اسلام آباد : رواں سال کتنے پاکستانیوں نے ٹیکس گوشوارے جمع کرائے؟ اس حوالے سے تفصیلات سامنے آگئیں۔

تفصیلات کے مطابق فیڈرل بورڈ آف ریونیو (ایف بی آر) کی جانب سے رواں سال کے ٹیکس گوشواروں کی تازہ تفصیلات جاری کردی گئیں۔

حکام نے بتایا کہ 6 نومبرتک 52 لاکھ 15 ہزار سے زائد ٹیکس گوشوارے موصول ہوئے،گزشتہ سال اسی مدت 29لاکھ 59 ہزار ٹیکس گوشوارے موصول ہوئے تھے جبکہ گزشتہ سال کے مقابلے رواں سال گوشواروں میں 76فیصد اضافہ ہوا ہے۔

فیڈرل بورڈ آف ریونیو کا کہنا تھا کہ مالی سال 2024کیلئے 20 لاکھ 51 ہزار 962 افراد نےنل ریٹرن فائل کی جبکہ گزشتہ سال 6نومبر تک 10 لاکھ 36 ہزار 998 نل ریٹرن فائل کی تھی اور گزشتہ سال مجموعی طور پر 36 لاکھ 92 ہزار سےزائد نل ریٹرن فائل ہوئی تھیں۔

حکام نے کہا کہ گوشواروں کیساتھ 6 نومبر تک ٹیکس ادائیگی 132 ارب سے زائد ہوئی، گزشتہ سال کےاسی عرصے ٹیکس ادائیگی 77 ارب 13 کروڑ روپے تھی۔

ایف بی آر نے مزید بتایا کہ یکم جولائی سے 6 نومبر تک 6 لاکھ 60 ہزار نئے ریٹرن فائلرز کا اندراج ہوا جبکہ گزشتہ سال یکم جولائی سے6 نومبر تک 13 لاکھ 46 ہزار نئے ریٹرن فائل ہوئے تھے۔

پاکستان میں آج ڈالر اور دیگر کرنسیوں کی قیمت

اسلام آباد: ایف بی آر نے آئی ایم ایف کی جانب سے اہداف نظرثانی درخواست مسترد کیے جانے کی خبروں کی سختی سے تردید کی ہے۔

تفصیلات کے مطابق فیڈرل بورڈ آف ریونیو نے وضاحت دیتے ہوئے کہا کہ آئی ایم ایف کی جانب سے اہداف نظرثانی مسترد کرنے کی خبر بےبنیاد ہے، اہداف نظرثانی سے متعلق آئی ایم ایف سے کوئی ملاقات نہیں کی گئی۔

ایف بی آر نے بتایا کہ نہ ہی اہداف میں نظرثانی کا موضوع کبھی ایجنڈے پر رہا ہے، آئی ایم ایف کے ساتھ اہداف پر نظرثانی پر بات نہیں کی گئی۔

ایف بی آر نے ویب سائٹ پر جاری پریس ریلیز میں بتایا کہ افسوس کی بات ہے الیکٹرانک میڈیا کے کچھ چینلز نے یکسر ایک من گھڑت، بے بنیاد اور جھوٹی خبر نشر کی ہے جس میں کہا گیا ہے کہ آئی ایم ایف نے اہداف میں نظر ثانی کے لیے ایف بی آر کی درخواست مسترد کر دی ہے۔

ایف بی آر نے کہا کہ اس بات کی سختی سے تردید کی جاتی ہے کہ اس موضوع پر آئی ایم ایف کے ساتھ کوئی ملاقات کی گئی ہے۔ یہ بات بھی ایک حقیقت ہے کہ آئی ایم ایف کے ساتھ کسی بھی اجلاس، چاہے وہ ورچوئل ہو یا دیگر، یہ موضوع ایجنڈے کا حصہ نہیں رہا ہے۔

لہذا، ایف بی آر نہ صرف اس خبر کو مسترد کرتا ہے بلکہ قومی ذرائع ابلاغ سے درخواست کرتا ہے کہ وہ ایسی جھوٹی خبروں سے گریز کرے جو ہمارے قومی مفادات پر منفی اثر ڈال سکتی ہیں۔

