Tag: ایل او سی

  • بھارتی فوج کی ایل او سی کی شہری آبادی پر فائرنگ، دو افراد زخمی

    بھارتی فوج کی ایل او سی کی شہری آبادی پر فائرنگ، دو افراد زخمی

    راولپنڈی : بھارتی فوج نے ایل او سی کے قریب شہری آبادی پر فائرنگ کردی، دو افراد زخمی ہوگئے، بھارت نے پاک فوج پر ہی شہریوں کو مارنے کا الزام لگا دیا۔

    تفصیلات کے مطابق پاک فوج کے شعبہ تعلقات عامہ آئی ایس پی آر نے لائن آف کنٹرول کی گزشتہ24گھنٹے کی صورتحال کے حوالے سے آگاہ کرتے ہوئے کہا ہے کہ بھارتی فوج  کی جانب سے لائن آف کنٹرول (ایل او سی) کے باغسر سیکٹر کی شہری آبادی پر اندھا دھند فائرنگ کی گئی۔

    بھارتی فوج نے نیزہ پیر، پانڈو، خنجر منور، پٹل اور باغسر سیکٹرز میں بلا اشتعال فائرنگ کی لیکن پاک فوج کی جانب سے بھرپور جوابی کارروائی کی گئی جس سے دشمن کی گنیں خاموش ہو گئیں۔

    بھارتی فوج کی فائرنگ کے نتیجے میں دو شہری زخمی ہوگئے، فائرنگ سے زخمی ہونے والوں میں55سالہ عظمت بی بی اور75سالہ باباجان شامل ہیں۔

    آئی ایس پی آر کے مطابق ایل او سی پر بھارتی فوج کی جانب سے اب باقاعدہ شہری آبادی کو نشانہ بنایا جارہا ہے جبکہ بھارت کی جانب سے پاک فوج پر ایل او سی کے اس پار شہری آبادی کو نشانہ بنانے کا پروپیگنڈہ کیا جارہا ہے ،پاک فوج متعدد بار بتا چکی ہے کہ وہ آبادی کو نشانہ نہیں بنا رہی۔

    آئی ایس پی آر کا مزید کہنا ہے کہ ہم شہری آبادی کو نشانہ بنانے کے بھارتی الزامات مسترد کرتے ہیں، بھارت کو جواب دیتے ہوئے کشمیری بھائیوں کا خیال رکھا جاتا ہے، پاک فضائیہ اور پاک بحریہ سرحدوں کے دفاع کیلئے ہمہ وقت چوکس چوکنا ہیں۔

  • پاک فوج کا ایل او سی پر بھارتی جارحیت کا مؤثر جواب، دشمن کی چوکیاں تباہ

    پاک فوج کا ایل او سی پر بھارتی جارحیت کا مؤثر جواب، دشمن کی چوکیاں تباہ

    راولپنڈی : گزشتہ24گھنٹوں کے دوران بھارتی فوج نے ایل او سی کے مختلف سیکٹرز پر وقفے وقفے سے فائرنگ کا سلسلہ جاری رکھا، پاک فوج کی جوابی کارروائی سے آگ اگلتی دشمن کی توپیں خاموش ہوگئیں۔

    تفصیلات کے مطابق لائن آف کنٹرول پر گزشتہ24گھنٹے کی صورتحال کیا رہی اس حوالے سے آئی ایس پی آر نے رپورٹ جاری کردی ہے رپورٹ کے مطابق بھارت کی ایل او سی پر بلااشتعال فائرنگ کئی گھٹے تک جاری رہی۔

    بھارتی فورسز نے نیزہ پیر، خنجر منور، بٹل، باغ سر، پانڈو سیکٹرز پر فائرنگ کی، آئی ایس پی آر کے مطابق بھارتی فورسز کی جانب سے وقفے وقفے سے فائرنگ کی گئی، پاک فوج نے مؤثر جوابی کارروائی کرکے بھارتی چیک پوسٹوں کو نشانہ بنایا، گزشتہ24گھنٹےمیں پاکستان کا کوئی جانی نقصان نہیں ہوا۔

