Tag: ایف سولہ طیارے

  • مغربی اتحادی یوکرین کو F-16 لڑاکا طیارے دینے کے ارادے سے پیچھے ہٹ گئے

    مغربی اتحادی یوکرین کو F-16 لڑاکا طیارے دینے کے ارادے سے پیچھے ہٹ گئے

    لندن: یوکرین F-16 جنگی طیاروں کی ضرورت پر زور دے رہا ہے تاہم مغربی اتحادیوں نے اس سے منہ پھیر لیا ہے۔

    تفصیلات کے مطابق برطانوی میڈیا نے کہا ہے کہ مغربی اتحادی یوکرین کو F-16 اور دیگر لڑاکا طیاروں‌ کی فراہمی کے خیال سے پیچھے ہٹ گئے ہیں۔

    دی گارڈین نے رپورٹ کیا کہ ’’ایسا لگتا ہے کہ گزشتہ 24 گھنٹوں کے دوران مغربی اتحادی یوکرین کو F-16 اور دیگر جنگی طیاروں کی فراہمی سے پیچھے ہٹ گئے ہیں۔‘‘

    برطانیہ نے یہ بھی کہا ہے کہ یوکرین کو مغربی جنگی طیاروں کی فراہمی عملی نہیں ہے، ڈاؤننگ اسٹریٹ کے ترجمان نے کہا کہ ’’یہ جدید ترین پارٹس پر مشتمل طیارے ہیں، انھیں یوکرین بھیجنا ہمارے خیال میں عملی نہیں ہے۔‘‘

    روس نے یوکرینی گاؤں پر قبضہ کر لیا

    ترجمان نے مزید کہا کہ وزیر اعظم رشی سناک یہ سمجھتے ہیں کہ اس جنگ میں ’طویل تعطل‘ سے روس کو فائدہ ہوگا، اس لیے وہ یوکرین کی تیز تر مدد کے حامی ہیں۔

    یاد رہے کہ امریکی صدر جو بائیڈن سے جب پیر کو وائٹ ہاؤس میں پوچھا گیا کہ کیا امریکا یوکرین کو F-16 طیارے فراہم کرے گا، تو انھوں نے محض ’نہیں‘ میں جواب دیا۔

    یوکرینی صدر ولودیمیر زیلنسکی کے سب سے سینئر مشیر نے پیر کو کہا کہ پولینڈ یوکرین کو ایف سولہ لڑاکا طیاروں کی فراہمی کے لیے تیار ہے۔ آندری یرماک نے کہا کہ وارسا سے موصول ٹیلی گرام میں یوکرین کو اس حوالے سے مثبت اشارے ملے ہیں۔

    ادھر یوکرین کا کہنا ہے کہ وہ جنگی طیاروں کے سلسلے میں لابنگ جاری رکھے گا، یوکرین کا کہنا ہے کہ مغرب نے ٹینکوں کی فراہمی کے سلسلے میں بھی پہلے انکار کیا تھا، یوکرینی وزیر دفاع اولیکسی ریزنکوف نے پیرس کے دورے پر کہا کہ ’’شروع میں ہر قسم کی امداد ’نہیں‘ کے مرحلے سے گزر چکی ہے۔‘‘

    یوکرینی وزیر خارجہ دمیترو کولیبا کے مطابق یوکرین کو توقع ہے کہ 12 ممالک کے اتحاد سے انھیں ترسیل کی پہلی کھیپ میں 120 سے 140 تک ٹینک ملیں گے، پہلی قسط میں جرمن لیوپرڈ 2، برٹش چیلنجر 2 اور یو ایس ایم 1 ابرامز ٹینک شامل ہوں گے۔ انھوں نے کہا کہ یوکرین فرانسیسی لیکرک ٹینکوں کی سپلائی کو بھی بہت اہمیت دے رہا ہے۔

    واضح رہے کہ یوکرین کے ساتھ اعلانیہ طور پر جن بھاری ٹینکوں کا وعدہ کیا گیا ہے ان کی تعداد 321 ہے۔

  • امریکا سے ایف سولہ طیارے نہیں خریدرہے،سرتاج عزیز

    امریکا سے ایف سولہ طیارے نہیں خریدرہے،سرتاج عزیز

    اسلام آباد : مشیر خارجہ سرتاج عزیز نے کہا ہے کہ امریکا پر انحصار کم سے کم ہورہا ہے۔ امریکا سے ایف سولہ طیارے بھی نہیں خرید رہے.

    ان خیالات کا اظہار انہوں نے سینیٹ میں اظہار خیال کرتے ہوئے کیا، چیئرمین سینیٹ میاں رضا ربانی نے کہا کہ ہم افغانستان میں امریکہ کے ہاتھوں استعمال ہوئے۔ پاکستان کا امریکا پرانحصار کم ہورہا ہے۔

    امریکا سے ایف سولہ طیارے بھی نہیں خریدرہے۔ سرتاج عزیز نے کہا کہ امریکا سے ایف سولہ کی خریداری کا معاملہ ختم ہوچکا ہے.

    سیکریٹری دفاع محمد عالم خٹک نےبتایا کہ ایف سولہ طیارے اب اردن سے خرید رہے ہیں۔ امریکا کو کوئی اعتراض نہیں۔

    سینیٹ کے چیئرمین میاں رضا ربانی نے کہا کہ ہم افغانستان میں امریکہ کے ہاتھوں استعمال ہوئے، ڈالر کی تلاش میں ملکی مفاد داؤ پر لگایا.

