ARYNews.tv | Urdu – Har Lamha Bakhabar

Tag: ایف آئی اے

  • ملتان: ایف آئی اے کی کارروائی، خواتین کو بلیک میل کرنے والے 2 ملزمان گرفتار

    ملتان: ایف آئی اے کی کارروائی، خواتین کو بلیک میل کرنے والے 2 ملزمان گرفتار

    ملتان: صوبہ پنجاب کے شہر ملتان میں ایف آئی اے نے کارروائی کے دوران خواتین کو بلیک میل کرنے والے 2 ملزمان کو گرفتار کر لیا۔

    تفصیلات کے مطابق وفاقی تحقیقاتی ادارے (ایف آئی اے) کے سائبر کرائم ونگ نے خاتون کو جنسی ہراساں کرنے اور بلیک میلنگ کرنے والے دو ملزمان کو گرفتار کر لیا۔

    ایف آئی اے حکام نے بتایا کہ ملزمان سے خواتین کی تصاویر، ویڈیوز اور موبائل فون برآمد ہوئے ہیں۔

    ایف آئی اے سائبر کرائم ونگ کی کارروائی،خاتون کو ہراساں کرنے والا ملزم گرفتار

    یاد رہے کہ 15 جولائی کو ایف آئی اے کے سائبر کرائم ونگ نے خاتون کو ہراساں کرنے والا ملزم گرفتار کر لیا۔ملزم طاہر کے خلاف متاثرہ خاتون نے ایف آئی اے کو درخواست دی تھی۔

    ایف آئی اے حکام کا کہنا تھا کہ ملزم خود کو این جی او کا نمائندہ ظاہر کر کے نوکری کا جھانسہ دیتا تھا۔ملزم نے خاتون سے شادی کا وعدہ کیا اور غیر اخلاقی ویڈیوز بنائیں۔

  • شوگر مافیا کے خلاف کارروائی کیلئے ایف آئی اے کی 11 تحقیقاتی رکنی ٹیم تشکیل

    شوگر مافیا کے خلاف کارروائی کیلئے ایف آئی اے کی 11 تحقیقاتی رکنی ٹیم تشکیل

    اسلام آباد : شوگر مافیا کے خلاف کارروائی کے لئے ایف آئی اے کی گیارہ رکنی تحقیقاتی ٹیم تشکیل دے دی گئی ، ٹیم جعلی طور پر چینی کی افغانستان برآمد کرنے سمیت منی لانڈرنگ کی بھی تحقیقات کرے گی۔

    تفصیلات کے مطابق شوگر انکوائری کمیشن رپورٹ پرایکشن کیلئے فیڈرل انوسٹیگیشن ایجنسی (ایف آئی اے) نے گیارہ رکنی تحقیقاتی ٹیم تشکیل دے دی ، تحقیقاتی ٹیم کے سربراہ ڈائریکٹر ایف آئی اے اسلام آباد زون ڈاکٹرمعین مسعود ہوں گے۔

    ایف آئی اے کی تحقیقاتی ٹیم میں کسٹمز،ایف آئی اے ،ایف بی آر ،اسٹیٹ بینک نمائندےبھی شامل ہیں، گیارہ رکنی تحقیقاتی ٹیم جعلی طور پر چینی کی افغانستان برآمد کرنے سمیت منی لانڈرنگ کی بھی تحقیقات کرے گی۔

    یاد رہے وزیر اعظم عمران خان نے شوگر مافیا کے خلاف کریک ڈاؤن کا فیصلہ کرتے ہوئے کہا تھا کہ کرپٹ عناصر کو منطقی انجام تک پہنچایا جائے گا، حکمران خود ملوث نہ ہوں تو کرپٹ عناصر معاشرے میں پنپ نہیں سکتے۔

    وزیر اعظم نے شوگر کمیشن رپورٹ کی بنیاد پر ایف بی آر، نیب، ایس ای سی پی اور ایف آئی اے کو تحقیقات کا حکم بھی دیا جبکہ وزیر اعظم کی ہدایت پر مشیر برائے احتساب شہزاد اکبر نے گورنراسٹیٹ بینک، مسابقتی کمیشن اور 3 صوبوں کو اس سلسلے میں خطوط لکھے ، جن کے ساتھ شوگر کمیشن رپورٹ بھی ارسال کی گئی۔

