ARYNews.tv | Urdu – Har Lamha Bakhabar

Tag: ایل او سی فائرنگ

  • ایل او سی پر بھارتی فوج کی بلااشتعال فائرنگ ، 2 شہری شہید، ایک زخمی

    ایل او سی پر بھارتی فوج کی بلااشتعال فائرنگ ، 2 شہری شہید، ایک زخمی

    بھارتی فوج نے لائن آف کنٹرول (ایل او سی) کے ستوال سیکٹر میں بلا اشتعال فائرنگ کی ہے، ریوڑ چراتے ہوئے نہتے چرواہوں پر اندھا دھند فائرنگ سے 2 شہری شہید اور ایک زخمی ہو گیا۔

    آئی ایس پی آر کے مطابق بھارتی فوج نے آج دن 11 بج کر 55 منٹ پر لائن آف کنٹرول (ایل او سی) کے ستوال سیکٹر میں بلا اشتعال فائرنگ کی، بھارتی فوج کے غیر انسانی رویے کے مظاہرے میں معصوم بے گناہ نہتے کشمیری فائرنگ کی زد میں آئے۔

    شہدا میں 22 سالہ عبید قیوم ولد محمد قیوم اور 55 سالہ محمد قاسم ولد محمد دین شامل ہیں، دونوں شہدا گاؤں بارہ دری تیتری نوٹ کے رہائشی ہیں، بھارت کی علاقے میں اجارہ داری کی سوچ کے تحت بھارتی افواج اپنے جھوٹے بیانیے اور من گھڑت الزامات لگا کر معصوم جانیں لینے کے منصوبے پر عمل پیرا ہے۔

    پاکستان کی جانب سے بھارت کی اشتعال انگیزی پر شدید احتجاج کیا گیا، اور واضح کیا گیا کہ پاکستان ایل او سی کے ساتھ بسنے والے کشمیریوں کی جانوں کے تحفظ کے لیے مؤثر جواب دینے کا حق محفوظ رکھتا ہے۔

    بھارت پر زور دیا گیا ہے کہ ہندوستان کشمیریوں کے بنیادی انسانی حقوق کے احترام کو یقینی بنائے، بالخصوص کشمیریوں کے اپنی ملکیتی زمین پر رہنے کے حق کا احترام کرے۔

    پاکستان اور بھارت کے مابین 2003 کا سیز فائر سمجھوتہ موجود ہے، جس کی بھارت کی جانب سے خلاف ورزی کی گئی، دونوں ملکوں نے فروری 2021 کو اس بات پر اتفاق کیا تھا کہ ایل او سی سمجھوتے کی پاس داری کی جائے گی، مودی کے امریکا کے دورے اور 2024 میں بھارتی انتخابات سے پہلے ایک مرتبہ پھر بھارتی اشتعال انگیزی سامنے آئی ہے۔

  • ایل او سی پر بلااشتعال فائرنگ، بھارتی ناظم الامور کی دفتر خارجہ طلبی

    ایل او سی پر بلااشتعال فائرنگ، بھارتی ناظم الامور کی دفتر خارجہ طلبی

    اسلام آباد: پاکستان نے بھارتی فوج کی جانب سے ایل او سی پر شہری آبادی کو نشانہ بنانے پر بھارتی ناظم الامور کو دفتر خارجہ طلب کرلیا۔

    تفصیلات کے مطابق پاکستان نے لائن آف کنٹرول پر بھارتی فوج کی بلا اشتعال فائرنگ اور سیز فائر کی خلاف ورزی پر بھارتی ناظم الامور کو دفتر خارجہ طلب کرکے شدید احتجاج کیا۔

    ترجمان دفتر خارجہ کے مطابق ڈی جی سارک زاہد حفیظ چوہدری نے بھارتی ناظم الامور گورواہلووالیا کو طلب کیا، بھارتی فورسز نے جندروٹ اور کھوئی رٹہ سیکٹر میں شہری آبادی کو نشانہ بنایا تھا.

