Tag: ایف بی آر

اسلام آباد : انکم ٹیکس گوشوارے جمع کرانے کا آخری دن ہے تاہم تاریخ میں توسیع ہوگی یا نہیں؟ اس حوالے سے ترجمان ایف بی آر کا اہم بیان آگیا۔

تفصیلات کے مطابق فیڈرل بورڈ آف ریونیو ( ایف بی آر ) کے ترجمان کی جانب سے کہا گیا ہے کہ انکم ٹیکس گوشوارے جمع کرانے کی آج آخری تاریخ ہے، جس میں مزید توسیع نہیں کی جائے گی۔

ترجمان کا کہنا تھا کہ گوشوارے رات بارہ بجے تک جمع کرائے جا سکیں گے، تجارتی تنظیموں، ٹیکس بارزکی درخواستوں پر 30 ستمبر کو گوشوارے جمع کرانے کی تاریخ میں چودہ اکتوبر تک توسیع کی گئی تھی۔

ایف بی آر نے کہا کہ تیرہ اکتوبر تک چوالیس لاکھ چھتیس ہزار سے زائد  گوشوارے جمع ہوئے،گزشتہ مالی سال کے اسی عرصے میں اکیس لاکھ سڑسٹھ ہزار گوشوارے جمع ہوئے تھے۔

ترجمان کا مزید کہنا تھا کہ مالی سال دوہزار تئیس میں چونسٹھ لاکھ بیالیس ہزار سے زیادہ گوشوارے جمع ہوئے تھے جبکہ رواں مالی سال گوشواروں کے ساتھ ایک سو چودہ ارب روپے سے زائد ٹیکس بھی جمع ہوا ہے۔

ترجمان نے کہا کہ یکم جولائی سے تیرہ اکتوبر تک دس لاکھ 35 ہزار نئے فائلرز نے رجسٹریشن کرائی ہے جبکہ گزشتہ سال کے اسی عرصے میں تقریباً چھ لاکھ بائیس ہزار نئے فائلر رجسٹرڈ ہوئے تھے۔

https://urdu.arynews.tv/dollar-currency-rate-pakistan-today/

کراچی : تاجروں نے فیڈرل بورڈ آف ریونیو (ایف بی آر) سے انکم ٹیکس گوشوارے جمع کرانے کی تاریخ میں ایک ماہ توسیع کا مطالبہ کردیا۔

تفصیلات کے مطابق کراچی چیمبر آف کامرس اینڈ انڈسٹری کے صدر افتخار احمد شیخ کی جانب سے کہا گیا ہے کہ ایف بی آرکا آن لائن ریٹرن جمع کرنےکاپورٹل کام نہیں کررہا، ٹیکس گزاروں کو مشکلات کا سامنا کرنا پڑ رہا ہے۔

صدر کراچی چیمبر نے مطالبہ کیا کہ انکم ٹیکس گوشوارے جمع کرانےکی آخری تاریخ میں ایک ماہ کی توسیع کی جائے کیونکہ تاجر برادری 30 ستمبر تک ریٹرن جمع نہیں کراپائے گی۔

ان کا کہنا تھا کہ ایف بی آر کی نااہلی سےلوگ ریٹرن فائل کرنےسےقاصرہیں، ریٹرن فائل کرنے کے طریقہ کار کو آسان بنانا اشد ضروری ہے۔

یاد رہے فیڈرل بورڈ آف ریونیو (ایف بی آر) نے ٹیکس ریٹرن جمع کرانے کی تاریخ میں توسیع نہ کرنے کا فیصلہ کرنے کا فیصلہ ہوئے کہا تھا کہ آخری تاریخ 30 ستمبر ہے۔

ترجمان کا کہنا تھا کہ ٹیکس ریٹرن فائل کرنے کی تاریخ میں ایک دن کی بھی توسیع نہیں ہوگی، گریٹرن جمع نہ کرانے والوں کے بجلی اور گیس کے کنکشن منقطع ہو سکتے ہیں جبکہ گوشوارے جمع نہ کرانے والوں کی سم بلاک ہوگی۔

https://urdu.arynews.tv/dollar-currency-rate-pakistan-today/

اسلام آباد : فیدرل بورڈ آف ریونیو ( ایف بی آر ) نے تاجروں کا سخت آڈٹ کرنے کا فیصلہ کرتے ہوئے چارہزارآڈیٹربھرتی کرنے کا اشتہار دے دیا ہے۔

