Tag: ایف بی آر

اسلام آباد : فیڈرل بورڈ آف ریونیو (ایف بی آر) نے ملک بھر میں ضلعی ٹیکس دفاتر قائم کرنے کا فیصلہ کیا ہے، نان فائلرز کیخلاف سخت کارروائی ہوگی۔

اس حوالے سے ایف بی آر حکام کا کہنا ہے کہ ٹیکس وصولی کی بنیاد وسیع کرنے کیلئے ملک بھر میں145 ضلعی ٹیکس دفاتر قائم کیے جائیں گے۔

نگراں وزیراعظم نے حالیہ اجلاسوں میں ٹیکس فائلرز کی تعداد اور ریونیو میں اضافےپر زور دیا تھا، نئے دفاتر جون2024 تک20لاکھ نئے ٹیکس دہندگان کو ٹیکس نیٹ میں لانے پر کام کریں گے۔

ایف بی آر حکام کے مطابق نان فائلرز کیخلاف انکم ٹیکس آرڈیننس2001 میں متعارف سیکشن 114 بی کے تحت کارروائی ہوگی۔

نوٹس ملنے پر ٹیکس ریٹرن فائل نہ کرنے والوں کے بجلی، گیس کنکشنز منقطع کرنے کے علاوہ ان کی سمز بلاک کی جائیں گی۔

متعلقہ حکام نے بتایا کہ حکومت کے اس اقدام سے ٹیکس وصولی کی بنیاد وسیع، ٹیکس ٹوجی ڈی پی تناسب مطلوبہ سطح تک بڑھانے میں مدد ملے گی۔

ایف بی آر کے مطابق ان لینڈ ریونیو کے گریڈ17اور18کے افسران ان دفاتر کی سربراہی کریں گے، ان دفاتر کے قیام سے ممکنہ ٹیکس دہندگان کو ٹیکس نیٹ میں لانے کی راہ ہموار ہوگی۔

حکام کا کہنا ہے کہ ان لینڈ ریونیو کے ڈسٹرکٹ افسران مختلف محکموں اور اداروں سے ڈیٹا حاصل کریں گے، افسران ممکنہ ٹیکس دہندگان سے متعلق تھرڈ پارٹی ڈیٹا حاصل اور اسے استعمال کرسکیں گے۔

حکام کا کہنا ہے کہ ایک نیا دستاویزی قانون بھی متعارف کرایا جارہا ہے، اس قانون کے تحت مختلف ادارے اور محکمے ایف بی آر افسران کو خود کار سسٹم سے ڈیٹا فراہمی کے پابند ہونگے۔

چیئرمین نادرا نے ڈیٹا انٹیگریشن کے ذریعےٹیکس بنیاد وسیع کرنے میں مدد کی یقین دہانی کرائی ہے، ڈسٹرکٹ ٹیکس دفاتر کے قیام سے ٹیکس دہندگان کو گوشوارے جمع کرانے میں سہولت ملے گی۔

اسلام آباد : فیڈرل بورڈ آف ریونیو (ایف بی آر) نے نئے لوگوں کو ٹیکس نیٹ میں لانے اور ٹیکس چوری کے سدباب کیلیے جدید نظام کی تنصیب لازمی قرار دے دی۔

اس حوالے سے ایف بی آر ذرائع کا کہنا ہے کہ الیکٹرانک سیلز ٹیکس انوائسنگ سسٹم کی تنصیب لازمی قرار دینے کا فیصلہ کیا گیا ہے۔

ایف بی آر حکام کا کہنا ہے کہ ایف بی آر کی جانب سے ٹیئر ون میں شامل بڑے رجسٹرڈ ریٹیلرز اور ٹیکس دہندگان کیلیے الیکٹرانک سیلز ٹیکس انوائس سسٹم کی تنصیب کی کامیابی کے بعد اب اس کا دائرہ کار دوسرے شعبوں تک بڑھانے کا فیصلہ کیا گیا ہے۔

اس جدید نظام کے تحت ایف بی آر جسے بھی نوٹیفائی کرے گا اسے یہ الیکٹرانک سیلز ٹیکس انوائسنگ سسٹم نصب کرنا پڑے گا اور ایف بی آر کے سسٹم سے انٹیگریٹڈ رجسٹرڈ نوٹیفائیڈ سپلائرز الیکٹرانک سیلز ٹیکس انوائسنگ سسٹم کے بغیر اشیا و خدمات کی سپلائی نہیں کرسکیں گے۔

یاد رہے کہ ایف بی آر نے پاکستان ریونیو ریزز پروگرام کے تحت ٹیکس نیٹ بڑھانے کیلیے مزید 10 لاکھ افراد کو ٹیکس نیٹ میں لانے کا فیصلہ کیا ہے جس کیلئے ریونیو جنریشن اسٹریٹجی کے تحت ٹیکس نیٹ کو وسیع کرنے کے لیے جامع پلان تیار کرلیا گیا ہے۔

اسلام آباد: فیڈرل بورڈ آف ریونیو (ایف بی آر) نے آئی ایم ایف کو نئی ایمنسٹی اسکیم نہ لانے کی یقین دہانی کروادی۔

اے آر وائی نیوز کے مطابق پاکستان اور آئی ایم ایف کے درمیان مذاکرات کے دوسرے روز میں ایف بی آر نے جولائی تا ستمبر ٹیکس کارکردگی کا جائزہ لیا گیا۔

آئی ایم ایف کو ٹیکس محاصل بڑھانے، چھوٹ کے بتدریج خاتمے پر بریفنگ دی گئی، ایف بی آر نے مالی سال کی پہلی سہ ماہی کے ٹیکس محوصلات سے بھی آگاہ کیا۔

ذرائع کا بتانا ہے کہ آئی ایم ایف کو 9415 ارب کا ٹیکس ہدف حاصل کرنے کی یقین دہانی کروائی گئی ہے، آئی ایم ایف کو نئی ایمنسٹی اسکیم نہ لانے کی یقین دہانی کروادی گئی ہے۔

ایف بی آر نے بریفنگ دی کہ جولائی تا ستمبر 2 ہزار 41 ارب روپے سے زیادہ ٹیکس جمع کیا گیا، گزشتہ سال کی نسبت 23 فیصد یعنی 397 ارب زیادہ ٹیکس جمع ہوا۔

ایف بی آر نے بتایا کہ ستمبر 2023 تک 128 ارب سے زیادہ کے ریفنڈز بھی جاری کیے گئے، انکم ٹیکس 934 ارب، سیلز ٹیکس 727 ارب، ایکسائز ڈیوٹی 127 ارب 58 کروڑ جمع کیے گئے۔

ذرائع کا بتانا ہے کہ تین ماہ میں کسٹمز ڈیوٹی کی مد میں 252 ارب روپے سے زیادہ ریونیو جمع کیا گیا، انکم ٹیکس کی مد میں 246 ارب اضافی جمع کیے گئے۔

ایف بی آر حکام کا کہنا ہے کہ سیلز ٹیکس کی مد میں 82 ارب زیادہ آمدن ہوئی، 4 ماہ میں گزشتہ سال سے 590 ارب زیادہ ٹیکس جمع ہوا ہے۔