ARYNews.tv | Urdu – Har Lamha Bakhabar

Tag: ایف آئی اے

  • سی پیک منصوبہ : ایف آئی اے نے سیکیورٹی پلان ترتیب دے دیا

    سی پیک منصوبہ : ایف آئی اے نے سیکیورٹی پلان ترتیب دے دیا

    اسلام آباد : پاک چائنہ اقتصادی راہداری کی تعمیر کیلیے آنے والے چینی ماہرین کی مؤثر حفاظت کے پیش نظرایف آئی اے نے لائحہ عمل مرتب کرلیا ہے۔

    تفصیلات کے مطابق سی پیک کے مختلف منصوبوں پر کام کے لئے آنے والے چینی شہریوں کی فول پروف سیکورٹی کو یقینی بنانے کے لئے آنے والوں کی مکمل تفصیلات کا ریکارڈ مرتب کیا جائے گا۔

    سی پیک کے لئے آنے والے شخص کی جگہ کوئی دوسرا شخص کہیں بھی سفر نہیں کر سکے گا ،ایف آئی اے ملک بھر کے تمام انٹری پوائنٹس پر خصوصی کاونٹرز قائم کرے گی

    ۔ذرائع کے مطابق پاک چائنہ اقتصادی راہداری کے حوالے سے مختلف اقدامات کے ضمن میں ایف آئی اے کو بھی آن بورڈ لیا گیا ہے جس کے تحت چاروں صوبوں میں سی پیک کے مختلف پراجیکٹس پر کام کرنے کے لیئے آنے والے چائنیز شہریوں کے لیئے ملک بھر کے26انٹری پوائنٹس پر ایف آئی اے کی جانب سے علیحدہ امیگریشن کاونٹرز بنائے جائیں گے۔

    ذرائع کا کہنا ہے کہ سی پیک منصوبے پر کام کرنے والے چینی شہریوں کی آڑ میں کوئی دوسرا شخص سفر نہیں کر سکے گا، جبکہ سی پیک کے علاوہ دیگر منصوبوں پر تعینات چینی شہریوں کے حوالے سے محکمہ پولیس کی اسپیشل برانچ ریکارڈ مرتب کرنے کے علاوہ ایف آئی اے اور دیگر اداروں سے کو آرڈنیشن بھی کرے گی۔

    ذرائع کے مطابق پاکستان کے کسی بھی انٹری پوائنٹ سے داخل ہونے والے سی پیک منصوبے کے چینی کارکن کی جانب سے بذریعہ سڑک یا ہوائی جہاز کے ذریعے اندرون ملک کسی بھی سفر کی صورت میں بھی اسکی تفصیلات کی فراہمی بھی اسپیشل برانچ کی ذمہ داری ہو گی ۔

    ذرائع کا مذید کہنا ہے کہ مذکورہ اقدام کا مقصد متعلقہ چینی شہری کی آڑ میں کسی دوسرے شخص کی ملک میں آمد کی روک تھام کو یقینی بنانا ہے، جس کی بنیادی وجہ دشمن ملک کی خفیہ ایجنسی کی جانب سے سی پیک منصوبے کو سبوتاژ کرنے کے لئے اقدامات کو ناکام بنا نا ہے ۔

    ذرائع کے مطابق اسی ضمن میں اس منصوبے پر کام کرنے والے افراد کے لئے پولیس ،ایف آئی اے،اسپیشل برانچ اور دیگر اداروں کی مشاورت سے سیکورٹی پلان تشکیل دیا گیا ہے جس کے تحت منصوبے پر کام کرنے والے افراد کی ایک صوبے سے دوسرے صوبے یا شہر آمد کے لیئے ایک سینٹرل ڈیسک بھی بنایا جائے گا جو تمام اداروں سے کو آرڈینیشن کرے گا۔

     

