Tag: ایل او سی

  • پاک فوج کی صلاحیت کو مدِ نظر رکھ کر بھارت کو مذاکرات کا راستہ اپنانا چاہیے: آرمی چیف

    پاک فوج کی صلاحیت کو مدِ نظر رکھ کر بھارت کو مذاکرات کا راستہ اپنانا چاہیے: آرمی چیف

    اسلام آباد: پاک فوج کے شعبۂ تعلقاتِ عامہ کا کہنا ہے کہ آرمی چیف جنرل قمر جاوید باجوہ نے لائن آف کنٹرول کا دورہ کیا، انھوں نے کہا کہ پاک فوج مادرِ وطن کے دفاع کے لیے ہر وقت تیار ہے۔

    آئی ایس پی آر کے مطابق آرمی چیف کو بھارتی سیز فائر کی خلاف ورزیوں اور پاکستان کی طرف سے جوابی کارروائیوں سے آگاہ کیا گیا، آرمی چیف نے کہا کہ بھارتی عسکری قیادت کو پاک فوج کی صلاحیت کا اندازہ ہو جانا چاہیے۔

    [bs-quote quote=”بہتر ہوگا بھارت اپنے وسائل امن و ترقی کے لیے استعمال کرے۔” style=”style-7″ align=”left” color=”#dd3333″ author_name=”آرمی چیف”][/bs-quote]

    انھوں نے کہا ’پاک فوج جنگی صورتِ حال سے نمٹنے کی بہترین صلاحیت کی حامل ہے، پاک فوج کی صلاحیت کو مدِ نظر رکھ کر بھارت کو مذاکرات کا راستہ اپنانا چاہیے۔‘

    آرمی چیف کا کہنا تھا کہ بھارت کی جانب سے سیز فائر کی خلاف ورزیوں میں اضافہ ہوا ہے، بھارتی عسکری قیادت کی جانب سے جارحانہ بیانات بڑھے ہیں، بہتر ہوگا بھارت اپنے وسائل امن و ترقی کے لیے استعمال کرے۔

    آئی ایس پی آر کے مطابق دورے کے موقع پر انھیں جنرل آفیسر کمانڈنگ نے ایل او سی کی صورتِ حال پر بریفنگ دی۔


    یہ بھی پڑھیں:  اب ہائبرڈ تنازعے کا چیلنج درپیش ہے، پروپیگنڈے سے عوام کو تقسیم کیا جارہا ہے: آرمی چیف


    آرمی چیف جنرل قمر جاوید باجوہ نے بھارتی فورسز کی کارروائیوں سے متاثرہ کشمیریوں کے عزم کی بھی تعریف کی کہا کہ ایل او سی پر مقیم کشمیریوں کی جرأت قابلِ دید ہے۔

    آئی ایس پی آر نے بتایا کہ پاک فوج کے سربراہ نے فوجی جوانوں سے ملاقات کی اور ان کے مورال کو بھی سراہا۔

  • بھارت نہتے شہریوں پر فائرنگ کر رہا ہے، شاہ محمود قریشی

    بھارت نہتے شہریوں پر فائرنگ کر رہا ہے، شاہ محمود قریشی

    ملتان: وزیرِ خارجہ شاہ محمود قریشی نے میڈیا سے گفتگو کرتے ہوئے کہا کہ بھارت سیز فائر معاہدے کی خلاف ورزی کرتے ہوئے نہتے شہریوں پر فائرنگ کر رہا ہے۔

    تفصیلات کے مطابق وزیرِ خارجہ نے کہا کہ پاکستان ایل او سی پر بھارتی فائرنگ کی مذمت کرتا ہے، بھارت میں انتخابات کے باعث ایسا ماحول پیدا کیا جا رہا ہے، مقبوضہ کشمیر کی قیادت کو بھی پابندِ سلاسل کیا گیا۔

    [bs-quote quote=”عافیہ صدیقی کی جو سزا رہ گئی وہ پاکستان میں پوری کی جائے تو فیملی کو آسانی رہے گی” style=”style-7″ align=”left” color=”#dd3333″ author_name=”شاہ محمود قریشی” author_job=”وفاقی وزیر خارجہ”][/bs-quote]

