کراچی: وفاقی ایوان ہائے صنعت و تجارت (ایف پی سی سی آئی) نے وفاقی وزیر تجارت خرم دستگیر خان سے مطالبہ کیا ہے کہ وزارت کے ذیلی محکموں سے کالی بھیڑوں کا خاتمہ کیا جائے۔
ایف پی سی سی آئی کے سابق نائب صدر دارو خان اچکزئی نے اپنے ایک بیان میں کہا کہ ڈائریکٹر جنرل ٹریڈ آرگنائیزیشنز (ڈی جی ٹی او) تاجروں اور صنعتکاروں کو ذاتی مفادات کیلئے ہراساں کر رہے ہیں ، حکومت انکی کرپشن کا نوٹس لے۔
انہوں نے یہ بھی الزام عائد کیا کہ حکومت میرٹ کو بری طرح پامال کر رہی ہے، ایک طرف خیبر پختونخواہ کی حکومت کرپٹ عناصر کو فارغ کر رہی تو دوسری جانب مرکزی حکومت انہیں تحفظ دے رہی ہے۔
انہوں نے وزیر تجارت خرم دستگیر خان سے مطالبہ کیا کہ اپنے محکمے کو کالی بھیڑوں سے پاک کریں ۔