  • نیب اور ایف آئی اے کا پاناما لیکس پر تحقیقات سے انکار

    نیب اور ایف آئی اے کا پاناما لیکس پر تحقیقات سے انکار

    اسلام آباد: ایف آئی اے کے ڈائریکٹر جنرل نے کہا ہے کہ عوامی عہدہ رکھنے والوں کے خلاف کارروائی کا اختیار نہیں ہے جب کہ نیب نے کہا ہے کہ محض اخباری رپورٹس پر تحقیقات نہیں کی جاسکتیں۔

    تفصیلات کے مطابق پبلک اکاؤنٹس کمیٹی کا اجلاس منعقد ہوا، جس میں پاناما لیکس کی تحقیقات اور پیشرفت کے حوالے سے سوال کیے گئے تو اعلیٰ وفاقی بیورو کریٹس حکومت کو بچانے کی بھرپور کوشش کرتے نظر آئے۔

    دورانِ اجلاس سیکریٹری قانون چیئرمین نیب کو حکومت کے دفاع کے لیے نکات بتاتے رہے جبکہ سیکریٹری خزانہ گورنر اسٹیٹ بینک اور چیئرمین ایف بی آر کو مسلسل ٹوکتے دکھائی دیے۔

    پڑھیں: پاناما لیکس پر اپوزیشن کے ٹی او آرز موثر اور آئینی ہیں، آصف زرداری

    ایف بی آر کی جانب سے پاناما لیکس میں نامزد پاکستانیوں کو نوٹسس جاری ہونے کے تمام عوام یہ سمجھ رہے تھے کہ پاناما میں ملوث افراد کے خلاف تحقیقات شروع کردی گئیں ہیں تاہم وفاقی حکومت کے ماتحت آنے والے دو تحقیقاتی اداروں نے  اس کی چھان بین سے صاف انکار کردیا ہے۔

    مزید پڑھیں:  پاناما لیکس پر حسن، حسین اور مریم نواز سمیت 450 افراد کو نوٹسز جاری

    قومی احتساب بیورو کے چیئرمین نے اپنے ایک حالیہ بیان میں کہا کہ ’’پاناما لیکس پر کسی قسم کی تحقیقات نہیں ہورہی محض اخباری رپورٹس اور تراشوں کی بنیاد پر کسی کے خلاف کارروائی نہیں کی جاسکتی تاہم تحقیقات کے لیے ادارے کے پاس شواہد کا ہونا بے حد ضروری ہے‘‘۔

    یہ بھی پڑھیں: پاناما لیکس : ایف بی آرصرف کاغذی کارروائی کرنے پرمجبور

    نیب چیئرمین کے جواب میں تحریک انصاف کے رکن اسمبلی ڈاکٹر عارف علوی نے نیب پر تنقید کرتے ہوئے کہا کہ ’’آپ کمیٹی کو گمراہ کرنے کی کوشش کررہے ہیں، عام آدمی کے معاملے میں نیب پہلے گرفتاری کرتا ہے پھر تحقیقات کا آغاز کیا جاتا ہے‘‘، ساتھ ہی عارف علوی نے چیئرمین نیب کو قوانین پڑھ کر بھی سنائے جس پر وہ خاموش ہوگئے۔

    دوسری طرف فیڈرل انویسٹی گیشن ایجنسی (ایف آئی اے) کے ڈائریکٹر جنرل نے کہا کہ ’’پاناما لیکس کے حوالے سے ادارہ کوئی تحقیقات نہیں کررہا کیونکہ عوامی عہدہ رکھنے والوں کے خلاف ادارے کو کسی قسم کی کارروائی کا اختیار نہیں تاہم سرکاری ملازمین کے خلاف ایکشن کی قانونی اجازت حاصل ہے‘‘۔


    Panama Papers will not be investigated on news… by arynews

    پاناما لیکس کی تحقیقات کے حوالے سے ایف آئی اے اور قومی احتساب بیورو کا بیان پاناما لیکس میں شامل افراد کے لیے بڑی خبر ثابت ہوسکتا ہے۔