    ترجمان پاک فوج کا کہنا ہے کہ لائن آف کنٹرول پر مسلح افواج ہر قسم کی بھارتی جارحیت سے نمٹنے کیلئے مکمل طور پر تیار ہیں۔

    علاوہ ازیں گزشتہ روز بھارتی فوج کی فائرنگ اور گولہ باری کے باعث شہید ہونے والے نائیک خرم شہید کی نمازجنازہ ڈی جی خان میں ادا کردی گئی ،آئی ایس پی آر کے مطابق نائیک خرم شہید کو پورے فوجی اعزاز کے ساتھ سپرد خاک کردیا گیا۔

  • کیپٹن سمیت 8 بھارتی فوجیوں کی ہلاکت کی تصدیق کرنے والے ڈاکٹر کا ٹویٹر اکاؤنٹ بند

    کیپٹن سمیت 8 بھارتی فوجیوں کی ہلاکت کی تصدیق کرنے والے ڈاکٹر کا ٹویٹر اکاؤنٹ بند

    نئی دہلی: بھارتی فوج کی لائن آف کنٹرول پر فائرنگ کے جواب میں پاکستان فوجیوں کی فائرنگ سے 8 بھارتی فوجیوں کی ہلاکت کی تصدیق کرنے والے ڈاکٹر کا ٹویٹر اکاؤنٹ بند ہو گیا۔

    تفصیلات کے مطابق مقبوضہ کشمیر کے ضلع راجوڑی کے اسپتال کے بھارتی ڈاکٹر راجیو تریپاٹی کا ٹویٹ سامنے آیا تھا کہ 8 بھارتی فوجیوں کی لاشیں اسپتال پہنچائی گئی ہیں۔

    ڈاکٹر نے بتایا کہ ہلاک شدہ فوجیوں میں ایک لاش کیپٹن کی بھی ہے، جب کہ زخمیوں کی تعداد 32 ہے، جن کا تعلق ملٹری اور پیرا ملٹری سے ہے۔

    ڈاکٹر تریپاٹی نے ٹویٹ کرتے ہوئے لکھا کہ بھارتی فوج کے کیپٹن سمیت 8 فوجیوں کی لاشیں اسپتال لائی گئی ہیں۔

    بعد ازاں راجوڑی میں بھارتی فوجیوں کی اسپتال منتقلی سے متعلق ٹویٹ کرنے والے اس ڈاکٹر کا اکاؤنٹ بند ہو گیا ہے، ڈاکٹر راجیو تریپاٹی نے لکھا کہ بھارتی فوج کے سینئر افسران نے قتل کی دھمکیاں دی ہیں۔

    یہ بھی پڑھیں:  عرصہ درازسےجنوبی کشمیر ہمارےکنٹرول میں نہیں، سابق بھارتی را چیف کے تہلکہ خیز انشافات

    بھارتی ڈاکٹر راجیو ٹریپاٹی کا کہنا تھا کہ وہ بھارتی فوجی افسران کی دھمکیوں کے بعد اپنا ٹویٹر اکاؤنٹ بند کر رہے ہیں۔

    خیال رہے کہ بھارتی فوج کی ایل او سی پر بلا اشتعال فائرنگ کا پاکستانی جاں بازوں نے مؤثر جواب دیا تھا جس کے نتیجے میں ایک بھارتی کیپٹن سمیت 8 فوجی ہلاک ہو گئے تھے، ہلاکتوں کی تصدیق بھارتی ڈاکٹر کے ٹویٹ سے بھی ہو گئی تھی۔

  • بھارت اب بازنہ آیا تو اس کے ہزارٹکڑے کریں گے‘ علی محمد خان

    بھارت اب بازنہ آیا تو اس کے ہزارٹکڑے کریں گے‘ علی محمد خان

    اسلام آباد : وزیرِ مملکت برائے پارلیمانی امور علی محمد خان نے کہا ہے کہ انشااللہ نئی دہلی کے لال قلعہ پرپاکستانی پرچم لہرائیں گے۔

    تفصیلات کے مطابق قومی اسمبلی میں وزیرمملکت برائے پارلیمانی امورعلی محمد خان نے کہا کہ پاکستان نے بھارت کوبھرپورجواب دے دیا۔

