Tag: ایف آئی اے

ایف آئی اے نے کراچی ائیرپورٹ سے جعلی سفری دستاویزات پر بیرون ملک جانے والے 2 مسافروں کو گرفتار کر لیا۔

ایف آئی اے امیگریشن نے جناح انٹرنیشنل ائیرپورٹ کراچی پر بڑی کارروائی کرتے ہوئے جعلی سفری دستاویزات پر بیرون ملک جانے والے 2 مسافروں کو گرفتار کر لیا گیا، ملزمان وزٹ ویزے پر سنیگال جا رہے تھے۔

  ایف آئی اے کے مطابق ملزمان کی شناخت محمد عدیل اور مجاہد علی کے نام سے ہوئی ملزمان کو امیگریشن کلیئرنس کے دوران مشکوک پایا گیا ملزمان کے پاسپورٹ پر یونان اور پاکستان آمد کی جعلی مہریں لگی ہوئی تھی۔

ایف آئی اے کا کہنا ہے کہ ملزمان کو بعد ازاں مزید قانونی کاروائی کے لئے اینٹی ہیومن ٹریفکنگ سرکل کراچی منتقل کر دیا گیا مزید تفتیش جاری ہے۔

ایف آئی اے این سی بی انٹرپول نے کارروائی کرتے ہوئے یو اے ای سے 9 ملزمان کو گرفتار کرلیا۔

ترجمان ایف آئی اے کے مطابق ایف آئی اے نے کارروائی کرتے ہوئے یو اے سی سے 9 ملزمان کو گرفتار کرلیا، گرفتار ملزمان پنجاب پولیس کو مطلوب تھے۔

ترجمان ایف آئی اے نے بتایا کہ گرفتار ملزمان میں عرفان اصغر، فرحان نزاکت، ثمر عباس، نجیب اللہ، صدام حسین شامل ہیں جبکہ دیگر گرفتار ملزمان میں محمد رفیق، محمدثاقب، محمد عثمان اور طارق محمود شامل ہیں۔

ترجمان کا کہنا ہے کہ ملزمان کے خلاف قتل اور اقدام قتل کی دفعات کے تحت مقدمے درج تھے، ملزم طارق محمود گزشتہ 14 سال سے پنجاب پولیس کو مطلوب تھا، ملزم محمد رفیق کے خلاف سال 2011 میں مقدمہ درج ہوا تھا،  ملزم نجیب اللہ 2014، ملزم صدام حسین سال 2018 میں قتل کر کے بیرون ملک فرار ہو گیا تھا۔

ترجمان کے مطابق دیگر گرفتار ملزمان کے خلاف مقدمات سال 2020  سے 2023 کے دوران درج کئے گئے، سیالکوٹ پولیس کو 3، ڈی جی خان پولیس کو 2 ملزمان مطلوب تھے جبکہ فیصل آباد، گوجرانوالہ، پاکپتن اور بھکر پولیس کو 1،1 ملزم مطلوب تھا۔

ترجمان ایف آئی اے نے مزید بتایا کہ ملزمان کو یواے ای سے پاکستان منتقل کرنے کے لئے ٹیم روانہ ہوگئی ہے۔

ایف آئی اے نے بیرون ملک سے آنے والے 4 مسافروں کو گرفتار کر لیا۔

تفصیلات کے مطابق ایف آئی اے امیگریشن نے پشاور ائیرپورٹ پر بڑی کارروائی کرتے ہوئے بیرون ملک سے آنے والے بھیک مانگنے میں ملوث 2 خواتین سمیت 4 مسافر گرفتار کرلئے۔

  ایف آئی اے حکام کے مطابق ملزمان بین الاقوامی پرواز سے سعودی عرب سے پاکستان پہنچے تھے، گرفتار ملزمان میں محمد اقبال، محمد بلال اور 2 خواتین شامل ہیں، ملزمان چند ماہ قبل عمرے کے نام پر سعودی عرب گئے تھے ۔

حکام نے بتایا کہ ملزمان سعودی عرب میں بھیک مانگنے میں ملوث تھے، ملزمان کا تعلق خانیوال اور ملتان سے ہےم جبکہ دوران تفتیش ملزمان نے اعتراف کیا کہ وہ سعودی عرب بھیک مانگتے رہے۔

ایف آئی اے حکام نے کہا کہ ملزمان کو مزید جانچ پڑتال اور قانونی کارروائی کے لیے ایف آئی اے اینٹی ہیومن ٹریفکنگ سرکل پشاور منتقل کر دیا گیا۔