  • انسانی اسگلنگ میں ملوث ایف آئی اے کے 5 اہلکاروں کے خلاف مقدمہ درج

    انسانی اسگلنگ میں ملوث ایف آئی اے کے 5 اہلکاروں کے خلاف مقدمہ درج

    اسلام آباد : انسانی اسمگلنگ میں ملوث ایف آئی اے کے 5 اہلکاروں کے خلاف ڈائریکٹر نے مقدمہ درج کر کے گرفتاری کا حکم دے دیا۔

    تفصیلات کے مطابق انسانی اسمگلنگ میں ملوث ایف آئی اے کے 5 اہلکاروں کے خلاف تحقیقات کے بعد ڈائریکٹر کی مدعیت میں مقدمہ درج کرلیا گیا جس کے بعد ڈائریکٹر ایف آئی اے نے ملزمان کی گرفتاری کا حکم دے دیا۔

    شہریوں سے پیسے لے کر جعلی دستاویزات پر بیرون ملک بھیجنے والے ایف آئی اے اہلکاروں کی نشاندہی کے بعد اُن کے خلاف تحقیقات کی گئی جس میں یہ معلوم ہوا کہ اہلکاروں نے گزشتہ دنوں 3 شہریوں کو جعلی کاغذات بنا کر لیبیا بھجوایا۔

    ڈائریکٹر ایف آئی اے مظہر کاکا خیل نے تمام ملزمان کو جلد از جلد گرفتار کرنے کا حکم دے دیا۔ ملزمان میں شفٹ سپروائزر انسپکٹر ضیاء الحسن، جنرل چیکر سب انسپکٹر عظمت، ہیڈ کانسٹیبل فیصل اور خاتون انسپکٹر شبانہ شامل ہیں۔ ایف آئی آر میں تین ایجنٹس کو بھی نامزد کیا گیا ہے جن کی گرفتاری کے لیے چھاپوں کا سلسلہ شروع کردیا گیا ہے۔

  • ریمنڈ ڈیوس کی طرح: امریکی شہری میتھیو کوچھوڑنے کا فیصلہ

    ریمنڈ ڈیوس کی طرح: امریکی شہری میتھیو کوچھوڑنے کا فیصلہ

    اسلام آباد: جاسوسی کے الزام اور دھوکا دہی سے ویزا حاصل کرنے والے بلیک لسٹ امریکی شہری میتھیو بیرک کوچھوڑنے کا فیصلہ کرلیا گیا، ملزم کو چند روز میں ملک بدر کیے جانے کا امکان ہے ، وزارت داخلہ نے میتھیو کا ویزا منسوخ کردیا۔

    فیڈرل انویسٹی گیشن ایجنسی (ایف آئی اے )کے ذرائع کے مطابق امریکی شہری میتھیو بیرٹ کا ویزا منسوخ کردیا گیا اور اسے چند روز میں ملک بدر کیے جانے کا امکان ہے۔

    یاد رہے کہ میتیھو بیرک کو بلیک لسٹ ہونے کے بعد نام بدل کر دوبارہ پاکستان آنے کے جرم میں‌ 6اگست کو اسلام آباد کے ایک گیسٹ ہائوس سے گرفتار کیا گیا تھا، میتھیو کو ویزا دینے والے ہیوسٹن کے پاکستانی ویزا آفس کے عملے اور اسلام آباد میں ویزا آفس کے عملے کے خلاف کارروائی کی گئی، خاتون ڈائریکٹر سمیت کئی ملازمین کو معطل کردیا گیا جب کہ مزید تحقیقات جاری ہیں۔

    اسلام آباد سےامریکی شہری گرفتار

    وزیر داخلہ چوہدری نثار علی خان نے اجلاس منعقد کرکے امریکی جاسوس کو دوبارہ ویزا ملنے کی تحقیقات کا حکم دیا تھا اور ہیوسٹن میں موجود ویزا آفس کی خاتون ڈائریکٹر کی معطلی کا حکم بھی جاری کردیا گیا تھا۔