    علی محمد خان نے کہا کہ کیا بھارت کواب مزید اورجواب چاہیے، امن کی خواہش کو کمزوری نہ سمجھا جائے، پاکستان ایک ایٹمی ملک ہے۔

    [bs-quote quote=”وزیرمملکت برائے پارلیمانی امور علی محمد خان نے کہا کہ بھارت اب بازنہ آیا تو اس کے ہزار ٹکڑے کریں گے۔” style=”style-8″ align=”left”][/bs-quote]

    وزیرِ مملکت علی محمد خان نے کہا کہ پاکستان کلمہ طیبہ کی بنیاد پربننے والا ملک ہے تاقیامت رہے گا۔ انہوں نے مزید کہا کہ انشااللہ نئی دہلی کے لال قلعہ پرپاکستانی پرچم لہرائیں گے۔

    لائن آف کنٹرول کی خلاف ورزی، پاک فضائیہ کا بھرپور جواب، بھارتی طیارے بھاگ گئے

    واضح رہے کہ بھارتی ایئرفورس کی لائن آف کنٹرول کی خلاف ورزی کرنے پر پاک فضائیہ نے بھرپور جوابی کارروائی کرتے ہوئے بھارتی طیاروں کو بھاگنے پر مجبور کردیا۔

    میجرجنرل آصف غفور کے مطابق بھارتی طیاروں نے مظفرآباد سیکٹر سے دراندازی کی کوشش کی اور بھارتی طیارے اپنا پےلوڈ بالاکوٹ کے قریب گرا کرفرار ہوگئے۔

    ڈی جی آئی ایس پی آر کے مطابق بھارتی طیارے مظفر آباد سیکٹر میں 3 سے 4 میل اندر آئے، بھارتی طیاروں نے جلد بازی میں اپنا پےلوڈ کھلےعلاقے میں گرایا۔

  • دنیا میں کسی کو یہ سوچنا بھی نہیں چاہیئے کہ ہمیں نقصان پہنچا سکتا ہے: صدر مملکت

    دنیا میں کسی کو یہ سوچنا بھی نہیں چاہیئے کہ ہمیں نقصان پہنچا سکتا ہے: صدر مملکت

    اسلام آباد: صدر مملکت ڈاکٹر عارف علوی کا کہنا ہے کہ دنیا میں کسی کو یہ سوچنا بھی نہیں چاہیئے کہ ہمیں نقصان پہنچا سکتا ہے، ہماری افواج دہشت گردی سے نمٹنے میں وسیع تجربہ رکھتی ہیں، دہشت گردی کے خلاف کیسے لڑنا ہے ہم دنیا کو سکھا سکتے ہیں۔

    تفصیلات کے مطابق بھارتی ایئر فورس کی جانب سے لائن آف کنٹرول کی خلاف ورزی پر صدر مملکت ڈاکٹر عارف علوی کا کہنا ہے کہ پاکستان کی مسلح افواج چیلنجز سے نمٹنے کے لیے پرعزم ہیں، مسلح افواج نے دہشت گردی کے خاتمے کے لیے بے پناہ قربانیاں دیں۔

    انہوں نے کہا کہ ہماری افواج نے ملک سے دہشت گردی کا خاتمہ کیا، ہماری افواج دہشت گردی سے نمٹنے میں وسیع تجربہ رکھتی ہیں، دہشت گردی کے خلاف کیسے لڑنا ہے ہم دنیا کو سکھا سکتے ہیں۔

    صدر عارف علوی کا کہنا تھا کہ دنیا میں کسی کو یہ سوچنا بھی نہیں چاہیئے کہ ہمیں نقصان پہنچا سکتا ہے، پاک فوج اس ملک کے دفاع کی بھرپور صلاحیت رکھتی ہے۔ کسی کے خلاف منفی عزائم نہیں رکھتے مگر اپنا دفاع کرنا جانتے ہیں۔

    یاد رہے کہ بھارتی ایئر فورس کی جانب سے لائن آف کنٹرول کی خلاف ورزی کی گئی، پاک فضائیہ کے بروقت ردعمل کے بعد بھارتی طیارے فرار ہوگئے۔