تفصیلات کے مطابق گزشتہ ماہ ہونے والے تاجر اور ایف بی آر مذاکرات کامیاب نہ ہوسکے، فیدرل بورڈ آف ریونیو  نے تاجروں کا سخت آڈٹ کرنے کا فیصلہ کرتے ہوئے 4000 آڈیٹربھرتی کرنے کا اشتہار دے دیا ہے۔

اس صورتحال کے پیش نظر ایف بی آر نے ٹیکس انفورسمنٹ کو یقینی بنانے اورٹیکس چوری کے خلاف سخت اقدامات کا فیصلہ کرلیا ہے۔

جس میں جس میں شناختی کارڈ نمبر بلاک کرنا، جس کی بنیاد پرموبائل سم، بجلی اور گیس کنکشن، گاڑیوں اور جائیداد کی خرید وفروخت اوربیرون ملک سفر میں شدید مشکلات کا سامنا کرنا پڑے گا۔

حکومت کا موقف ہے کہ دکانداروں سے ٹیکس ہرحال میں وصول کیا جائےگا، دوسری جانب دکانداروں کا موقف ہے کہ اگر حکومت نے زبردستی ٹیکس وصول کئے تو وہ ہڑتال کی طرف جائیں گے۔

گذشتہ روز فیڈرل بورڈ آف ریونیو نے یکم اکتوبر کے بعد نان رجسٹرڈ کاروبار کیخلاف کارروائی کا فیصلہ کرتے ہوئے کہا تھا کہ بے نامی اور جعلی ناموں سے کاروبارکرنےوالوں کیخلاف کارروائی ہوگی اور تھرڈ پارٹی کے ذریعےغیر رجسٹرڈ کاروبار کا ڈیٹاجمع کیا جائے گا۔

دستاویز میں بتایا گیا تھا کہ ملک میں سیلزٹیکس کے صرف 3لاکھ مینوفیکچرزرجسٹرڈہیں، یکم اکتوبرکے بعد 30 لاکھ دکانداروں کوسیلزٹیکس میں رجسٹرڈکیاجائےگا اور بےنامی بجلی اورگیس کے میٹرز کی اصل مالکان کے نام منتقلی کی جائےگی۔

فیڈرل بورڈ آف ریونیو کا کہنا تھا کہ سیلزٹیکس میں رجسٹریشن کےلیے بائیو میٹرک سسٹم کااطلاق کیا جائے گا، دکانوں اورکاروبارکےبینک اکاؤنٹس کی تفصیلات حاصل کی جائیں گی جبکہ دکانوں کے کرائے اور لیز کی دستاویز کی کاپیاں حاصل کی جائیں گی۔

https://urdu.arynews.tv/dollar-currency-rate-pakistan-today/

اسلام آباد: تاجر ویلویشن ٹیبل ٹیکس ماننے کو تیارنہیں ہیں، کاروباری حضرات اور ایف بی آر کے درمیان تاجر دوست اسکیم پر ڈیڈ لاک برقرار ہے۔

ذرائع نے کہا کہ تاجروں اور ایف بی آر کے درمیان مذاکرات کا ایک اور دور بےنتیجہ ختم ہوگیا، تاجروں اور ایف بی آر کے درمیان آج دوبارہ مذاکرات ہوئے، دونوں فریقین اپنے اپنے موقف سے پیچھے ہٹنے کے لیے تیار نہیں ہیں۔

تاجروں اور ایف بی آر کے درمیان مذاکرات جاری رہیں گے، صدر آل پاکستان انجمن تاجران نے کہا کہ ایف بی آر سے ابھی تک ڈیڈلاک برقرار ہے، ہمارا موقف ہے کہ ویلویشن ٹیبل کے قانون کو ختم کرنا ہوگا۔

صدر آل پاکستان انجمن تاجران اجمل بلوچ نے کہا کہ ویلویشن ٹیبل ٹیکس کو تاجر ماننے کےلیے بالکل تیار نہیں، ویلویشن ٹیبل ٹیکس کیخلاف ہر تاجر نے 28 اگست کو اپنا شٹر بند رکھا۔