    وزیر داخلہ کا امریکی جاسوس کو دوبارہ ویزا ملنے کی تحقیقات کا حکم

    یہ بھی اطلاعات ملی تھیں کہ میتھیو نے ایک پاکستانی خاتون سے شادی کی ہوئی ہے، اس کے بچے بھی ہیں جس کی بنیاد پر میتھیوپاکستانی شہریت لینا چاہتا تھا، وہ اس قبل بھی دو بار پاکستان آچکا تھا تاہم اس دوران وہ ایک خفیہ جاسوسی مشن پرغیر قانونی طور پر گولڑہ شریف کے علاقے میں ایک حساس مقام پر گیا ، جس پر حساس اداروں کی رپورٹ پر اس کے خلاف ایک مقدمہ گولڑہ شریف میں بھی درج ہوا۔

    اسلام آباد سے گرفتارامریکی شہری سے متعلق اہم انکشافات

    جمعہ کو اسلام آباد میں پریس کانفرنس کےدوران امریکی شہری میتھیو بیریٹ کے معاملے پر وزیر داخلہ کا کہنا تھا کہ میتھیو سال 2011 میں پاکستان سے ڈی پورٹ ہوا، عدالتی حکم پر اسے جیل سے نکال کر ملک بدر کیا گیا، اس پر جاسوسی کا الزام نہیں تھا تاہم وہ سیکیورٹی علاقے میں پایا گیا تھا۔

    وزیر داخلہ کا مزید کہنا تھا کہ امریکی شہری کا ویزا فارم منگوایا ہے میتھیو نے پانچ سال بعد پھر ویزے کے لیے درخواست دی تھی،اسے ویزا دینے والوں کے خلاف سخت کارروائی ہو گی،غلطی کی نشاندہی کرنے والے کو ایک لاکھ روپے انعام دیا گیا ہے۔ انہوں نے بتایا کہ جے آئی ٹی رپورٹ کی روشنی میں امریکی شہری کو ڈی پورٹ کیا جائے گا اور جس نے امریکی شہری کو چھوڑا وہ حراست میں ہے۔

  • بھارتی جاسوس کی گرفتاری پر امریکی خاموشی حیران کن ہے، دفتر خارجہ

    بھارتی جاسوس کی گرفتاری پر امریکی خاموشی حیران کن ہے، دفتر خارجہ

    اسلام آباد: دفتر خارجہ نے امریکی وزارت خارجہ کے نائب ترجمان کے بیان پر رد عمل ظاہر کرتے ہوئے کہا ہے کہ پاکستان نے دہشت گردی کے خلاف بہت قربانیاں دی ہیں، نائب ترجمان کا بیان حقائق سے لاعلمی پر مبنی ہے، بھارتی حاضر سروس افسر کی گرفتاری پر امریکا کا اب تک کوئی بیان سامنے نہیں آیا۔

    دفتر خارجہ کے ترجمان نفیس زکریا نے جاری بیان میں کہا ہے کہ امریکی وزارت خارجہ کے نائب ترجمان کے بیان کو سنجیدگی سے لیا گیا ہے ، امریکی سینیٹر جان مکین نے اسلام آباد سے واپسی پر اپنےدورے کے حوالے سے آرٹیکل بھی لکھا اور تسلیم کیا کہ دہشت گردی کے خلاف پاکستان کی قربانیاں اور اقدامات قابل تعریف ہیں، جان مکین نے خود میران شاہ کا دورہ کیا اور زمینی حقائق کا مشاہدہ کیا۔

    ترجمان نے کہا کہ پاکستان میں دہشت گردی پھیلانے والے عناصر موجود ہیں، ہمسایہ ملک کا خفیہ ادارے کا حاضر سروس افسر پاکستان سے پکڑا گیا جس نے خود پاکستان میں دہشت گردی کی وارداتوں میں ملوث ملزموں کی مالی معاونت کا اعتراف کیا لیکن امریکی حکام کی جانب سے اس معاملے پر کوئی بیان سامنے نہیں آیا امریکا کی اس معاملے پر خاموشی حیران کن ہے۔

