انڈیا سے آپریٹ ہو رہے تھے۔

یاد رہے گذشتہ ماہ وفاقی تحقیقاتی ادارے کے سائبرکرائم ونگ نے سوشل میڈیا پر پاک فوج اور عدلیہ مخالف مہم شروع کرنے افراد کے خلاف تحقیقات کا آغاز کیا تھا۔

ذرائع کا کہنا تھا کہ سوشل میڈیا پر نفرت انگیز مواد پھیلانے والے اکاؤنٹس اور پیجزکی چھان بین جاری ہے ، تحقیقات کا آغاز درخواست نہیں وزارت داخلہ کے احکامات پر ہوا۔

ذرائع کے مطابق نفرت انگیزموادپھیلانے والے اکاؤنٹس کی تعداد کا پتہ چلایا جارہا ہے، فوج، عدلیہ مخالف مہم چلانے والے افراد کے خلاف کارروائی کی جائے گی۔

کراچی : ایف آئی اے نے سابق ایم ڈی پی آئی اےاعجاز ہارون کو کلین چٹ دے دی ، اسسٹنٹ اٹارنی جنرل نے اعجاز ہارون کے خلاف انکوائری بند کرنے سے متعلق عدالت کو آگاہ کردیا۔

تفصیلات کے مطابق سندھ ہائی کورٹ میں سابق ایم ڈی پی آئی اے اعجاز ہارون کے خلاف منی لانڈرنگ اور ملک سے باہر اثاثوں کی تحقیقات سے متعلق درخواست پر سماعت ہوئی۔

دوران سماعت اسسٹنٹ اٹارنی جنرل نے سابق ایم ڈی پی آئی اے اعجاز ہارون کے خلاف انکوائری بند کرنے سے متعلق عدالت کو آگاہ کیا۔

اسسٹنٹ اٹارنی جنرل عرفان میمن نے بتایا کہ انکوائری بند کرنے پر سفارشات ہیڈ کوارٹر کو ارسال کردی ہیں، ایف آئی اے کو اعجاز ہارون کے خلاف شواہد نہیں ملے تاہم انکوائری بندکرنے کاحتمی فیصلہ ہائی اتھارٹی کرے گی۔

وکیل درخواست گزار کا کہنا تھا کہ اعجاز ہارون ایف آئی اے کومکمل دستاویزات فراہم کرچکے ہیں، اعجاز ہارون کی ملک سے باہر کوئی جائیداد نہیں ہے۔

سندھ ہائی کورٹ نے تحقیقات کے خلاف درخواست نمٹادی ، اعجاز ہارون کے خلاف منی لانڈرنگ اورملک سے باہر اثاثوں کی تحقیقات جاری تھیں۔