    ترجمان دفتر خارجہ کا کہنا ہے کہ بھارتی فوج کی فائرنگ سے خاتون شہید اور ایک بچی زخمی ہوئی تھی، رواں سال بھارت 882 بار فائر بندی معاہدے کی خلاف ورزی کرچکا ہے۔

    مزید پڑھیں: ایل او سی پر بھارتی فوج کی فائرنگ سے خاتون شہید، 8 سالہ بچی زخمی

    واضح رہے کہ ڈی جی آئی ایس پی آر میجر جنرل بابر افتخار نے بھارتی فوج کی ایل او سی پر جنگ بندی معاہدے کی خلاف ورزی پر گفتگو کرتے ہوئے کہا تھا کہ بھارتی فوج کی جندروٹ، کھوئی رٹہ سیکٹر کی شہری آبادی پر فائرنگ کی ہے جس کے نتیجے میں 36 سالہ یاسمین بی بی شہید اور 8 سالہ عطیہ ظہیر زخمی ہوگئی۔

    میجر جنرل بابر افتخار نے پریس کانفرنس کرتے ہوئے بتایا تھا کہ بھارتی فوج کی فائرنگ سے زخمی ہونے والی بچی کو فوری طور پر طبی مرکز منتقل کردیا گیا ہے۔

    ڈی جی آئی ایس پی آر کا کہنا تھا کہ مودی کو اقتدار ملنے سے ہندو توا، سیفران دہشتگردی بھارت میں انتہا پر پہنچ گئی ہے، مودی نے آر ایس ایس کے انتہا پسند نظریے، تشدد کی پالیسی کو سرحد پار تک پھیلا دیا۔

  • بھارت کرونا وائرس کے باوجود اقلیتوں کو نشانہ بنا رہا ہے: وزیر خارجہ

    بھارت کرونا وائرس کے باوجود اقلیتوں کو نشانہ بنا رہا ہے: وزیر خارجہ

    اسلام آباد: وزیر خارجہ شاہ محمود قریشی کا کہنا ہے کہ بھارت کرونا وائرس اور معاشی چیلنجز کے باوجود اقلیتوں کو نشانہ بنانے پر تلا ہوا ہے، بھارت مقبوضہ کشمیر کو اقلیتی ریاست میں تبدیل کرنا چاہتا ہے۔

    تفصیلات کے مطابق وزیر خارجہ شاہ محمود قریشی کا کہنا ہے کہ دنیا کی توجہ اپنی آبادیوں کے تحفظ پر ہے اور دنیا کرونا کا مقابلہ کر رہی ہیں، پوری دنیا اپنی معیشت کو سہارا دینے کی کوشش کر رہی ہے۔

    وزیر خارجہ کا کہنا تھا کہ بھارتی رویہ آپ دیکھیں، 5 سال کا ریکارڈ اٹھا کر دیکھ لیں، سنہ 2016 کا موازنہ 2017 سے اور 2019 سے کریں سرحدی خلاف ورزیوں میں اضافہ دکھائی دے گا۔

    انہوں نے کہا کہ بھارت کی جانب سے شہری آبادیوں کو نشانہ بنایا جا رہا ہے، بھارت کا سارک سربراہی اجلاس سے متعلق رویہ منفی رہا ہے، بھارت نے ہومی سائیڈ رولز میں تبدیلی کی ہے۔ بھارت مقبوضہ کشمیر کو ایک اقلیتی اسٹیٹ میں تبدیل کرنا چاہتا ہے، لاکھوں لوگوں کی دہلی سے نقل مکانی دیکھی گئی تھی۔

    وزیر خارجہ کا کہنا تھا کہ بھارت میں لاک ڈاؤن پر توجہ نہیں، دنیا کو اس کا نوٹس لینا چاہیئے، بھارت ایل او سی پر مسلسل خلاف ورزیاں کرتا چلا آرہا ہے۔ بھارت اس ذہنیت کی عکاسی کرتا ہے جو موقع کی تلاش میں رہتے ہیں، بھارت میں اقلیت مخالف کارروائیاں مودی کی ذہنیت کی عکاسی کرتی ہیں۔

