Tag: ایل او سی

راولپنڈی: بھارتی فوج نے لائن آف کنٹرول (ایل او سی) پر بلا اشتعال فائرنگ کی جس کے نتیجے میں ایک شہری زخمی ہوگئے۔

پاک فوج کے شعبہ تعلقات عامہ (آئی ایس پی آر) کے مطابق بھارتی فوج نے ایل او سی کے باگسر سیکٹر پر بلا اشتعال فائرنگ کی جس کے نتیجے میں ایک شہری بابر حسین زخمی ہوگیا، پاک فوج نے بھرپور جوابی کارروائی کرتے ہوئے بھارتی چیک پوسٹوں کو نشانہ بنایا۔

آئی ایس پی آر کے مطابق بھارتی فوج نے جان بوجھ کر شہری آبادی کو نشانہ بنایا، فائرنگ سے زخمی ہونے والے شہری کو طبی امداد کے لیے قریبی میڈیکل سینٹر منتقل کردیا گیا ہے۔

بھارتی فوج کی ایل او سی پر بلااشتعال فائرنگ، 2 خواتین اور 2 بچے زخمی

اس سے قبل گزشتہ ہفتے بھارتی فوج نے لائن آف کنٹرول (ایل او سی) پر بلا اشتعال فائرنگ کی جس کے نتیجے میں 2 خواتین اور 2 بچے شدید زخمی ہوگئے تھے۔

آئی ایس پی آر کے مطابق زخمیوں میں 26 سالہ نسرین، 24 سالہ رابعہ، 7 سالہ بچی مومنہ اور 7 سالہ بچہ منشی شامل تھے۔

یاد رہے کہ رواں ماہ 5 جون کو پاک فوج نے بھارت کا جاسوس ڈرون مار گرایا تھا، بھارتی کواڈ کاپٹر لائن آف کنٹرول کے خنجر سیکٹر پر گرایا گیا تھا، رواں سال گرایا جانے والا یہ 8 واں بھارتی کواڈ کاپٹر تھا۔

اسلام آباد: بھارتی فوج کی جانب سے لائن آف کنٹرول(ایل او سی) پر مسلسل سیزفائر کی خلاف ورزی پر پاکستان نے ایک بار پھر سینئربھارتی سفارت کار کو دفترخارجہ طلب کرکے شدید احتجاج کیا۔

تفصیلات کے مطابق ترجمان دفترخارجہ نے کہا ہے کہ پاکستان نے سینئربھارتی سفارت کار کے سامنے شدید احتجاج ریکارڈ کرایا، 9جون کو بھارتی فوج نے سویلین آبادی کو نشانہ بنایا، بھارتی فائرنگ سے دو بچوں سمیت 4افراد زخمی ہوئے۔

دفترخارجہ کا کہنا ہے کہ اس سال بھارت 1296بارسیز فائر کی خلاف ورزی کرچکا ہے، رواں سال بھارتی فائرنگ سے 7افراد شہید اور 98زخمی ہوئے، سویلین آبادی کو نشانہ بنانا قابل مذمت ہے۔

بھارتی فوج کی ایل او سی پر بلااشتعال فائرنگ، 2 خواتین اور 2 بچے زخمی

خیال رہے کہ بھارتی فوج کی جانب سے ایل او سی پر بلااشتعال فائرنگ معمول بن چکا ہے، متعدد بار بھارتی سفارت کار اور دیگر اعلیٰ حکام دفترخارجہ طلب کیے جاچکے ہیں لیکن اس کے باوجود بھارت نے اپنی روش نہ بدلی۔

رواں سال کے آغاز سے بھارتی فوج کی جانب سے سیزفائر کی خلاف ورزیاں زیادہ ریکارڈ کی گئی ہیں۔ جبکہ پاک فوج بھی بھارتی اشتعال انگیزی کا بھرپور جواب دیتی آئی ہے۔ گزشتہ روز بھی نواجوں نے بھارتی چیک پوسٹوں کو نشانہ بنایا۔

اسلام آباد: لائن آف کنٹرول(ایل او سی) پر بھارتی فوج کی جانب سے سیز فائر کی مسلسل خلاف ورزی پر سینئر بھارتی سفارت کار کو دفترخارجہ طلب کرکے شدید احتجاج کیا گیا۔