    شاہ محمود قریشی نے عافیہ صدیقہ کے حوالے سے گفتگو کرتے ہوئے کہا کہ عافیہ کے لیے سفارتی سطح پر جو کچھ کر سکیں کریں گے، وہ قوم کی بیٹی ہے، عافیہ صدیقی کی جو سزا رہ گئی وہ پاکستان میں پوری کی جائے تو فیملی کو آسانی رہے گی۔

    انھوں نے مزید کہا کہ امریکا کو کہا ہے عافیہ صدیقی کو جائز قانونی حق دیا جائے، امریکی قوانین کو سامنے رکھ کر آگے بڑھنا ہوگا، شکیل آفریدی کے بارے میں پاکستان کا ٹھوس مؤقف ہے، اس کو ٹھوس شواہد پر سزا ملی ہے، ایسے سودے بازیاں نہیں ہوتیں۔

    وزیرِ خارجہ کا کہنا تھا کہ افغانستان میں امن لانے کی کوشش کر رہے ہیں، جو امداد کر سکتے ہیں کر رہے ہیں، مذاکرات کا بھی آغاز ہو گیا، افانستان میں اشرف غنی، عبد اللہ عبد اللہ سے مذاکرات ہوئے، ہر اس کوشش کا ساتھ دیں گے جو افغانستان میں امن میں مدد گار ثابت ہو۔ کوشش کر رہے ہیں خطے کی دیگر قوتوں کا بھی تعاون حاصل کیا جائے، ریجنل اپروچ کے ساتھ بڑھنا چاہتے ہیں، روس خطے کا اہم ملک ہے۔


    یہ بھی پڑھیں:  ایل او سی: بھارتی فائرنگ سے چار شہری شدید زخمی، پاک فوج کا بھرپور جواب


    انھوں نے کہا ’ایران پر پابندیاں لگ رہی ہیں جو تیل پیدا کرنے والا ملک ہے، مسلم ممالک میں کشیدگی کم کرنا چاہتے ہیں، یمن میں امن چاہتے ہیں، مشرقِ وسطیٰ میں امن بہت ضروری ہے۔‘

    [bs-quote quote=”بھارت میں دھان کی فصل جلائے جانے کی وجہ سے لاہور میں اسموگ خطرناک حد تک بڑھی۔” style=”style-7″ align=”right” color=”#dd3333″ author_job=”شاہ محمود”][/bs-quote]

    شاہ محمود قریشی نے کہا ’نیب آزاد ادارہ ہے، اس پر اثر انداز نہیں ہو سکتے، نیب انکوائری کیسز اختتام کے قریب ہیں، جن کے خلاف ہیں ان کو دفاع کا مکمل حق ہے، دفاع کریں، ن لیگ، پیپلز پارٹی ذات و مفاد سے اوپر اٹھ کر سوچیں، جنوبی پنجاب صوبہ بنانے میں ہماری غیر مشروط مدد کریں۔‘

    انھوں نے کہا کہ لاہور میں اسموگ خطرناک حد تک بڑھ چکی ہے، بھارت میں دھان کی فصل کو جلایا جاتا ہے، ماحول پر پہلے بالکل توجہ نہیں دی گئی۔

  • ایل او سی: بھارتی فائرنگ سے پانچ شہری زخمی، پاک فوج کا بھرپور جواب

    ایل او سی: بھارتی فائرنگ سے پانچ شہری زخمی، پاک فوج کا بھرپور جواب

    راولپنڈی: بھارتی فوج نے ایک بار پھر لائن آف کنٹرول پراشتعال انگیزی کا مظاہرہ کیا، جس کا پاک فوج کی جانب سے بھرپور جواب دیا گیا۔

    پاک فوج کے شعبہ برائے تعلقات عامہ (آئی ایس پی آر) کے مطابق ایل او سی پر بھارتی اشتعال انگیزی کا سلسلہ جاری ہے.

    آئی ایس پی آر کے مطابق بھارتی فورسز نے لیپہ سیکٹر اور باگسرسیکٹرپربھاری ہتھیاروں سے شہری آبادی کو نشانہ بنایا، بھارتی فائرنگ سے بجل دار اور باٹلیاں گاؤں کے چار شہری، جب کہ گجراکھ گاؤں کی 20سالہ خاتون  زخمی ہوگئیں.

    پاک فوج کی جانب سے بھارتی اشتعال انگیزی کا بھرپور جواب دیا گیا، پاک فوج نے جوابی کارروائی میں بھارتی چیک پوسٹوں کو مؤثرانداز میں نشانہ بنایا.