    وفاقی حکومت نے 90 روز میں عمل درآمد رپورٹ پیش کرنے کی ہدایت کی ہے۔

    خیال رہے وفاقی کابینہ نے تئیس جون کوشوگرانکوائری کمیشن کی رپورٹ پرایکشن کی منظوری دی تھی، وفاقی وزیر اطلاعات سینیٹر شبلی فراز نے میڈیا کو بریفنگ دیتے ہوئے بتایا تھا کہ کابینہ نے شوگر انکوائری کمیشن رپورٹ کے حوالے سے اسلام آباد ہائی کورٹ کے حالیہ فیصلے کا خیر مقدم کیا اور کمیشن رپورٹ کی سفارشات کے حوالے سے مستقبل کے لائحہ عمل کی منظوری دی۔

    شبلی فراز کے مطابق وزیراعظم نے کہا تھا کہ چینی کی قیمتوں میں اضافے کے حوالے سے تحقیقات کے لیے کمیشن کا قیام عوامی مفاد میں کیا گیا، انکوائری کمیشن کی سفارشارت کے ضمن میں متعلقہ اداروں کو سونپی جانے والی ذمہ داریوں کے حوالے سے ہدایت کی کہ تمام متعلقہ ادارے مقررہ مدت میں اس معاملے کو منطقی انجام تک پہنچائیں گے۔

  • ایف آئی اے نے کوئٹہ سے 16 اہم ملزمان گرفتار کر لیے

    ایف آئی اے نے کوئٹہ سے 16 اہم ملزمان گرفتار کر لیے

    کوئٹہ: فیڈرل انویسٹی گیشن ایجنسی (ایف آئی اے) کوئٹہ نے حوالہ ہنڈی کے خلاف کارروائیوں میں 16 ملزمان گرفتار کر لیے۔

    اے آر وائی نیوز کے مطابق ایف آئی اے کوئٹہ کے اسسٹنٹ ڈائریکٹر شفیق الرحمان نے بتایا کہ حوالہ ہنڈی کے خلاف کارروائیاں جاری ہیں، گرفتار 16 ملزمان سے متعدد موبائل فون بھی برآمد کیے گئے ہیں۔

    اسسٹنٹ ڈائریکٹر کا کہنا تھا ایک بس ڈرائیور ژوب سے وزیرستان جا رہا تھا، اس کے پاس 3 کروڑ 45 لاکھ سے زائد کی نقدی اور لیپ ٹاپس برآمد ہوئے، بس ڈرائیور یہ رقم وزیرستان لے جا رہا تھا۔

    ایف آئی اے کے مطابق ملزمان سے سیکڑوں ڈپازٹ سلپس، چیکس بل، بلینک اور دستخط شدہ چیکس بھی برآمد ہوئے ہیں، ملزمان سے پاکستانی اور افغانی کرنسی بھی ضبط کی گئی۔

    را کے گرفتار ایجنٹوں کی نشان دہی پر ایک اور اہم کارروائی

    خیال رہے کہ گزشتہ روز کراچی میں ایف آئی اے کی انسداد دہشت گردی وِنگ نے را کے گرفتار ایجنٹوں کی نشان دہی پر ایک اور اہم کارروائی کر کے ایک ملزم یاسین کو گرفتار کیا تھا، ملزم حوالہ ہنڈی کے بین الاقوامی خفیہ نیٹ ورک سے وابستہ تھا۔

    ایف آئی اے حکام کے مطابق ملزم یاسین کو بھارتی ایجنسی را کے گرفتار ملزمان کی نشان دہی پر گرفتار کیا گیا، مذکورہ حوالہ ہنڈی کے خفیہ نیٹ ورک سے دشمن عناصر کو رقم دی جا رہی تھی، گرفتار ملزم یاسین منی ایکس چینج کمپنی کا منیجر ہے۔ 3 دن قبل ایف آئی اے انسداد دہشت گردی ونگ نے کراچی سے ‘را’ سلیپر سیل کے اہم رکن ظفر کو بھی گرفتار کیا تھا، ملزم ظفر بم دھماکوں اور ٹارگٹ کلنگ میں ملوث ہے اور اس کا تعلق ایم کیوایم لندن سے ہے، ظفر نے بھارت میں 14 ماہ دہشت گردی کی ٹریننگ لی۔