    کہا جا رہا ہے ہم ڈالرز کی خاطر ملکی سلامتی داؤ پر لگا دیتے ہیں، مشیرخارجہ نے یقین دہانی کرائی کہ بہتر سفارتکار ی سے بھارت کو نیوکلئیر سپلائرز گروپ کی رکنیت حاصل نہیں کرنے دیں گے۔

     

  • امریکا نے پاکستان کوآٹھ ایف سولہ طیارے فروخت کرنے کی منظوری دے دی

    امریکا نے پاکستان کوآٹھ ایف سولہ طیارے فروخت کرنے کی منظوری دے دی

    واشنگٹن: امریکا نے پاکستان کوآٹھ ایف سولہ طیارے فروخت کرنے کی منظوری دے دی، جدیدریڈار اور دیگرفوجی سامان بھی ملے گا۔

    امریکا پاکستان کوایف سولہ طیارے دینے پررضامند ہوگیا اوباما انتظامیہ نے پاکستان کوآٹھ ایف سولہ طیارے دینے کی منظوری دے دی۔پاکستان کوفراہم کئے جانے والے ایف سولہ،جدید ریڈاراوردیگرفوجی سامان کی مالیت سترکروڑ ڈالرہے۔

    پینٹاگون نے ایف سولہ طیاروں کی فروخت کے معاہدے سے کانگریس کوآگاہ کردیا ہے۔پینٹاگون نے بیان میں کہا کہ پاکستان کواسلحے کی فراہمی سے خطے میں امریکا کی خارجہ پالیسی اوراہداف حاصل کرنے میں مدد ملے گی۔پاکستان جنوبی ایشیا میں امریکا کا اسٹریٹجک پارٹنرہے اورپاکستان کواسلحے کی فراہمی سے خطے میں فوجی توازن متاثر نہیں ہوگا۔

    یوایس ڈیفنس سیکیورٹی کوآپریشن ایجنسی کی جاری کردہ پریس ریلیز کے مطابق پاکستان کو آٹھ ایف سولہ طیاروں سمیت ریڈار و دیگر آلات کی ممکنہ فروخت کے معاہدے سے محکمہ خارجہ نے اراکین کانگریس کو گیارہ فروری کو مطلع کردیا تھا ۔

    پاکستان اور امریکی کمپنی کے درمیان طے پانے والے ممکنہ معاہدے کی رقم 69کروڑ نوے لاکھ ڈالر رکھی گئی ہے۔ اس معاہد ے کی رو سے پاکستان کو درپیش سیکیورٹی خطرات سے نمٹنے میں مدد ملے گی،ماہرین کے مطابق امریکی کانگریس تیس روز میں معاہدے کی منظوری سےمتعلق فیصلہ کرے گی۔

    دوسری جانب بھارت نے پاکستان کوایف سولہ کی فروخت پرحسب روایت واویلاشروع کردیا، بھارتی وزارت خارجہ کے ترجمان وکاس سوروپ نے ٹویٹ میں فیصلے پرناراضگی کا اظہارکرتے ہوئے کہاکہ بھارت امریکی سفیرکوطلب کرکے احتجاج کرے گا۔

  • بھارت اور سابق پاکستانی سفیر پاکستان کو ایف 16 دینے کے مخالف ہیں، خواجہ آصف

    بھارت اور سابق پاکستانی سفیر پاکستان کو ایف 16 دینے کے مخالف ہیں، خواجہ آصف

    اسلام آباد : وزیردفاع خواجہ آصف نے انکشاف کیا ہے کہ امریکا میں حسین حقانی پاکستان کوایف سولہ طیارے دینے کی مخالفت کررہے ہیں۔ بھارتی لابی بھی پاکستان کوایف16ملنےکےخلاف سرگرم ہے۔

    یہ بات انہوں نے قومی اسمبلی میں خطاب کرتے ہوئے کہی،وزیردفاع خواجہ آصف کا کہنا تھا کہ میموگیٹ اسکینڈل کے مرکزی کردار اور امریکا میں پاکستان کے سابق سفیر حسین حقانی امریکا میں پاکستانی مفادات کے خلاف کام کررہے ہیں۔

    وزیردفاع خواجہ آصف نے الزام لگایا کہ بھارتی لابی اورامریکا میں پیپلزپارٹی دورکےسابق سفیرپاکستان کوایف سولہ طیارے دیئے جانے کی مخالفت کررہے ہیں۔

    حسین حقانی کوبدنام زمانہ میموگیٹ اسکینڈل کی وجہ سے سفارت سے ہاتھ دھونا پڑے تھے، سابق سفیرنےامریکی نژاد پاکستانی تاجرمنصوراعجاز کے ذریعے امریکی حکام کو پیغام دیا تھا کہ پاکستانی فوجی قیادت کوروکے کہ وہ پیپلزپارٹی حکومت نہ گرائیں۔

    وزیر دفاع نے بتایا کہ دہشت گردی کو مسلم امہ کے ساتھ جوڑنا غلط ہے 34 ملکی اتحاد کسی کے خلاف نہیں۔ خواجہ آصف نے قومی اسمبلی کو بتایا کہ ۔سعودی عرب میں اس وقت گیارہ سو سے زائد پاکستانی فوجی موجود ہیں ۔اور اب ان اہلکاروں کی تعداد میں اضافہ ہوگا۔

    سعودی عرب میں ملاقاتوں کے دوران وزیراعظم نے میزبان کواس بات پرراضی کرلیا کہ معاملہ کومیز پربیٹھ کرحل کیا جائےگا۔