    انہوں نے کہا کہ مودی سرکار ہندو توا کے فلسفے پر گامزن ہے، اقوام متحدہ کو بھارتی اقلیت مخالف اقدامات سے آگاہ کیا ہے۔ جھوٹے دعوؤں پر بھارت کی دنیا بھر میں جگ ہنسائی ہو رہی ہے۔ بھارت کرونا اور معاشی چیلنجز کے باوجود اقلیتوں کو نشانہ بنانے پر تلا ہوا ہے۔

  • بھارتی فوج کی ایل او سی پر بلااشتعال فائرنگ، بزرگ خاتون اور نوجوان شہید

    بھارتی فوج کی ایل او سی پر بلااشتعال فائرنگ، بزرگ خاتون اور نوجوان شہید

    راولپنڈی: بھارتی فوج نے ایک بار پھر لائن آف کنٹرول کے مختلف سیکٹر پر بلااشتعال فائرنگ کی ہے جس کے نتیجے میں بزرگ خاتون اور ایک نوجوان شہید ہوگئے۔

    پاک فوج کے شعبہ تعلقات عامہ (آئی ایس پی آر) کے مطابق بھارتی فوج نے ایل او سی کے نکیال اور رکھ چکری سیکٹرز پر بلااشتعال فائرنگ کی جس کے نتیجے میں 60 سال کی سلامت بی بی اور 13 سالہ ذیشان ایوب شہید ہوگئے۔

    آئی ایس پی آر کے مطابق بھارتی فوج نے ایل او سی پر شہری آبادی کو نشانہ بنایا، بھارتی اشتعال انگیزی سے 2 خواتین سمیت 3 شہری زخمی بھی ہوئے، زخمیوں کو علاج کے لیے قریبی اسپتال منتقل کردیا گیا۔

    آئی ایس پی آر کا کہنا ہے کہ پاک فوج نے بھارتی اشتعال انگیزی کا بھرپور اور موثر جواب دیا اور بھارتی فوج کی چوکیوں کو نشانہ بنایا۔

    مزید پڑھیں: بھارتی فوج کی ایل او سی پر بلااشتعال فائرنگ، خاتون شہید، 4 خواتین سمیت 6 افراد زخمی

    واضح رہے کہ 14 ستمبر کو بھارتی فوج نے نکیال اور جندروٹ سیکٹرز پر شہری آبادی کو نشانہ بنایا تھا جس کے نتیجے میں ایک خاتون شہید اور 4 خواتین سمیت 6 افراد زخمی ہوگئے تھے۔

    یاد رہے کہ 12 ستمبر کو بھی بھارتی فوج نے ایل او سی کے حاجی پیر سیکٹر پر فائرنگ کی تھی جس کے نتیجے میں سپاہی غلام رسول شہید ہوگئے تھے۔

    خیال رہے کہ گزشتہ ماہ 27 اگست کو بھی بھارتی فوج کی جانب سے ایل او سی کے نکرون سیکٹر پر بلااشتعال فائرنگ کی گئی تھی جس کے نتیجے میں بچی سمیت دو شہری شہید ہوگئے تھے، فائرنگ سے تین شہری زخمی اور تین گھر بھی تباہ ہوئے تھے۔

  • بھارتی فوج کی ایل او سی پر بلااشتعال فائرنگ، خاتون شہید، 4 خواتین سمیت 6 افراد زخمی

    بھارتی فوج کی ایل او سی پر بلااشتعال فائرنگ، خاتون شہید، 4 خواتین سمیت 6 افراد زخمی