  • را کے گرفتار ایجنٹوں کی نشان دہی پر ایک اور اہم کارروائی

    را کے گرفتار ایجنٹوں کی نشان دہی پر ایک اور اہم کارروائی

    کراچی: ایف آئی اے نے را کے گرفتار ایجنٹوں کی نشان دہی پر ایک اور اہم کارروائی کر کے ایک ملزم کو گرفتار کر لیا۔

    اے آر وائی نیوز کے مطابق فیڈرل انویسٹی گیشن ایجنسی (ایف آئی اے) کے انسداد دہشت گردی ونگ نے ایک اور اہم کارروائی کر کے حوالہ ہنڈی کے بین الاقوامی خفیہ نیٹ ورک سے وابستہ ملزم گرفتار کر لیا۔

    ایف آئی اے حکام کے مطابق ملزم یاسین کو بھارتی ایجنسی را کے گرفتار ملزمان کی نشان دہی پر گرفتار کیا گیا ہے، مذکورہ حوالہ ہنڈی کے خفیہ نیٹ ورک سے دشمن عناصر کو رقم دی جا رہی تھی، گرفتار ملزم یاسین منی ایکس چینج کمپنی کا منیجر ہے۔

    ایف آئی اے کا کہنا ہے کہ ملزم یاسین کو صدر کے علاقے سے گرفتار کیا گیا، اس کے قبضے سے لیپ ٹاپ اور موبائل فون برآمد ہوئے، حوالہ ہنڈی نیٹ ورک سے وابستہ دیگر ملزمان کی تلاش بھی جاری ہے، اس سلسلے میں تمام ایئر پورٹس پر ملزمان کی تفصیلات فراہم کر دی گئی ہیں۔

    کراچی سے بھارتی ایجنسی “را” سلیپر سیل کا اہم رکن گرفتار

    یاد رہے دو دن قبل ایف آئی اے انسداد دہشت گردی ونگ نے کراچی سے ‘را’ سلیپر سیل کا اہم رکن ظفر گرفتار کر لیا تھا، ملزم ظفر بم دھماکوں اور ٹارگٹ کلنگ میں ملوث ہے اور اس کا تعلق ایم کیوایم لندن سے ہے، ظفر نے بھارت میں 14 ماہ دہشت گردی کی ٹریننگ لی۔

    ایف آئی اے کے مطابق حوالہ ہنڈی کے بین الاقوامی خفیہ نیٹ ورک کا بھی پردہ چاک ہوا ہے، را سلیپر سیل کو فنڈز فراہم کرنے والے منی ایکس چینج کمپنی کے 2 ملزمان بھی گرفتار کیے گئے، جن میں صفیان منی ایکسچینج کمپنی کا ڈائریکٹر اور جاوید میمن منیجر شامل ہیں۔

  • سابقہ اہلیہ کو بلیک میل کرنے والا ملزم گرفتار

    سابقہ اہلیہ کو بلیک میل کرنے والا ملزم گرفتار

    سکھر: وفاقی تحقیقاتی ادارے (ایف آئی اے) سائبر کرائم ونگ نے سکھر میں کارروائی کرتے ہوئے سابقہ اہلیہ کو بلیک میل کرنے والے ملزم کو گرفتار کرلیا۔

    اے آر وائی نیوز کی رپورٹ سندھ کے شہر سکھر میں ایف آئی اے سائبر کرائم ونگ نے کامیاب کارروائی کرتے ہوئے سابقہ اہلیہ کو بلیک میل کرنے والے ملزم سجاد کو گرفتار کرلیا، ملزم کے خلاف متاثرہ خاتون نے درخواست دی تھی۔

    ایف آئی اے حکام کے مطابق ملزم نے سابقہ اہلیہ کی قابل اعتراض تصاویر سوشل میڈیا پر وائرل کیں، ملزم سجاد بھیو نے شادی کے 20 روز بعد ہی بیوی کو طلاق دے دی تھی۔

