Tag: ایف آئی اے

ایف آئی اے نے مالیاتی فراڈ اور فون سم سے رقم نکلوانے والے 2 جعلساز کو گرفتار کرلیا۔

تفصیلات کے مطابق ایف آئی اے کمپوزٹ سرکل بہاولپور نے کارروائی کرتے ہوئے 2 ملزمان کو گرفتار کرلیا، گرفتار ملزمان مالیاتی فراڈ اور جعلسازی میں ملوث ہے۔

ایف آئی اے ترجمان کا کہنا ہے کہ ملزم علی رضا نے مختلف سم کارڈز کی رجسٹریشن حاصل کی، ملزم غیر قانونی سمز کا استعمال کر کے فراڈ کرتا تھا، ملزم نے فراڈ کی غرض سے بینک اکاؤنٹس کھول رکھے تھے۔

ترجمان کا کہنا تھا کہ ملزم علی رضا کو اکبر کالونی بہاولپور سے گرفتار کیا گیا، گرفتار ملزمان سے سم ڈیوائسز، سم کارڈز، موبائل فون برآمد کیاگیا۔

ایف آئی اے ترجمان کا مزید کہنا تھا کہ دوسری کارروائی میں ملزم محمد اکمل کو لودھراں سے گرفتار کیا گیا، ملزم کورئیر کمپنی میں ملازم ہے، ملزم بینک اکاؤنٹس کی تفصیلات فراڈ ایجنٹ کو پہنچانے میں ملوث پایا گیا۔

ایف آئی اے گجرانوالہ زون نے بڑی کارروائی کرتے ہوئے لیبیا کشتی حادثے میں ملوث ریڈ بک کے بدنام زمانہ اشتہاری ملزم کو گرفتار کرلیا۔

  ایف آئی اے کے مطابق اشتہاری ملزم بشیر احمد کے خلاف 10 سے زائد مقدمات درج تھے، ملزم کے خلاف کمپوزٹ سرکل گجرات نے سال 2022 میں مقدمات درج کئے۔

ایف آئی اے حکام کا کہنا ہے کہ ملزم کا نام ریڈ بک کے انتہائی مطلوب افراد کی فہرست میں شامل ہے، گرفتار ملزم نے متاثرین کو یورپ بھجوانے کے نام کروڑوں روپے ہتھیائے، ملزم نے 12 متاثرین سے فی کس 18 لاکھ روپے وصول کئے تھے۔

حکام کا کہنا ہے کہ ملزم نے گینگ کے دیگر ملزمان کی مدد سے متاثرین کو غیر قانونی طور پر نائیجریا اور لیبیا میں محصور رکھا، ملزم نے متاثرین کو کشتی کے ذریعے لیبیا سے اٹلی بھجوانے کی کوشش کی، کشتی حادثے میں متاثرہ شہریوں کی موت واقع ہوئی۔

ایف آئی اے کا کہنا ہے کہ ملزم کو جدید ٹیکنالوجی کو بروئے کار لاتے ہوئے حافظ آباد سے گرفتار کیا گیا ملزم کو گرفتار کر کے تفتیش کا آغاز کر دیا گیا دیگر ملزمان کی گرفتاری کے لئے چھاپے مارے جا رہے ہیں۔

کراچی : ڈالرز کی غیرقانونی خرید و فروخت کرنے والوں کے خلاف گھیرا تنگ کردیا گیا، ایف آئی اے نے ایک ملزم کو گرفتار کرکے 13500 امریکی ڈالر برامد کرلیے۔

تفصیلات کے مطابق وفاقی تحقیقاتی ادارے (ایف آئی اے) نے کراچی کے علاقے پی ای سی ایچ ایس میں کارروائی کرتے ہوئے ایک ملزم کو گرفتار کرکے تیرہ ہزار پانچ سو امریکی ڈالر برآمد کرلیے۔

حکام نے بتایا کہ ملزم غیر قانونی طور پر ڈالرز کی خرید و فروخت میں ملوث ہے اور فارن کرنسی بلیک مارکیٹ میں خرید و فروخت کرتا تھا۔

وفاقی تحقیقاتی ادارے نے کہا کہ کارروائی اسٹیٹ بینک سرکل کی جانب سے کی گئی، ملزم کو رنگ ہاتھوں گرفتار کیا گیا، گرفتار ملزم کی شناخت ساجد حسین کے نام سے ہوئی ہے۔

