Tag: ایف آئی اے

پشاور: خیبرپختونخوا میں ایف آئی اے نے حوالہ ہنڈی کے خاتمے کیلئے قبائلی و دیگر اضلاع میں بھی آپریشنل کارروائیوں کا فیصلہ کرلیا۔

تفصیلات کے مطابق خیبرپختونخوا میں حوالہ ہنڈی کےکاروبار کیخلاف ایف آئی اے نے حکمت عملی تیار کرلی، حوالہ ہنڈی کے خاتمے کیلئے قبائلی و دیگر اضلاع میں بھی آپریشنل کارروائیوں کا فیصلہ کیا ہے۔

ایف آئی اے سی بی سی سیل کا کہنا ہے کہ قبائلی اضلاع میں کارروائیوں کیلئے ٹیمیں تشکیل دیدی گئیں، پشاور میں حوالہ ہنڈی کا کاروبار 80 فیصد تک ختم ہوگیا۔

ڈپٹی ڈائریکٹر سی بی سی افضل نیازی نے بتایا کہ حوالہ ہنڈی کے صوبے کے 19 اضلاع میں 300 سے زائد مقدمات درج ہیں، سب سے زیادہ 117 مقدمات پشاور میں  درج ہوئے اس کے علاوہ بونیر میں  19، ملاکنڈ میں 19، سوات میں 16، ہنگو میں 14، لوئر دیر میں 13 مقدمات درج ہیں۔

دستاویزات کے مطابق ضلع خیبر میں  13، چارسدہ میں 10، نوشہرہ میں 10،کوہاٹ میں 5، مردان، ضلع مہمند، کوہاٹ اور صوابی میں 2،2 مقدمات درج ہیں۔

کراچی: ایف آئی اے نے بیرون ممالک سے انسانی اسمگلنگ کا نیٹ ورک چلانے والوں کیخلاف بھی کارروائی کا آغاز کردیا۔

تفصیلات کے مطابق وفاقی تحقیقاتی ایجنسی (ایف آئی اے) کے انسداد انسانی اسمگلنگ سرکل نارتھ ریجن نے یونان کشتی حادثے کے بعد سے اب تک 69 انسانی اسمگلرز گرفتار کر لیئے ہیں۔

حکام نے بتایا کہ یونان کشتی حادثے میں ملوث انسانی اسمگلروں کیخلاف اب تک 184 مقدمات درج کیے گئے،  مقدمات ایف آئی اے اسلام آباد، فیصل آباد اور لاہور زون میں درج ہے۔

ایف آئی اے حکام کا کہنا ہے کہ گجرات 115،گوجرانوالہ 47، لاہور 11، فیصل آباد 8 اور اسلام آباد زون میں 3 مقدمات درج کئے گئے، اب تک 223 لاپتہ نوجوانوں کے خاندانوں کے ڈی این اے سیمپلز حاصل کر لئے گئے۔

حکام کے مطابق انسانی اسمگلنگ میں ملوث عناصرکو کیفر کردار تک پہنچایا جائے گا، حکام کا بتانا ہے کہ بیرون ملک سے انسانی اسمگلنگ کا نیٹ ورک چلانے والوں کیخلاف بھی کارروائی کا آغاز ہوگیا ہے۔

گجرات: یونان میں تارکین وطن کی کشتی ڈوبنے کے سانحہ کے بعد اس میں ملوث ایک اور ایجنٹ کے خلاگ مقدمہ درج کرلیا گیا۔

وفاقی تحقیقاتی ادارے (ایف آئی اے) نے یونان کشتی حادثے میں ملوث ایک اور میں ظفرنامی ایجنٹ خلاف مقدمہ درج کرلیا ہے، ایڈیشنل ڈائریکٹر قیصر مخدوم نے بتایا کہ مقدمہ لاپتہ احتشام کے والدکی مدعیت میں درج کیاگیا۔

ایف آئی آر کے مطابق ظفر نامی ایجنٹ نے بیٹے کواٹلی بھجوانے کے لیے 23 لاکھ روپے مانگے، ایجنٹ نے 3 لاکھ روپے ایڈوانس جبکہ 2 بار 10 دس لاکھ روپے لئے۔

ایف آئی آر میں بتایا گیا کہ ایجنٹ نے سائل کے بیٹے کو دبئی سے لیبیا اور پھر اٹلی بھجوانے کا کہا، 9 جون کو اس کے بیٹے نے اٹلی کے لیے نکلنے کی اطلاع دی۔

ایف آئی آر کے مطابق 11 جون کو ایجنٹ نے بتایا کہ اس کا بیٹا اٹلی پہنچ چکا ہے، سائل کے بیٹے کو باہر بھجوانے والا ظفر نامی ایجنٹ تحصیل نوشہرہ ورکاں کا رہائشی ہے۔

واضح رہے کہ گزشتہ ہفتے یونان میں تارکینِ وطن کی کشتی ڈوبنے کا واقعہ پیش آیا تھا جس میں خواتین اور بچوں سمیت 700 سے زائد افراد سوار تھے۔

یونان میں پیش آئے اس کشتی حادثے میں آزاد کشمیر سے تعلق رکھنے والے 135 افراد سمیت 298 پاکستانی جاں بحق ہوئے ہیں۔

کراچی: ایف آئی اے انٹر پول نے کمبوڈیا سے آنے والے ملزم کو لاہور ائیرپورٹ پر گرفتار کر لیا۔

تفصیلات کے مطابق ایف آئی اے انٹرپول پاکستان نے کارروائی کے دوران کمبوڈیا سے آنے والے ملزم کو لاہور ائیرپورٹ پر گرفتار کر لیا گیا۔

ترجمان ایف آئی اے کے مطابق ملزم ریڈ نوٹس پر بہاولنگرپولیس کو مطلوب تھا، ملزم ڈکیتی کی متعدد وارداتوں میں ملوث تھا۔

ایف آئی اے امیگریشن لاہور نے ملزم کو متعلقہ پولیس کے حوالے کر دیا۔