    مزید پڑھیں: بھارتی فوج کی ایک مرتبہ پھر بلااشتعال فائرنگ، پاک فوج کا جوان ظہیر احمد شہید


    یاد رہے کہ 8 نومبر 2018 کو بھارتی فوج کی لائن آف کنٹرول پر بلااشتعال فائرنگ کے نتیجے میں پاک فوج کا سپاہی ظہیر احمد شہید ہوگیا تھا۔

    یاد رہے 2 نومبر کو بھی بھارتی فوج کی جانب سے لائن آف کنٹرول پر اشتعال انگیزی کا مظاہرہ کیا گیا، جس سے 2 بچوں کی ماں منزہ بی بی شہید ہوگئی تھی۔

  • ایل او سی پر بھارتی فوج کی فائرنگ، 2 بچوں کی ماں منزہ بی بی شہید

    ایل او سی پر بھارتی فوج کی فائرنگ، 2 بچوں کی ماں منزہ بی بی شہید

    راولپنڈی: پاک فوج کے شعبۂ تعلقات عامہ (آئی ایس پی آر) نے کہا ہے کہ لائن آف کنٹرول پر بھارتی فورسز کی جانب سے ایک بار پھر اشتعال انگیزی کی گئی ہے جس میں ایک خاتون شہید ہوگئیں۔

    تفصیلات کے مطابق آئی ایس پی آر کا کہنا ہے کہ بھارتی فوج کی جانب سے لائن آف کنٹرول پر ایک بار پھر اشتعال انگیزی کی گئی ہے۔

    سوشل میڈیا پر جاری بیان میں آئی ایس پی آر نے کہا ہے کہ بھارتی فورسز نے بِھمبر میں شہری آبادی کو نشانہ بنایا، بھارتی فوج کی فائرنگ سے 2 بچوں کی ماں منزہ بی بی شہید ہوگئیں۔

    پاک فوج کی جانب سے بھرپور جوابی کارروائی کی گئی، پاک فوج نے جوابی کارروائی میں بھارتی چوکیوں کو نشانہ بنایا۔

    خیال رہے کہ گزشتہ روز بھمبر سیکٹر میں بھارتی فورسز کی جانب سے ایل او سی پر بلا اشتعال فائرنگ پر آج پاکستان نے بھارتی ڈپٹی ہائی کمشنر جے پی سنگھ کو دفترِ خارجہ طلب کیا اور واقعے پر شدید احتجاج ریکارڈ کرایا۔


    یہ بھی دیکھیں:  بھارتی ڈپٹی ہائی کمشنر جے پی سنگھ کی دفترِ خارجہ طلبی


    ترجمان دفترِ خارجہ نے بتایا کہ بھارتی فوج مسلسل شہری آبادی کو نشانہ بنا رہی ہے، بھارت رواں سال 2312 بار سیز فائر کی خلاف ورزی کر چکا ہے۔

    یاد رہے کہ 14 اکتوبر کو بھی بھارتی فوج نے کنٹرول لائن پر بلا اشتعال فائرنگ کی تھی جس کے نتیجے میں 8 سالہ بچہ شدید زخمی ہوگیا تھا۔

  • بھارتی ڈپٹی ہائی کمشنر جے پی سنگھ کی دفترِ خارجہ طلبی

    بھارتی ڈپٹی ہائی کمشنر جے پی سنگھ کی دفترِ خارجہ طلبی

    اسلام آباد: پاکستان نے بھارتی ڈپٹی ہائی کمشنر جے پی سنگھ کو دفترِ خارجہ طلب کیا، لائن آف کنٹرول پر بھارتی بلا اشتعال فائرنگ پر شدید احتجاج ریکارڈ کرایا گیا۔

    تفصیلات کے مطابق لائن آف کنٹرول پر بھارتی فورسز کی جانب سے بلا اشتعال فائرنگ پر پاکستان نے بھارتی ڈپٹی ہائی کمشنر جے پی سنگھ کو دفترِ خارجہ طلب کر کے واقعے پر شدید احتجاج کیا۔

    [bs-quote quote=”گزشتہ روز بھمبر سیکٹر میں بھارتی فورسز کی فائرنگ سے ایک خاتون شہید ہوئیں” style=”style-7″ align=”left” color=”#dd3333″][/bs-quote]

