Tag: ایل او سی

راولپنڈی: پاک فوج کے شعبہ تعلقات عامہ (آئی ایس پی آر) نے کہا ہے کہ بھارتی فوج کی لائن آف کنٹرول پر بلااشتعال فائرنگ کے نتیجے میں ایک جوان شہید ہوگیا۔

اے آر وائی نیوز کے مطابق آئی ایس پی آر کا کہنا ہے کہ بھارتی فوج نے ایل اوسی کے کیانی سیکٹر سمیت وادی لیپہ میں بھی بلااشتعال فائرنگ کی، پاک فوج نے بھرپور جوابی کارروائی میں بھارتی چیک پوسٹوں کو نشانہ بنایا۔

پاک فوج کا کہنا ہے کہ بھارتی فوج کی بلااشتعال فائرنگ سے جوان امتیاز علی شہید ہوگیا۔ شہیدامتیازعلی ضلع نوشہرہ کے گاؤں پبی کے رہائشی تھے۔

خیال رہے کہ 10 فروری کو ایل او سی پر بھارتی فوج کی فائرنگ سے 2 خواتین، 2 بچوں سمیت 10 شہری زخمی ہوئے تھے جبکہ پاک فوج کی جوابی کارروائی میں بھارتی فوجی ہلاک ہوگیا تھا۔

ایل او سی پر فائرنگ سے 2 جوان شہید، پاک فوج کا منہ توڑ جواب، 3 بھارتی فوجی ہلاک

اس سے قبل 8 فروری کو لائن آف کنٹرول پر بھارتی فوج کی بلا اشتعال فائرنگ سے ایک شہری شہید جبکہ خاتون زخمی ہوگئی تھی۔ بھارتی جارحیت کا سلسلہ تاحال جاری ہے جبکہ پاک فوج بھی منہ توڑ جواب دے رہی ہے۔

یاد رہے کہ گزشتہ سال دسمبر میں لائن آف کنٹرول پر بھارتی اشتعال انگیزی کے سبب پاک فوج کے 2 جوان شہید ہوئے تھے جب کہ جوابی کارروائی میں پاک فوج نے 3 بھارتی فوجی مارے تھے۔

راولپنڈی: پاک فوج کے شعبہ تعلقات عامہ نے کہا ہے کہ بھارتی فوج کی لائن آف کنٹرول (ایل او سی) پر اشتعال انگیزیاں جاری ہیں، نیزاپیر اور رکھ چکری سیکٹر پر بلااشتعال فائرنگ سے 13 سالہ بچی زخمی ہوگئی۔

اے آر وائی نیوز کے مطابق آئی ایس پی آر کا کہنا ہے کہ بھارتی فوج نے نیزا پیر اور رکھ چکری سیکٹر پر بلا اشتعال فائرنگ کی، بھارتی فوج کے مارٹر گولے سے 13سال کی بچی زخمی ہوگئی۔

’زخمی بچی کو قریبی طبی مرکز منتقل کردیا گیا، بھارتی فورسز نے شہری آبادی کو جان بوجھ کر نشانہ بنایا‘۔

بھارتی فورسز کی ایل او سی پر اشتعال انگیزی، جوابی کارروائی میں بھارتی فوجی ہلاک

خیال رہے کہ 10 فروری کو ایل او سی پر بھارتی فوج کی فائرنگ سے 2 خواتین، 2 بچوں سمیت 10 شہری زخمی ہوئے تھے جبکہ پاک فوج کی جوابی کارروائی میں بھارتی فوجی ہلاک ہوگیا تھا۔

اس سے قبل 8 فروری کو لائن آف کنٹرول پر بھارتی فوج کی بلا اشتعال فائرنگ سے ایک شہری شہید جبکہ خاتون زخمی ہوگئی تھی۔ بھارتی جارحیت کا سلسلہ تاحال جاری ہے جبکہ پاک فوج بھی منہ توڑ جواب دے رہی ہے۔

راولپنڈی: لائن آف کنٹرول پر بھارتی فوج کی بلا اشتعال فائرنگ سے ایک شہری شہید جبکہ خاتون زخمی ہوگئی۔

پاک فوج کے شعبہ تعلقات عامہ کے مطابق بھارتی فوج کی جانب سے ایل او سی کی خلاف ورزی کرتے ہوئے چری کوٹ سیکٹر پر بلااشتعال فائرنگ کے نتیجے میں شہری میر محمد شہید اور خاتون زخمی ہوگئی۔

آئی ایس پی آر کے مطابق بھارتی فوج نے شہری آبادی پرآرٹلری اور مارٹر گولے داغے،بھارتی فوج کی بلااشتعال فائرنگ سے زخمی ہونے والی خاتون کو قریبی طبی مرکز منتقل کر دیا گیا۔

پاک فوج کی جانب سے بھارتی اشتعال انگیزی کا مؤثرجواب دیا گیا، پاک فوج نے بھارتی چیک پوسٹوں کو کامیابی سے نشانہ بنایا۔

یاد رہے کہ چار روز قبل بھارتی فوج کی جانب سے لائن آف کنٹرول پر شہری آبادی پر بلا اشتعال فائرنگ اور گولہ باری سے 2 خواتین اور بچے سمیت 4 افراد زخمی ہوگئے۔

اس سے قبل رواں ماہ یکم فروری کو بھی بھارتی فورسز نے لائن آف کنٹرول پر سیز فائر کی خلاف ورزی سے ایک شہری زخمی ہوگیا تھا۔

راولپنڈی: پاک فوج کے شعبہ تعلقات عامہ(آئی ایس پی آر) کا کہنا ہے کہ بھارتی فوج نے لائن آف کنٹرول(ایل او سی) پر سیزفائر کی خلاف ورزی کرتے ہوئے شہری آبادی کو نشانہ بنایا جس سے ایک 45 سالہ شخص زخمی ہوا۔

اے آر وائی نیوز کے مطابق آئی ایس پی آر کا کہنا ہے کہ بھارتی فورسز نے ایل اوسی پر سیز فائر کی خلاف ورزی کی، بھارتی فوج نے ستوال سیکٹر پر شہری آبادی کو نشانہ بنایا۔

آئی ایس پی آر کے مطابق بھارتی فورسز کی فائرنگ سے 45سال کا شہری زخمی ہوگیا، زخمی کو طبی امداد کے لیے قریبی اسپتال منتقل کردیا گیا ہے۔ خیال رہے کہ جنگی جنون میں مبتلا بھارت مسلسل ایل او سی پر سیز فائر کی خلاف ورزی کررہا ہے۔

ایل او سی پر فائرنگ سے 2 جوان شہید، پاک فوج کا منہ توڑ جواب، 3 بھارتی فوجی ہلاک

یاد رہے کہ گزشتہ سال 26 دسمبر کو لائن آف کنٹرول پر بھارتی اشتعال انگیزی کے سبب پاک فوج کے 2 جوان شہید جب کہ جوابی کارروائی میں پاک فوج نے 3 بھارتی فوجی مارے تھے۔

بھارتی فوج کی جانب سے ایل او سی پر اشتعال انگیزیاں بڑھتی جارہی ہیں۔

خیال رہے کہ مقبوضہ کشمیر میں جاری بھارتی جارحیت سے توجہ ہٹھانے کے لیے بھی بھارتی فوج ایل او سی پر بلااشتعال فائرنگ کرتے ہیں۔ جبکہ عالمی دباؤ کے باوجود بھارت اپنے ناپاک عزائم سے باز نہ آیا۔