اجمل بلوچ نے کہا کہ ویلویشن ٹیبل ٹیکس سے کرپشن کی نئی راہ کھلے گی، تجویز دی ہے کہ اگر ٹیکس اکٹھا کرنا ہے تو فکسڈ ٹیکس کی طرف جانا ہوگا، اس ملک میں فکسڈ ٹیکس کا نظام ہی سب سے بہتر ثابت ہوگا۔

انھوں نے کہا کہ فکسڈ ٹیکس سے جعلی نوٹسز اور بلیک میلنگ سے نجات ملےگی، فکسڈ ٹیکس سے کرپشن کی راہ بھی بند ہوجائے گی۔

دریں اثنا چیف کوآرڈینیٹر تاجر دوست اسکیم نعیم میر نے کہا کہ تاجروں کو معیشت میں جائز حصہ شامل کرنا ہوگا، 20 فیصد جی ڈی پی کا شیئر رکھنے والا سیکٹر صرف 2 فیصد سے کم ٹیکس دیتا ہے۔

نعیم میر نے کہا کہ تاجروں کی ٹیکس ادائیگی انتہائی حددرجے سے بھی کم ہے، تاجروں کے ٹیکشین کے بارے میں کچھ خدشات ہیں جن پر مذاکرات جاری ہیں۔

انھوں نے کہا کہ امید ہے بہت جلد ایف بی آر اور تاجر نمائندے کسی نتیجے تک پہنچ جائیں گے، تاجر دوست اسکیم کی اصل روح ریٹیل و ہول سیل سیکٹر سے ٹیکس وصولی ہے، تاجروں کو ٹیکس دینے سے متعلق سنجیدہ ہونا پڑے گا۔

اسلام آباد : فیڈرل بورڈ آف ریونیو(ایف بی آر) نے نان فائلرز کے لئے آسان ٹیکس ریٹرن فارم جاری کردیا، فارم پُر کریں اور فائلر بن جائیں۔

چیف کوآرڈینیٹر تاجر دوست اسکیم نعیم میر نے اپنے بیان میں کہا ہے کہ آسان ٹیکس ریٹرن فارم تاجر دوست اسکیم کے تحت جاری کیا گیا ہے تاکہ نان فائلرز آسان ٹیکس ریٹرن فارم پُر کریں اور فائلر بن جائیں۔

نعیم میر کا کہنا تھا کہ تاجر پرچیز پر ودہولڈنگ ٹیکس کی کٹوتی سے پریشان تھے، اب آسان ٹیکس ریٹرن کے ذریعے فائلر بنتے ہی 236 G اور 236 H کا ٹیکس 2فیصد اور 2.5 فیصد کی شرح سے کم ہوکر بلترتیب 0.1 فیصد اور 0.5 فیصد ہوجائے گا جو ایڈجسٹ ایبل ہوگا۔

چیف کوآرڈینیٹر نے بتایا کہ تاجر دوست اسکیم کے تحت وصول کیا گیا ایڈوانس ٹیکس بھی ایڈجسٹ ایبل ہوگا، غلط فہمی دور کر لی جائے کہ یہ مینیمم ایڈوانس ٹیکس ہے جو لازمی ادا کرنا ہوگا، ایسا ہر گز نہیں یہ ایڈوانس ٹیکس بھی بجلی کے بلوں و دیگر کے ایڈوانس ٹیکسز ہی کی طرح ایڈجسٹ ایبل ہے۔

ان کا کہنا تھا کہ آسان ٹیکس ریٹرن میں ٹریڈر اپنا بینک اکاونٹ نمبر درج کرے گا اور اس بینک اکاونٹ میں ریفنڈ کی رقم خودکار طریقے سے واپس مل جائے گی۔

مزید یہ کہ آسان ٹیکس ریٹرن میں ظاہر کی گئی آمدن پر نارمل ٹیکس سلیب اپلائی ہوگا اور خودکار طریقے سے ٹریڈر کا واجب الادا ٹیکس بتا دیا جائے گا، تاجر کے کم سے کم اثاثہ جات کا اظہار بھی ٹیکس ریٹرن میں ممکن ہوگا۔

نعیم میر کا کہنا تھا کہ اب ہم اب وعدوں کی تکمیل کی جانب بڑھ رھے ہیں ، تاجر بھی احتجاج کا راستہ چھوڑیں اور مزاکرات کی میز پر آجائیں ، یہ ہم سب کا ملک ھے اور ہم نے ملکر ہی چلانا ہے۔