    دفترِ خارجہ کے ترجمان نے بتایا کہ 2 نومبر کو بھمبر سیکٹر میں بھارتی فورسز کی بلا اشتعال فائرنگ سے خاتون شہید ہوئی تھیں۔

    ترجمان دفترِ خارجہ کے مطابق بھارتی فوج مسلسل شہری آبادی کو نشانہ بنا رہی ہے، بھارت 2018 میں 2312 بار سیز فائر کی خلاف ورزی کر چکا ہے۔

    یاد رہے کہ 14 اکتوبر کو بھی بھارتی فوج نے کنٹرول لائن پر بلا اشتعال فائرنگ کی تھی جس کے نتیجے میں 8 سالہ بچہ شدید زخمی ہوگیا تھا۔


    یہ بھی پڑھیں:  لائن آف کنٹرول پر بھارتی فوج کی فائرنگ، 8 سالہ بچہ زخمی


    پاک فوج کے شعبۂ تعلقات عامہ (آئی ایس پی آر) سے جاری بیان کے مطابق بھارتی فوج نے ایک بار پھر ایل اوسی کی خلاف ورزی کرتے ہوئے چیری کوٹ سیکٹر پر بلا اشتعال فائرنگ کی۔

    واضح رہے کہ 11 اکتوبر کو بھارتی فوج نے سیالکوٹ سیکٹر پر بلا اشتعال فائرنگ کی تھی، بھارتی فورسز نے سکھیال گاؤں کو نشانہ بنایا، کنٹرول لائن کی خلاف ورزی کی صورت میں محمد حنیف نامی شہری شدید زخمی ہوا تھا۔

  • لائن آف کنٹرول پر بھارتی فورسز کی اشتعال انگیزی، خاتون شہید، پاکستان کا بھارت سے شدید احتجاج

    لائن آف کنٹرول پر بھارتی فورسز کی اشتعال انگیزی، خاتون شہید، پاکستان کا بھارت سے شدید احتجاج

    اسلام آباد: لائن آف کنٹرول پر واقع مندل سیکٹر میں بھارتی فورسز کی جانب سے بلا اشتعال فائرنگ کے نتیجے میں 33 سالہ خاتون شہید ہوگئیں، پاکستان نے واقعے پر بھارت سے شدید احتجاج کیا۔

    تفصیلات کے مطابق بھارتی فوجیوں نے ایک بار پھر ایل او سی کی خلاف ورزی کرتے ہوئے بلا اشتعال فائرنگ کر کے ایک پاکستانی خاتون کو شہید کر دیا، پاکستان نے بھارتی ڈپٹی ہائی کمشنر کو دفتر خارجہ طلب کر کے شدید احتجاج کیا۔

    ڈی جی جنوبی ایشیا ڈاکٹر محمد فیصل نے بھارت کے ڈپٹی ہائی کمشنر جے پی سنگھ سے بھارتی خلاف ورزیوں پر احتجاج کرتے ہوئے کہا کہ بھارتی فورسز کسی اشتعال کے بغیر ایل او سی اور ورکنگ باؤنڈری پر شہری آبادیوں کو نشانہ بنا رہی ہے۔

    ڈاکٹر فیصل نے فائرنگ کے واقعے پر ایک احتجاجی مراسلہ بھی بھارتی ڈپٹی ہائی کمشنر کے حوالے کیا، جس میں کہا گیا ہے کہ بھارتی اشتعال انگیزی سے رواں برس 30 شہری شہید ہوئے ہیں۔

    پاک فوج نے ایل او سی پربھارت کا جاسوس ڈرون مار گرایا


    ترجمان دفتر خارجہ کے مطابق بھارتی فورسز نے 2018 میں 1400 بار لائن آف کنٹرول اور ورکنگ باونڈری کی خلاف ورزی کی، جس کے نتیجے میں 121 پاکستانی شہری زخمی ہوئے۔


    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

  • پاک بھارت کشیدگی خطےکےمفاد میں نہیں‘ امریکہ

    پاک بھارت کشیدگی خطےکےمفاد میں نہیں‘ امریکہ

    واشنگٹن : امریکی محکمہ خارجہ کی ترجمان کا کہنا ہے ایل او سی پر کشیدگی ختم کرنے کے لیے پاکستان اور بھارت کو مل کر کام کرنا ہوگا۔

    تفصیلات کے مطابق امریکی محکمہ خارجہ کی ترجمان ہیدرنوئیرٹ کا کہنا ہے کہ پاک بھارت کشیدگی خطے کے مفاد میں نہیں ہے۔