    راولپنڈی: بھارتی فوج نے ایک بار پھر لائن آف کنٹرول کے مختلف سیکٹر پر بلااشتعال فائرنگ کی ہے جس کے نتیجے میں ایک خاتون شہید اور 4 خواتین سمیت 6 افراد زخمی ہوگئے۔

    پاک فوج کے شعبہ تعلقات عامہ (آئی ایس پی آر) کے مطابق بھارتی فوج نے لائن آف کنٹرول کے مختلف سیکٹر پر بلااشتعال فائرنگ کی ہے، بھارتی فوج نے نکیال اور جندروٹ سیکٹرز پر شہری آبادی کو نشانہ بنایا۔

    آئی ایس پی آر کے مطابق بھارتی فائرنگ سے بالاکوٹ گاؤں کی فاطمہ بی بی شہید ہوگئیں۔

    آئی ایس پی آر کا کہنا ہے کہ بھارتی فوج کی شہری آبادی پر بلااشتعال فائرنگ کے نتیجے میں 4 خواتین سمیت 6 افراد زخمی بھی ہوئے ہیں۔

    واضح رہے کہ اس سے قبل آئی ایس پی آر کا کہنا تھا کہ مغربی بارڈر پر 2 مختلف واقعات میں 4 سیکیورٹی اہلکار شہید اور ایک زخمی ہوا تھا۔

    مزید پڑھیں: مغربی سرحد پر فائرنگ کے واقعات، 4 سیکیورٹی اہلکار شہید

    آئی ایس پی آر کا کہنا تھا کہ ایک واقعہ شمالی وزیرستان میں پیش آیا جہاں پیٹرولنگ پارٹی پر فائرنگ ہوئی، فائرنگ سے 23 سالہ سپاہی اختر حسین شہید ہوگیا۔

    سپاہی اختر حسین کا تعلق بلتستان سے تھا۔ واقعے میں جوابی فائرنگ سے 2 حملہ آور ہلاک ہوئے۔

    دوسرا واقعہ دیر میں ہوا جہاں سرحد پر باڑھ لگانے والوں پر افغانستان کی جانب سے فائرنگ کی گئی، افغانستان کی جانب سے فائرنگ سے 3 جوان شہید ہوئے۔

    شہدا میں لانس نائیک سعید امین آفریدی، لانس نائیک محمد شعیب سواتی اور سپاہی کاشف علی شامل ہیں۔ 28 سال کے لانس نائیک سعید امین آفریدی کا تعلق ضلع خیبر سے تھا، 31سال کے لانس نائیک محمد شعیب کا تعلق ضلع مانسہرہ سے تھا جبکہ 22 سال کا سپاہی کاشف علی ضلع نوشہرہ کا رہائشی تھا۔

  • بھارتی فوج کی ایل اوسی پر بلااشتعال فائرنگ، سپاہی غلام رسول شہید

    بھارتی فوج کی ایل اوسی پر بلااشتعال فائرنگ، سپاہی غلام رسول شہید

    راولپنڈی: بھارتی فوج کی لائن آف کنٹرول کے حاجی پیر سیکٹر پر بلااشتعال فائرنگ کی جس کے نتیجے میں سپاہی غلام رسول شہید ہوگئے۔

    پاک فوج کے شعبہ تعلقات عامہ (آئی ایس پی آر) کے مطابق بھارتی فوج نے ایل او سی کے حاجی پیر سیکٹر پر بلااشتعال فائرنگ کی جس کے نتیجے میں سپاہی غلام رسول شہید ہوگئے۔

    آئی ایس پی آر کے مطابق شہید سپاہی غلام رسول کا تعلق بہاولنگر سے ہے۔

    مزید پڑھیں: بھارتی فوج کی ایل او سی پر فائرنگ: بچی سمیت دو شہری شہید، تین زخمی

    واضح رہے کہ گزشتہ ماہ 27 اگست کو بھی بھارتی فوج کی جانب سے ایل او سی کے نکرون سیکٹر پر بلااشتعال فائرنگ کی گئی تھی جس کے نتیجے میں بچی سمیت دو شہری شہید ہوگئے تھے، فائرنگ سے تین شہری زخمی اور تین گھر بھی تباہ ہوئے تھے۔