    انہوں نے کہاکہ پاکستان نے دہشت گردی کے خلاف اقدامات کیے ہیں، پاکستان میں دہشت گردی کے واضح شواہد موجود ہیں اس کی قربانیوں کا اعتراف کرنے کے بجائے اس پر تنقید کرنا درست نہیں۔

  • وزیر داخلہ کا امریکی جاسوس کو دوبارہ ویزا ملنے کی تحقیقات کا حکم

    وزیر داخلہ کا امریکی جاسوس کو دوبارہ ویزا ملنے کی تحقیقات کا حکم

    اسلام آباد: وفاقی دار الحکومت سے گرفتار امریکی جاسوس میتھیو بیرک کو دوبارہ ویزا ملنے کے حوالے سے وفاقی وزیر داخلہ چوہدری نثار علی خان نے تحقیقات کا حکم دے دیا۔

    تفصیلات کے مطابق وزیرِ داخلہ کی زیر صدارت امیگریشن اور غیر ملکیوں کو ویزے کے اجرا کے حوالے سے اعلیٰ سطح کا اجلاس منعقد ہوا، اجلاس میں وزارتِ داخلہ، ایف آئی اے اور پولیس کے اعلیٰ افسران نے شرکت کی۔

    اجلاس میں وزیر داخلہ نے سوال کیا کہ مشکوک امریکی شہری میتھیو کو ہیوسٹن میں واقع پاکستانی قونصل خانے نے بلیک لسٹ ہونے کے باوجود دوبارہ ویزا کیسے جاری کردیا؟

    اس واقعے کی ذمہ داری ہیوسٹن میں تعینات پاکستانی سفارت خانے کی ویزا افسر اور اسلام آباد ایئرپورٹ پر امیگریشن کاﺅنٹر پر موجود ایف آئی اے کے اہلکار پر عائدکی گئی۔ اطلاعات کے مطابق بلیک لسٹ امریکی شہری میتھیو کو ویزا جاری کرنے والی خاتون اسسٹنٹ ڈائریکٹر کی معطلی کا نوٹی فکیشن جاری کردیا گیا۔خاتون افسر کے خلاف کارروائی کے لیے وزارت داخلہ نے وزارت خارجہ سے رابطہ کیا تھا۔خاتون سے تحریری وضاحت بھی طلب کرلی گئی ہے۔

    اسلام آباد سےامریکی شہری گرفتار

    چو ہدری نثار علی خان نے اسلام آباد ایئرپورٹ پر تعینات اسسٹنٹ ڈائریکٹر ایف آئی اے سمیت تمام شفٹ کو معطل کردیا ہے جبکہ ایڈیشنل سیکریٹری وزارتِ داخلہ کی سربراہی میں ایک انکوائری کمیٹی تشکیل دے دی ہے جو سرکاری تعطیل ہونے کے باوجود 24 گھنٹے کے اندر اپنی رپورٹ پیش کرے گی۔

    وزیر داخلہ نے معاملے کی مکمل تفتیش کے لیے ایس پی انویسٹی گیشن کیپٹن (ر) الیاس کی سربراہی میں ایف آئی اے،آئی بی اور آئی ایس آئی کے افسران پر مشتمل جے آئی ٹی تشکیل دے دی، ہوسٹن میں پاکستانی قونصلیٹ کے ویزا افسران سے بھی جواب طلبی کی جا رہی ہے کہ بلیک لسٹ پر موجود امریکی شہری میتھیو بریٹ کو کیوں اور کس کے کہنے پر پاکستانی ویزا جاری کیا گیا۔

    واضح رہے کہ زیرِ حراست امریکی شہری کا نام میتھیو بیرک ہے جسے سال 2011ء میں جاسوسی کے شک میں پاکستان سے نکال دیا گیا تھا، میتھیو بیرک کا نام بلیک لسٹ ہونے کے باوجود وہ گزشتہ روز لینڈنگ کارڈ پر غلط اندراج کرکے پاکستان میں داخل ہونے میں کامیاب ہو گیا تھا۔