تفصیلات کے مطابق ترجمان دفترخارجہ عائشہ فاروق نے کہا ہے کہ بھارتی فوج کی جانب سے ایل او سی پر مسلسل سیزفائر کی خلاف ورزی کرنے پر بھارت کے سامنے پاکستان نے اپنا احتجاج ریکارڈ کرایا۔

پاکستان نے سینئربھارتی سفارت کار کو دفترخارجہ طلب کرکے شدید احتجاج کیا۔

بھارتی فوج کی ایل او سی پر بلا اشتعال فائرنگ، شہری شدید زخمی

ترجمان کا کہنا ہے کہ 20مئی کو چری کوٹ سیکڑ پر بھارتی فوج نے شہری آبادی کو نشانہ بنایا تھا، فائرنگ سے پوٹھی گاؤں کے رہائشی 45سالہ محمد عارف زخمی ہوا جسے اسپتال میں طبی امداد فراہم کی جارہی ہے۔

ترجمان دفتر خارجہ کے مطابق بھارتی فورسزمسلسل شہری آبادی کو نشانہ بنارہی ہے۔

خیال رہے کہ گزشتہ روز سے پہلے 18 مئی کو بھی بھارتی فوج نے ایل او سی پر فائرنگ کی، جبکہ یہ سلسلہ ماہ رمضان کے دوران زیادہ ریکارڈ کیا گیا۔ پاکستان متعدد بار بھارت کے سامنے اپنا احتجاج ریکارڈ کرا چکا ہے۔

اسلام آباد: دفتر خارجہ نے بھارتی سفارتی کار کو طلب کر کے لائن آف کنٹرول (ایل او سی) پر فائرنگ اور سیز فائر کی خلاف ورزی پر شدید احتجاج کیا۔

تفصیلات کے مطابق ترجمان دفتر خارجہ نے بھارتی ہائی کمیشن کے سینئر سفارت کار کو دفترخارجہ طلب کر کے ایل او سی پر فائرنگ اور سیز فائر کی خلاف ورزی پر شدید احتجاج کیا۔

ترجمان کے مطابق بھارتی بلا اشتعال فائرنگ سے 6 افراد زخمی ہوئے،بھارتی فائرنگ سے زخمی ہونے والوں میں خواتین بھی شامل ہیں۔ ترجمان کا کہنا تھا کہ بھارت مسلسل بھاری ہتھیاروں شہری آبادی کو نشانہ بنا رہا ہے،بھارت اس سال957 مرتبہ سیز فائرکی خلاف ورزی کرچکا ہے۔

ترجمان دفتر خارجہ نے کہا کہ بھارتی اقدامات 2003 کے فائر بندی سمجھوتے کی خلاف ورزی ہے، بھارتی رویے سے علاقائی امن کو سنگین خطرات لاحق ہیں۔

خیال رہے کہ گزشتہ روز ایل او سی کے بگسر سیکٹر پر بھارتی فوج کی فائرنگ سے 6 افراد زخمی ہوئے تھے جبکہ اس سے قبل بھی جندورٹ اور کھوئی رٹہ سیکٹر میں بلا اشتعال فائرنگ سے خاتون شہید جبکہ ایک معصوم بچی زخمی ہوگئی تھی۔

یاد رہے کہ گزشتہ ہفتے ایل او سی پر بھارتی فوج کی جانب سے سیز فائر کی خلاف ورزی کرتے ہوئے بلا اشتعال فائرنگ کے نتیجے میں 2 شہری شہید اور 2 زخمی ہوگئے تھے۔

اسلام آباد: پاکستان نے بھارت کے ایل او سی پر لانچنگ پیڈز تباہ کرنے اور انفلٹریشن کی کوششوں کے الزامات مسترد کردئیے۔

تفصیلات کے مطابق ترجمان دفتر خارجہ عائشہ فاروقی کا کہنا ہے کہ بھارت کے انفلٹریشن کی کوششوں کے الزامات بے بنیاد ہیں، بھارت کے ایل او سی پر لانچنگ پیڈز تباہ کرنے کے الزامات مسترد کرتے ہیں۔

ترجمان دفتر خارجہ کا کہنا ہے کہ یقیناً بھارت کی پراپیگنڈا مشین اپنی بساط سے زیادہ کام کررہی ہے، پاکستان بھارتی وزیردفاع کے بیانات کو بھی مسترد کرتا ہے، راج ناتھ سنگھ کی خام خیالی اور پاکستان مخالف بیانات نئے نہیں ہیں۔