    اسسٹنٹ ڈائریکٹر ایف آئی اے کا کہنا ہے کہ گرفتار ملزم جعلی آئی ڈی سے سابقہ اہلیہ کو بلیک میل کرتا تھا۔

    مزید پڑھیں: ایف آئی اے سائبر کرائم ونگ کی کارروائی،خاتون کو ہراساں کرنے والا ملزم گرفتار

    واضح رہے کہ دو روز قبل ایف آئی اے سائبر کرائم ونگ نے کراچی میں کارروائی کرتے ہوئے خاتون کو بلیک میل، ہراساں کرنے اور دھمکیاں دینے کے الزام میں ایک ملزم کو گرفتار کیا تھا۔

    ایف آئی اے حکام کا کہنا تھا کہ ملزم خود کو این جی او کا نمائندہ ظاہر کر کے نوکری کا جھانسہ دیتا تھا۔ملزم نے خاتون سے شادی کا وعدہ کیا اور غیر اخلاقی ویڈیوز بنائی تھیں۔

    یاد رہے کہ گزشتہ ماہ ایف آئی اے سائبر کرائم ونگ گوجرانوالہ نے کارروائی کرتے ہوئے ایک ملزم کو گرفتار کیا تھا۔ملزم پر غیر اخلاقی ویڈیو شیئر کرنے،بلیک میل کرنے کا الزام تھا۔

  • ایف آئی اے سائبر کرائم ونگ کی کارروائی،خاتون کو ہراساں کرنے والا ملزم گرفتار

    ایف آئی اے سائبر کرائم ونگ کی کارروائی،خاتون کو ہراساں کرنے والا ملزم گرفتار

    کراچی: ایف آئی اے کے سائبر کرائم ونگ نے خاتون کو بلیک میل، ہراساں کرنے اور دھمکیاں دینے کے الزام میں ایک ملزم کو گرفتار کر لیا۔

    تفصیلات کے مطابق وفاقی تحقیقاتی ادارے (ایف آئی اے) کے سائبر کرائم ونگ نے خاتون کو ہراساں کرنے والا ملزم گرفتار کر لیا۔ملزم طاہر کے خلاف متاثرہ خاتون نے ایف آئی اے کو درخواست دی تھی۔

    ایف آئی اے حکام نے بتایا کہ ملزم خود کو این جی او کا نمائندہ ظاہر کر کے نوکری کا جھانسہ دیتا تھا۔ملزم نے خاتون سے شادی کا وعدہ کیا اور غیر اخلاقی ویڈیوز بنائیں۔

    ملزم خاتون کو اسلحے کے ساتھ تصاویر بھیج کر ڈراتا تھا،ملزم خود کو سیاسی جماعت کا کارندہ بھی ظاہر کرتا تھا۔

    ایف آئی اے کی کارروائی،خاتون کو بلیک میل کرنے والا ملزم گرفتار

    یاد رہے کہ گزشتہ ماہ ایف آئی اے سائبر کرائم ونگ گوجرانوالہ نے کارروائی کرتے ہوئے ایک ملزم کو گرفتار کیا تھا۔ملزم پر غیر اخلاقی ویڈیو شیئر کرنے،بلیک میل کرنے کا الزام تھا۔

    اس سے قبل رواں برس یکم مارچ کو ایف آئی اے نے گلبہار کراچی کی رہائشی خاتون کو بلیک میل کرنے کے الزام میں ملزم محمد اطہر خان کو گرفتار کر کے شواہد حاصل کر لیے تھے۔

  • ایف آئی اے کا بانی ایم کیو ایم کی پاکستان اور بیرون ملک جائیدادیں ضبط کرنے کا فیصلہ

    ایف آئی اے کا بانی ایم کیو ایم کی پاکستان اور بیرون ملک جائیدادیں ضبط کرنے کا فیصلہ

    اسلام آباد: ایف آئی اے نے بانی ایم کیو ایم کی پاکستان اور بیرون ملک جائیدادیں ضبط کرنے کے لیے انسداد دہشت گردی عدالت سے رجوع کر لیا اور کہا عدالت عمران فاروق قتل کیس میں بانی متحدہ کو اشتہاری قرار دے چکی ہے۔