    یاد رہے کہ اس سے قبل 15 اگست کو بھی بھارتی فوج کی بلا اشتعال فائرنگ سے پاک فوج کے تین جوان شہید ہو گئے تھے، جس کے جواب میں پاک فوج کی بھرپور اور مؤثر کارروائی میں 5 بھارتی فوجی بھی مارے گئے تھے۔

    پاک فوج کے شعبہ تعلقات عامہ کے مطابق مقبوضہ جموں وکشمیر کی موجودہ نازک صورت حال سے توجہ ہٹانے کے لیے بھارتی فوج نے ایل او سی پر فائرنگ کا سلسلہ بڑھا دیا ہے۔

  • بھارتی فوج کی ایل اوسی پر بلااشتعال گولہ باری، 2 شہری شہید

    بھارتی فوج کی ایل اوسی پر بلااشتعال گولہ باری، 2 شہری شہید

    راولپنڈی: بھارتی فوج کی جانب سے ایل او سی کے تتہ پانی سیکٹر پر بلا اشتعال گولہ باری کی گئی ہے جس کے نتیجے میں 2 بزرگ شہری شہید ہوگئے۔

    پاک فوج کے شعبہ تعلقات عامہ (آئی ایس پی آر) کے مطابق بھارتی فوج نے ایل او سی کے تتہ پانی سیکٹر پر بلااشتعال گولہ باری کی ہے جس کے نتیجے میں 75 سال کے لال محمد اور 61 سالہ حسن دین شہید ہوگئے۔

    آئی ایس پی آر کے مطابق بھارتی فوج نے مارٹر اور راکٹ سے شہری آبادی کو نشانہ بنایا، پاک فوج کی بھرپور جوابی کارروائی میں 2 بھارتی فوجیوں کی ہلاکت کی اطلاعات ہیں۔

    آئی ایس پی آر کا کہنا ہے کہ پاک فوج کی جوابی کارروائی سے کئی بھارتی فوجی زخمی ہوئے اور چیک پوسٹوں کو بھی نقصان پہنچا ہے۔

    مزید پڑھیں: ایل او سی پر فائرنگ، پاک فوج کا ایک اور جوان شہید

    واضح رہے کہ دو روز قبل بھی لائن آف کنٹرول پر بھارتی فوج کی بلااشتعال فائرنگ سے پاک فوج کے سپاہی محمد شیراز شہید ہوگئے تھے۔

    یاد رہے کہ 15 اگست کو بھی بھارتی فوج کی بلا اشتعال فائرنگ سے پاک فوج کے 3 جوان شہید ہو گئے تھے، جس کے جواب میں پاک فوج کی بھرپور اور مؤثر کارروائی میں 5 بھارتی فوجی مارے گئے تھے۔

    ڈی جی آئی ایس پی آر کا کہنا تھا کہ شہید ہونے والے جوانوں میں نائک تنویر،لانس نائک تیموراسلم اور سپاہی رمضان شامل ہیں۔

    پاک فوج کے شعبہ تعلقات عامہ کے مطابق مقبوضہ جموں وکشمیر کی موجودہ نازک صورت حال سے توجہ ہٹانے کے لیے بھارتی فوج نے ایل او سی پر فائرنگ کا سلسلہ بڑھا دیا ہے۔

  • لائن آف کنٹرول پر بھارتی دراندازی 4 شہری شہید، پاک فوج کا منہ توڑ جواب

    لائن آف کنٹرول پر بھارتی دراندازی 4 شہری شہید، پاک فوج کا منہ توڑ جواب

    مظفرآباد: بھارتی فوج نے لائن آف کنٹرول کی خلاف ورزی کرتے ہوئے ایک بار پھر بلااشتعال فائرنگ کی جس کے نتیجے میں 1 بچے سمیت چار افراد شہید ہوگئے، اگلے مورچوں پر تعینات پاک فوج کے جوانوں نے بھرپور جواب دیا۔