مزید پڑھیں : کراچی میں ڈالرز کی غیرقانونی خرید و فروخت میں ملوث 3 ملزم گرفتار

ایف آئی اے کا کہنا تھا کہ ملزمان بغیر لائسنس کرنسی ایکسچینج میں ملوث ہے، ملزم برآمد ہونے والی کرنسی کے حوالے سے حکام کو مطمئن نہ کر سکا تاہم ملزم کو گرفتار کر کے تفتیش کا آغاز کر دیا گیا ہے۔

کارروائی اسٹیٹ بینک سرکل کی جانب سے کی گئی، ملزم کو رنگ ہاتھوں گرفتار کیا گیا، گرفتار ملزم کی شناخت ساجد حسین کے نام سے ہوئی ہے۔

یاد رہے چند ماہ قبل ایف آئی اے نے کراچی کے علاقے ڈیفنس میں کارروائی کرتے ہوئے ڈالرز کی غیرقانونی خرید و فروخت میں ملوث تین ملزم دھر لیے تھے، گرفتار ہونے والوں میں بینک ملازم بھی شامل تھے۔

حکام کا کہنا تھا کہ ملزمان سے پندرہ ہزار امریکی ڈالربرآمد ہوئے،ملزمان کا گروہ بغیررسیدوں کے امریکی ڈالروں کی خریدوفروخت میں ملوث تھا۔

اسلام آباد : بچی کی غیراخلاقی ویڈیوز وائرل کرنے والے 2 ملزمان کو گرفتار کرلیا گیا، ملزمان بچی کو ہراساں اوربلیک میل کرنےمیں بھی ملوث تھے۔

تفصیلات کے مطابق ایف آئی اے سائبر کرائم سرکل گلگت کی ضلع غذر میں کارروائی کرتے ہوئے بچی کی غیراخلاقی ویڈیوزوائرل کرنے والے 2ملزمان کو گرفتار کرلیا۔

ایف آئی اے کا کہنا تھا کہ ملزمان نے فیک اکاؤنٹس سےقابل اعتراض موادوائرل کیا اور ملزمان بچی کو ہراساں اوربلیک میل کرنےمیں بھی ملوث تھے۔

ترجمان نے بتایا کہ ملزمان کےزیر استعمال موبائل سےقابل اعتراض مواد برآمد کرلیا ہے اور ملزمان کے دیگر ساتھیوں کی گرفتاری کیلئےچھاپےماررہے ہیں۔

لاہور : ایف آئی اے گندم خریداری کرپشن کیس میں سابق جی ایم پاسکو ظہور احمد کو گرفتار کرلیا۔

تفصیلات کے مطابق پاسکو گندم خریداری کرپشن کیس میں اہم پیشرفت ہوئی ، سابق جی ایم پاسکو ظہوراحمد کو گرفتار کرلیا گیا۔

ایف آئی اے نے ظہور احمدکوگندم خریداری پالیسی تبدیل کرنے پر گرفتارکیا، ترجمان نے بتایا کہ سابق جی ایم نےایم ڈی پاسکوکی گندم خریداری پالیسی فراڈکرکےتبدیل کی اور پالیسی میں کسانوں کے بجائے آڑھتیوں سے گندم خریدنےکالکھا گیا۔

ایف آئی اے کا کہنا تھا کہ سابق جی ایم نےڈسٹرکٹ افسران کوایم ڈی کےدستخط کےساتھ پالیسی لیٹرجاری کیا، ظہوراحمد کیخلاف مقدمہ درج کرلیا گیا ہے ،سابق ایم ڈی پاسکو کو بھی شامل تفتیش کیاجائے گا۔

یاد رہے مئی میں وزیراعظم شہبازشریف نے گندم خریداری کے معاملے میں غفلت برتنے پر پاسکو منیجنگ ڈائریکٹر اور جی ایم پروکیورمنٹ کو معطل کردیا تھا۔

پاسکو افسران کو گندم خریداری میں ٹیکنالوجی کے استعمال کی ہدایات پر عمل نہ کرنے پرمعطل کیا گیا تھا،۔

خیال رہے وفاقی تحقیقاتی ایجنسی (ایف آئی اے) نے گندم کی تقسیم میں ایک ارب روپے سے زائد کے غبن کے الزام میں پاسکو کے تین اہلکاروں کے خلاف بدعنوانی کا مقدمہ درج کیا تھا۔

مقدمے میں جنرل منیجر فیلڈ ظہور رانجھا، زونل ہیڈ بورے والا راؤ اکرم اور زونل ہیڈ بہاولنگر جبران اقبال کے نام شامل ہیں۔