Tag: ایف آئی آردرج

لاہور: عدالتی حکم پر اےآر وائی نیوز کے دونوں رپورٹرز ذوالقرنین شیخ اور آصف قریشی کو جیل سے رہا کردیا گیا، جن کا صحافی برادری،سیاسی جماعتوں سول سوسائٹی اور عام شہریوں کی بڑی تعداد نے شاندار استقبال کیا۔

بینکنگ کورٹ کے جج خالد کمال کی عدالت نے پچاس پچاس ہزار کے مچلکوں کے عوض اے آر وائی نیوز کے رپورٹرز ذوالقرنین شیخ اور آصف قریشی کی ضمانت پر رہائی کا حکم دیا ،وکلا نے اے آر وائی نیوز کے رپورٹرز کی رہائی کو حق اور سچ کی فتح قرار دیا،جیل سے رہائی کے موقع پر صحافیوں ، سیاسی جماعتوں ،سول سوسائٹی اور عام شہریوں کی بڑی تعداد موجود تھی جنہوں نے اے آر وائی نیوز کے رپورٹرز اور اینکر اقرار الحسن پر پھولوں کی پتیاں نچھاور کیں دونوں رپورٹرز نے کہاکہ وہ سچ کا سفر جاری رکھیں گے ۔

پروگرام کے اینکر اقرار الحسن نے کہاکہ کسی سے اختلاف نہیں جہاں بھی برائی ہوگی نشاندہی کرینگے،صحافی برادری سیاسی جماعتوں اور سول سوسائٹی نے مطالبہ کیا کہ کرپشن بے نقاب کرنے والے صحافیوں کو نشانہ بنانے کے بجائے ریلوے میں موجود کالی بھیڑوں سے پاک کیا۔

لاہور: اے آر وائی نیوز کے پروگرام سر عام کے اینکر پرسن اقرارالحسن سمیت سرعام کی ٹیم کیخلاف ایف آئی آردرج  کرلی گئی ہے، ریلوے پولیس نے سر عام کی ٹیم پر مقدمہ درج کروادیا جبکہ ایف آئی آر کی کاپی اے آر وائی نیوز کو مل گئی ہے۔

تحقیقاتی رپورٹنگ جرم بنا دی ،اے آر وائی نیوز کے پروگرام سر عام کی ٹیم نے اسٹنگ آپریشن کے ذریعے ریلوے پولیس کی نااہلی اور اسلحے کی آزادانہ اسمگلنگ کا راز فاش کر دیا، ریلوے حکام نے پہلے نا جائز اسلحہ پیسے لے کر لاہور پہنچایا اور جب سر عام کی ٹیم نے لاہور میں اسلحہ پکڑوا کر ایک ریلوے حکام کی نااہلی اور بددیانتی کا راز فاش کیا تو ریلوے پولیس نے شفاف تحقیقات کے بجائے سارا ملبہ سر عام کی ٹیم پر ہی ڈال دیا۔

پنجاب پولیس نے ریلوے پولیس کی مدعیت میں سر عام کی ٹیم پر مقدمہ قائم کردیا ہے، ریلوے پولیس کے کالے کرتوت سر عام دکھانے کی سزا میں اقرار الحسن سمیت ٹیم کے رپورٹرز اور پروڈیوسرز کےخلاف کار سرکار میں مداخلت اور ناجائز اسلحے کی اسمگلنگ کی دفعات شامل کر دی گئیں ۔

اے آر وائی کے دونمائندوں پر بدترین تشدد کے بعد انہیں بھی غائب کردیا گیا ہے۔