لاہور : فیڈرل بورڈ آف ریونیو (ایف بی آر) نے ٹیکس گوشوارے جمع کرانے والوں کے حوالے سے اہم فیصلہ کرلیا۔

تفصیلات کے مطابق فیڈرل بورڈ آف ریونیو (ایف بی آر) نے ٹیکس گوشواروں کی چھان بین کا فیصلہ کرلیا۔

ذرائع نے بتایا کہ ایسے افراد کے گوشواروں کی چھان بین ہوگی جن کی آمدن و اخراجات کا ڈیٹا میچنگ نہیں، ایسے ٹیکس گزاروں کی جانب سے صفرٹیکس دیا گیا۔

ذرائع ایف بی آر کا کہنا تھا کہ فہرست میں شامل بیشتر افرادجائیداد ،گاڑیوں اور شاہانہ رہن سہن کے مالک ہیں۔

خیال رہے انکم ٹیکس گوشوارے جمع کرانے کا وقت ختم ہوگیا ہے ، ایف بی آر نے اکتیس اکتوبر رات بارہ بجے تک گوشوارے جمع کرانے کا وقت دیا تھا۔

ایف بی آر حکام نے بتایا پچاس لاکھ دس ہزار سے زائد گوشوارے جمع ہوچکے اور سوا ارب سےزائد کی رقم جمع ہوئی۔

گوشوارے جمع نہ کرانے والوں کو نان فائلر یا لیٹ فائلرقراردیا جائے گا جبکہ ان کے گاڑی اور پراپرٹی خریدنے پر دگنا ٹیکس لگے گا۔

گوشوارے جمع نہ کرانے والوں کے بیرون ملک جانےپرپابندی ہوگی ساتھ ہی موبائل فون سم بلاک،بجلی اور گیس کنکشن منقطع کئے جائیں گے ۔

ایف بی آر کو اکتوبرمیں ٹیکس ریونیومیں تقریباً سو ارب کے شارٹ فال کا سامنا ہے ، ذرائع کا کہنا ہے اکتوبر میں آٹھ سو اسی ارب روپے ٹیکس جمع کیا گیا جبکہ ہدف نو سو اسی ارب روپےمقررتھا، جس کے بعد رواں مالی سال ٹیکس شارٹ فال ایک سو اکیانوےارب روپے تک پہنچ جائے گا۔

اسلام آباد : ریونیو شارٹ فال ختم کرنے اور 60 ارب اضافی حاصل کرنے کیلئے آرڈیننس لانے کی تیاریاں جاری ہے۔

تفصیلات کے مطابق جولائی تا اکتوبر ٹیکس آمدن مقررہ ہدف سے کم رہنے اور اکتوبرمیں بھی 80 ارب روپے کے شارٹ فال کا خدشہ
ہے۔

ذرائع نے بتایا کہ ٹیکس آمدن کےہدف سے کم ہونے پر آئی ایم ایف کو تشویش ہے، اکتوبر کیلئے ایف بی آر کا خالص ہدف 980 ارب روپے ہے جبکہ اکتوبر میں 980کےبجائے 900 ارب جمع ہونے کا امکان ہے۔

ذرائع کا کہنا ہے کہ پہلی سہ کا92 ارب روپے کا شارٹ فال بھی اپنی جگہ موجود ہے اور اکتوبر کے90ارب سےمجموعی شارٹ فال 170ارب تک پہنچنے کا خدشہ ہے۔

ریونیو شارٹ فال ختم کرنے اور 60 ارب اضافی حاصل کرنے کیلئےآرڈیننس لانے کی تیاریاں کی جارہی ہے۔

ذرائع نے کہا ہے کہ ایف بی آر انفورسمنٹ کے ذریعے کلیکشن کو بہتر بنایا جائے گا،ریونیو شارٹ فال پر آئی ایم ایف نے بھی ایف بی آر سے رپورٹ طلب کی ہے۔

اکتوبر 2023 میں 707 ارب روپے ٹیکس جمع ہوا تھا، گزشتہ مالی سال کی نسبت 183 ارب روپے زیادہ ٹیکس جمع ہو رہا ہے۔