    اطلاعات کے مطابق بھارتی فوج کی جانب سے آزاد کشمیر کے مختلف سیکٹر میں بلاشتعال فائرنگ و گولہ باری کی گئی جس کے نتیجے میں 3 خواتین اور ایک بچہ سمیت چار افراد شہید جبکہ 11 شہری زخمی ہوئے جنہیں اسپتال منتقل کردیا گیا۔

    ذرائع کے مطابق فوج نے ایل او سی سے متصل عباس پور، چڑھوئی، کھوئی رٹہ، نتھیال، درہ شیر خان، بھمبر، جھمپ سیکٹر پر گولہ باری کرکے شہری آبادی کو نشانہ بنایا۔

    ذرائع کے مطابق بھارتی فوج کی جانب سے بھاری ہتھیاروں کا استعمال کیا گیا، کھوئی رٹہ سیکٹر میں شدید گولہ باری کے نتیجے میں 3 افراد زخمی ہوئے جبکہ سب ڈویژن پرنالہ کے مختلف سیکٹرز میں بھی بلا اشتعال فائرنگ کی گئی۔

    پاک فوج نے بھرپور جوابی کارروائی کی جس کے بعد بھارتی توپیں خاموش ہونے پر مجبور ہوگئیں۔

    مزید پڑھیں: لائن آف کنٹرول کی خلاف ورزی، پاک فضائیہ کا بھرپور جواب، بھارتی طیارے بھاگ گئے

    واضح رہے کہ گزشتہ رات بھارتی ایئرفورس کی لائن آف کنٹرول کی خلاف ورزی کرنے پر پاک فضائیہ نے بھرپور جوابی کارروائی کرتے ہوئے بھارتی طیاروں کو بھاگنے پر مجبور کردیا تھا۔

    ڈی جی آئی ایس پی آر نے کہا کہ بھارتی دراندازی کے واقعے میں کوئی جانی یا مالی نقصان نہیں ہوا تاہم پاک فضائیہ کی بروقت اور موثر کارروائی کے بعد بھارتی طیارے فرار ہوگئے۔

    یاد رہے کہ ڈی جی آئی ایس پی آر میجر جنرل آصف غفور نے پریس کانفرنس کرتے ہوئے کہا تھا کہ بھارت انتظار کرے، اس جارحیت کا ضرور جواب دیا جائے گا، بھارت نے جنگ کے راستے پر چلنے کی کوشش کرکے ثابت کیا کہ وہ جمہوری ملک نہیں ہیں۔

  • بھارتی فوج کی ایل او سی پر بلااشتعال فائرنگ، شہری شہید، 9 افراد زخمی

    بھارتی فوج کی ایل او سی پر بلااشتعال فائرنگ، شہری شہید، 9 افراد زخمی

    راولپنڈی: بھارتی فوج نے لائن آف کنٹرول کی ایک بار پھر خلاف ورزی کرتے ہوئے شاہ کوٹ سیکٹر پر بلااشتعال فائرنگ کی جس کے نتیجے میں شہری شہید اور 9 افراد زخمی ہوگئے۔

    پاک فوج کے شعبہ تعلقات عامہ آئی ایس پی آر کے مطابق بھارتی فوج نے ایل او سی پر رہنے والے شہریوں کو نشانہ بنایا جس کے نتیجے میں آسیہ بی بی نامی شہری شہید اور 9 افراد زخمی ہوگئے۔

    آئی ایس پی آر کے مطابق بھارتی فوج کی اشتعال انگیزی سے زخمیوں میں 3 بچے اور 2 خواتین بھی شامل ہیں، جنہیں اسپتال منتقل کردیا گیا ہے۔

