Tag: ایلس ویلز

واشنگٹن: نائب وزیر خارجہ برائے جنوبی ایشیا ایلس ویلز نے کہا ہے کہ پاکستان کو امریکا کے ساتھ شراکت داری کے فوائد حاصل ہو رہے ہیں۔

اے آر وائی نیوز کے مطابق ایلس ویلز نے ایک ٹویٹ کرتے ہوئے کہا ہے کہ امریکا بیماریوں سے پاک مکئی اور گندم کی پیداوار اور تجارت میں پاکستان کی مدد کر رہا ہے، امریکا کے ساتھ شراکت داری سے پاکستان مستفید ہو رہا ہے۔

ٹویٹ میں ان کا کہنا تھا کہ امریکا چھوٹے پیمانے پر پاکستانی کاشت کاروں کے لیے مدد فراہم کر رہا ہے، امریکی شراکت داری سے پاکستان میں اب غذائی تحفظ میں بہتری آ رہی ہے۔

Pakistanis reap benefits from partnerships with the US. @USDA and @USAID are helping to cultivate and commercialize disease-resistant maize and wheat, growing production capacity for small-scale farmers and improving food security throughout Pakistan. AGW #Partners4Prosperity pic.twitter.com/3JLm9k9dqm

— State_SCA (@State_SCA) February 5, 2020

دو دن قبل پاکستان کے لیے امریکا کے ڈپٹی اسسٹنٹ سیکریٹری ارون میسنگا نے ساؤتھ ایشیا میگزین کو انٹرویو دیتے ہوئے کہا تھا کہ امریکا پاکستانی اشیا کے لیے سب سے بڑا ایکسپورٹ مارکیٹ بن چکا ہے، امریکا اور پاکستان اس سلسلے میں گہری شراکت داری جاری رکھیں گے۔

ان کا کہنا تھا کہ پاکستان میں عالمی اکانومی کا ایک اہم پلئیر بننے کی پوری صلاحیت ہے، اور ہم وزیر اعظم عمران خان کے اقتصادی اصلاحاتی ایجنڈے سے خاصے پرامید ہیں، پاکستان کے نوجوانوں پر سرمایہ کاری کے اقدام ڈیجیٹل پاکستان کو بھی ہم خوش آمدید کہتے ہیں۔

“The U.S. is the largest export market for #Pakistan's goods” – Read U.S. Deputy Assistant Secretary #Massinga’s interview with South Asia magazine on the #USPAK relationship here: https://t.co/TjykQUJLrC#Partners4Prosperity #USinPAK #USPAKStories pic.twitter.com/OciaVRhpc2

— U.S. Embassy Islamabad (@usembislamabad) February 4, 2020

انھوں نے کہا کہ امریکا پاکستانی اشیا کے لیے بڑی ایکسپورٹ مارکیٹ ہے، امریکی 2019 میں ایک بار پھر پاکستانی مصنوعات کے بڑے خریدار بنتے دکھائی دیے، پاکستان کے لیے امریکی ایکسپورٹس میں بھی اضافہ ہوا، چوں کہ اس سے دونوں ممالک میں ملازمتیں بنتی ہیں اس لیے ہم ان تجارتی تعلقات میں اضافہ چاہیں گے۔

اسلام آباد: وزیر داخلہ اعجاز شاہ کا کہنا ہے کہ غیرقانونی طور پر بیرون ملک مقیم پاکستانیوں کے مسئلے کو حل کرلیا ہے۔

تفصیلات کے مطابق وزیر داخلہ اعجاز شاہ نے نائب معاون امریکی وزیرخارجہ ایلس ویلز سے ملاقات کی، جس میں سیکورٹی اور داخلی امور سے متعلق معاملات پر تبادلہ خیال کیا گیا۔

وزیر داخلہ نے کہا کہ غیرقانونی طور پر بیرون ملک مقیم پاکستانیوں کے مسئلے کو حل کرلیا ہے، پاسپورٹ اور سفری دستاویزات کی تصدیق کا عمل مرتب کر لیا ہے۔ انہوں نے کہا کہ نومبر، دسمبر، جنوری کے کیسز رپورٹ امریکی سفارت خانے کو جاری کر دی۔

اعجاز شاہ نے کہا کہ این جی اوز کی رجسٹریشن کے لیے لائحہ عمل مرتب کرلیا ہے، تنظیموں پرتحفظات ہوں، انہیں مؤقف دینے کا موقع فراہم کیا جاتا ہے، معیار پر پوری اترنے والی تنظیموں کو کسی مشکل کا سامنا نہیں ہے۔

نائب معاون امریکی وزیرخارجہ نے کہا کہ ہم حکومت کے تعاون کو سراہتے ہیں، ایک پختہ نظام، طریقہ کار مرتب کرنا چاہتے ہیں۔ ایلس ویلز نے کہا کہ پاکستانی حکومت کی جانب سے بروقت جوابات کا عمل قابل تعریف ہے، پاکستان نے کم وقت میں بہت بہتر کارکردگی دکھائی ہے۔

امریکا اور پاکستان کے درمیان تجارت بڑھانے پر غور

اس سے قبل امریکی نائب معاون وزیر خارجہ ایلس ویلز اور مشیر تجارت رزاق داؤد کے درمیان ملاقات میں دونوں ممالک کی باہمی تجارت کو فروغ دینے میں دلچسپی کا اظہار کیا گیا۔