    امریکی شہری کی پاکستان میں غیر قانونی آمد پر ایف آئی اے نے اسلام آباد ائیر پورٹ پر کلیئرنس دینے والے 2 اہلکاروں کو معطل کر کے محکمانہ تحقیقات شروع کردی ہےجب کہ وزارت داخلہ نے  امیگریشن افسران کو ہدایت دی کہ بلیک لسٹ اور امیگریشن سسٹم مزید اپ گریڈ کیا جائے۔

    ایف آئی اے حکام کا کہنا ہے کہ میتھیو کو ویزا جاری کرنے والے پاکستانی سفارتی اہلکار کے خلاف بھی مقدمہ درج کرلیا گیا۔

    دریں اثنا امریکی جاسوس میتھیو کی دوبارہ آمد کی نشاندہی کرنے پر وزارت داخلہ کی جانب سے آئی بی ایم ایس سسٹم انچارج فہد قیوم کے لیے ایک لاکھ روپے انعام کا اعلان کردیا گیا۔ذرائع کے مطابق وزارت داخلہ نے تسلیم کیا کہ سسٹم انچارج کی نشاندہی کی بدولت ہی میتھیو کی گرفتاری ممکن ہوئی۔

  • اسلام آباد سےامریکی شہری گرفتار

    اسلام آباد سےامریکی شہری گرفتار

    اسلام آباد : اسلام آباد کے ایک گیسٹ ہاؤس سے امریکی شہری میتھیو بیرک کو حراست میں لے لیا گیا ہے،امریکی شہری غیر قانونی طور پر پاکستان میں داخل ہوا تھا۔

    تفصیلات کے مطابق اسلام آباد کے گیسٹ ہاؤس سے ایک امریکی شخص کو حراست میں لے لیا گیا ہے،زیرِ حراست امریکی شہری کا نام میتھیو بیرک ہے جسے 2011 میں جاسوسی کے شک میں پاکستان سے نکال دیا گیا تھا۔

    USA-

    ایف آئی اے کے ذرائع کا کہنا ہے کہ میتھیو بیرک کا نام بلیک لسٹ میں ہے اس کے باوجود وہ گزشتہ روز لینڈنگ کارڈ پر غلط اندراج کرکے پاکستان میں داخل ہونے میں کامیاب ہو گیا تھا۔

    امریکی شہری کی غیر قانونی طور پر پاکستان میں داخل ہونے پر ایف آئی اے نے اسلام آباد ائیر پورٹ پر کلیئرنس دینے والے 2 اہلکاروں کو معطل کر کے محکمانہ تحقیقات شروع کردی ہے۔

    ذرائع کے مطابق ایف آئی اے نے کلیئرنس دینے والے اسلام آباد ائیر پورٹ کے ملازم احتشام الحق کوگرفتارکرلیا ہے جب کہ دوسرے اہلکارسب انسپکٹرراجہ آصف کی گرفتاری کیلئےچھاپےمارے جا رہے ہیں۔

    ایف آئی اے حکام کا کہنا ہے کہ میتھیو کو ویزہ جاری کرنےوالے پاکستانی سفارتی اہلکارکےخلاف بھی مقدمہ درج کرلیا گیا۔

  • کراچی: ایف آئی اے کی کارروائی، 55مسافر آف لوڈ

    کراچی: ایف آئی اے کی کارروائی، 55مسافر آف لوڈ

    کراچی : جدہ جانے والے 55 مسافروں کو ایف آئی اے نے جہاز سے نیچے اتار دیا، جن میں عمرہ زائرین بھی شامل ہیں۔

    تفصیلات کے مطابق کراچی کے جناح انٹرنیشنل ایئرپورٹ پر ایف آئی اے نے کارروائی کرتے ہوئے 55 مسافروں کو آف لوڈ کردیا۔

    ذرائع کے مطابق آف لوڈ کیے جانے والے مسافر زائد المیعاد ویزے پر بیرون ملک جا رہے تھے، نجی ایئر لائن شاہین ایئر کی جانب سے پرواز سے جدہ جانے والے 22 سے زائد عمرہ زائرین کو ایف آئی اے نے آف لوڈ کیا۔