    پاک فوج نے ایل او سی کی خلاف ورزی کے بعد بھرپور کارروائی کی اور بھارتی چوکیوں کو نشانہ بنایا جس کے بعد دشمن کی توپیں خاموش ہوگئیں۔

    وزیراعظم آزاد کشمیر نے بھارتی فوج کی شہری آبادی پر فائرنگ کی شدید مذمت کرتے ہوئے کہا کہ شہری آبادی پر فائرنگ عالمی قوانین کی سنگین خلاف ورزی ہے۔

    راجہ فاروق حیدر نے کہا کہ بھارتی افواج نہتے شہریوں کو نشانہ بنارہی ہے، بھارتی جارحیت کا موثر جواب دینے کی صلاحیت رکھتے ہیں۔

    مزید پڑھیں: بھارتی فوج کی ایل او سی پر بلااشتعال فائرنگ، 2 شہری زخمی

    واضح رہے کہ رواں ماہ 18 دسمبر کو بھی بھارتی فوج نے راولا کوٹ سیکٹر پر بلااشتعال فائرنگ کی تھی جس کے نتیجے میں دو شہری 16 سالہ محمد عدنان اور 47 سالہ محمد رشید زخمی ہوگئے تھے۔

    یاد رہے کہ 6 دسمبر کو پاک فوج کے ترجمان نے تفصیلی بریفنگ دیتے ہوئے بتایا تھا کہ رواں سال بھارت کی جانب سے لائن آف کنٹرول کی خلاف ورزی میں اضافہ ہوا۔

    اُن کا کہنا تھا کہ پچھلے دو سالوں میں کے مقابلے میں بھارت نے امسال زیادہ جارحیت دکھائی اسی وجہ سے 2017 اور 2018 میں سیز فائر کی متعدد بار خلاف ورزی کی گئی۔

    میجر جنرل آصف غفور کا کہنا تھا کہ بھارت کی جانب سےسیزفائرکی خلاف ورزی کاگراف تیزی سےاوپرگیا، رواں سال اب تک 55 شہری شہید اور 300سے زائد زخمی ہوئے۔

  • بھارتی شرانگیزی 1 نوجوان شہید، 4 شہری زخمی، پاک فوج کی جوابی کارروائی، 3 بھارتی فوجی ہلاک

    بھارتی شرانگیزی 1 نوجوان شہید، 4 شہری زخمی، پاک فوج کی جوابی کارروائی، 3 بھارتی فوجی ہلاک

    راولپنڈی: جنگی جنون میں مبتلا بھارتی فوج نے ایک بار پھر لائن آف کنٹرول کی خلاف ورزی کرتے ہوئے شہری آبادی پر اندھا دھند فائرنگ کی جس کے نتیجے میں نوجوان شہید اور 4 شہری زخمی ہوگئے۔

    پاک فوج کے شعبہ تعلقاتِ عامہ سے جاری اعلامیہ میں کہا گیا ہے کہ بھارتی فوج نے سیز فائر کی خلاف ورزی کرتے ہوئے لیپا سیکٹر کی شہری آبادی کو نشانہ بنایا تاہم پاک فوج نے بھرپور جوابی کارروائی کرتے ہوئے دشمن کی 3 چیک پوسٹیں تباہ کیں اور تین بھارتی فوجیوں کو ہلاک کیا۔

    ترجمان پاک فوج کا کہنا ہے کہ پاک فوج شہری آبادی کے تحفظ کو یقینی بنانے کے لیے ہر ممکن اقدامات کرتی رہے گی۔

    یاد رہے کہ بھارت 2003ء سے سیز فائر معاہدے کی مسلسل خلاف ورزی کررہا ہے جس کی وجہ سے شہریوں کی ایک بڑی تعداد شہید اور زخمی ہوچکی ہے، پاکستان اقوامِ متحدہ کی قراردادوں کی روشنی میں خطے میں امن کا حامی ہے لیکن بھارت کی جانب سےایسی کوششوں کا مثبت جواب نہیں دیا جاتا۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