اسلام آباد : چیئرمین ایف بی آر راشد لنگڑیال نے گاڑیوں کی خریداری فریز ہونے کی تصدیق کردی اور کہا خزانہ کمیٹی کے حتمی منٹس تک گاڑیوں کا معاملہ فریز ہے۔

تفصیلات کے مطابق قومی اسمبلی کی خزانہ کمیٹی کا اجلاس ہوا ، جس میں چیئرمین ایف بی آر نے کا 1010 گاڑیوں کی خریداری کے معاملہ پر کہا کہ قائمہ کمیٹی کے فیصلے کی روشنی میں گاڑیوں کی خریداری پر حتمی فیصلہ ہوگا۔

چیئرمین ایف بی آر راشد لنگڑیال نے گاڑیوں کی خریداری فریز ہونے کی تصدیق کرتے ہوئے کہا کہ خزانہ کمیٹی کے حتمی منٹس تک گاڑیوں کا معاملہ فریز ہے، سینیٹ قائمہ کمیٹی خزانہ کے منٹس آئیں گے تو فیصلہ ہوگا۔

راشد لنگڑیال کا کہنا تھا کہ آئی ایم ایف تکنیکی وفد کے موجودہ دورے کا اقتصادی جائزے سےتعلق نہیں، آئی ایم ایف کے ٹیکنیکل اسسٹمنٹ وفد کے دورے روٹین ہیں، تکنیکی امور پر بات چیت مسلسل ہوتی ہے وفود بھی آتے ہیں۔

انھوں نے بتایا کہتعمیراتی شعبے سے متعلق تجاویز اور سفارشات تیار ہیں، تعمیراتی شعبے کے لئے ریلیف پیکج اب یقینی ہو چکا ہے، وزیراعظم کی بنائی گئی ٹاسک فورس نے تجاویز تیار کی ہیں، ٹاسک فورس کی تجاویز اور سفارشات کی کابینہ منظوری دے گی۔

لاہور : مسلم لیگ ن کے رہنما حنیف عباسی نے ایف بی آر افسران کو گاڑیاں نہ دینے کے معاملے پر سوال کیا کہ کیا افسران گدھا گاڑی پر جا کر ٹیکس اکٹھا کریں گے۔

تفصیلات کے مطابق مسلم لیگ ن کے رہنما حنیف عباسی نے اپنے بیان میں کہا کہ گزشتہ دنوں ایف بی آر کی گاڑیوں پر شور مچا ہے ، ایف بی آر افسران کو گاڑیاں نہیں دیں گے تو وہ ٹیکس کیسے اکٹھا کریں گے۔

ان کا کہنا تھا کہ ملک کی برآمدات بڑھ رہی ہے شرح سود کو کم کیا گیا ہے ، اب اس پر امریکااور روس میں مقابلہ بڑھ گیا ہے اور امریکی سرمایہ کار پاکستان میں سرمایہ کاری کر رہے ہیں۔

ن لیگی رہنما نے مزید کہا کہ پاکستان سے اب گالم گلوچ کی سیاست ختم ہونی چاہیے، ہم سب پہلے پاکستانی ہیں اور اس کی حفاظت ہم سب پر فرض ہے، یہ ملک ہمیشہ قائم رہے گا،یہاں کی معدنیات پرہر کسی کو اس کا حصہ ملے گا۔

مزید پڑھیں : ایف بی آر نے 1010 گاڑیوں کی خریداری کا معاملہ روک دیا

خیال رہے فیڈرل بورڈ آف ریونیو (ایف بی آر) نے سینیٹ کی قائمہ کمیٹی برائے خزانہ کی ہدایات پر عملدرآمد کرتے ہوئے افسران کیلیے 1010 گاڑیوں کی خریداری کا معاملہ روک دیا ہے۔

چیئرمین ایف بی آر راشد لنگڑیال نے اپنے بیان میں کہا تھا کہ خزانہ کمیٹی کو مطمئن کرنے تک گاڑیاں نہیں خریدیں گے، کمیٹی پہلے پیپرا رولز پر پیپرا اتھارٹی کو بلائے، جب تک پیپرا رولز پر کمیٹی مطمئن نہیں گاڑیوں کی خریداری منجمد رہے گی

اسلام آباد : سینیٹر فیصل واوڈا نے سوال اٹھایا کہ ایف بی آر کیلئے بڑی گاڑیوں کے بجائے کم بجٹ والی چھوٹی گاڑیاں کیوں نہیں لی جارہیں۔

تفصیلات کے مطابق سینیٹر فیصل واوڈا نے سینیٹ میں ایک بار پھر ایف بی آر کے لیے گاڑیوں کی خریداری کا معاملہ اٹھادیا۔