    تفصیلات کے مطابق ایف آئی اے کا بانی ایم کیو ایم کی جائیدادیں ضبط کرنے کافیصلہ کرلیا ، ایف آئی اے پراسیکوٹر خواجہ امتیاز احمد نے جائیداد ضبطگی کے لیے انسداد دہشتگردی عدالت میں درخواست دائر کردی۔

    درخواست میں استدعا کی گئی ہے کہ عدالت بانی متحدہ، افتخار حسین، محمد انور اور کاشف خان کامران کی جائیدادیں بحق سرکار ضبط کرے۔

    درخواست میں موقف اختیار کیا گیا ہے کہ بانی متحدہ، افتخار حسین، محمد انور اور کاشف خان کو عدالت عمران فاروق قتل کیس میں اشتہاری قرار دے چکی ہے۔ چاروں ملزمان جان بوجھ کر روپوش ہوئے لہذا چاروں ملزمان کی جائیدادیں بحق سرکار ضبط کی جائیں۔

    مزید پڑھیں : ثابت ہوا عمران فاروق کو قتل کرنے کا حکم بانی ایم کیوایم نے دیا، تفصیلی فیصلہ جاری

    یاد رہے ایم کیو ایم رہنما ڈاکٹر عمران فاروق قتل کیس میں انسدادی دہشت گردی کی عدالت نے تینوں ملزمان کو عمر قید کی سزا سنائی ، عدالت نے قتل کی سازش، معاونت اورسہولت کاری کیس پر فیصلہ دیا تھا۔

    عدالت نے بانی متحدہ اور افتخار حسین ، اشتہاری ملزمان محمد انور اور کاشف کامران کے دائمی وارنٹ گرفتاری بھی جاری کئے تھے۔

    بعد ازاں عمران فاروق قتل کیس کے تفصیلی فیصلے میں کہا تھا کہ ثابت ہوا عمران فاروق کو قتل کرنے کا حکم بانی ایم کیوایم نے دیا اور معظم علی نے قتل کے لیے محسن علی اور کاشف کامران کو چنا۔

    تفصیلی فیصلے کے مطابق عمران فاروق کو قتل کرنے کا مقصد تھا کہ کوئی بانی ایم کیو ایم کیخلاف بات نہیں کرسکتا اور عوام میں خوف و ہراس پھیلانا بھی تھا۔

  • ایف آئی اے کی بڑی کاررائی، امریکا کو مطلوب 2 ملزمان گرفتار

    ایف آئی اے کی بڑی کاررائی، امریکا کو مطلوب 2 ملزمان گرفتار

    لاہور: وفاقی تحقیقاتی ادارے (ایف آئی اے) کے سائبر کرائم ونگ نے امریکا کو مطلوب 2 ملزمان کو گرفتار کر لیا۔

    تفصیلات کے مطابق ایف آئی اے سائبر کرائم ونگ نے صوبائی دارالحکومت لاہور میں واردات کرتے ہوئے ملزمان کو رنگے ہاتھوں گرفتار کر لیا۔

    ڈائریکٹر ایف آئی اے عبدالرب کا کہنا ہے کہ امریکا میں بینک لوٹنے والے دو پاکستانی ڈاکوؤں کی گرفتاری پر30 لاکھ ڈالر انعام مقرر تھا۔انہوں نے بتایا کہ دونوں ملزمان کو لاہور سے گرفتار کیا گیا۔

    ملزمان وقار یونس گھمن اور محسن ضمیر کے نیو یارک نے فیڈرل اریسٹ وارنٹ جاری کر رکھے تھے، دونوں ملزموں نے نیویارک کے ایک بینک میں مسلح ڈکیتی کی تھی۔

    ڈائریکٹر ایف آئی اے کا کہنا تھا کہ 31 سالہ وقار گھمن نیو یارک میں ٹرک ڈرائیور تھا جبکہ 35 سالہ محسن ضمیر آئی ٹی اسپیشلسٹ ہے، دونوں ملزمان کو ایک بینک میں جلعسازی کرتے پکڑا گیا، ملزمان سے مزید تفتیش کی جاری ہے۔