    ترجمان امریکی محکمہ خارجہ نے کہا کہ پاک بھارت کشیدگی ختم کرنے کے لیے اقدامات کرنے کی ضرورت ہے، پاک بھارت کشیدگی کا بغورجائزہ لے رہے ہیں۔

    ہیدرنوئیرٹ نے کہا کہ لائن آف کنٹرول پرکشیدگی ختم کرنے کے لیے پاکستان اور بھارت کومل کر کام کرنا ہوگا۔

    انہوں نے کہا کہ دہشت گردی کے مسئلےکوپاکستان سے زیادہ کوئی نہیں سمجھتا، یقین ہے پاکستان دہشت گردی کے خلاف مزید اقدامات کرسکتا ہے۔

    ترجمان امریکی محکمہ خارجہ نے ایک سوال کے جواب میں کہا کہ امریکی وزیردفاع جیمز میٹس پاکستانی ہم منصب کومطالبات سے آگاہ کرچکے ہیں۔

    خیال رہے کہ گزشتہ روز سوئٹزرلینڈ کے شہرڈیووس میں وزیر اعظم شاہد خاقان عباسی کا کہنا تھا کہ لائن آف کنٹرول پر سیز فائر کی خلاف ورزیوں کا جواب دینے کی صلاحیت ہے۔


    ایل او سی پربھارتی فوج کی فائرنگ‘ 2 شہری شہید


    یاد رہے کہ 21 جنوری کو بھارتی فوج کی جانب سے نکیال سیکٹرپر بلا اشتعال فائرنگ کی گئی تھی جس سے خاتون سمیت 2 افراد شہید جبکہ 6 ماہ کی بچی اور 2 خواتین شدید زخمی ہوگئیں تھیں۔


    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • ایل او سی پربھارتی فوج کی فائرنگ‘ 2 شہری شہید

    ایل او سی پربھارتی فوج کی فائرنگ‘ 2 شہری شہید

    اسلام آباد : بھارتی فوج نے رواں ہفتے مسلسل چوتھی بارسیزفائر کی خلاف ورزی کرتے ہوئے نکیال سیکٹرپربلا اشتعال فائرنگ کی جس کے نتیجے میں خاتون سمیت 2 افراد شہید ہوگئے۔

    تفصیلات کے مطابق بھارتی فوج کی جانب سے نکیال سیکٹرپر بلا اشتعال فائرنگ کی گئی جس سے خاتون سمیت 2 افراد شہید جبکہ 6 ماہ کی بچی اور 2 خواتین شدید زخمی ہوگئیں۔

    ترجمان دفتر خارجہ کے مطابق بھارتی فائرنگ سے 33 سالہ دل محمد ولد جان محمد اور 25 سالہ نفیسہ کامران شہید ہوگئیں۔

    بھارتی فوج کی فائرنگ سے سے زخمی ہونے والوں میں 26 سالہ صاحبہ ماجد، 6 ماہ کی بچی نور ماجد اور 38 سالہ نسیمہ خادم حسین شامل ہیں۔

    ترجمان دفترخارجہ ڈاکٹرفیصل کا کہنا ہے کہ بھارتی ڈپٹی کمشنرجے پی سنگھ کو طلب کرکے ایل او سی پر بھارتی فوج کی فائرنگ سے خاتون سمیت 2 شہریوں کی شہادت پراحتجاج ریکارڈ کرایا گیا۔

    ڈاکٹرفیصل کا کہنا ہے کہ بھارتی ڈپٹی کمشنرکو احتجاجی مراسلہ دیتے ہوئے کہا گیا کہ شہری آبادی پرفائرنگ انسانی حقوق اور بین الاقوامی قوانین کی خلاف ورزی ہے۔

    انہوں نے مزید کہا کہ بھارت 2003 کے سیز فائرمعاہدے کی پاسداری کرے اور اقوام متحدہ کے فوجی مبصرگروپ کو کام کرنے کی اجازت دے۔


    بھارتی فوج کی رواں ہفتے تیسری بار لائن آف کنٹرول پر بلا اشتعال فائرنگ


    یاد رہے کہ گزشتہ روز بھارتی فوج نےسیز فائر کی خلاف ورزی کرتے ہوئے نکیال سیکٹر میں بلا اشتعال فائرنگ و گولہ باری کی تھی جس کے نتیجے میں خاتون شہید جبکہ 2 لڑکیاں زخمی ہوگئیں تھی۔