    ایف آئی اے نے پی آئی اے، شاہین ایئر، ایئربلو اور غیر ملکی ایئر لائنوں کو بھی نوٹس جاری کردیا ہے کہ تمام ایئر لائنز مسافروں کے زائد المیعاد ویزے ہونے کے باوجود بورڈنگ پاس جاری نہ کریں۔

    شکایات ملی ہیں کہ ایئر لائنز ویزے کی مدت ختم ہونے کے باوجود مسافروں کو بورڈنگ پاس جاری کررہی ہیں۔

    ایف آئی اے نے خبردار کیا ہے کہ ویزے کی میعاد ختم ہونے کے باجود بورڈنگ پاس جاری کیا گیا تو ذمہ دار ایئر لائن کے خلاف سخت کارروائی کی جائے گی۔

  • عمران فاروق قتل کیس، ایف آئی اے برطانوی حکومت کی منتظر

    عمران فاروق قتل کیس، ایف آئی اے برطانوی حکومت کی منتظر

    اسلام آباد: فیڈرل انویسٹی گیشن ایجنسی(ایف آئی اے) کی جانب سے عمران فاورق قتل کیس میں کوئی پیش رفت نہیں ہوسکی، پاکستان سے کسی بھی شخص کے بیان ریکارڈ کرانے کے معاملے پر ایف آئی اے کو برطانوی حکومت کے جواب کا انتظار ہے۔

    تفصیلات کے مطابق عمران فاروق قتل کیس میں وفاقی تحقیقاتی ادارے کی تفتیش کا عمل رکا ہوا ہے کچھ عرصے سے کیس میں کوئی خاص پیش رفت نہیں ہوسکی۔

    اطلاعات ہیں کہ ایف آئی اے حکام عمران فاروق قتل کیس میں پاکستان سے لندن کسی کے بھی بیان ریکارڈ کرانے سے متعلق حتمی فیصلہ نہیں کرسکے تاہم منی لانڈرنگ کیس میں ایف آئی اے حکام پاک سرزمین پارٹی کے رہنما اور ایم کیو ایم سے منحرف مصطفی کمال اور انیس قائم خانی کا بیان ریکارڈ کرچکے ہیں۔

    ذرائع کے مطابق ایف آئی اے حکام اس کیس میں پیش رفت کے لیے برطانوی حکام کے جواب کے منتظر ہیں، برطانوی حکام کا گرین سگنل ملنے کے بعد ہی کیس کی تفتیش میں پیش رفت ہوگی۔

  • تمام اداروں کے احتساب کے لیے ایک ہی ادارہ ہونا چاہیے، رضا ربانی

    تمام اداروں کے احتساب کے لیے ایک ہی ادارہ ہونا چاہیے، رضا ربانی

    اسلام آباد : چیئرمین سینٹ رضا ربانی نے کہا ہے کہ سیاستدان، بیوروکریٹس اور فوج کے احتساب کے لیے ایک ہی ادارہ ہونا چاہیے۔

    تفصیلات کے مطابق چیئرمین سینٹ میاں رضا ربانی نے اسلام آباد یوتھ پارلیمنٹ سے خطاب کرتے ہوئے کہا ہے کہ ’’تمام اداروں کے احتساب کے لیے ایک مؤثر قومی ادارہ ہونا چاہیے، جو سب کے خلاف بلا تفریق کارروائی کرسکے۔

    اس موقع پر چیئرمین سینٹ نے دورانِ خطاب تجویز دی کہ ’’نیب اور ایف آئی اے کے قوانین کا ازسر نو جائزہ لینے کے بعد دونوں اداروں کو خود مختار بنایا جائے‘‘۔

    انہوں نے مزید کہا کہ موجودہ سیاسی بحران سے نکلنے کے لیے چیف جسٹس آف پاکستان کے خط پر عمل درآمد کیا جائے اور قومی سلامتی کی پارلیمانی کمیٹی کو بحال کیا جائے۔