Tag: ایلون مسک

ایلون مسک دنیا کے پہلے 400 بلین ڈالر مین بن گئے ہیں، تاریخ میں پہلی بار یہ ہندسہ کسی امیر شخص نے عبور کیا ہے۔

تفصیلات کے مطابق ایلون مسک نے دراصل SpaceX کے شیئر فروخت کیے ہیں، جس کے بعد ان کی دولت چار سو ارب ڈالر کا ہندسہ کراس کر گئی ہے، اور یوں وہ دنیا کے پہلے ’$400 بلین مین‘ بن گئے ہیں۔

بلومبرگ بلینیئرز انڈیکس کے تازہ اعداد و شمار کے مطابق ایلون مسک کی جائیداد 447 بلین ڈالر ہو گئی ہے، اس انڈیکس میں بتایا گیا ہے کہ امیزون کے جیف بیزوس دنیا کے دوسرے سب سے امیر شخص ہیں اور ان سے ایلون مسک کا نیٹ ورتھ 200 بلین ڈالر زیادہ ہے۔

ایلون مسک کو یہ کامیابی خلائی تحقیق کے اہم منصوبے ’اسپیس ایکس‘ کے ایک نجی اندرونی شیئر کی فروخت کی وجہ سے ملی ہے، جس کے بعد ان کی 384 بلین ڈالر کی دولت میں حیران کن طور پر 50 بلین ڈالر کا اضافہ ہوا۔ اس کے علاوہ حالیہ امریکی صدارتی انتخابات کے بعد سے ٹیسلا کے اسٹاک میں تقریباً 70 اضافہ ہوا ہے۔

ٹیسلا کے روبوٹس کی مال میں خریداری کی ویڈیو نے تہلکہ مچا دیا

بتایا جا رہا ہے کہ ڈونلڈ ٹرمپ کی ٹیم میں شامل ہونے سے ایلون مسک کو زبردست فائدہ ہوا ہے اور وہ دن دونی رات چوگنی ترقی کر رہے ہیں۔ انڈیکس کے مطابق مسک کی نیٹ ورتھ میں ایک ہی دن میں 62.8 بلین ڈالر کا اضافہ دیکھنے کو ملا ہے، جب کہ سال 2024 میں مسک کی جائیداد میں 218 بلین ڈالر کا اضافہ ہوا ہے۔

ایلون مسک نے ڈونلڈ ٹرمپ کی انتخابی مہم کے لیے لاکھوں ڈالر اُڑانے کا اعلان کر دیا ہے، دنیا کے امیر ترین شخص نے روزانہ ایک فرد کو ایک ملین ڈالرز دینے کا اعلان کیا ہے۔

’’امریکی صدارتی انتخابات میں ٹرمپ کو ووٹ دینے کا وعدہ کرو اور لاکھوں ڈالر کماؤ‘‘ اس اعلان کے ساتھ امریکی ارب پتی نے خزانوں کے منہ کھول دیے ہیں۔

ٹیسلا اور اسپیس ایکس کے مالک ایلون مسک نے امریکی صدارتی امیدوار اور سابق صدر ڈونلڈ ٹرمپ کے لیے ڈالرز کے انبار لگا دیے، انھوں نے پنسلوینیا میں پٹیشن پر دستخط کرنے والوں کو 5 نومبر تک روزانہ دس لاکھ ڈالر دینے کا اعلان کیا ہے۔

مسک نے وعدہ بنھاتے ہوئے ریاست پنسلوینیا کے ایک رجسٹرڈ ووٹر کو دس لاکھ ڈالرز کا چیک بھی دے دیا، لاٹری سے انعام جیتنے والا پہلا ووٹر اپنا نام سن کر حیران رہ گیا، اس ووٹر کا انتخاب ایلون مسک کے تشکیل کردہ امریکا پیک گروپ نے قرعہ اندازی کے ذریعے کیا۔

ایلون مسک کی جانب سے پیش کردہ پٹیشن پر دستخط کرنے کے بعد اب تک 2 افراد یہ انعامی رقم جیت چکے ہیں۔ مسک کے اس اقدام نے نہ صرف پنسلوینیا کے گورنر جوش شاپیرو بلکہ قانون دانوں کو پریشانی میں مبتلا کر دیا ہے، اور انھوں نے مطالبہ کیا ہے کہ قانون نافذ کرنے والے ادارے اس کا نوٹس لیں۔

واضح رہے کہ ایلون مسک نے 1 ملین ڈالر دینے کا اعلان ہفتے کے روز ہیرسبرگ میں ٹرمپ کی حمایت میں منعقدہ تقریب میں کیا تھا، انھوں نے کہا تھا ’’میرے پاس آپ کے لیے ایک سرپرائز ہے، ہم ان لوگوں کو 1 ملین ڈالر دینے جا رہے ہیں جنھوں نے پٹیشن پر دستخط کیے ہیں – ہر روز، اب سے الیکشن تک۔‘‘

خیال رہے کہ پنسلوینیا صدارتی الیکشن میں ایک اہم سوئنگ اسٹیٹ ہے، جس میں ٹرمپ اور کاملا ہیرس کے درمیان کانٹے کا مقابلہ جاری ہے۔