Tag: ایف بی آر

اسلام آباد : فیڈرل بورڈ آف ریونیو( ایف بی آر) نے ملکی تاریخ کی بڑی منی لانڈرنگ اور انڈرانواسنگ کے کیس میں پشاور کی دو کمپنیوں کیخلاف مقدمہ درج کرا دیا گیا۔

تفصیلات کے مطابق ملکی تاریخ کی بڑی منی لانڈرنگ اور انڈرانواسنگ کے کیس میں فیڈرل بورڈ آف ریونیو( ایف بی آر) کی جانب سے پشاور کی دو کمپنیوں کیخلاف مقدمہ درج کرا دیا گیا۔

ایف آئی آر میں سینتالیس ارب روپے کی منی لانڈرنگ کا بھی انکشاف ہوا ہے، رقم کی منتقلی کو ٹریڈ بیس منی لانڈرنگ قرار دیا گیا۔

انڈرانواسنگ کے ذریعے قومی خزانے کو پچیس ارب روپے تک نقصان پہنچا، منی لانڈرنگ اورانڈرانواسنگ سولر پینل کی آڑ میں کی گئی۔

ٹریڈ بیس منی لانڈرنگ کا انکشاف کسٹم حکام نے اپنی رپورٹ میں کیا تھا، ایف بی آر کے آڈٹ حکام کی جانب سے تحقیقات کے بعد مقدمہ درج کیا گیا۔

ایف آئی آر میں مون لائٹ ٹریڈرز،برائٹ اسٹار نامی کمپنی اور ان کے مالکان کو نامزد کیا گیا ہے، کمپنیوں کی جانب سے منی لانڈرنگ دوہزارسترہ سے دو ہزار بائیس تک کی گئی، رپورٹ نگران وزیراعظم کو بھی ارسال کردی گئی ہے۔

کراچی : ملک میں اسمگلنگ کی روک تھام کیلئے کریک ڈاؤن کے آغاز کے بعد محکمہ کسٹمز میں بڑے پیمانے پر تبادلے کر دیے گئے۔

تفصیلات کے مطابق فیدرل بورڈ آف ریونیو (ایف بی آر ) کی جانب سے محکمہ کسٹمز میں بڑےپیمانے پر اکھاڑ پچھاڑ کی گئی، جس میں 21 گریڈ کے 6 افسران، 20 گریڈ کے 36 افسران اور گریڈ19کے افسران کے تبادلے کردیئے گئے۔

ایف بی آرنے کسٹمز افسران کے تبادلوں کے نوٹیفکیشن جاری کردیئے ہیں ، ایف بی آر نے تمام BS-19 (OPS) افسران کو ہٹا کر BS-20 افسران کو آپریشنل کلکٹریٹس کے کلکٹر تعینات کر دیا ہے۔

نوٹیفکیشن میں بتایا گیا کہ محمد صادق (PCS/BS-21) کو ڈائریکٹر جنرل، ڈائریکٹوریٹ جنرل آف IPR (انفورسمنٹ)، اسلام آباد سے چیف کلکٹر آف کسٹمز ایکسپورٹ، کسٹم ہاؤس، کراچی کے عہدے پر تبدیل کر دیا گیا ہے۔

نوٹیفکیشن کے مطابق سیما رضا بخاری (PCS/BS-21) کو ڈی جی ، ڈائریکٹوریٹ جنرل آف ان پٹ آؤٹ پٹ کوفیشینٹ آرگنائزیشن، کراچی سے چیف کلکٹر آف کسٹمز (نارتھ)، کسٹم ہاؤس، اسلام آباد میں تبدیل کر دیا گیا۔

محمد عمران خان مہمند (PCS/BS-21) کو چیف کلکٹر آف کسٹمز (نارتھ) کسٹم ہاؤس اسلام آباد سے ڈی جی ڈائریکٹوریٹ جنرل آف ریفارمز اینڈ آٹومیشن (کسٹمز) اسلام آباد کے دفتر میں تبدیل کر دیا گیا۔

نوٹیفکیشن میں بتایا گیا کہ محمد سلیم (PCS/BS-21) کا تبادلہ چیف کلکٹر آف کسٹمز خیبر پختونخوا، کسٹم ہاؤس، پشاور سے ڈی جی ڈائریکٹوریٹ جنرل آف کسٹمز ویلیوایشن، کراچی میں کیا گیا۔