    ڈی جی آئی ایس پی آر میجر جنرل آصف غفور کا کہنا تھا کہ بھارتی طیاروں نے مظفر آباد سیکٹر سے دراندازی کی کوشش کی اور مظفر آباد سیکٹر میں 3 سے 4 میل اندر آئے، بھارتی طیاروں نے جلد بازی میں اپنا پے لوڈ کھلے علاقے میں گرایا، تاہم پے لوڈ گرنے سے کوئی جانی یا مالی نقصان نہیں ہوا۔

    آئی ایس پی آر نے بھارتی طیاروں کی جانب سے جلد بازی میں پھینکے گئے پے لوڈ کی تصاویر بھی جاری کردی ہیں۔

    وزیر خارجہ شاہ محمود قریشی نے پالیسی بیان میں کہا کہ بھارت نے ایل او سی کی خلاف ورزی کی، پاکستان مناسب جواب کا حق محفوظ رکھتا ہے، وزیر اعظم عمران خان نے لائن آف کنٹرول کی حالیہ صورتحال پر اجلاس بلایا ہے۔

  • کشمیریوں نے ٹھان لی ہے وہ بھارتی فوج کوسری نگر سے بھگا کردم لیں گے‘ فاروق حیدر

    کشمیریوں نے ٹھان لی ہے وہ بھارتی فوج کوسری نگر سے بھگا کردم لیں گے‘ فاروق حیدر

    مظفرآباد: وزیراعظم آزاد جموں وکشمیر فاروق حیدر نے کہا کہ بھارت مقبوضہ کشمیرسے توجہ ہٹانے کے لیے جنگی جنون کوہوا دے رہا ہے۔

    تفصیلات کے مطابق وزیراعظم آزاد جموں وکشمیر نے بھارتی طیاروں کی جانب سے ایل او سی کی خلاف ورزی پرشدید مذمت کی ہے۔

    فاروق حیدر نے کہا کہ عالمی برادری بھارت کا جنگی جنون دیکھ لے، آزاد کشمیر کے عوام بھارت کا جنگی جنون کئی باردیکھ چکے ہیں، اقوام متحدہ صورت حال کا نوٹس لے۔

    وزیراعظم آزاد جموں وکشمیر نے کہا کہ جس طرح پاک فضائیہ نے بھارتی طیاروں کو بھگایا وہ قابل داد ہے۔

    فاروق حیدر نے کہا کہ بھارت مقبوضہ کشمیرسے توجہ ہٹانے کے لیے جنگی جنون کوہوا دے رہا ہے۔ انہوں نے کہا کہ کشمیریوں نےٹھان لی ہے وہ بھارتی فوج کوسری نگر سے بھگا کردم لیں گے۔

    لائن آف کنٹرول کی خلاف ورزی، پاک فضائیہ کا بھرپور جواب، بھارتی طیارے بھاگ گئے

    واضح رہے کہ بھارتی ایئرفورس کی لائن آف کنٹرول کی خلاف ورزی کرنے پر پاک فضائیہ نے بھرپور جوابی کارروائی کرتے ہوئے بھارتی طیاروں کو بھاگنے پر مجبور کردیا۔

    میجرجنرل آصف غفور کے مطابق بھارتی طیاروں نے مظفرآباد سیکٹر سے دراندازی کی کوشش کی اور بھارتی طیارے اپنا پےلوڈ بالاکوٹ کے قریب گرا کرفرار ہوگئے۔

  • کور کمانڈر راولپنڈی لیفٹیننٹ جنرل بلال اکبر کا لائن آف کنٹرول کا دورہ

    کور کمانڈر راولپنڈی لیفٹیننٹ جنرل بلال اکبر کا لائن آف کنٹرول کا دورہ

    راولپنڈی: پاک فوج کے شعبۂ تعلقاتِ عامہ (آئی ایس پی آر) نے کہا ہے کہ کور کمانڈر راولپنڈی لیفٹیننٹ جنرل بلال اکبر نے ایل او سی کا دورہ کیا۔

