Tag: ایف آئی اے

کراچی: وفاقی تحقیقاتی ادارے (ایف آئی اے) نے آن لائن فراڈ میں ملوث 10 ملزم گرفتار کر لیے، ملزمان کے خلاف مقدمہ بھی درج کر دیا گیا۔

تفصیلات کے مطابق آن لائن فراڈ کرنے والے دس ملزمان ایف آئی اے کے شکنجے میں آ گئے، گرفتار 3 ملزمان 2016 میں بھی جعل سازی میں ملوث تھے۔

[bs-quote quote=”گروہ اب تک ڈیڑھ کروڑ سے زائد کا فراڈ کر چکا ہے۔” style=”style-7″ align=”left” color=”#dd3333″ author_name=”ایف آئی اے”][/bs-quote]

ایف آئی اے نے گرفتار ملزمان کے خلاف فراڈ کا مقدمہ درج کر دیا۔

ڈپٹی ڈائریکٹر سائبر کرائم کا کہنا ہے کہ گرفتار ہونے والا گروہ اب تک ڈیڑھ کروڑ سے زائد کا فراڈ کر چکا ہے، ملزمان کو اوکاڑہ، کراچی اور پشاور سے گرفتار کیا گیا۔

ایف آئی اے کے مطابق فراڈ میں ملوث گروہ غیر قانونی سم ایکٹیویٹ کرا کر جعلی آئی ڈی سے دھوکا دہی کرتا تھا۔

ایف آئی اے نے بتایا کہ دھوکا دہی میں ملوث تمام افراد کے اکاؤنٹس منجمد کر دیے گئے ہیں۔

یہ بھی پڑھیں: ایف آئی اے نے سپریم کورٹ سے اصغر خان کیس بند کرنے کی سفارش کردی

خیال رہے کہ کراچی میں ایک ایپ کے بارے میں انکشاف ہوا تھا کہ اس کے ذریعے موبائل صارف کے کوائف تک آسانی سے رسائی ممکن ہو گئی ہے، جس سے کروڑوں موبائل صارفین کی ذاتی معلومات خطرے میں پڑ گئی تھی۔

اس ایپ پر موبائل نمبر ڈالتے ہی شہری کے نام، شناختی کارڈ نمبر اور گھر کے پتے تک رسائی مل جاتی ہے، ایف آئی اے حکام نے اسے ایک بہت بڑا سیکورٹی لیپس قرار دیا۔

کراچی: ایف آئی اے سائبر کرائم سرکل نے مختلف علاقوں میں کارروائیاں کرتے ہوئے ڈیجیٹل کرنسی کے نام پر شہریوں کو لوٹنے والے 4 افراد گرفتار کر لیے۔

تفصیلات کے مطابق ایف آئی اے نے ڈیجیٹل کرنسی کے نام پر شہریوں کو لوٹنے والے 4 افراد گرفتار کر لیے، ملزمان لوگوں سے اب تک 1.6 ملین ڈالر ہتھیا چکے ہیں۔

[bs-quote quote=”ملزمان ڈیڑھ ڈالر کے حساب سے ہر شہری سے رقم وصول کرتے تھے۔” style=”style-7″ align=”left” color=”#dd3333″ author_name=”ایف آئی اے”][/bs-quote]

ملزمان نے چینلز ٹائم نامی اٹلی کی جعلی کمپنی بنا رکھی تھی، نیٹ ورک کراچی سے آپریٹ ہوتا تھا، 11 ہزار متاثرین کا ڈیٹا نکال لیا گیا ہے۔

سائبر کرائم کے ڈپٹی ڈائریکٹر عبد الغفار نے بتایا کہ ملزمان ویب سائٹ کے ذریعے لوگوں کو دھوکا دیا کرتے تھے، ملزمان ڈیڑھ ڈالر کے حساب سے ہر شہری سے رقم وصول کرتے تھے۔

ایف آئی اے کے مطابق کیس میں مزید ملزمان مفرور ہیں، گرفتاری کے لیے کوششیں کی جا رہی ہیں، گرفتاریاں بلال ٹاؤن، ملیر، حیدری، ٹھٹھہ اور بفرزون سے عمل میں آئی ہیں۔

یہ بھی پڑھیں:  کراچی میں بھتہ خور ڈیجیٹل کرنسی کی صورت میں بھتہ طلب کرنے لگے

ایف آئی اے کا کہنا ہے کہ ملزمان سے الیکٹرانک کرنسی اکاؤنٹ، ڈیبٹ کارڈ اور انٹرنیشنل کرنسی بر آمد کی گئی۔

ڈپٹی ڈائریکٹر کا کہنا تھا کہ اٹلی کمپنی کے نام پر ملزمان وسیع مارکیٹنگ کا جھانسہ دے رہے تھے، جعلی ویب سائٹ بنا کر آسان آمدن کے نام پر شہریوں کو جعلی کرنسی فروخت کی جا رہی تھی۔

دریں اثنا ایف آئی اے نے کراچی میں حوالہ ہنڈی کا کام کرنے والے 3 ملزمان کو بھی گرفتار کر لیا ہے، ملزمان سے موبائل فونز، لیپ ٹاپ، 115 ملین روپے بر آمد ہوئے، ایف آئی اے کمرشل بینکنگ سرکل نے حسن اسکوائر کے قریب کارروائی کی۔