اسلام آباد : آئی ایم ایف نے موجودہ پروگرام میں ایف بی آر کی کارکردگی پر اطمینان کا اظہار کردیا ، آج مذاکرات مکمل نہ ہونے پر منگل کو مذاکرات کا مختصر دور ہوگا۔
تفصیلات کے مطابق آئی ایم ایف مشن کے ساتھ ایک اعشاریہ ایک ارب ڈالر قرض کی آخری قسط کیلئے مذاکرات کا آخری دور آج ہوگا۔
ذرائع نے بتایا کہ آئی ایم ایف نے ایف بی آر کی کارکردگی پر اطمینان کا اظہار کیا ہے ،موجودہ قرض پروگرام پرمذاکرات آج کامیابی سےمکمل ہوسکتے ہیں۔
ذرائع کا کہنا تھا کہ افسران کےایسٹ ڈیکلریشن اورصوبوں سےبھی مذاکرات آج شیڈول ہیں، وفد سے پنشنز اور ویجز، کلائمیٹ فنانسنگ، مانیٹری پالیسی، آئندہ بجٹ پر مذاکرات ہوں گے۔
آئی ایم ایف وفد صوبوں کیساتھ فسکل آپریشن، ڈیٹ، کموڈیٹی اسکیم پرمذاکرات کرے گا جبکہ وفد معاشی ٹیم سے ہیلتھ اینڈایجوکیشن اسپینڈنگ، ریونیواقدامات پر مذاکرات کرے گا۔
فاریکس مارکیٹ، بجٹ پراسس میں تبدیلیاں، ادارہ جاتی ریفارمز سمیت رئیل اسٹیٹ، افسران کےایسٹ ڈیکلریشن، اینٹی منی لانڈرنگ پر مذاکرات شیڈول ہے۔
ذرائع کے مطابق آئی ایم ایف وفد سےآج مذاکرات مکمل نہ ہونے پر منگل کو مختصر مذاکرات کا امکان ہے، وفد نے اب تک ایکسٹرنل فنانسنگ کے روڈ میپ پر عدم اطمینان ظاہر کیا ہے۔
ذرائع نے بتایا کہ ادارہ جاتی اصلاحات کا پراسس سست ہونے پر عدم اطمینان کا اظہار کیا گیا جبکہ آئی ایم ایف اب تک دیگر اقدامات سے مطمئن ہے۔