    تفصیلات کے مطابق آئی ایس پی آر کی طرف سے جاری اعلامیے میں کہا گیا ہے کہ کور کمانڈر راولپنڈی لیفٹیننٹ جنرل بلال اکبر نے لائن آف کنٹرول کا دورہ کر کے جوانوں سے ملاقات کی۔

    آئی ایس پی آر کے مطابق کور کمانڈر نے ایل او سی کے شاہ کوٹ اور نکرون سیکٹرز کا دورہ کیا۔

    کور کمانڈر جنرل بلال اکبر نے لائن آف کنٹرول پر تعینات جوانوں کے بلند عزم اور پیشہ ورانہ تیاریوں کو سراہا۔

    یاد رہے کہ ڈیڑھ ماہ قبل بھی جنرل بلال اکبر نے ایل او سی کا دورہ کیا تھا جس میں انھوں نے کیل سیکٹر پر بھارتی سیز فائر کی خلاف ورزیوں پر پاکستانی جوانوں کی طرف سے جوابی کارروائی کو سراہا۔

    یہ بھی پڑھیں:  بھارتی فوج کی ایل او سی پر بلااشتعال فائرنگ، خاتون سمیت 3 شہری زخمی

    بھارتی فوج سیز فائر کی خلاف ورزی کرتے ہوئے مسلسل شہری آبادی کو نشانہ بنا رہی ہے، بھارت 2018 میں 2312 بار سیز فائر کی خلاف ورزی کر چکا ہے۔

    واضح رہے کہ چھ دن قبل بھی بھارتی فوج نے لائن آف کنٹرول کے جندروٹ سیکٹر پر شہری آبادی کو نشانہ بنایا جس کے نتیجے میں خاتون سمیت 3 شہری زخمی ہوئے۔

  • بھارتی فوج کی ایل او سی پر بلااشتعال فائرنگ، خاتون سمیت 3 شہری زخمی

    بھارتی فوج کی ایل او سی پر بلااشتعال فائرنگ، خاتون سمیت 3 شہری زخمی

    راولپنڈی: بھارتی فوج کی ایل او سی کی ایک بار پھر خلاف ورزی کی اور جندروٹ سیکٹر پر شہری آؓبادی پر فائرنگ کی جس کے نتیجے میں 3 شہری زخمی ہوگئے۔

    پاک فوج کے شعبہ تعلقات عامہ آئی ایس پی آر کے مطابق بھارتی فوج نے لائن آف کنٹرول کے جندروٹ سیکٹر پر شہری آبادی کو نشانہ بنایا جس کے نتیجے میں خاتون سمیت 3 شہری زخمی ہوگئے۔

    [bs-quote quote=”پاک فوج کی بھرپور جوابی کارروائی کے بعد بھارتی توپیں خاموش ہوگئیں” style=”style-7″ align=”left”][/bs-quote]

    آئی ایس پی آر کے مطابق پاک فوج کی بھرپور جوابی کارروائی کے بعد بھارتی توپیں خاموش ہوگئیں، پاک فوج نے بھارتی چیک پوسٹوں کو نشانہ بنایا۔

    مزید پڑھیں: ایل او سی: پاک فوج کا بھارتی اشتعال انگیزی کا بھرپور جواب، تین بھارتی فوجی ہلاک

    واضح رہے کہ 18 جنوری کو بھی بھارتی فوج نے لائن آف کںٹرول پر اشتعال انگیزی کا مظاہرہ کیا تھا، پاک فوج نے دشمن کے بزدلانہ اقدام کے جواب میں بھرپور کارروائی کی تھی۔

    بھارتی فوج نے کھوئی رٹہ،کوٹ قدیر اسیکٹرز میں شہری آبادی پر فائرنگ کی تھی جوابی کارروائی میں تین بھارتی فوج مارے گئے تھے جبکہ دو بھارتی فوجی زخمی اور چوکی تباہ ہوگئی تھی۔

    اس سے قبل بھی بھارت نے ورکنگ باؤنڈری لائن پر سیزفائر کی خلاف ورزی کرتے ہوئے کھوئی رٹہ سیکٹر پر شہری آبادی کو نشانہ بنایا تھا، جس میں‌ایک شہری شدید زخمی ہوگیا.

