کوئٹہ: کوئٹہ میں ڈبل روڈ پر نامعلوم افراد کی فائرنگ سے فرنٹیئر کور کا ترجمان زخمی ہوگیا ہے۔
ایف سی ذرائع کے مطابق ایف سی ترجمان خان واسع گھر سے دفتر کے لئے آرہے تھے کہ ڈبل روڈ پر نامعلوم افراد نے ان پر فائرنگ کی، جس سے وہ شدید زخمی ہوگئے ہیں۔
واقعے کے بعد ملزمان فرار ہونے میں کامیاب ہوگئے۔ ایف سی ترجمان کو طبی امداد کے لئے فوری طور پر سی ایم ایچ منتقل کردیا گیا ہے، جہاں ان کی حالت اب خطرے سے باہر بتائی جارہی ہے تاہم فائرنگ کی وجوہات تاحال سامنے نہیں آسکیں ہیں۔