انہوں نے کہا کہ الزامات کا مقصد مقبوضہ کشمیر میں ریاستی دہشت گردی سے دنیا کی توجہ ہٹانا ہے، بھارت مقبوضہ کشمیر میں انسانی حقوق کی خلاف ورزیوں سے توجہ ہٹانا چاہتا ہے، بھارت الزامات کو فالس فلیگ آپریشنز کے تناظر میں استعمال کرتا ہے۔

ترجمان دفتر خارجہ نے کہا کہ پاکستان تسلسل سے ممکنہ واقعہ سے عالمی برادری کو آگاہ کررہا ہے، پاکستان بھارت پر زور دے رہا ہے کہ کسی کمزور اقدام سے باز رہے، بھارت کی جنگجو سوچ خطے کے امن کو متاثر کرسکتی ہے۔

عائشہ فاروقی نے کہا کہ رواں سال بھارت نے 882 بار ایل اوسی پر جنگ بندی کی خلاف ورزی کی، بھارت جان بوجھ کر ایل اوسی کے قریب شہری آبادی کو نشانہ بنارہا ہے، قابض افواج مقبوضہ کشمیر میں نوجوانوں کو نشانہ بنارہی ہے، اپریل میں 29 کشمیریوں کو شہید کیا گیا۔

انہوں نے کہا کہ بالاکوٹ مس ایڈونچر پاکستان کا جواب ہمارے عزم، تیاریوں کو ظاہر کرتا ہے، پاکستان کسی بھی جارحیت کا منہ توڑ جواب دے گا۔ پاکستان کشمیریوں کی بھرپور سیاسی، اخلاقی اور سفارتی مدد جاری رکھے گا۔

راولپنڈی: ڈی جی آئی ایس پی آر میجرجنرل بابر افتخار کا کہنا ہے کہ بھارت کا ایل او سی پر اشتعال انگیزیوں اور خلاف ورزیوں کا دعویٰ بےبنیاد ہے، بھارتی الزام تراشی مسائل سے عالمی توجہ ہٹانے کی کوشش ہے۔

تفصیلات کے مطابق سماجی رابطے کی ویب سائٹ ٹویٹر پر اپنے پیغام میں ڈی جی آئی ایس پی آر نے بھارتی الزام تراشیاں مسترد کرتے ہوئے بھارتی15 کور کا بی بی سی کو انٹرویو حقائق کے منافی قرار دے دیا۔

Indian 15 Corps Comd interview with BBC – 13 Apr 2020: Indian insinuations about infiltration and CFVs by Pakistan are not only baseless but are also patently designed to divert global and domestic attention from the unending fiasco post – 5 Aug 2019… (1/3)

— DG ISPR (@OfficialDGISPR) April 14, 2020

میجر جنرل بابر افتخار نے کہا کہ بھارتی الزام تراشی مقامی مسائل سے توجہ ہٹانے کی کوشش ہے، بھارت5 اگست کے غیر آئینی فیصلے اور صورتحال سے توجہ ہٹانا چاہتا ہے، بھارت کا سیزفائر کی خلاف ورزیوں اور دراندازی کا الزام مضحکہ خیز ہے۔

ڈی جی آئی ایس پی آر کے مطابق پاکستان نے اقوام متحدہ کے مبصرگروپ کو کسی جگہ بھی جانےکی آزادی دے رکھی ہے، شفاف امور کار کے لیےعالمی مبصر کہیں جا کر بھی جائزہ لے سکتا ہے۔

No less delusional are the allegations about Pakistan infiltrating Covid-affected individuals into IOJK. Pakistan has always extended unhindered UNMOGIP access to CFV sites. We will continue to do that most transparently… (2/3)

— DG ISPR (@OfficialDGISPR) April 14, 2020

انہوں نے اپنے پیغام میں کہا کہ بھارتی قیادت کرونا وبا سے نمٹنے کی کوشش کرے،بھارتی قیادت پہلے ہی کرونا وبا سے متعلق غلط فیصلے کرچکی ہے۔

میجر جنرل بابر افتخار کا کہنا تھا کہ پاکستان پر افراد مقبوضہ کشمیر میں داخل کرنے کا الزام بےبنیاد ہے، بھارتی حکومت مقبوضہ کشمیر میں بھی حالات بہتر کرنے پر توجہ دے،۔

Indian leadership will be well advised to focus on addressing the internal mess, created not only by Covid-19 mishandling but also by the tragedy unfolding in IOJK for years on end. (3/3)

— DG ISPR (@OfficialDGISPR) April 14, 2020