واشنگٹن: امریکی عدالت نے ایلون مسک کو یوایس ایڈ کیخلاف مزید کسی ایکشن سے روک دیا اور حکم دیا کہ یوایس ایڈ کے ملازمین کی دفاترتک رسائی فوری بحال کی جائے۔

تفصیلات کے مطابق ٹرمپ انتظامیہ کیلئے ایک اور دھچکا سامنے آیا ، امریکی عدالت نے یوایس ایڈ کے خاتمے کا معاملہ مشکوک قرار دے دیا۔

وفاقی جج نے یوایس ایڈ کے خاتمے کیخلاف حکم امتناع جاری کرتے ہوئے ایلون مسک کو یوایس ایڈکیخلاف مزید کسی ایکشن سے روک دیا گیا۔

وفاقی جج نے کہا کہ ٹرمپ انتظامیہ نےیوایس ایڈ بند کرکے ممکنہ طور پر آئین کی خلاف ورزی کی، ملازمین کی دفاترتک رسائی فوری بحال کی جائے۔

،وفاقی جج کا کہنا تھا کہ ٹرمپ انتظامیہ نے ارکان کانگریس کو فیصلہ کے آئینی اختیار سے محروم کیا، کانگریس کے بنائے گئے ادارے سے متعلق اختیار ایوان کے ارکان کے پاس ہے، ایلون مسک صدارتی مشیرہیں ان کے پاس ادارہ بند کرنے کا اختیار نہیں۔

دوسری جانب امریکی صدرٹرمپ نے حکم امتناع کی منسوخی کیلئے اپیل دائر کرنے کا اعلان کرتے ہوئے کہا کہ بددیانت جج ہمارے ملک کو تباہ کر رہے ہیں۔

خیال رہے وفاقی جج تھیوڈور چوانگ کو اوباما دور میں وفاقی عدالت کا جج مقرر کیا گیا تھا۔

بھارتی وزیراعظم نریندر مودی اور امریکی صدر ڈونلڈ ٹرمپ کی ایک ساتھ ہولی مناتے ہوئے تصویر کی حیقیقت سامنے آگئی۔

انٹرنیٹ پر ایک ویڈیو نے تیزی سے صارفین کی توجہ حاصل کرلی ہے جس میں ہولی مناتے ہوئے کئی عالمی شخصیات کو دکھایا گیا ہے، ان میں بھارتی وزیر اعظم نریندر مودی، امریکی صدر ڈونلڈ ٹرمپ، ٹیسلا کے سی ای او ایلون مسک، اور کرکٹر ویرات کوہلی کی ویڈیوز بھی شامل ہیں۔

ان ویڈیوز اور تصاویر میں ہولی کی تقریبات میں ٹرم اور ایلون مسک جوش و خروش سے حصہ لیتے نظر آرہے ہیں مگر حیقیت یہ ہے کہ تمام تصاویر آرٹیفیشل انٹیلیجنس سے بنائی گئی ہیں۔

View this post on Instagram

A post shared by Artificial Budhi (@artificialbudhi)

وائرل کلپ میں مودی اور ٹرمپ ہنستے ہوئے اور ایک دوسرے پر گلال لگاتے ہوئے نظر آتے ہیں، جس سے یہ تاثر دینے کی کوشش کی گئی ہے کہ ٹرمپ اور مودی ایک ساتھ ہولی کا تہوار منا رہے ہیں۔

تاہم حقیقی طور پر اے آئی سے بنائی گئی تصویر ہے، انسٹاگرام پر ‘آرٹیفیشل بڈھی’ نامی اکاؤنٹ سے شیئر کی گئی، اس ویڈیو پر 93 ہزار سے زیادہ ویوز آچکے ہیں۔

صارفین کو تفریح فراہم کرتی اس ویڈیو میں وزیر اعظم نریندر مودی کے ساتھ اطالوی وزیر اعظم جارجیا میلونی کو بھی دکھایا گیا ہے، دونوں کو گلال کی پلیٹ پکڑے، ہولی کے تہوار میں رنگوں میں رنگا ہوا دکھایا گیا ہے۔

واشنگٹن : امریکا کے محکمہ برائے حکومتی کارکردگی ڈوج کے رکن ایلون مسک اورامریکی وزیرخارجہ مارکو روبیو کے درمیان اختلافات میں شدت آگئی۔

تفصیلات کے مطابق الیکٹرک گاڑیاں بنانے والی کمپنی ٹیسلا کے سی ای او ، امریکا کے محکمہ برائے حکومتی کارکردگی ڈوج کے رکن ایلون مسک اور امریکی وزیرخارجہ مارکو روبیو کے درمیان اختلافات شدت اختیار کرگئے۔

کابینہ اجلاس میں صدر ٹرمپ کی موجودگی میں ایلون مسک نے مارکو روبیو پر کڑی تنقید کرتے ہوئے کہا کہ آپ اسٹاف کم کرنے میں ناکام رہے ہیں، آپ نے میرے شعبہ ڈوج کے ایک اہلکار کے سوا کسی کو نہیں نکالا۔

جس پر امریکی وزیرخارجہ روبیو نے جواب دیا کہ مسک سچ نہیں بول رہے، محکمہ خارجہ کے پندرہ سو ملازمین نے قبل ازوقت ریٹائرمنٹ لی ہے، پھر روبیو نے طنز کیا کہ کیا انہیں واپس بلا کرنوکری سےنکال کردکھاؤں۔

تاہم صدر ٹرمپ کی بروقت مداخلت کام کرگئی اور کہا کہ اسٹاف رکھنے سے متعلق حتمی اختیار مسک نہیں وزرا کا ہے، مسک کا ڈوج ادارہ صرف ایڈوائزری کردارادا کرے گا۔