  • ورکنگ باؤنڈری پر بھارتی فوج کی فائرنگ، 2 خواتین شہید

    ورکنگ باؤنڈری پر بھارتی فوج کی فائرنگ، 2 خواتین شہید

    سیالکوٹ: بھارت کی جانب سے ورکنگ باؤنڈری پر اشتعال انگیزیوں کا سلسلہ جاری ہے جس کے نتیجے میں 2 خواتین شہید اور 5 شہری زخمی ہوگئے۔

    پاک فوج کے شعبہ تعلقات عامہ آئی ایس پی آر کے مطابق بھارت نے آج ایک پھر ورکنگ باؤنڈری پر بلا اشتعال فائرنگ کی اور کندن پور، سیالکوٹ اور چپراڑ سیکٹرز پر شہری آبادی کو نشانہ بنایا۔

    بھارتی فوج کی فائرنگ سے 2 خواتین شہید جبکہ 5 شہری زخمی ہوگئے۔ زخمی ہونے والوں میں 3 خواتین بھی شامل ہیں۔

    آئی ایس پی آر کے مطابق بھارتی فوج کی جانب سے کارروائی کے بعد پنجاب رینجرز نے بھرپور جوابی کارروائی کی اور بھارتی پوسٹ تباہ کردی۔

    یاد رہے کہ 15 جنوری کو بھی بھارتی فوج نے ورکنگ باؤنڈری کی خلاف ورزی کرتے ہوئے کوٹلی سیکٹر پر مارٹر فائر کیے تھے جس کے نتیجے میں 4 پاکستانی جوان شہید ہوگئے تھے۔

    پاک فوج کی جانب سے بھرپور جوابی کارروائی بھی کی گئی تھی جس میں 3بھارتی فوجی ہلاک اور متعدد زخمی ہوئے تھے۔


    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • بھارت ہماری امن کی خواہش کوکمزوری نہ سمجھے‘ شہبازشریف

    بھارت ہماری امن کی خواہش کوکمزوری نہ سمجھے‘ شہبازشریف

    لاہور: وزیراعلیٰ پنجاب شہبازشریف نے لائن آف کنٹرول پر بھارتی فوج کی بلااشتعال فائرنگ کی شدید مذمت کرتے ہوئے کہا کہ بھارت ہماری امن کی خواہش کو کمزری نہ سمجھے۔

    تفصیلات کے مطابق وزیراعلیٰ پنجاب شہبازشریف نے ایل او سی پر بھارتی فوج کی بلااشتعال فائرنگ سے شہید ہونے والے جوانوں کے لواحقین سے دلی ہمدردی اور اظہار تعزیت کی۔

    وزیراعلیٰ پنجاب نے کہا کہ بھارتی فوج کی جانب سے فائرنگ انتہائی قابل مذمت ہے، بھارتی فوج کی کارروائیاں خطےمیں امن کے لیے خطرہ ہیں۔

    شہبازشریف نے کہا کہ بھارت ہماری امن کی خواہش کوکمزوری نہ سمجھے، پاک فوج جارحیت کا منہ توڑجواب دینےکی صلاحیت رکھتی ہے۔

    وزیراعلیٰ پنجاب نے کہا کہ پاک فوج ہرقسم کی صورت حال سے نمٹنے کے لیے تیار ہے۔


    بھارتی فوج کی لائن آف کنٹرول پر اشتعال انگیزیاں،4پاکستانی جوان شہید،آئی ایس پی آر


    خیال رہے کہ بھارتی فوج کی لائن آف کنٹرول پر بلااشتعال فائرنگ کے نتیجے میں 4 پاکستانی جوان شہید ہوگئے۔

    آئی ایس پی آر کا کہنا ہے کہ پاک فوج کی جانب سے بھرپور جوابی کارروائی کی گئی، جس میں 3 بھارتی فوجی ہلاک اور متعدد زخمی ہونے کی اطلاعات ہیں۔

    یاد رہے کہ گذشتہ ماہ 25 دسمبر کو بھی بھارتی فوج نے راولا کوٹ سیکٹر پر بلا اشتعال فائرنگ کی تھی، جس سے 3 فوجی جوان شہید جبکہ ایک جوان شدید زخمی ہوا تھا۔


    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