Tag: ایلون مسک

واشنگٹن: صدر ٹرمپ اور ایلون مسک میں اختلافات میں شدت آگئی، مسک نئی سیاسی جماعت بنانے پر غور کر نے لگے۔

حکومتی عہدہ چھوڑنے کے بعد مسک نے ٹرمپ پر سنگین الزامات لگاتے ہوئے کہاکہ موجودہ سیاسی جماعتیں 80 فیصد مڈل کلاس کی نمائندگی نہیں کرتیں، مجھے بگ بیوٹی بل کبھی نہیں دکھایا گیا، میرے بغیر صدر ڈونلڈ ٹرمپ ہار جاتے۔

ایلون مسک نے ایکس پر یہ بھی لکھا کہ اب بڑے انکشاف کا وقت آگیا ہے، امریکی صدر ٹرمپ کا نام جیفری ایپسٹین فائل میں ہے۔

Is it time to create a new political party in America that actually represents the 80% in the middle?

— Elon Musk (@elonmusk) June 5, 2025

دوسری جانب امریکی صدر کا کہنا تھا کہ مسک کی تنقید سے بہت مایوسی ہوئی ہے، ایلون مسک بل کے معاملات سے بخوبی واقف تھے ساتھ ہی ٹرمپ نے اپنی دوست کو پاگل بھی کہہ دیا۔

اس لفظی جنگ کے دوران ہی ایکس کے بانی ایلون مسک نے امریکا میں نئی سیاسی جماعت بنانے کیلئے ایکس پر رائے مانگ لی۔

ایلون مسک نے اپنے ٹوئٹ میں کہا اب وقت آگیا ہے کہ امریکا میں ایک نئی سیاسی جماعت بنائی جائے؟ایسی نئی سیاسی جماعت جو حقیقت میں اسی فیصدعوام کی نمائندگی کرے۔

https://urdu.arynews.tv/trump-musk-feud-explodes-with-threats-of-cutting-contracts/

امریکی صدر ڈونلڈ ٹرمپ نے سعودی عرب کے دورے کے دوران ہاتھ ملانے کے لیے آنے والے ایلون مسک کو زبردستی اپنی طرف کھینچ لیا۔

ایلون مسک شروع سے ہی ڈونلڈ ٹرمپ کے کافی قریب ان کے دوست سمجھے جاتے ہیں، وہ دورہ سعودی عرب میں بھی امریکی صدر کے ہمراہ ہیں، تاہم سعودی ولی عہد محمد بن سلمان سے ملاقات کے دوران ڈونلڈ ٹرمپ نے ایلون مسک کو اپنی طرف کھینچ لیا۔

سوشل میڈیا پر وائرل ہونے والی ویڈیو میں ایک چیز یقینی ہے کہ ڈونلڈ ٹرمپ کا اس انداز سے ہاتھ ملانا ایلون مسک کےلیے ایک غیر آرام دہ گھڑی تھی۔

امریکی صدر اپنے جذباتی انداز میں گلے ملنے، دھکے والے انداز اور ہاتھ ملانے کے لیے مشہور ہیں، وہ ماضی میں دوسرے عالمی رہنماؤں کے سامنے بھی غلبہ حاصل کرنے کے لیے اس طرز عمل کو استعمال کرتے رہے ہیں۔

باڈی لینگویج کے ماہر جوڈی جیمز نے بتایا کہ ٹرمپ کا مقصد عام طور پر اپنے حریف کو ‘باہمی دوستی کے ہتھکنڈے کا استعمال کرتے ہوئے ان کا توازن ختم کرنا ہوتا ہے، اس طرح کا طرزعمل سامنے والے شخص کے پُراعتماد ہونے کی صلاحیت کو غیرمستحکم کرنا ہوتا ہے۔

https://urdu.arynews.tv/us-signs-142bn-arms-deal-with-saudi-arabia-white-house-says/

امریکی بزنس ٹائیکون اور صدر ڈونلڈ ٹرمپ کے قریبی مشیر ایلون مسک نے اپنا نام تبدیل کر لیا ہے نئے نام سے لوگوں میں تجسس کی لہر دوڑ گئی ہے۔

امریکی بزنس ٹائیکون اور صدر ڈونلڈ ٹرمپ کے قریبی مشیر ایلون مسک ایک بار پھر خبروں میں آ گئے ہیں۔ تاہم اس بار وہ صدارتی مشیر کے طور پر لیے گئے کسی فیصلے کی وجہ سے نہیں بلکہ اپنا نام تبدیل کرنے کی وجہ سے آئے ہیں۔

غیر ملکی میڈیا کے مطابق ایلون مسک نے اپنا نام تبدیل کر کے گورکلون رسٹ Gorklon Rust رکھ لیا ہے۔ تاہم یہ نام انہوں نے اپنی قانونی اور شخصی طور پر ہیں بلکہ اپنے سوشل میڈیا پلیٹ ایکس (سابقہ ٹوئٹر) پر کیا ہے۔

انہوں نے ایکس پر اچانک اپنا ڈسپلے نام تبدیل کر کے گورکلون رسٹ Gorklon Rust رکھ لیا ہے لیکن اس اچانک تبدیلی سے صارفین متجسس ہیں کہ انہوں نے ایسا کیوں کیا۔

رپورٹ کے مطابق "Grok” دراصل ایلون مسک کی مصنوعی ذہانت کی کمپنی xAI کے چیٹ بوٹ کا نام ہے، جبکہ "Rust” مشہور پروگرامنگ لینگویج کا حوالہ ہو سکتا ہے، جو مبینہ طور پر xAI کی ٹیکنالوجی میں استعمال ہو رہی ہے۔

لوگوں کے لیے یہ بات دلچسپی سے خالی نہ ہوگی کہ Gorklon Rust صرف ایلون مسک کا نیا تبدیل شدہ نام ہی نہیں بلکہ Gorklon Rust سے مراد سولانا بلاکچین میم کوائن بھی ہے، اور اس کی تجارت پمپ سویپ، Raydium اور Meteora جیسے وکندریقرت پلیٹ فارمز پر ہو رہی ہے۔

تاہم یہ پہلا موقع نہیں ہے کہ ایلون مسک نے X پر اپنا نام تبدیل کیا ہو، فروری میں وہ عارضی طور پر Harry Bolz کے نام سے جانے گئے جبکہ دسمبر میں انہوں نے خود کو Kekius Maximus کہا تھا۔ یہ ایک meme سکے اور میکسیمس کا کردار بھی تھا، جسے رسل کرو نے فلم گلیڈی ایٹر میں ادا کیا تھا۔