Tag: ایف بی آر

اسلام آباد: اسپیکر قومی اسمبلی اسد قیصر نے کہا ہے کہ ٹیکس نظام کو عوام دوست بنایا جائے۔

تفصیلات کے مطابق اسپیکر قومی اسمبلی اسد قیصر سے چیئرمین ایف بی آر جاوید غنی نے ملاقات کی جس میں ایف بی آر کی کارکردگی بہتر بنانے سے متعلق تبادلہ خیال کیا گیا۔

اسپیکر قومی اسمبلی کا کہنا تھا کہ ٹیکس کلیکشن کے اہداف حاصل کرنے کے لیے اقدامات کیے جائیں،ملک کی ترقی کے لیے ایف بی آر کو خاص اہمیت حاصل ہوتی ہے، ایف بی آر کی کارکردگی بہتر ہونے سے ملک کی اکنامی بہتر ہوگی۔

اسد قیصر نے کہا کہ ٹیکس نظام کو عوام دوست بنایا جائے،ایف بی آر میں اصلاحات لا کر کارکردگی کو بہتر بنایا جا سکتا ہے۔

چیئرمین ایف بی آر کا کہنا تھا کہ وزیراعظم عمران خان کی ہدایت پر اصلاحات پر کام ہو رہا ہے،ٹیکس وصولی کے نظام کو مزید آسان بنایا جا رہا ہے،ایف بی آر کے نظام کو ڈیجیٹل کیا جا رہا ہے۔

اسپیکر قومی اسمبلی نے چیئرمین ایف بی آر کو افغان بارڈز پر درپیش مسائل کو فوری حل کرنے کی ہدایت کرتے ہوئے کہا کہ ہمیں اپنے ایکسپورٹرز کو ہرممکن سہولت دینی ہے،عوام کی زندگیوں سےمشکلات کو کم کرنا ہے۔

اسلام آباد: چیئرپرسن ایف بی آر نوشین جاوید نے کہا ہے کہ وفاق اور سندھ میں ٹیکس جمع کرنے کا تنازع جلد ختم ہوگا، ایکسائزڈیوٹی معاملے پر سندھ حکومت سے معاملات طے کیے جارہے ہیں۔

تفصیلات کے مطابق چیئرپرسن ایف بی آر نوشین جاوید کا میڈیا سے غیر رسمی گفتگو کرتے ہوئے کہنا تھا کہ امید ہے ایک 2روز میں یہ معاملہ حل ہو جائے گا، سندھ حکومت کو بتادیا قانون کے مطابق یہ ٹیکس جمع کرنا ہوگا۔

انہوں نے کہا کہ رواں مالی سال کی پہلی سہ ماہی میں ٹیکس ہدف کم رکھا جائے گا، کروناوائرس کے باعث گھمبیر معاشی صورت حال کا سامنا ہے، جسٹس قاضی فائز کونوٹسز کا معاملہ قانون کے مطابق دیکھ رہے ہیں۔

وفاق کے لیے ٹیکس جمع کرنے سے انکار، محکمہ ایکسائز سندھ نے ایف بی آر کو آگاہ کر دیا

خیال رہے کہ حالیہ دنوں وزیراعلیٰ سندھ مراد علی شاہ کا کہنا تھا کہ وفاق نے ہمیں آئین کے تحت ٹیکس جمع کرنے کا اختیار دیا ہے،ہم اب وفاق کے لیے ٹیکس جمع نہیں کریں گے۔

اس سے قبل رواں سال فروری میں وزیراعلیٰ سندھ مراد علی شاہ کا کہنا تھا کہ ایکسائز اینڈ ٹیکسیشن ڈپارٹمنٹ سے ایف بی آر نے کٹوتیاں کی ہیں،اگر فنڈز واپس نہیں دیے تو سندھ حکومت وفاق کے لیے ٹیکس جمع نہیں کرے گی، ان کا کہنا تھا کہ ایف بی آر ایکسائز اینڈ ٹیکسیشن ڈپارٹمنٹ کے دفتر میں ود ہولڈنگ ٹیکس جمع کرنے کے لیے اپنا کاؤنٹر کھول لے۔