    ایف آئی اے سائبر کرائم ونگ کی کارروائی،2 ملزمان گرفتار

    یاد رہے کہ گزشتہ ہفتے ایف آئی اے کے سائبر کرائم ونگ نے اسلام آباد میں کارروائی کرتے ہوئے مالی فراڈ میں ملوث نائیجیرین خاتون کنڈینس اووم اور اس کے ساتھی کو گرفتار کیا تھا۔

  • ایف آئی اے سائبر کرائم ونگ کی کارروائی،2 ملزمان گرفتار

    ایف آئی اے سائبر کرائم ونگ کی کارروائی،2 ملزمان گرفتار

    اسلام آباد: وفاقی تحقیقاتی ادارے (ایف آئی اے) کے سائبر کرائم ونگ نے مالی فراڈ میں ملوث غیر ملکی خاتون سمیت 2 افراد کو گرفتار کر لیا۔

    تفصیلات کے مطابق ایف آئی اے کے سائبر کرائم ونگ نے اسلام آباد میں کارروائی کرتے ہوئے مالی فراڈ میں ملوث نائیجیرین خاتون کنڈینس اووم اور اس کے ساتھی کو گرفتار کر لیا۔

    ایف آئی اے حکام کے مطابق ملزمہ لوٹی رقم منتقل کرنے کے لیے ساتھیوں کی مدد سے اکاؤنٹس کھولتی،ملزمہ اور اس کے ساتھی 52 لاکھ روپے عوام سے لوٹ چکے ہیں۔ملزمان کے خلاف سائبر کرام ایکٹ کے تحت مقدمہ درج کر لیا گیا۔

    یاد رہے کہ دو روز قبل اسلام آباد ایئرپورٹ پر اے ایس ایف نے ایک کروٹ روپے مالیت کی غیر ملکی کرنسی بیرون ملک اسمگل کرنے کی کوشش ناکام بناتے ہوئے کوریا کے شہری کو گرفتار کر کے کسٹم حکام کے حوالے کر دیا تھا۔

    اے ایس ایف حکام کا کہنا تھا کہ مسافر کے سامان کی تلاشی کے دوران 60 ہزار امریکی ڈالرز برآمد ہوئے تھے۔

  • پنجاب: ایف آئی اے،حساس اداروں کی کارروائیاں، 17 ملزمان گرفتار

    پنجاب: ایف آئی اے،حساس اداروں کی کارروائیاں، 17 ملزمان گرفتار

    اسلام آباد: صوبہ پنجاب میں ایف آئی اے اور حساس اداروں نے کارروائیاں کرتے ہوئے 17 ملزمان کو گرفتار کر لیا۔

    تفصیلات کے مطابق فیڈرل انویسٹی گیشن ایجنسی،حساس اداروں نے پنجاب میں کارروائیوں کے دوران بڑے پیمانے پر جعلسازی میں ملوث 17 ملزمان کوگرفتار کر کے 5 ہزار سمز برآمد کر لیں۔

    ملزمان کے قبضے سے بی وی ایس ڈیوائس بھی برآمد ہوئی ہے، ملزمان کا نیٹ ورک پورے پاکستان میں پھیلا ہوا تھا، ملزمان فون کالز کے ذریعےشہریوں کو کروڑوں روپے کا چونا لگاچکے ہیں،ملزمان جیتو پاکستان اور دیگراسکیموں کے نام سے فون کالز کرتے تھے۔

    ایف آئی اے حکام کے مطابق ملزمان بینکوں کا ڈیٹاحاصل کر کے اکاؤنٹ ہولڈرز کو جعلی فون کالز کرتے تھے۔ملزمان نے کبھی ایزی لوڈ سے،کبھی ڈیبٹ کارڈ ہیک کرکے بڑے پیمانے پر رقم کی لوٹ مار کی۔ایف آئی اے موبائل کمپنیز کو بھی شامل تفتیش کرنے پر غور کر رہی ہے۔

    ایف آئی اے سائبر ونگ کی کارروائیاں: جعلساز گینگ کے 3 کارندے گرفتار

    اس سے قبل رواں ماہ یکم جون کو صوبہ سندھ کے شہر سکھر، شکارپور، پنوعاقل،گڑھی یاسین میں ایف آئی اے سائبر ونگ نے کارروائیوں کے دوران 3 جعلساز گینگ کے 3 کارندے گرفتار کر کے سامان برآمد کیا تھا۔