Tag: ایف پی سی سی آئی

وفاق ایوان ہائے صنعت و تجارت (ایف پی سی سی آئی) کے صدر زبیر احمد ملک نے حکومت پر زور دیا ہے کہ دیار غیرمیں مقیم پاکستانیوں کو مراعات، ترغیبات اور ووٹ ڈالنے کا حق دے کر قومی دھارے میں شامل کیا جائے تاکہ ملکی ترقی میں انکا کردار بڑھایا جا سکے۔

اپنے ایک بیان میں انہوں نے کہا کہ برآمدات کے بعد ترسیلات ہی قومی آمدنی کا سب سے بڑا ذریعہ اورسماجی ترقی کا اہم سبب ہیں، جن کا حصہ جی ڈی پی میں ساڑھے پانچ فیصد ہے، اگر بیرونی امداد کے لئے انتھک کوششوں کے بجائے اس شعبہ کو توجہ دی جائے کیونکہ سالانہ چودہ ارب ڈالر بھیجنے والے نہ شرائط لگاتے ہیں اور نہ جواب میں کچھ مانگتے ہیں۔

انہوں نے کہا کہ بین الاقوامی مالیاتی اداروں کو سالانہ تقریباًتین ارب ڈالر بطور سود ادا کئے جا رہے ہیں جو معیشت کے لئے ناقابل برداشت ہیں اسلئے قرض ادا کرنے کے لئے مزید قرض لیا جاتا ہے جس کا حل ترسیلات میں موجود ہے جودائمی ،بین الاقوامی اتار چڑھاؤ یا پابندیوں ، بد انتظامی اورکرپشن وغیرہ کے اثرات سے مستثنیٰ ہیں۔

وفاقی ایوان ہائے صنعت و تجارت (ایف پی سی سی آئی)کے صدر زبیراحمد ملک نے نجکاری کمیشن بورڈ کی جانب سے پانچ اداروں کی نجکاری کے حالیہ فیصلے کو خوش آئند قرار دیتے ہوئے کہا ہے کہ گھاٹے میں چلنے والے تمام سرکاری اداروں کی نجکاری سے اربوں کی آمدنی کے علاوہ سالانہ پانچ سو ارب کے نقصان سے بچنا ممکن ہو گا۔

جبکہ بے روزگاری اور بجٹ خسارہ کم ہونے کا مثبت اثر روپے کی قدر سمیت ہماری کمزورمعیشت کے تمام شعبوں پر پڑے گا،ایک تقریب سے خطاب کرتے ہوئے انھوں نے کہا کہ نجکاری معاشی اصلاحات کا لازمی جز ہے مگر اس میں احتیاط کی ضرورت ہے کیونکہ غفلت اقتصادی آفت کا سبب بن سکتی ہے۔

زبیر احمد ملک نے کہا کہ نوے کی دہائی کی نجکاری والی غلطیاں نہ دہرائی جائیں اور ادارے کا کنٹرول مکمل رقم وصول کرنے کے بعد ہی دیا جائے کیونکہ سابقہ نجکاری میں ایک غیر ملکی کمپنی نے آٹھ سو ملین ڈالر ابھی تک ادا نہیں کئے۔

بعض بیمار اداروں کو دوبارہ اپنے پیروں پر کھڑا کرنے کی کوشش میں غیر ضروری جلدی ملکی مفادات کو نقصان پہنچا سکتی ہے جبکہ نجکاری کے عمل میں ڈیفالٹروں،ڈویلپرز اور پراپرٹی ڈیلزر کی شرکت سے یونٹ نہیں چلیں گے بلکہ پلاٹ اور ہاؤسنگ اسکیمیں بنیں گی،۔

انہوں نے زور دیا کہ صرف اچھی شہرت کے حامل تجربہ کار سرمایہ کاروں پر اعتماد کیا جائے اوراس عمل کو بخوبی پایہ تکمیل تک پہنچانے کے لئے غیر ذمہ داری اور اقرباء پروری سے بچتے ہوئے شفافیت اور مزدوروں کے حقوق کا تحفظ یقینی بنایا جائے ورنہ اسٹیل ملز کی تاریخ دہرائی جا سکتی ہے۔

وفاق ہائے ایوان صنعت و تجارت (ایف پی سی سی آئی)کے صدر زبیر احمد ملک نے کہا ہے کہ پاکستان کے سچے دوست چین کی جانب سے پاکستان میں ساڑھے چھ ارب ڈالرمالیت کے دو جوہری پاورپلانٹس کی تعمیر کے فیصلے سے دونوں ممالک اور انکے عوام کے مابین قربت بڑھے گی۔

اورفیصلے سے جنوبی ایشیاء میں چین کے رسوخ اور پاکستان میں بجلی کی پیداوار میں خاطر خواہ اضافہ ہو گا ، جس سے عوام کے مسائل بھی کم ہوں گے، اپنے ایک بیان میں انہوں نے کہا کہ ایران پائپ لائن اور کالا باغ ڈیم جیسے عظیم منصوبے ناقابل عمل ہو رہے ہیں اسلئے حکومت جوہری توانائی کے آپشن کو بھرپور انداز میں استعمال کرے تاکہ جوہری توانائی پر دارومدار میں اضافہ اور ملک کے انرجی مکس کو بہتر بنایا جا سکے۔

انھوں نے کہا کہ پاکستان پر سویلین مقاصد کے لئے نیوکلئیر ٹیکنالوجی کے استعمال پر پابندی لیکن بھارت سمیت مختلف ممالک کو چھوٹ حاصل ہے ، جو امتیازی رویہ ہے، توانائی کے معاملہ میں پاکستان کی مدد کرنے والا سچا دوست اور رکاوٹ ڈالنے والا دشمن ہے۔