Tag: ایف بی آر

کراچی : ایف بی آر نے جعلی انوائسز کے کاروباری نیٹ ورک کا پردہ فاش کرتے ہوئے ماسٹر مائنڈ کو گرفتار کر لیا۔

تفصیلات کے مطابق ایف بی آر نے کارروائی کرتے ہوئے جعلی انوائسز کے کاروباری نیٹ ورک کا پردہ فاش کر دیا، ترجمان نے بتایا کہ آر ٹی او 1 نے جعلی انوائسز کے کاروباری نیٹ ورک پکڑ کر ماسٹر مائنڈ شہزاد کو گرفتار کرلیا ہے۔

ملزم کا نیٹ ورک ایک درجن سے زائد مختلف کاروبار کے ذریعے اربوں روپے کے ٹیکس فراڈ میں ملوث پایا گیا ہے۔

جعلی انوائسز کیس میں ملوث ملزم شہزاد کو کسٹمز، ٹیکسیشن اور اینٹی کرپشن کے اسپیشل کورٹ میں پیش کیا گیا، جس کے بعد عدالت ملزم کو تین روزہ جسمانی ریمانڈ پر ریجنل ٹیکس آفس 1 کی تحویل میں دے دیا۔

ترجمان کا کہنا ہے کہ ملزم سے مزید تحقیقات میں جرم میں ملوث مزید ملزمان کا سراغ لگایا جائے۔گا اور تحقیقات میں قومی خزانے کو پہنچائے گئے نقصان کا بھی مکمل تخمینہ بھی حاصل کیا جائے گا۔

کراچی : ایف بی آر نے اربوں روپے کا سیلز ٹیکس کا فراڈ پکڑ لیا، سیلز ٹیکس فراڈ پلاٹینم انٹرنیشنل اور کے ایچ سنز کے دو ماسٹر مائنڈ اویس اسماعیل اور فرہاد کر رہے تھے۔

تفصیلات کے مطابق ایف بی آر کے ریجنل ٹیکس آفس 1 نے 315 ارب روپے کا سیلز ٹیکس فراڈ اسکینڈل بے نقاب کر دیا۔

فیڈرل بورڈ آف ریونیو نے بتایا کہ آئرن اور اسٹیل سیکٹر میں 315 ارب روپے کا میگا سیلز ٹیکس فراڈ کا انکشاف ہوا، سیلز ٹیکس فراڈ پلاٹینم انٹرنیشنل اور کے ایچ سنز کے دو ماسٹر مائنڈ اویس اسماعیل اور فرہاد کر رہے تھے۔

ترجمان کا کہنا تھا کہ سیلز ٹیکس فراڈ میں ملوث معاونین اور ملزمان کو گرفتار کرلیا ہے، گرفتار ملزمان میں فرہاد کا بھائی شہزاد، کزن فیصل اور ایک اہم معاون معروف الرمان شامل ہیں۔

تمام ملزمان کو اسپیشل کورٹ کسٹمز، ٹیکسیشن اور اینٹی اسمگلنگ میں پیش کر دیا گی اور ماسٹر مائنڈ فرہاد کے کزن فیصل اور معاون معروف الرحمان کو جیل بھیج دیا گیا جبکہ بھائی شہزاد کو سات روزہ جسمانی رمانڈ پر آر ٹی او 1 ٹیم کے حوالے کیا گیا ہے۔

چیف کمشنر آر ٹی او 1 ڈاکٹر فہیم محمد نے بتایا کہ مزید تحقیقات شروع کردی ہیں، جس کے بعد مزید ملزمان کی گرفتاری متوقع ہے۔

اسلام آباد : فیڈرل بورڈ آف ریونیو (ایف بی آر) نے دفاتر میں ہفتے کی چھٹی منسوخ کرنے کا اعلان کردیا۔

تفصیلات کے مطابق فیڈرل بورڈ آف ریونیو (ایف بی آر) کی جانب سے تمام دفاتر میں ہفتے کی چھٹی منسوخ کردی گئی۔

یہ فیصلہ مالی سال 2024-25 کے لیے مقرر کردہ محصولات کی وصولی کے ہدف کو پورا کرنے کے لیے ایک وسیع حکمت عملی کا حصہ ہے۔

تمام چیف کمشنرز کو ایک باضابطہ ہدایت جاری کی گئی ہے، جس میں انہیں ہدایت کی گئی ہے کہ وہ سرکاری اوقات کار کی سختی سے پابندی کریں اور ہفتہ کو معمول کے کام کے دنوں کے طور پر دیکھیں۔

30 جون 2025 تک تمام ٹیکس آفس کی بروز ہفتہ کی چھٹی منسوخ کی گئی۔

کچے کے ڈاکو اور پاکستان پولیس

ایف بی آر نے اپنی تمام دفاتر پر زور دیا کہ وہ ایک جامع حکمت عملی اپنائیں جس پر زیادہ سے زیادہ ریونیو کے سلسلے کو فوکس کیا جائے۔

یہ بات قابل غور ہے کہ بین الاقوامی مالیاتی فنڈ (آئی ایم ایف) نے حال ہی میں پاکستان کو رواں مالی سال کے لیے اپنے سالانہ ٹیکس ہدف کو 12,970 ارب روپے سے کم کرکے 12,370 ارب روپے کرنے کی اجازت دی تھی۔

نظرثانی کے باوجود، ایف بی آر کو مسلسل دباؤ کا سامنا ہے، کیونکہ مالی سال 25 کے پہلے نو ماہ کے لیے اس کا ریونیو شارٹ فال پہلے ہی 700 ارب روپے تک پہنچ گیا ہے۔