  • ایل او سی: پاک فوج کا بھارتی اشتعال انگیزی کا بھرپور جواب، تین بھارتی فوجی ہلاک

    ایل او سی: پاک فوج کا بھارتی اشتعال انگیزی کا بھرپور جواب، تین بھارتی فوجی ہلاک

    راولپنڈی: بھارتی فوج نے ایک بار پھر لائن آف کنٹرول پر اشتعال انگیزی کا مظاہرہ کیا ہے، پاک فوج نے دشمن کے بزدلانہ اقدام کے جواب میں بھرپور کارروائی کی.

    پاک فوج کے شعبہ برائے تعلقات عامہ (آئی ایس پی آر) کے مطابق بھارتی فوج نے ایک بار  پھر اشتعال انگیزی کا مظاہرہ کرتے  ہوئے کھوئی رٹہ،کوٹ قدیر اسیکٹرز میں شہری آبادی پر فائرنگ کی.

    آئی ایس پی آر  کے مطابق اس موقع پر  پاک فوج نے بھرپور اور مؤثر جوابی کارروائی کی، پاک فوج نے بھارتی چیک پوسٹوں کو نشانہ بنایا.

    مزید پڑھیں: کور کمانڈر راولپنڈی لیفٹیننٹ جنرل بلال اکبر کا ایل او سی کا دورہ

    مزید پڑھیں: ایل او سی پر سیز فائر کی خلاف ورزی: بھارتی فوج کی فائرنگ سے ایک شہری زخمی

    جوابی کارروائی میں تین بھارتی فوجی مارے جانے کی اطلاعات ہیں، جب کہ دو بھارتی فوجی زخمی اور چوکی تباہ ہوگئی.

    یاد رہے کہ گذشتہ روز  بھی بھارت نے ورکنگ باؤنڈری لائن پر سیزفائر کی خلاف ورزی کرتے ہوئے کھوئی رٹہ سیکٹر  پر شہری آبادی کو نشانہ بنایا تھا، جس میں‌ایک شہری شدید زخمی ہوگیا.

  • شاہ کوٹ سیکٹر: بھارتی فوج کی بلا اشتعال فائرنگ سے خاتون شہید

    شاہ کوٹ سیکٹر: بھارتی فوج کی بلا اشتعال فائرنگ سے خاتون شہید

    راولپنڈی: لائن آف کنٹرول پر بھارتی فوج کا غیر پیشہ ورانہ طرزِ عمل جاری ہے، ایک بار پھر بلا اشتعال فائرنگ سے خاتون جام شہادت نوش کر گئیں۔

    پاک فوج کے شعبہ تعلقات عامہ (آئی ایس پی آر) کے مطابق ایل او سی پر بھارتی فوج نے ایک بار پھر بلا اشتعال فائرنگ کی، جس کے نتیجے میں ایک خاتون شہید ہو گئیں۔

    آئی ایس پی آر کے مطابق بھارتی فوج کی فائرنگ سے ایک خاتون زخمی بھی ہو گئی ہیں۔

    ڈائریکٹر جنرل آئی ایس پی آر میجر جنرل آصف غفور نے بھارتی فوج پر تنقید کرتے ہوئے کہا ’بھارتی فوج کا غیر پیشہ ورانہ طرزِ عمل جاری ہے۔‘

    ڈی جی آئی ایس پی آر نے ٹویٹر پر لکھا کہ بھارتی فوج نے ایل اوسی، شاہ کوٹ سیکٹر پر سیز فائر کی خلاف ورزی کرتے ہوئے شہری آبادی پر بلا اشتعال فائرنگ کی۔


    یہ بھی پڑھیں: بھارتی فوج کی ایل او سی پر بلااشتعال فائرنگ، شہری شہید، 9 افراد زخمی


    ڈی جی آئی ایس پی آر نے کہا کہ بھارت مقبوضہ کشمیر میں ریاستی جبر کے ساتھ ساتھ ایل او سی پر سیز فائر کی خلاف ورزیاں کر رہا ہے۔

    ترجمان پاک فوج نے کہا کہ ایسی حرکتیں مقبوضہ کشمیر میں بہادر کشمیریوں کی جدوجہد کو دبا نہیں سکتیں۔