فیصل واوڈا نے کہا کہ ایف بی آر کیلئے ایک ہزار10 گاڑیاں خریدنے کی بات کی گئی ، ایف بی آر کا 384 ارب روپے کا ہدف پورا نہیں ہوا، یہ کہانی اور آگے بڑھی تو پورے پروسیجر کیلئے اخبار میں گاڑیوں کے ٹینڈر کا اشتہار نہیں آیا۔

ان کا کہنا تھا کہ الزام لگا دیا گیا کہ خزانہ کی کمیٹی دباؤ میں آگئی ہے، سلیم مانڈوی والا پر بھی الزام لگا دیا کہ انفلونس ہوگئے، ن لیگ والے بھی کمیٹی میں بیٹھے ہیں وہ بھی کہہ رہے ہیں ٹھیک کام ہے۔

سینیٹر واوڈا نے کہا کہ یہ پاکستان کی پہلی چوری ہے جو آج تک کبھی نہیں سنی، وزیردفاع پرالزام نہیں لگاؤں گا کہ وہ چوری میں ملوث ہیں، وزیر دفاع کسی کو فیور دینے کیلئے دفاع کر رہے ہیں یہ نہیں ہونےدیں گے، وزیر دفاع جس فیور کر رہے ہیں وہ کسی اور کے فیورٹ ہیں۔

انھوں نے بتایا کہ پالیسی بورڈ کا مینڈیٹ ہےاس کو بھی نظرانداز کر دیا گیا، چوری ،بدمعاشی ،غنڈاگردی اس ملک کا وتیرا بن چکا ہے، ہمیں کہا گیا گاڑیوں کی کابینہ نے منظوری دی ہے، کابینہ کی منظوری سے تو 190ملین پاؤنڈ بھی ہوا تھا، 190ملین پاؤنڈ میں جیل ہوئی ،اب ان گاڑیوں پر بھی جیل ہوگی۔

سینیٹر واوڈا نے مزید بتایا کہ 22 جنوری کو فنانس کمیٹی نے معاملہ اٹھایا اور 22 جنوری کو ہی ایف بی آر ملٹی نیشنل پر چھاپہ مار دیتی ہے، کیا وہ ملٹی نیشنل منشیات بیچ رہےتھےکیا ہیومن ٹریفکنگ کررہے تھے۔

انھوں نے سوال کیا کہ آپ کو گاڑیاں ہی دینی ہیں، خواہشات پوری کرنی ہیں، آپ نے 1300 سی سی پر لاک لگادیا ، 600 سی سی گاڑیاں بھی تو اچھی ہیں، سستی اور معیاری گاڑیاں مل رہی ہیں تو کروڑوں کا فائدہ کیوں پہنچارہے ہیں۔

سینیٹر کا کہنا تھا کہ 4 کیٹگریاں بنا دیں،ایف بی آرکو ہر ماہ 4 سیلری ایکسٹرا دی جائیں گی، کیٹگری ٹو میں 3 اور کیٹگری تھری میں 2 سیلری ایکسٹرا دی جائیں گی، لیز پر گاڑیاں لیں اور 5 فیصد ملازم دے، 5 فیصد حکومت دے، سیلری کی مد میں اربوں چلےجائیں گے اس کا کوئی ریکارڈ نہیں ہوگا۔

انھوںے کہا کہ ایف بی آر کے ہدف میں شاٹ فال کے باعث شاید شاباشی میں گاڑیاں دینے کا فیصلہ ہوا، معاملہ وزیر خزانہ کا تھا، وزیر دفاع صاحب بیچ میں آ گئے۔

فیصل واوڈا کا کہنا تھا کہ اس مافیا کیخلاف کوئی کھڑے ہونے کی جرات نہیں کرسکتا، ایف بی آر کیخلاف کوئی کھڑا ہوگا تو اس کے خلاف کیس کھول دیا جائے گا، تارڑ صاحب اگرآپ سمجھتےہیں توبالکل کریں لیکن اربوں کی چوری، فیور تو روکی۔

سینیٹر واوڈا نے مزید کہا کہ ہم دباؤ میں چوری روکنے کیلئے آئے ہیں تو ہوتے رہیں گے، پہلے بھی ٹکرلی ، تکالیف اٹھائی ،غلط کیخلاف آج بھی کھڑے ہوں گے۔

انھوں نے سوال اٹھایا کہ 660 سی سی میں اہم کمپنیوں کو کیوں کنسیڈر نہیں کرتے، مجھے سستی اور معیاری چیزمل رہی ہے تو میں وہ کیوں نہ لوں۔