Tag: ایف بی آر

اسلام آباد : فیڈرل بورڈ آف ریونیو (ایف بی آر) نے سات لاکھ سے زائد نان فائلرزکونوٹس جاری کرتے ہوئے خبردار کیا ہے کہ ٹیکس جمع نہ کرانے والوں کی موبائل فون سم بلاک کی جائے گی۔

تفصیلات کے مطابق فیڈرل بورڈ آف ریونیو (ایف بی آر) کی جانب سے سات لاکھ سے زائد نان فائلرزکونوٹس جاری کردیئے گئے۔

ایف بی آر نے کہا کہ ٹیکس گوشوارے جمع نہ کرانے والوں کو نوٹس آئی ایم ایف کی گائیڈ لائن کے بعد جاری کیے گئے، نوٹسز بینکوں اوربجلی کےبلوں کے مطابق جانچ کرکے بھجوائےگئے ہیں۔

ٹیکس گوشوارے جمع نہ کروانے والوں سے کہا گیاکہ وہ فوری طورپرگوشوارے جمع کروائیں۔

نوٹس کے بعد ٹیکس جمع نہ کرانے والوں کی موبائل فون سم بلاک کی جائے گی اور دوسرے مرحلے میں ٹیکس نادہندگان کے بجلی کے کنکشن منقطع کر دیے جائیں گے۔

ایف بی آرنے اس سال دس لاکھ سے زائد نئے افراد کو ٹیکس نیٹ میں لانے کا ہدف رکھا ہے۔

اسلام آباد : فیڈرل بورڈ آف ریونیو نے جولائی تانومبر3484ارب روپے کا ٹیکس جمع کرلیا، ٹیکس جمع کرنےکی شرح میں 38 فیصداضافہ ہوا ہے۔

تفصیلات کے مطابق ترجمان فیڈرل بورڈ آف ریونیو آفاق قریشی نے سماجی رابطے کی ویب سائٹ ایکس پر اپنے پیغام میں بتایا کہ فیڈرل بورڈآف ریونیو کو بڑی کامیابی ملی ہے، جولائی تا نومبر 3484 ارب روپے کا ٹیکس جمع کرلیا ہے نومبر 2023 میں 736 ارب روپے کا ٹیکس جمع کیا، ٹیکس جمع کرنے کی شرح میں گزشتہ سال کی نسبت 38 فیصد اضافہ ہوا۔

FBR achieves 5 month target with Rs. 736 billion collected in November, 2023 depicting a monthly growth of 38%, despite issuance of 54% higher refunds than the corresponding period of the previous year.@PakPMO@Financegovpk@IRSPakistan

— FBR (@FBRSpokesperson) November 30, 2023

کراچی: پی آئی اے کی مشکلات میں ایک بار پھر اضافہ ہوگیا، ایف بی آر نے ملک بھر میں پی آئی اے کے اکاؤنٹس منجمد کردیے۔

تفصیلات کے مطابق پی آئی اے کو مجموعی طور پر ساڑھے 4 ارب کی ادائیگی کرنی ہے۔ پی آئی اے نے فروری سے لے کر اب تک ریٹرن بھی فائل نہیں کیے ہیں۔ ایف بی آر کی جانب سے ملک بھر میں پی آئی اے کے اکاؤنٹس کو منجمد کردیا گیا ہے۔

ٹریبونل کے آرڈر پر فوری طور پر 2 ارب 70 کروڑ روپے ادا کرنے ہیں۔ ایف بی آر نے بتایا کہ ادائیگی نہ ہونے پر اکاؤنٹس منجمد کردیے گئے ہیں۔

اس کے علاوہ ذرائع کا کہنا ہے کہ پی ایس او نے بھی پی آئی اے کے جہازوں کو ایندھن بند کرنے کی دھمکی دیدی ہے، پی ایس او نے پی آئی اے سے 1.5 ارب روپے فوری ادائیگی مطالبہ کیا ہے۔

پی آئی اے ذرائع کا کہنا ہے کہ ایاسا کے آڈٹ کے دوران ایف بی آر، پی ایس او کے ایسے اقدامات بدقسمتی ہے، ایاسا آڈٹ کے بعد پی آئی اے پر یورپ میں پابندی ہٹ سکتی ہے۔

اسلام آباد : فیڈرل بورڈ آف (ایف بی آر) نے پندرہ سے بیس لاکھ افراد کو ٹیکس نیٹ میں لانےکا فیصلہ کرتے ہوئے یک سوپینتالیس ڈسٹرکٹ ٹیکس دفاتر کے قیام کا نوٹیفکیشن جاری کردیا۔

تفصیلات کے مطابق فیڈرل بورڈ آف (ایف بی آر) نے جون دوہزار چوبیس تک پندرہ سےبیس لاکھ نئے ٹیکس دہندگان کو نیٹ میں لانے کا فیصلہ کرلیا۔

اس سلسلے میں ایف بی آر کے لیے ملک بھر میں ایک سو پینتالیس ڈسٹرکٹ ٹیکس آفسز کے قیام کا نوٹیفکیشن جاری کر دیا ہے۔

ایف بی آر کا کہنا ہے کہ اس اقدام سے ٹیکس نیٹ کو بڑھانے اور ٹیکس ٹو جی ڈی پی تناسب کو مطلوبہ سطح تک بڑھانے میں مدد ملے گی۔

ان لینڈ ریونیو کے ڈسٹرکٹ افسران مختلف محکموں اور اداروں سے ممکنہ ٹیکس دہندگان کے بارے میں تھرڈ پارٹی ڈیٹا حاصل اور استعمال کریں گے۔

اس کے علاوہ نان فائلرز کے خلاف انکم ٹیکس آرڈیننس دوہزار ایک میں متعارف کرائے جانے والے سیکشن ایک سو چودہ بی کے تحت کاروائی عمل میں لائی جائے گی۔

نئے سیکشن کے تحت نوٹس ملنے پر ٹیکس ریٹرن فائل نہ کرنے والوں کے بجلی و گیس کے کنکشنز کاٹے جائیں گے اور موبائل سمز بلاک کی جائیں گی۔

چیئرمین نادرا نے ایف بی آر کو ڈیٹا انٹگریشن کے ذریعے ٹیکس کی بنیاد وسیع کرنے میں مدد فراہم کرنے کی یقین دہانی کرائی ہے۔