اس کے علاوہ صائمہ شہزاد (PCS/BS-21) کو ڈائریکٹر، ڈائریکٹوریٹ آف انٹیلی جنس اینڈ انویسٹی گیشن- ایف بی آر ، لاہور سے ڈائریکٹر جنرل، کسٹمز اکیڈمی آف پاکستان (CAP)، کراچی (لاہور میں تعینات) کے عہدے پر تبدیل کر دیا گیا۔

عرفان الرحمٰن خان (PCS/BS-21) کو کلکٹر، کلکٹریٹ آف کسٹمز انفورسمنٹ، کوئٹہ سے ڈائریکٹر جنرل، ڈائریکٹوریٹ جنرل آف ان پٹ آؤٹ پٹ کو فیشینٹ آرگنائزیشن، کراچی (اسلام آباد میں تعینات) کے دفتر میں تبدیل کر دیا گیا۔

اسمگلنگ روٹ والے شہر پشاور اور کوئٹہ کے بھی افسران تبدیل کئے گئے، چیف کلکٹر کے پی کے پشاور اور کلکٹر کسٹمز کوئٹہ کا بھی تبادلہ کر دیا گیا ہے۔

اسلام آباد : فیڈرل بورڈ آف ریونیو (ایف بی آر) نے نے پی آئی اے کے بینک اکاؤنٹس بحال کردیے، بینک اکاؤنٹس منجمدہونے سے پی آئی اے کو شدید مالی مشکلات کا سامنا تھا۔

تفصیلات کے مطابق فیڈرل بورڈ آف ریونیو (ایف بی آر) نے قومی ایئرلائن (پی آئی اے) کے تمام بینک اکاؤنٹس کھول دیے ، جس کے بعد پی آئی اے کے تمام بینک اکاؤنٹ بحال ہوگئے ہیں۔

فیڈرل ایکسائز ڈیوٹی کی عدم ادائیگی پر پی آئی اےبینک اکاؤنٹس منجمد کیے گئےتھے ، بینک اکاؤنٹس منجمدہونے سے پی آئی اے کو شدید مالی مشکلات کا سامنا تھا۔

پی آئی اے ملازمین کو اگست کی تنخواہیں جاری کرنے میں تاخیر ہوئی ہے تاہم ترجمان پی آئی اے کا کہنا ہے کہ ایف بی آر نے پی آئی اے کے بینک اکاؤنٹس بحال کردیے۔

خیال رہے قومی ایئرلائن (پی آئی اے) سنگین مالی بحران کی شکار ہے ، ذرائع نے بتایا تھا کہ فنڈز نہ ہونےکی وجہ سے فلائٹ آپریشن بند ہونے کا خدشہ ہے اور اندورون و بیرون ملک جانے والی 30 سے زائد پروازیں معطل ہونے کا امکان ہے،

ذرائع نے کہا تھا کہ رقم فوری طور پر مہیا نہ ہونے سے 15 طیارے گراؤنڈ کرناپڑیں گے، پی ائی اے کو فلائٹ آپریشن جاری رکھنے کیلئے فنڈز کی فوری اشد ضرورت ہے اور نگران حکومت نے پی آئی اے کو فنڈ دینے سے انکار کردیا ہے۔

لاہور: فیڈرل بورڈ آف ریونیو (ایف بی آر) نے ٹیکس چوروں کے خلاف ملک گیر آپریشن کرنے کا فیصلہ کرلیا۔

تفصیلات کے مطابق ذرائع ایف بی آر نے بتایا کہ فیڈرل بورڈ آف ریونیو (ایف بی آر) نے آپریشن کے لیے پہلے مرحلے میں لاہور کراچی سمیت بڑے شہروں کے 11 ہزار  افراد کی فہرست تیار کرلی۔

ذرائع ایف بی آر کے مطابق اس فہرست میں کراچی، لاہور، فیصل آباد، پنڈی اور ملتان کے صنعتکار، مل مالکان، بڑے تاجر  پراپرٹی ڈیلرز اور ہول سیلر شامل ہیں۔

ذرائع ایف بی آر کا بتانا ہے کہ فہرست میں شامل لوگوں ٹیکس دہندگان کے گرد گھیرا تنگ کر کے انہیں پکڑا بھی جائے گا، نوٹس جاری کرنے سے پہلے تمام قانونی کارروائی پوری کرلی ہے۔

ایف بی آر  ذرائع نے بتایا کہ ٹیکس ڈیفالٹرز کے خلاف ٹھوس ثبوت موجود ہے، ٹیکس نوٹس پر  ایک ہفتے میں دستاویزات پیش کرنا ہونگی۔