اسلام آباد: ذرایع کا کہنا ہے کہ آئندہ بجٹ میں نان فائلرز کے خلاف اقدامات سخت کرنے پر غور کیا جا رہا ہے۔

اے آر وائی نیوز کے مطابق ایف بی آر نے نان فائلرز، بے نامی دار، ٹیکس چوروں اور بڑی ٹرانزکشنز کی چھان بین کا فیصلہ کیا ہے، اس سلسلے میں ایف بی آر ہیڈکوارٹرز میں ٹیکس انفارمیشن پروسیسنگ یونٹ قائم کر لیا گیا۔

ذرایع کا کہنا ہے کہ ڈیٹا کی چھان بین کے لیے ایف بی آر میں آئی ٹی ماہرین تعینات کیے جائیں گے، خود کار نظام کے تحت بیرون ملک سفر اور نئی گاڑیاں خریدنے والوں کو نوٹسز بھیجے جائیں گے۔

ذرایع کا یہ بھی کہنا ہے کہ فیلڈ فارمیشن سے حاصل ڈیٹا کی آئی ٹی کی مدد سے جانچ پڑتال کی جائے گی، اور خود کار نظام کے ذریعے ہی نوٹسز جاری اور جرمانے کیے جائیں گے۔

ٹیکس کے سلسلے میں 51 سو ارب کا مجوزہ ہدف مقرر کیا گیا ہے جسے حاصل کرنے کے لیے فیلڈ فارمیشنز کو ہدایات جاری کر دی گئی ہیں۔

اتوار کو ایف بی آر نے مئی 2020 میں وصول ٹیکسز اور ڈیوٹیز کی تفصیلات جاری کی تھیں، جس میں بتایا گیا تھا کہ فیڈرل بورڈ آف ریونیو کی ٹیکسز اور ڈیوٹیز میں رواں سال مئی تک 7.7 فی صد اضافہ ہوا، مئی 2020 میں ٹیکسز اور ڈیوٹیز کی مد میں کُل 227 ارب روپے حاصل ہوئے۔ ایف بی آر کے مطابق رواں سال مئی 2020 تک کُل حاصل کردہ ٹیکسز اور ڈیوٹیز 3518 ارب روپے ہیں، گزشتہ سال ٹیکسز اور ڈیوٹیز 3266 ارب روپے تھیں۔

کراچی: فیڈرل بورڈ آف ریونیو( ایف بی آر) نے 62 ارب 36 کروڑ روپے سے زائدکی بےنامی جائیدادوں کو بے نقاب کر دیا۔

تفصیلات کے مطابق فیڈرل بورڈ آف ریونیو( ایف بی آر) نے 62 ارب 36 کروڑ روپے سے زائدکی بےنامی جائیدادیں بے نقاب کیں۔ اومنی گروپ کی سب سےزیادہ جائیداد بےنامی پائی گئیں۔

ذرائع کا کہنا ہے کہ اومنی گروپ کیس کی بےنامی جائیدادکی مالیت 14 ارب 86 کروڑ سے زائد ہے، اب تک 146 بےنامی جائیدادوں کو منجمد کر دیاگیا۔ کراچی میں 101، اسلام آباد میں 31 اور لاہور میں 14 بےنامی جائیدادیں منجمد کی گئیں۔

ذرائع کے مطابق مجموعی طور پر 752 بےنامی داروں کی نشاندہی ہوچکی ہے، بےنامی جائیداد وں کے مجموعی طور پر 34 ریفرنسز داخل کیے جا چکے ہیں جبکہ 63 مقدمات کو حتمی شکل دی گئی۔

یاد رہے کہ گزشتہ سال اگست میں وزیراعظم عمران خان کی ہدایت پر بے نامی جائیدادوں کے خلاف بڑے کریک ڈاؤن کا فیصلہ کیا گیا تھا۔ ضلعی انتظامیہ کو خفیہ جائیدادوں کا کھوج لگانے کا حکم بھی دیا گیا تھا۔